Annamayya Keerthanas Kolani Dopariki - Shuddha Telugu

రాగం: యదుకుల కామ్భోజి
28 హరికామ్భోజి జన్య
ఆ: స రి2 మ1 ప ద2 స
అవ: స ని2 ద2 ప మ1 గ3 రి2 స
తాళం: ఆది

పల్లవి
కొలని దోపరికి గొబ్బిళ్ళో యదు ।
కుల స్వామికిని గొబ్బిళ్ళో ॥ (2)

చరణం 1
కొణ్డ గొడుగుగా గోవుల గాచిన ।
కొణ్డొక శిశువునకు గొబ్బిళ్ళో । (2)
దణ్డగమ్పు దైత్యుల కెల్లను తల ।
గుణ్డు గణ్డనికి గొబ్బిళ్ళో ॥
కొలని దోపరికి గొబ్బిళ్ళో యదు ..(ప..) (2)

చరణం 2
పాప విధుల శిశుపాలుని తిట్టుల ।
కోపగానికిని గొబ్బిళ్ళో । (2)
యేపున కంసుని యిడుమల బెట్టిన ।
గోప బాలునికి గొబ్బిళ్ళో ॥
కొలని దోపరికి గొబ్బిళ్ళో యదు ..(ప..) (2)

చరణం 3
దణ్డివైరులను తరిమిన దనుజుల ।
గుణ్డె దిగులునకు గొబ్బిళ్ళో । (2)
వెణ్డిపైడి యగు వేఙ్కట గిరిపై ।
కొణ్డలయ్యకును గొబ్బిళ్ళో ॥
కొలని దోపరికి గొబ్బిళ్ళో యదు ..(ప..) (2)

Browse Related Categories: