Annamayya Keerthanas Ippuditu Kalaganti - Shuddha Telugu

రాగం: భూపాళం/ మోహన
ఆ: స రి2 గ3 ప ద2 స
అవ: స ద2 ప గ3 రి2 స
తాళం: ఖణ్డచాపు

పల్లవి
ఇప్పుడిటు కలగణ్టి నెల్లలోకములకు ।
అప్పడగు తిరువేఙ్కటాద్రీశు గణ్టి ॥ (2.5)

చరణం 1
అతిశయమ్బైన శేషాద్రిశిఖరము గణ్టి ।
ప్రతిలేని గోపుర ప్రభలు గణ్టి । (2)
శతకోటి సూర్య తేజములు వెలుగగ గణ్టి ।
చతురాస్యు బొడగణ్టి చయ్యన మేల్కొణ్టి ॥
ఇప్పుడిటు కలగణ్టి నెల్లలోకములకు .. (ప..)

చరణం 2
కనకరత్న కవాట కాన్తు లిరుగడగణ్టి ।
ఘనమైన దీపసఙ్ఘములు గణ్టి । (2)
అనుపమ మణీమయమ్మగు కిరీటము గణ్టి ।
కనకామ్బరము గణ్టి గ్రక్కన మేల్కొణ్టి ॥
ఇప్పుడిటు కలగణ్టి నెల్లలోకములకు .. (ప..)

చరణం 3
అరుదైన శఙ్ఖ చక్రాదు లిరుగడ గణ్టి ।
సరిలేని యభయ హస్తము గణ్టి ।
తిరువేఙ్కటాచలాధిపుని జూడగ గణ్టి ।
హరి గణ్టి గురు గణ్టి నన్తట మేల్కణ్టి ॥
ఇప్పుడిటు కలగణ్టి నెల్లలోకములకు ।
అప్పడగు తిరువేఙ్కటాద్రీశు గణ్టి ॥ (2.5) (ప..)

Browse Related Categories: