Annamayya Keerthanas Ekkuva Kulajudaina - Shuddha Telugu

రాగం: సామన్తం
ఆ: స రి2 గ3 మ1 ప ద3 ని3 స
అవ: స ని3 ద3 ని3 ద3 ప మ1 గ3 రి2 స
తాళం: ఆది

పల్లవి
ఎక్కువ కులజుడైన హీన కులజుడైన
నిక్కమెరిగిన మహా నిత్యుడే ఘనుడు ॥ (2.5)

చరణం 1
వేదములు చదివియును విముఖుడై హరిభక్తి
యాదరిఞ్చని సోమయాజి కణ్టె । (2)
ఏదియును లేని కుల హీనుడైనను విష్ణు
పాదములు సేవిఞ్చు భక్తుడే ఘనుడు ॥ (1.5)
ఎక్కువ కులజుడైన హీన కులజుడైన (ప.)
నిక్కమెరిగిన మహా నిత్యుడే ఘనుడు ॥ (ప.)

చరణం 2
పరమమగు వేదాన్త పఠన దొరికియు సదా
హరి భక్తి లేని సన్యాసి కణ్టె । (2)
సరవి మాలిన అన్త్య జాతి కులజుడైన
నరసి విష్ణుని వెదకు నాతడే ఘనుడు ॥ (1.5)
ఎక్కువ కులజుడైన హీన కులజుడైన (ప.)
నిక్కమెరిగిన మహా నిత్యుడే ఘనుడు ॥ (ప.)

చరణం 3
వినియు చదివియును, శ్రీ విభుని దాసుడు గాక
తనువు వేపుచు నుణ్డు తపసి కణ్టె । (2)
ఎనలేని తిరు వేఙ్కటేశు ప్రసాదాన్నము
అనుభవిఞ్చిన యాతడప్పుడే ఘనుడు ॥ (1.5)
ఎక్కువ కులజుడైన హీన కులజుడైన (ప.)
నిక్కమెరిగిన మహా నిత్యుడే ఘనుడు ॥ (ప.)(2)

Browse Related Categories: