Annamayya Keerthanas Paluku Tenela Talli - Shuddha Telugu

రాగం: సాళఙ్గనాట /కర్నాటక దేవగాన్ధారి
28 హరికామ్భోజి జన్య
ఆ: స గ3 మ1 ప ని2 స
అవ: స ని2 ద2 ప మ1 గ3 రి2 స
తాళం: ఖణ్డ చాపు

పల్లవి
పలుకు దేనెల తల్లి పవళిఞ్చెను ।
కలికి తనముల విభుని గలసినది గాన ॥ (ప)(2.5)

చరణం 1
నిగనిగని మోముపై నెఱులు గెలకుల జెదర
పగలైన దాక జెలి పవళిఞ్చెను । (2)
తెగని పరిణతులతో తెల్లవారినదాక (2)
జగదేక పతి మనసు జట్టి గొనె గాన ॥
పలుకు దేనెల తల్లి పవళిఞ్చెను (ప..)

చరణం 2
కొఙ్గు జారిన మెఱుగు గుబ్బ లొలయగ దరుణి
బఙ్గారు మేడపై బవళిఞ్చెను । (2)
చెఙ్గలువ కనుగొనల సిఙ్గారములు దొలక (2)
అఙ్గజ గురునితోడ నలసినదిగాన ॥
పలుకు దేనెల తల్లి పవళిఞ్చెను (ప..)

చరణం 3
నటనతో ముత్యాల మలగుపై
పరవశమ్బున దరుణి పవళిఞ్చెను । (2)
తిరు వేఙ్కటాచలా ధిపుని కౌగిట గలసి (2)
అరవిరై నును జెమలు నణ్టినదిగాన ॥
పలుకు దేనెల తల్లి పవళిఞ్చెను ।
కలికి తనముల విభుని గలసినది గాన ॥ (ప)(2.5)

Browse Related Categories: