Annamayya Keerthanas Emoko Chigurutadharamuna - Shuddha Telugu

రాగం: తిలన్గ్
ఆ: స గ3 మ1 ప ని3 స
అవ: స ని2 ప మ1 గ3 స
తాళం: ఆది

పల్లవి
ఏమొకో చిగురుటధరమున ఎడనెడకస్తూరి నిణ్డెను ।
భామిని విభునకు వ్రాసిన పత్రిక కాదు కదా ॥

చరణం 1
కలికి చకోరాక్షికి కడకన్నులు కెమ్పైతోచిన ।
చెలువమ్బిప్పుడిదేమో చిన్తిమ్పరేచెలులు ।
నలువున ప్రాణేశ్వరునిపై నాటినయాకొనచూపులు ।
నిలువునపెరుకగనణ్టిన నెత్తురుకాదుకదా ॥

ఏమొకో చిగురుటధరమున ఎడనెడకస్తూరి నిణ్డెను ।
భామిని విభునకు వ్రాసిన పత్రిక కాదు కదా ॥

చరణం 2
పడతికి చనుగవమెరుగులు పైపై పయ్యెద వెలుపల ।
కడుమిఞ్చిన విధమేమో కనుగొనరే చెలులు ।
వుడుగని వేడుకతో ప్రియుడొత్తిన నఖశశిరేఖలు ।
వెడలగవేసవికాలపు వెన్నెలకాదుకదా ॥

చరణం 3
ముద్దియ చెక్కుల కెలకుల ముత్యపు జల్లుల చేర్పుల ।
వొద్దికలాగులివేమో ఊహిమ్పరే చెలులు ।
గద్దరి తిరువేఙ్కటపతి కొగిటియధరామృతముల ।
అద్దిన సురతపు చెమటల అన్దము కాదు కదా ॥

ఏమొకో చిగురుటధరమున ఎడనెడకస్తూరి నిణ్డెను ।
భామిని విభునకు వ్రాసిన పత్రిక కాదు కదా ॥

Browse Related Categories: