Annamayya Keerthanas Daachuko Nee Paadaalaku - Shuddha Telugu

రాగం: ఆరభి

దాచుకో నీపాదాలకుదగ నే జేసినపూజ లివి ।
పూచి నీకీరీతిరూపపుష్పము లివి యయ్యా ॥

వొక్క సఙ్కీర్తనె చాలు వొద్దికై మమ్ము రక్షిఞ్చగ ।
తక్కినవి భాణ్డారాన దాచి వుణ్డనీ ।
వెక్కసమగునీ నామము వెల సులభము ఫల మధికము ।
దిక్కై నన్నేలితి విక నవి తీరని నా ధనమయ్యా ॥

నానాలికపైనుణ్డి నానాసఙ్కీర్తనలు ।
పూని నాచే నిన్ను బొగడిఞ్చితివి ।
వేనామాల వెన్నుడా వినుతిఞ్చ నెన్తవాడ ।
కానిమ్మని నా కీపుణ్యము గట్టితి విన్తేయయ్యా ॥

యీమాట గర్వము గాదు నీ మహిమే కొనియాడితిగాని ।
చేముఞ్చి నాస్వాతన్త్ర్యము చెప్పినవాడగాను ।
నేమాన బాడేవాడను నేరము లెఞ్చకుమీ ।
శ్రీమాధవా నే నీదాసుడ శ్రీవేఙ్కటేశుడవయ్యా ॥

Browse Related Categories: