Narayaniyam Dashaka 44 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 44

𑌗𑍂𑌢𑌂 𑌵𑌸𑍁𑌦𑍇𑌵𑌗𑌿𑌰𑌾 𑌕𑌰𑍍𑌤𑍁𑌂 𑌤𑍇 𑌨𑌿𑌷𑍍𑌕𑍍𑌰𑌿𑌯𑌸𑍍𑌯 𑌸𑌂𑌸𑍍𑌕𑌾𑌰𑌾𑌨𑍍 ।
𑌹𑍃𑌦𑍍𑌗𑌤𑌹𑍋𑌰𑌾𑌤𑌤𑍍𑌤𑍍𑌵𑍋 𑌗𑌰𑍍𑌗𑌮𑍁𑌨𑌿𑌸𑍍𑌤𑍍𑌵𑌤𑍍 𑌗𑍃𑌹𑌂 𑌵𑌿𑌭𑍋 𑌗𑌤𑌵𑌾𑌨𑍍 ॥1॥

𑌨𑌂𑌦𑍋𑌽𑌥 𑌨𑌂𑌦𑌿𑌤𑌾𑌤𑍍𑌮𑌾 𑌵𑍃𑌂𑌦𑌿𑌷𑍍𑌟𑌂 𑌮𑌾𑌨𑌯𑌨𑍍𑌨𑌮𑍁𑌂 𑌯𑌮𑌿𑌨𑌾𑌮𑍍 ।
𑌮𑌂𑌦𑌸𑍍𑌮𑌿𑌤𑌾𑌰𑍍𑌦𑍍𑌰𑌮𑍂𑌚𑍇 𑌤𑍍𑌵𑌤𑍍𑌸𑌂𑌸𑍍𑌕𑌾𑌰𑌾𑌨𑍍 𑌵𑌿𑌧𑌾𑌤𑍁𑌮𑍁𑌤𑍍𑌸𑍁𑌕𑌧𑍀𑌃 ॥2॥

𑌯𑌦𑍁𑌵𑌂𑌶𑌾𑌚𑌾𑌰𑍍𑌯𑌤𑍍𑌵𑌾𑌤𑍍 𑌸𑍁𑌨𑌿𑌭𑍃𑌤𑌮𑌿𑌦𑌮𑌾𑌰𑍍𑌯 𑌕𑌾𑌰𑍍𑌯𑌮𑌿𑌤𑌿 𑌕𑌥𑌯𑌨𑍍 ।
𑌗𑌰𑍍𑌗𑍋 𑌨𑌿𑌰𑍍𑌗𑌤𑌪𑍁𑌲𑌕𑌶𑍍𑌚𑌕𑍍𑌰𑍇 𑌤𑌵 𑌸𑌾𑌗𑍍𑌰𑌜𑌸𑍍𑌯 𑌨𑌾𑌮𑌾𑌨𑌿 ॥3॥

𑌕𑌥𑌮𑌸𑍍𑌯 𑌨𑌾𑌮 𑌕𑍁𑌰𑍍𑌵𑍇 𑌸𑌹𑌸𑍍𑌰𑌨𑌾𑌮𑍍𑌨𑍋 𑌹𑍍𑌯𑌨𑌂𑌤𑌨𑌾𑌮𑍍𑌨𑍋 𑌵𑌾 ।
𑌇𑌤𑌿 𑌨𑍂𑌨𑌂 𑌗𑌰𑍍𑌗𑌮𑍁𑌨𑌿𑌶𑍍𑌚𑌕𑍍𑌰𑍇 𑌤𑌵 𑌨𑌾𑌮 𑌨𑌾𑌮 𑌰𑌹𑌸𑌿 𑌵𑌿𑌭𑍋 ॥4॥

𑌕𑍃𑌷𑌿𑌧𑌾𑌤𑍁𑌣𑌕𑌾𑌰𑌾𑌭𑍍𑌯𑌾𑌂 𑌸𑌤𑍍𑌤𑌾𑌨𑌂𑌦𑌾𑌤𑍍𑌮𑌤𑌾𑌂 𑌕𑌿𑌲𑌾𑌭𑌿𑌲𑌪𑌤𑍍 ।
𑌜𑌗𑌦𑌘𑌕𑌰𑍍𑌷𑌿𑌤𑍍𑌵𑌂 𑌵𑌾 𑌕𑌥𑌯𑌦𑍃𑌷𑌿𑌃 𑌕𑍃𑌷𑍍𑌣𑌨𑌾𑌮 𑌤𑍇 𑌵𑍍𑌯𑌤𑌨𑍋𑌤𑍍 ॥5॥

𑌅𑌨𑍍𑌯𑌾𑌂𑌶𑍍𑌚 𑌨𑌾𑌮𑌭𑍇𑌦𑌾𑌨𑍍 𑌵𑍍𑌯𑌾𑌕𑍁𑌰𑍍𑌵𑌨𑍍𑌨𑌗𑍍𑌰𑌜𑍇 𑌚 𑌰𑌾𑌮𑌾𑌦𑍀𑌨𑍍 ।
𑌅𑌤𑌿𑌮𑌾𑌨𑍁𑌷𑌾𑌨𑍁𑌭𑌾𑌵𑌂 𑌨𑍍𑌯𑌗𑌦𑌤𑍍𑌤𑍍𑌵𑌾𑌮𑌪𑍍𑌰𑌕𑌾𑌶𑌯𑌨𑍍 𑌪𑌿𑌤𑍍𑌰𑍇 ॥6॥

𑌸𑍍𑌨𑌿𑌹𑍍𑌯𑌤𑌿 𑌯𑌸𑍍𑌤𑌵 𑌪𑍁𑌤𑍍𑌰𑍇 𑌮𑍁𑌹𑍍𑌯𑌤𑌿 𑌸 𑌨 𑌮𑌾𑌯𑌿𑌕𑍈𑌃 𑌪𑍁𑌨𑌃 𑌶𑍋𑌕𑍈𑌃 ।
𑌦𑍍𑌰𑍁𑌹𑍍𑌯𑌤𑌿 𑌯𑌃 𑌸 𑌤𑍁 𑌨𑌶𑍍𑌯𑍇𑌦𑌿𑌤𑍍𑌯𑌵𑌦𑌤𑍍𑌤𑍇 𑌮𑌹𑌤𑍍𑌤𑍍𑌵𑌮𑍃𑌷𑌿𑌵𑌰𑍍𑌯𑌃 ॥𑍭॥

𑌜𑍇𑌷𑍍𑌯𑌤𑌿 𑌬𑌹𑍁𑌤𑌰𑌦𑍈𑌤𑍍𑌯𑌾𑌨𑍍 𑌨𑍇𑌷𑍍𑌯𑌤𑌿 𑌨𑌿𑌜𑌬𑌂𑌧𑍁𑌲𑍋𑌕𑌮𑌮𑌲𑌪𑌦𑌮𑍍 ।
𑌶𑍍𑌰𑍋𑌷𑍍𑌯𑌸𑌿 𑌸𑍁𑌵𑌿𑌮𑌲𑌕𑍀𑌰𑍍𑌤𑍀𑌰𑌸𑍍𑌯𑍇𑌤𑌿 𑌭𑌵𑌦𑍍𑌵𑌿𑌭𑍂𑌤𑌿𑌮𑍃𑌷𑌿𑌰𑍂𑌚𑍇 ॥𑍮॥

𑌅𑌮𑍁𑌨𑍈𑌵 𑌸𑌰𑍍𑌵𑌦𑍁𑌰𑍍𑌗𑌂 𑌤𑌰𑌿𑌤𑌾𑌸𑍍𑌥 𑌕𑍃𑌤𑌾𑌸𑍍𑌥𑌮𑌤𑍍𑌰 𑌤𑌿𑌷𑍍𑌠𑌧𑍍𑌵𑌮𑍍 ।
𑌹𑌰𑌿𑌰𑍇𑌵𑍇𑌤𑍍𑌯𑌨𑌭𑌿𑌲𑌪𑌨𑍍𑌨𑌿𑌤𑍍𑌯𑌾𑌦𑌿 𑌤𑍍𑌵𑌾𑌮𑌵𑌰𑍍𑌣𑌯𑌤𑍍 𑌸 𑌮𑍁𑌨𑌿𑌃 ॥𑍯॥

𑌗𑌰𑍍𑌗𑍇𑌽𑌥 𑌨𑌿𑌰𑍍𑌗𑌤𑍇𑌽𑌸𑍍𑌮𑌿𑌨𑍍 𑌨𑌂𑌦𑌿𑌤𑌨𑌂𑌦𑌾𑌦𑌿𑌨𑌂𑌦𑍍𑌯𑌮𑌾𑌨𑌸𑍍𑌤𑍍𑌵𑌮𑍍 ।
𑌮𑌦𑍍𑌗𑌦𑌮𑍁𑌦𑍍𑌗𑌤𑌕𑌰𑍁𑌣𑍋 𑌨𑌿𑌰𑍍𑌗𑌮𑌯 𑌶𑍍𑌰𑍀𑌮𑌰𑍁𑌤𑍍𑌪𑍁𑌰𑌾𑌧𑍀𑌶 ॥10॥

Browse Related Categories: