Annamayya Keerthanas Radha Madhava Rati Charitamiti - Shuddha Telugu

రాధామాధవరతిచరితమితి
బోధావహం శ్రుతిభూషణం ॥

గహనే ద్వావపి గత్వా గత్వా
రహసి రతిం ప్రేరయతి సతి ।
విహరతస్తదా విలసన్తౌ
విహతగృహాశౌ వివశౌ తౌ ॥

లజ్జాశభళ విలాసలీలయా
కజ్జలనయన వికారేణ ।
హృజ్జావ్యవనహిత హృదయా రతి
స్సజ్జా సమ్భ్రమచపలా జాతా ॥

పురతో యాన్తం పురుషం వకుళైః
కురణ్టకైర్వా కుటజైర్వా ।
పరమం ప్రహరతి పశ్చాల్లగ్నా-
గిరం వినాసి వికిరతి ముదం ॥

హరి సురభూరుహ మారోహతీవ
చరణేన కటిం సంవేష్ట్య ।
పరిరఞ్చణ సమ్పాదితపులకై
స్సురుచిర్జాతా సుమలతికేవ ॥

విధుముఖదర్శన వికళితలజ్జా-
త్వధరబిమ్బఫలమాస్వాద్య ।
మధురోపాయనమార్గేణ కుచౌ
నిధివద త్వా నిత్యసుఖమితా ॥

సురుచిరకేతక సుమదళ నఖరై-
ర్వరచిబుకం సా పరివృత్య ।
తరుణిమసిన్ధౌ తదీయదృగ్జల-
చరయుగళం సంసక్తం చకార ॥

వచన విలాసైర్వశీకృత తం
నిచులకుఞ్జ మానితదేశే ।
ప్రచురసైకతే పల్లవశయనే-
రచితరతికళా రాగేణాస ॥

అభినవకల్యాణాఞ్చితరూపా-
వభినివేశ సంయతచిత్తౌ ।
బభూవతు స్తత్పరౌ వేఙ్కట
విభునా సా తద్విధినా సతయా ॥

సచ లజ్జావీక్షణో భవతి తం
కచభరాం గన్ధం ఘ్రాపయతి ।
నచలతిచేన్మానవతీ తథాపి
కుచసఙ్గాదనుకూలయతి ॥

అవనతశిరసాప్యతి సుభగం
వివిధాలాపైర్వివశయతి ।
ప్రవిమల కరరుహరచన విలాసై
ర్భువనపతి తం భూషయతి ॥

లతాగృహమేళనం నవసై
కతవైభవ సౌఖ్యం దృష్ట్వా ।
తతస్తతశ్చరసౌ కేలీ-
వ్రతచర్యాం తాం వాఞ్ఛన్తౌ ।

వనకుసుమ విశదవరవాసనయా-
ఘనసారరజోగన్ధైశ్చ ।
జనయతి పవనే సపది వికారం-
వనితా పురుషౌ జనితాశౌ ॥

ఏవం విచరన్ హేలా విముఖ-
శ్రీవేఙ్కటగిరి దేవోయం ।
పావనరాధాపరిరమ్భసుఖ-
శ్రీ వైభవసుస్థిరో భవతి ॥

Browse Related Categories: