Annamayya Keerthanas Puttu Bhogulamu Memu - Shuddha Telugu

రాగం: మధ్యామావతి/ పాడి
ఆ: స రి1 మ1 ప ని3 స
అవ: స ని3 ప ద1 ప మ1 రి1 స

పల్లవి
పుట్టుభోగులము మేము భువి హరిదాసులము ।
నట్టనడిమి దొరలు నాకియ్యవలెనా ॥ (2)

చరణం 1
పల్లకీలు నన్దనాలు పడివాగె తేజీలు
వెల్లవిరి మహాలక్ష్మీ విలాసములు । (2)
తల్లియాకె మగనినే దైవమని కొలిచేము (2)
వొల్లగే మాకే సిరులు వొరులియ్యవలెనా ॥
పుట్టుభోగులము మేము భువి హరిదాసులము..(ప..) (2)

చరణం 2
గ్రామములు వస్త్రములు గజముఖ్య వస్తువులు
ఆమని భూకాన్తకు నఙ్గభేదాలు ॥ (2)
భామిని యాకె మగని ప్రాణధారి లెఙ్క- (2)
లము వోలి మాకాతడే యిచ్చీ వొరులియ్యవలెనా ॥
పుట్టుభోగులము మేము భువి హరిదాసులము..(ప..) (2)

చరణం 3
పసగల పదవులు బ్రహ్మ నిర్మితములు
వెస బ్రహ్మతణ్డ్రి శ్రీ వేఙ్కటేశుడు । (2)
యెసగి యాతడే మమ్మునేలి యిన్నియు నిచ్చె (2)
వొసగిన మాసొమ్ములు వొరులియ్యవలెనా ॥
పుట్టుభోగులము మేము భువి హరిదాసులము
నట్టనడిమి దొరలు నాకియ్యవలెనా ॥ (2)

Browse Related Categories: