Annamayya Keerthanas Itti Muddulaadu - Shuddha Telugu

రాగం: దేవగాన్ధారి /ఆనన్దభైరవి
ఆ: స గ2 రి2 గ2 మ1 ప ద2 ప ని2 స
అవ: స ని2 ద2 ప మ1 గ2 రి2 స
తాళం: త్/ఏక

పల్లవి
ఇట్టి ముద్దులాడి బాలు డేడవాడు
వాని బట్టి తెచ్చి పొట్టనిణ్డ బాలు వోయరే ॥ (2)

చరణం 1
గామిడై పారితెఞ్చి కాగెడి వెన్నెలలోన
చేమ పూవు కడియాల చేయి పెట్టి । (2)
చీమ గుట్టెనని తన చెక్కిట గన్నీరు జార
వేమరు వాపోయే వాని వెడ్డు వెట్టరే ॥ (2)
ఇట్టి ముద్దులాడి బాలు డేడవాడు .. (ఫా..)

చరణం 2
ముచ్చువలె వచ్చి తన ముఙ్గ మురువుల చేయి
తచ్చెడి పెరుగులోన దగబెట్టి । (2)
నొచ్చెనని చేయిదీసి నోర నెల్ల జొల్లుగార
వొచ్చెలి వాపోవువాని నూరడిఞ్చరే ॥ (2)
ఇట్టి ముద్దులాడి బాలు డేడవాడు .. (ఫా..)

చరణం 3
ఎప్పుడు వచ్చెనో మా యిల్లు చొచ్చి పెట్టెలోని
చెప్పరాని వుఙ్గరాల చేయి పెట్టి । (2)
అప్పడైన వేఙ్కటాద్రి అసవాలకుడు గాన
తప్పకుణ్డ బెట్టె (బట్టి) వాని తలకెత్తరే ॥ (2)
ఇట్టి ముద్దులాడి బాలు డేడవాడు
వాని బట్టి తెచ్చి పొట్టనిణ్డ బాలు వోయరే ॥ (2) (ఫా..)

Browse Related Categories: