Annamayya Keerthanas Adivo Alladivo - Shuddha Telugu

రాగం: మధ్యమావతి (22 ఖరహరప్రియ జన్య)
ఆ: స రి2 మ1 ప ద1 ని2 స
అవ: స ని2 ప మ1 రి2 స
తాళం: ఆది

పల్లవి
అదివో అల్లదివో శ్రీ హరి వాసము
పదివేల శేషుల పడగల మయము ॥ (2.5)

చరణం 1
అదె వేఙ్కటాచల మఖిలోన్నతము
అదివో బ్రహ్మాదుల కపురూపము । (2)
అదివో నిత్యనివాస మఖిల మునులకు
అదె చూడు డదె మొక్కు డానన్దమయము ॥ (1.5)
అదివో అల్లదివో శ్రీ హరి వాసము
పదివేల శేషుల పడగల మయము ॥ (1.5)

చరణం 2
చెఙ్గట నల్లదివో శేషాచలమూ
నిఙ్గి నున్న దేవతల నిజవాసము । (2)
ముఙ్గిట నల్లదివో మూలనున్న ధనము
బఙ్గారు శిఖరాల బహు బ్రహ్మమయము ॥(1.5)
అదివో అల్లదివో శ్రీ హరి వాసము
పదివేల శేషుల పడగల మయము ॥ (1.5)

చరణం 3
కైవల్య పదము వేఙ్కట నగ మదివో
శ్రీ వేఙ్కటపతికి సిరులైనది । (2)
భావిమ్ప సకల సమ్పద రూపమదివో
పావనముల కెల్ల పావన మయమూ ॥ (1.5)
అదివో అల్లదివో శ్రీ హరి వాసము
పదివేల శేషుల పడగల మయము ॥ (2.5)

Browse Related Categories: