Annamayya Keerthanas Vedam Bevvani - Shuddha Telugu

రాగమ్: పాడి
ఆ: స రి1 మ1 ప ని3 స
అవ: స ని3 ప ద1 ప మ1 రి1 స
తాళం:

పల్లవి
వేదం బెవ్వని వెదకెడివి ।
ఆదేవుని గొనియాడుడీ ॥

చరణం 1
అలరిన చైతన్యాత్మకు డెవ్వడు ।
కలడెవ్వ డెచట గలడనిన ।
తలతు రెవ్వనిని దనువియోగదశ ।
యిల నాతని భజియిఞ్చుడీ ॥

వేదం బెవ్వని వెదకెడివి ।
ఆదేవుని గొనియాడుడీ ॥

చరణం 2
కడగి సకలరక్షకు డిన్దెవ్వడు ।
వడి నిన్తయు నెవ్వనిమయము ।
పిడికిట తృప్తులు పితరు లెవ్వనిని ।
దడవిన ఘనుడాతని గనుడు ॥

వేదం బెవ్వని వెదకెడివి ।
ఆదేవుని గొనియాడుడీ ॥

చరణం 3
కదసి సకలలోకమ్బుల వారలు ।
యిదివో కొలిచెద రెవ్వనిని ।
త్రిదశ వన్ద్యుడగు తిరువేఙ్కటపతి ।
వెదకి వెదకి సేవిఞ్చుడీ ॥

వేదం బెవ్వని వెదకెడివి ।
ఆదేవుని గొనియాడుడీ ॥

Browse Related Categories: