Annamayya Keerthanas Viswaroopamidivo - Shuddha Telugu

రాగమ్: ధీర శఙ్కరాభరణం
ఆ: స రి2 గ3 మ1 ప ద2 ని3 స
అవ: స ని3 ద2 ప మ1 గ3 రి2 స
తాళం: ఆది

పల్లవి
విశ్వరూపమిదివో విష్ణురూపమిదివో
శాశ్వతులమైతిమిఙ్క జయము నాజన్మము ॥ (2.5)

చరణం 1
కొణ్డవణ్టి హరిరూపు గురుతైన తిరుమల
పణ్డిన వృక్షములే కల్పతరువులు । (1.5)
నిణ్డిన మృగాదులెల్ల నిత్యముక్తజనములు
మెణ్డుగ ప్రత్యక్షమాయె మేలువోనాజన్మము ॥

విశ్వరూపమిదివో విష్ణురూపమిదివో (ప.)

చరణం 2
మేడవణ్టి హరిరూపు మిఞ్చైనపైడి గోపుర
మాడనే వాలిన పక్షుల మరులు । (1.5)
వాడల కోనేటి చుట్ల వైకుణ్ఠ నగరము
యీడమాకు పొడచూపె ఇహమేపోపరము ॥

విశ్వరూపమిదివో విష్ణురూపమిదివో (ప.)

చరణం 3
కోటిమదనులవణ్టి గుడిలో చక్కని మూర్తి
యీటులేని శ్రీ వేఙ్కటేశుడితడు । (1.5)
వాటపు సొమ్ములు ముద్ర వక్షపుటలమేల్మఙ్గ
కూటువైనన్నేలితి యెక్కువనోనాతాపము ॥

విశ్వరూపమిదివో విష్ణురూపమిదివో
శాశ్వతులమైతిమిఙ్క జయము నాజన్మము ॥ (2.5)

Browse Related Categories: