𑌅𑌥 𑌕𑌥𑌮𑌪𑌿 𑌮𑌦𑍍𑌰𑌾𑌸𑌨𑌾𑌂 𑌤𑍍𑌵𑌦𑍍𑌗𑍁𑌣𑌲𑍇𑌶𑍈𑌰𑍍𑌵𑌿𑌶𑍋𑌧𑌯𑌾𑌮𑌿 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 1 ॥

𑌆𑌖𑌂𑌡𑌲𑌮𑌦𑌖𑌂𑌡𑌨𑌪𑌂𑌡𑌿𑌤 𑌤𑌂𑌡𑍁𑌪𑍍𑌰𑌿𑌯 𑌚𑌂𑌡𑍀𑌶 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 2 ॥

𑌇𑌭𑌚𑌰𑍍𑌮𑌾𑌂𑌬𑌰 𑌶𑌂𑌬𑌰𑌰𑌿𑌪𑍁𑌵𑌪𑍁𑌰𑌪𑌹𑌰𑌣𑍋𑌜𑍍𑌜𑍍𑌵𑌲𑌨𑌯𑌨 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 3 ॥

𑌈𑌶 𑌗𑌿𑌰𑍀𑌶 𑌨𑌰𑍇𑌶 𑌪𑌰𑍇𑌶 𑌮𑌹𑍇𑌶 𑌬𑌿𑌲𑍇𑌶𑌯𑌭𑍂𑌷𑌣 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 4 ॥

𑌉𑌮𑌯𑌾 𑌦𑌿𑌵𑍍𑌯𑌸𑍁𑌮𑌂𑌗𑌳𑌵𑌿𑌗𑍍𑌰𑌹𑌯𑌾𑌲𑌿𑌂𑌗𑌿𑌤𑌵𑌾𑌮𑌾𑌂𑌗 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 5 ॥

𑌊𑌰𑍀𑌕𑍁𑌰𑍁 𑌮𑌾𑌮𑌜𑍍𑌞𑌮𑌨𑌾𑌥𑌂 𑌦𑍂𑌰𑍀𑌕𑍁𑌰𑍁 𑌮𑍇 𑌦𑍁𑌰𑌿𑌤𑌂 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 6 ॥

𑌋𑌷𑌿𑌵𑌰𑌮𑌾𑌨𑌸𑌹𑌂𑌸 𑌚𑌰𑌾𑌚𑌰𑌜𑌨𑌨𑌸𑍍𑌥𑌿𑌤𑌿𑌲𑌯𑌕𑌾𑌰𑌣 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 𑍭 ॥

𑍠𑌕𑍍𑌷𑌾𑌧𑍀𑌶𑌕𑌿𑌰𑍀𑌟 𑌮𑌹𑍋𑌕𑍍𑌷𑌾𑌰𑍂𑌢 𑌵𑌿𑌧𑍃𑌤𑌰𑍁𑌦𑍍𑌰𑌾𑌕𑍍𑌷 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 𑍮 ॥

𑌲𑍁𑌵𑌰𑍍𑌣𑌦𑍍𑌵𑌂𑌦𑍍𑌵𑌮𑌵𑍃𑌂𑌤𑌸𑍁𑌕𑍁𑌸𑍁𑌮𑌮𑌿𑌵𑌾𑌂𑌘𑍍𑌰𑍌 𑌤𑌵𑌾𑌰𑍍𑌪𑌯𑌾𑌮𑌿 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 𑍯 ॥

𑌏𑌕𑌂 𑌸𑌦𑌿𑌤𑌿 𑌶𑍍𑌰𑍁𑌤𑍍𑌯𑌾 𑌤𑍍𑌵𑌮𑍇𑌵 𑌸𑌦𑌸𑍀𑌤𑍍𑌯𑍁𑌪𑌾𑌸𑍍𑌮𑌹𑍇 𑌮𑍃𑌡 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 10 ॥

𑌐𑌕𑍍𑌯𑌂 𑌨𑌿𑌜𑌭𑌕𑍍𑌤𑍇𑌭𑍍𑌯𑍋 𑌵𑌿𑌤𑌰𑌸𑌿 𑌵𑌿𑌶𑍍𑌵𑌂𑌭𑌰𑍋𑌽𑌤𑍍𑌰 𑌸𑌾𑌕𑍍𑌷𑍀 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 11 ॥

𑌓𑌮𑌿𑌤𑌿 𑌤𑌵 𑌨𑌿𑌰𑍍𑌦𑍇𑌷𑍍𑌟𑍍𑌰𑍀 𑌮𑌾𑌯𑌾𑌸𑍍𑌮𑌾𑌕𑌂 𑌮𑍃𑌡𑍋𑌪𑌕𑌰𑍍𑌤𑍍𑌰𑍀 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 12 ॥

𑌔𑌦𑌾𑌸𑍍𑌯𑌂 𑌸𑍍𑌫𑍁𑌟𑌯𑌤𑌿 𑌵𑌿𑌷𑌯𑍇𑌷𑍁 𑌦𑌿𑌗𑌂𑌬𑌰𑌤𑌾 𑌚 𑌤𑌵𑍈𑌵 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 13 ॥

𑌅𑌂𑌤𑌃𑌕𑌰𑌣𑌵𑌿𑌶𑍁𑌦𑍍𑌧𑌿𑌂 𑌭𑌕𑍍𑌤𑌿𑌂 𑌚 𑌤𑍍𑌵𑌯𑌿 𑌸𑌤𑍀𑌂 𑌪𑍍𑌰𑌦𑍇𑌹𑌿 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 14 ॥

𑌅𑌸𑍍𑌤𑍋𑌪𑌾𑌧𑌿𑌸𑌮𑌸𑍍𑌤𑌵𑍍𑌯𑌸𑍍𑌤𑍈 𑌰𑍂𑌪𑍈𑌰𑍍𑌜𑌗𑌨𑍍𑌮𑌯𑍋𑌽𑌸𑌿 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 15 ॥

𑌕𑌰𑍁𑌣𑌾𑌵𑌰𑍁𑌣𑌾𑌲𑌯 𑌮𑌯𑌿 𑌦𑌾𑌸 𑌉𑌦𑌾𑌸𑌸𑍍𑌤𑌵𑍋𑌚𑌿𑌤𑍋 𑌨 𑌹𑌿 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 16 ॥

𑌖𑌲𑌸𑌹𑌵𑌾𑌸𑌂 𑌵𑌿𑌘𑌟𑌯 𑌘𑌟𑌯 𑌸𑌤𑌾𑌮𑍇𑌵 𑌸𑌂𑌗𑌮𑌨𑌿𑌶𑌂 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 1𑍭 ॥

𑌗𑌰𑌳𑌂 𑌜𑌗𑌦𑍁𑌪𑌕𑍃𑌤𑌯𑍇 𑌗𑌿𑌲𑌿𑌤𑌂 𑌭𑌵𑌤𑌾 𑌸𑌮𑍋𑌽𑌸𑍍𑌤𑌿 𑌕𑍋𑌽𑌤𑍍𑌰 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 1𑍮 ॥

𑌘𑌨𑌸𑌾𑌰𑌗𑍌𑌰𑌗𑌾𑌤𑍍𑌰 𑌪𑍍𑌰𑌚𑍁𑌰𑌜𑌟𑌾𑌜𑍂𑌟𑌬𑌦𑍍𑌧𑌗𑌂𑌗 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 1𑍯 ॥

𑌜𑍍𑌞𑌪𑍍𑌤𑌿𑌃 𑌸𑌰𑍍𑌵𑌶𑌰𑍀𑌰𑍇𑌷𑍍𑌵𑌖𑌂𑌡𑌿𑌤𑌾 𑌯𑌾 𑌵𑌿𑌭𑌾𑌤𑌿 𑌸𑌾 𑌤𑍍𑌵𑌂 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 20 ॥

𑌚𑌪𑌲𑌂 𑌮𑌮 𑌹𑍃𑌦𑌯𑌕𑌪𑌿𑌂 𑌵𑌿𑌷𑌯𑌦𑍍𑌰𑍁𑌚𑌰𑌂 𑌦𑍃𑌢𑌂 𑌬𑌧𑌾𑌨 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 21 ॥

𑌛𑌾𑌯𑌾 𑌸𑍍𑌥𑌾𑌣𑍋𑌰𑌪𑌿 𑌤𑌵 𑌤𑌾𑌪𑌂 𑌨𑌮𑌤𑌾𑌂 𑌹𑌰𑌤𑍍𑌯𑌹𑍋 𑌶𑌿𑌵 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 22 ॥

𑌜𑌯 𑌕𑍈𑌲𑌾𑌸𑌨𑌿𑌵𑌾𑌸 𑌪𑍍𑌰𑌮𑌥𑌗𑌣𑌾𑌧𑍀𑌶 𑌭𑍂𑌸𑍁𑌰𑌾𑌰𑍍𑌚𑌿𑌤 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 23 ॥

𑌝𑌣𑍁𑌤𑌕𑌝𑌂𑌕𑌿𑌣𑍁𑌝𑌣𑍁𑌤𑌤𑍍𑌕𑌿𑌟𑌤𑌕-𑌶𑌬𑍍𑌦𑍈𑌰𑍍𑌨𑌟𑌸𑌿 𑌮𑌹𑌾𑌨𑌟 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 24 ॥

𑌜𑍍𑌞𑌾𑌨𑌂 𑌵𑌿𑌕𑍍𑌷𑍇𑌪𑌾𑌵𑍃𑌤𑌿𑌰𑌹𑌿𑌤𑌂 𑌕𑍁𑌰𑍁 𑌮𑍇 𑌗𑍁𑌰𑍁𑌸𑍍𑌤𑍍𑌵𑌮𑍇𑌵 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 25 ॥

𑌟𑌂𑌕𑌾𑌰𑌸𑍍𑌤𑌵 𑌧𑌨𑍁𑌷𑍋 𑌦𑌲𑌯𑌤𑌿 𑌹𑍃𑌦𑌯𑌂 𑌦𑍍𑌵𑌿𑌷𑌾𑌮𑌶𑌨𑌿𑌰𑌿𑌵 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 26 ॥

𑌠𑌾𑌕𑍃𑌤𑌿𑌰𑌿𑌵 𑌤𑌵 𑌮𑌾𑌯𑌾 𑌬𑌹𑌿𑌰𑌂𑌤𑌃 𑌶𑍂𑌨𑍍𑌯𑌰𑍂𑌪𑌿𑌣𑍀 𑌖𑌲𑍁 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 2𑍭 ॥

𑌡𑌂𑌬𑌰𑌮𑌂𑌬𑍁𑌰𑍁𑌹𑌾𑌮𑌪𑌿 𑌦𑌲𑌯𑌤𑍍𑌯𑌨𑌘𑌂 𑌤𑍍𑌵𑌦𑌂𑌘𑍍𑌰𑌿𑌯𑍁𑌗𑌳𑌂 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 2𑍮 ॥

𑌢𑌕𑍍𑌕𑌾𑌕𑍍𑌷𑌸𑍂𑌤𑍍𑌰𑌶𑍂𑌲𑌦𑍍𑌰𑍁𑌹𑌿𑌣𑌕𑌰𑍋𑌟𑍀𑌸𑌮𑍁𑌲𑍍𑌲𑌸𑌤𑍍𑌕𑌰 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 2𑍯 ॥

𑌣𑌾𑌕𑌾𑌰𑌗𑌰𑍍𑌭𑌿𑌣𑍀 𑌚𑍇𑌚𑍍𑌛𑍁𑌭𑌦𑌾 𑌤𑍇 𑌶𑌰𑌗𑌤𑌿𑌰𑍍𑌨𑍃𑌣𑌾𑌮𑌿𑌹 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 30 ॥

𑌤𑌵 𑌮𑌨𑍍𑌵𑌤𑌿𑌸𑌂𑌜𑌪𑌤𑌃 𑌸𑌦𑍍𑌯𑌸𑍍𑌤𑌰𑌤𑌿 𑌨𑌰𑍋 𑌹𑌿 𑌭𑌵𑌾𑌬𑍍𑌧𑌿𑌂 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 31 ॥

𑌥𑍂𑌤𑍍𑌕𑌾𑌰𑌸𑍍𑌤𑌸𑍍𑌯 𑌮𑍁𑌖𑍇 𑌭𑍂𑌯𑌾𑌤𑍍𑌤𑍇 𑌨𑌾𑌮 𑌨𑌾𑌸𑍍𑌤𑌿 𑌯𑌸𑍍𑌯 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 32 ॥

𑌦𑌯𑌨𑍀𑌯𑌶𑍍𑌚 𑌦𑌯𑌾𑌳𑍁𑌃 𑌕𑍋𑌽𑌸𑍍𑌤𑌿 𑌮𑌦𑌨𑍍𑌯𑌸𑍍𑌤𑍍𑌵𑌦𑌨𑍍𑌯 𑌇𑌹 𑌵𑌦 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 33 ॥

𑌧𑌰𑍍𑌮𑌸𑍍𑌥𑌾𑌪𑌨𑌦𑌕𑍍𑌷 𑌤𑍍𑌰𑍍𑌯𑌕𑍍𑌷 𑌗𑍁𑌰𑍋 𑌦𑌕𑍍𑌷𑌯𑌜𑍍𑌞𑌶𑌿𑌕𑍍𑌷𑌕 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 34 ॥

𑌨𑌨𑍁 𑌤𑌾𑌡𑌿𑌤𑍋𑌽𑌸𑌿 𑌧𑌨𑍁𑌷𑌾 𑌲𑍁𑌬𑍍𑌧𑌧𑌿𑌯𑌾 𑌤𑍍𑌵𑌂 𑌪𑍁𑌰𑌾 𑌨𑌰𑍇𑌣 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 35 ॥

𑌪𑌰𑌿𑌮𑌾𑌤𑍁𑌂 𑌤𑌵 𑌮𑍂𑌰𑍍𑌤𑌿𑌂 𑌨𑌾𑌲𑌮𑌜𑌸𑍍𑌤𑌤𑍍𑌪𑌰𑌾𑌤𑍍𑌪𑌰𑍋𑌽𑌸𑌿 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 36 ॥

𑌫𑌲𑌮𑌿𑌹 𑌨𑍃𑌤𑌯𑌾 𑌜𑌨𑍁𑌷𑌸𑍍𑌤𑍍𑌵𑌤𑍍𑌪𑌦𑌸𑍇𑌵𑌾 𑌸𑌨𑌾𑌤𑌨𑍇𑌶 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 3𑍭 ॥

𑌬𑌲𑌮𑌾𑌰𑍋𑌗𑍍𑌯𑌂 𑌚𑌾𑌯𑍁𑌸𑍍𑌤𑍍𑌵𑌦𑍍𑌗𑍁𑌣𑌰𑍁𑌚𑌿𑌤𑌾𑌂 𑌚𑌿𑌰𑌂 𑌪𑍍𑌰𑌦𑍇𑌹𑌿 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 3𑍮 ॥

𑌭𑌗𑌵𑌨𑍍𑌭𑌰𑍍𑌗 𑌭𑌯𑌾𑌪𑌹 𑌭𑍂𑌤𑌪𑌤𑍇 𑌭𑍂𑌤𑌿𑌭𑍂𑌷𑌿𑌤𑌾𑌂𑌗 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 3𑍯 ॥

𑌮𑌹𑌿𑌮𑌾 𑌤𑌵 𑌨 𑌹𑌿 𑌮𑌾𑌤𑌿 𑌶𑍍𑌰𑍁𑌤𑌿𑌷𑍁 𑌹𑌿𑌮𑌾𑌨𑍀𑌧𑌰𑌾𑌤𑍍𑌮𑌜𑌾𑌧𑌵 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 40 ॥

𑌯𑌮𑌨𑌿𑌯𑌮𑌾𑌦𑌿𑌭𑌿𑌰𑌂𑌗𑍈𑌰𑍍𑌯𑌮𑌿𑌨𑍋 𑌹𑍃𑌦𑌯𑍇 𑌭𑌜𑌂𑌤𑌿 𑌸 𑌤𑍍𑌵𑌂 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 41 ॥

𑌰𑌜𑍍𑌜𑌾𑌵𑌹𑌿𑌰𑌿𑌵 𑌶𑍁𑌕𑍍𑌤𑍌 𑌰𑌜𑌤𑌮𑌿𑌵 𑌤𑍍𑌵𑌯𑌿 𑌜𑌗𑌂𑌤𑌿 𑌭𑌾𑌂𑌤𑌿 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 42 ॥

𑌲𑌬𑍍𑌧𑍍𑌵𑌾 𑌭𑌵𑌤𑍍𑌪𑍍𑌰𑌸𑌾𑌦𑌾𑌚𑍍𑌚𑌕𑍍𑌰𑌂 𑌵𑌿𑌧𑍁𑌰𑌵𑌤𑌿 𑌲𑍋𑌕𑌮𑌖𑌿𑌲𑌂 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 43 ॥

𑌵𑌸𑍁𑌧𑌾𑌤𑌦𑍍𑌧𑌰𑌤𑌚𑍍𑌛𑌯𑌰𑌥𑌮𑍌𑌰𑍍𑌵𑍀𑌶𑌰 𑌪𑌰𑌾𑌕𑍃𑌤𑌾𑌸𑍁𑌰 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 44 ॥

𑌶𑌰𑍍𑌵 𑌦𑍇𑌵 𑌸𑌰𑍍𑌵𑍋𑌤𑍍𑌤𑌮 𑌸𑌰𑍍𑌵𑌦 𑌦𑍁𑌰𑍍𑌵𑍃𑌤𑍍𑌤𑌗𑌰𑍍𑌵𑌹𑌰𑌣 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 45 ॥

𑌷𑌡𑍍𑌰𑌿𑌪𑍁𑌷𑌡𑍂𑌰𑍍𑌮𑌿𑌷𑌡𑍍𑌵𑌿𑌕𑌾𑌰𑌹𑌰 𑌸𑌨𑍍𑌮𑍁𑌖 𑌷𑌣𑍍𑌮𑍁𑌖𑌜𑌨𑌕 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 46 ॥

𑌸𑌤𑍍𑌯𑌂 𑌜𑍍𑌞𑌾𑌨𑌮𑌨𑌂𑌤𑌂 𑌬𑍍𑌰𑌹𑍍𑌮𑍇𑌤𑍍𑌯𑍇𑌤𑌲𑍍𑌲𑌕𑍍𑌷𑌣𑌲𑌕𑍍𑌷𑌿𑌤 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 4𑍭 ॥

𑌹𑌾𑌹𑌾𑌹𑍂𑌹𑍂𑌮𑍁𑌖𑌸𑍁𑌰𑌗𑌾𑌯𑌕𑌗𑍀𑌤𑌾𑌪𑌦𑌾𑌨𑌪𑌦𑍍𑌯 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 4𑍮 ॥

𑌳𑌾𑌦𑌿𑌰𑍍𑌨 𑌹𑌿 𑌪𑍍𑌰𑌯𑍋𑌗𑌸𑍍𑌤𑌦𑌂𑌤𑌮𑌿𑌹 𑌮𑌂𑌗𑌳𑌂 𑌸𑌦𑌾𑌸𑍍𑌤𑍁 𑌵𑌿𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 4𑍯 ॥

𑌕𑍍𑌷𑌣𑌮𑌿𑌵 𑌦𑌿𑌵𑌸𑌾𑌨𑍍𑌨𑍇𑌷𑍍𑌯𑌤𑌿 𑌤𑍍𑌵𑌤𑍍𑌪𑌦𑌸𑍇𑌵𑌾𑌕𑍍𑌷𑌣𑍋𑌤𑍍𑌸𑍁𑌕𑌃 𑌶𑌿𑌵 𑌭𑍋 ।
𑌸𑌾𑌂𑌬 𑌸𑌦𑌾𑌶𑌿𑌵 𑌶𑌂𑌭𑍋 𑌶𑌂𑌕𑌰 𑌶𑌰𑌣𑌂 𑌮𑍇 𑌤𑌵 𑌚𑌰𑌣𑌯𑍁𑌗𑌮𑍍 ॥ 50 ॥

𑌇𑌤𑌿 𑌶𑍍𑌰𑍀𑌮𑌤𑍍𑌪𑌰𑌮𑌹𑌂𑌸𑌪𑌰𑌿𑌵𑍍𑌰𑌾𑌜𑌕𑌾𑌚𑌾𑌰𑍍𑌯𑌸𑍍𑌯 𑌶𑍍𑌰𑍀𑌗𑍋𑌵𑌿𑌂𑌦𑌭𑌗𑌵𑌤𑍍𑌪𑍂𑌜𑍍𑌯𑌪𑌾𑌦𑌶𑌿𑌷𑍍𑌯𑌸𑍍𑌯 𑌶𑍍𑌰𑍀𑌮𑌚𑍍𑌛𑌂𑌕𑌰𑌭𑌗𑌵𑌤𑌃 𑌕𑍃𑌤𑍌 𑌸𑍁𑌵𑌰𑍍𑌣𑌮𑌾𑌲𑌾 𑌸𑍍𑌤𑍁𑌤𑌿𑌃 𑌸𑌂𑌪𑍂𑌰𑍍𑌣𑌾 ॥