Annamayya Keerthanas Ksheerabdi Kanyakaku - Shuddha Telugu

క్షీరాబ్ధి కన్యకకు శ్రీ మహాలక్ష్మికిని
నీరజాలయమునకు నీరాజనం ॥

జలజాక్షి మోమునకు జక్కవ కుచమ్బులకు
నెలకొన్న కప్పురపు నీరాజనం ।
అలివేణి తురుమునకు హస్తకమలమ్బులకు
నిలువుమాణిక్యముల నీరాజనం ॥

చరణ కిసలయములకు సకియరమ్భోరులకు
నిరతమగు ముత్తేల నీరాజనం ।
అరిది జఘనమ్బునకు అతివనిజనాభికిని
నిరతి నానావర్ణ నీరాజనం ॥

పగటు శ్రీవేఙ్కటేశు పట్టపురాణియై
నెగడు సతికళలకును నీరాజనం ।
జగతి నలమేల్మఙ్గ చక్కదనములకెల్ల
నిగుడు నిజ శోభనపు నీరాజనం ॥

Browse Related Categories: