Annamayya Keerthanas Periginaadu Choodaro - Shuddha Telugu

పెరిగినాడు చూడరో పెద్ద హనుమన్తుడు ।
పరగి నానా విద్యల బలవన్తుడు ॥

రక్కసుల పాలికి రణరఙ్గ శూరుడు
వెక్కసపు ఏకాఙ్గ వీరుడు ।
దిక్కులకు సఞ్జీవి తెచ్చిన ధీరుడు
అక్కజమైనట్టి ఆకారుడు ॥

లలిమీరిన యట్టి లావుల భీముడు
బలు కపికుల సార్వభౌముడు ।
నెలకొన్న లఙ్కా నిర్థూమధాముడు
తలపున శ్రీరాము నాత్మారాముడు ॥

దేవకార్యముల దిక్కువరేణ్యుడు
భావిమ్పగల తపః ఫల పుణ్యుడు ।
శ్రీవేఙ్కటేశ్వర సేవాగ్రగణ్యుడు
సావధానుడు సర్వశరణ్యుడు ॥

Browse Related Categories: