Annamayya Keerthanas Okapari Kokapari - Shuddha Telugu

రాగం: ఖరహరప్రియ
(పెద తిరుమలాచర్యుల రచన)
22 ఖరహరప్రియ మేల
ఆ: స రి2 గ2 మ1 ప ద2 ని2 స
అవ: స ని2 ద2 ప మ1 గ2 రి2 స
తాళం: ఆది

పల్లవి
ఒకపరి కొకపరి కొయ్యారమై ।
మొకమున కళలెల్ల మొలచినట్లుణ్డె ॥

చరణం 1
జగదేకపతిమేన చల్లిన కర్పూరధూళి ।
జిగికొని నలువఙ్క చిన్దగాను ।
మొగి చన్ద్రముఖి నురమున నిలిపెగాన ।
పొగరు వెన్నెల దిగబోసి నట్లుణ్డె ॥
ఒకపరి కొకపరి కొయ్యారమై (ప..)

చరణం 2
పొరిమెరుగు చెక్కుల పూసిన తట్టుపునుగు ।
కరగి ఇరుదెసల కారగాను ।
కరిగమన విభుడు గనుక మోహమదము ।
తొరిగి సామజసిరి తొలికినట్లుణ్డె ॥

చరణం 3
మెరయ శ్రీవేఙ్కటేశుమేన సిఙ్గారముగాను ।
తరచైన సొమ్ములు ధరియిఞ్చగా ।
మెరుగు బోడి అలమేలు మఙ్గయు తాను ।
మెరుపు మేఘము గూడి మెరసినట్లుణ్డె ॥
ఒకపరి కొకపరి కొయ్యారమై।
మొకమున కళలెల్ల మొలచినట్లుణ్డె ॥

Browse Related Categories: