Narayaniyam Dashaka 67 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 6𑍭

𑌸𑍍𑌫𑍁𑌰𑌤𑍍𑌪𑌰𑌾𑌨𑌂𑌦𑌰𑌸𑌾𑌤𑍍𑌮𑌕𑍇𑌨 𑌤𑍍𑌵𑌯𑌾 𑌸𑌮𑌾𑌸𑌾𑌦𑌿𑌤𑌭𑍋𑌗𑌲𑍀𑌲𑌾𑌃 ।
𑌅𑌸𑍀𑌮𑌮𑌾𑌨𑌂𑌦𑌭𑌰𑌂 𑌪𑍍𑌰𑌪𑌨𑍍𑌨𑌾 𑌮𑌹𑌾𑌂𑌤𑌮𑌾𑌪𑍁𑌰𑍍𑌮𑌦𑌮𑌂𑌬𑍁𑌜𑌾𑌕𑍍𑌷𑍍𑌯𑌃 ॥1॥

𑌨𑌿𑌲𑍀𑌯𑌤𑍇𑌽𑌸𑍌 𑌮𑌯𑌿 𑌮𑌯𑍍𑌯𑌮𑌾𑌯𑌂 𑌰𑌮𑌾𑌪𑌤𑌿𑌰𑍍𑌵𑌿𑌶𑍍𑌵𑌮𑌨𑍋𑌭𑌿𑌰𑌾𑌮𑌃 ।
𑌇𑌤𑌿 𑌸𑍍𑌮 𑌸𑌰𑍍𑌵𑌾𑌃 𑌕𑌲𑌿𑌤𑌾𑌭𑌿𑌮𑌾𑌨𑌾 𑌨𑌿𑌰𑍀𑌕𑍍𑌷𑍍𑌯 𑌗𑍋𑌵𑌿𑌂𑌦𑍍 𑌤𑌿𑌰𑍋𑌹𑌿𑌤𑍋𑌽𑌭𑍂𑌃 ॥2॥

𑌰𑌾𑌧𑌾𑌭𑌿𑌧𑌾𑌂 𑌤𑌾𑌵𑌦𑌜𑌾𑌤𑌗𑌰𑍍𑌵𑌾𑌮𑌤𑌿𑌪𑍍𑌰𑌿𑌯𑌾𑌂 𑌗𑍋𑌪𑌵𑌧𑍂𑌂 𑌮𑍁𑌰𑌾𑌰𑍇 ।
𑌭𑌵𑌾𑌨𑍁𑌪𑌾𑌦𑌾𑌯 𑌗𑌤𑍋 𑌵𑌿𑌦𑍂𑌰𑌂 𑌤𑌯𑌾 𑌸𑌹 𑌸𑍍𑌵𑍈𑌰𑌵𑌿𑌹𑌾𑌰𑌕𑌾𑌰𑍀 ॥3॥

𑌤𑌿𑌰𑍋𑌹𑌿𑌤𑍇𑌽𑌥 𑌤𑍍𑌵𑌯𑌿 𑌜𑌾𑌤𑌤𑌾𑌪𑌾𑌃 𑌸𑌮𑌂 𑌸𑌮𑍇𑌤𑌾𑌃 𑌕𑌮𑌲𑌾𑌯𑌤𑌾𑌕𑍍𑌷𑍍𑌯𑌃 ।
𑌵𑌨𑍇 𑌵𑌨𑍇 𑌤𑍍𑌵𑌾𑌂 𑌪𑌰𑌿𑌮𑌾𑌰𑍍𑌗𑌯𑌂𑌤𑍍𑌯𑍋 𑌵𑌿𑌷𑌾𑌦𑌮𑌾𑌪𑍁𑌰𑍍𑌭𑌗𑌵𑌨𑍍𑌨𑌪𑌾𑌰𑌮𑍍 ॥4॥

𑌹𑌾 𑌚𑍂𑌤 𑌹𑌾 𑌚𑌂𑌪𑌕 𑌕𑌰𑍍𑌣𑌿𑌕𑌾𑌰 𑌹𑌾 𑌮𑌲𑍍𑌲𑌿𑌕𑍇 𑌮𑌾𑌲𑌤𑌿 𑌬𑌾𑌲𑌵𑌲𑍍𑌯𑌃 ।
𑌕𑌿𑌂 𑌵𑍀𑌕𑍍𑌷𑌿𑌤𑍋 𑌨𑍋 𑌹𑍃𑌦𑌯𑍈𑌕𑌚𑍋𑌰𑌃 𑌇𑌤𑍍𑌯𑌾𑌦𑌿 𑌤𑌾𑌸𑍍𑌤𑍍𑌵𑌤𑍍𑌪𑍍𑌰𑌵𑌣𑌾 𑌵𑌿𑌲𑍇𑌪𑍁𑌃 ॥5॥

𑌨𑌿𑌰𑍀𑌕𑍍𑌷𑌿𑌤𑍋𑌽𑌯𑌂 𑌸𑌖𑌿 𑌪𑌂𑌕𑌜𑌾𑌕𑍍𑌷𑌃 𑌪𑍁𑌰𑍋 𑌮𑌮𑍇𑌤𑍍𑌯𑌾𑌕𑍁𑌲𑌮𑌾𑌲𑌪𑌂𑌤𑍀 ।
𑌤𑍍𑌵𑌾𑌂 𑌭𑌾𑌵𑌨𑌾𑌚𑌕𑍍𑌷𑍁𑌷𑌿 𑌵𑍀𑌕𑍍𑌷𑍍𑌯 𑌕𑌾𑌚𑌿𑌤𑍍𑌤𑌾𑌪𑌂 𑌸𑌖𑍀𑌨𑌾𑌂 𑌦𑍍𑌵𑌿𑌗𑍁𑌣𑍀𑌚𑌕𑌾𑌰 ॥6॥

𑌤𑍍𑌵𑌦𑌾𑌤𑍍𑌮𑌿𑌕𑌾𑌸𑍍𑌤𑌾 𑌯𑌮𑍁𑌨𑌾𑌤𑌟𑌾𑌂𑌤𑍇 𑌤𑌵𑌾𑌨𑍁𑌚𑌕𑍍𑌰𑍁𑌃 𑌕𑌿𑌲 𑌚𑍇𑌷𑍍𑌟𑌿𑌤𑌾𑌨𑌿 ।
𑌵𑌿𑌚𑌿𑌤𑍍𑌯 𑌭𑍂𑌯𑍋𑌽𑌪𑌿 𑌤𑌥𑍈𑌵 𑌮𑌾𑌨𑌾𑌤𑍍𑌤𑍍𑌵𑌯𑌾 𑌵𑌿𑌮𑍁𑌕𑍍𑌤𑌾𑌂 𑌦𑌦𑍃𑌶𑍁𑌶𑍍𑌚 𑌰𑌾𑌧𑌾𑌮𑍍 ॥𑍭॥

𑌤𑌤𑌃 𑌸𑌮𑌂 𑌤𑌾 𑌵𑌿𑌪𑌿𑌨𑍇 𑌸𑌮𑌂𑌤𑌾𑌤𑍍𑌤𑌮𑍋𑌵𑌤𑌾𑌰𑌾𑌵𑌧𑌿 𑌮𑌾𑌰𑍍𑌗𑌯𑌂𑌤𑍍𑌯𑌃 ।
𑌪𑍁𑌨𑌰𑍍𑌵𑌿𑌮𑌿𑌶𑍍𑌰𑌾 𑌯𑌮𑍁𑌨𑌾𑌤𑌟𑌾𑌂𑌤𑍇 𑌭𑍃𑌶𑌂 𑌵𑌿𑌲𑍇𑌪𑍁𑌶𑍍𑌚 𑌜𑌗𑍁𑌰𑍍𑌗𑍁𑌣𑌾𑌂𑌸𑍍𑌤𑍇 ॥𑍮॥

𑌤𑌥𑌾 𑌵𑍍𑌯𑌥𑌾𑌸𑌂𑌕𑍁𑌲𑌮𑌾𑌨𑌸𑌾𑌨𑌾𑌂 𑌵𑍍𑌰𑌜𑌾𑌂𑌗𑌨𑌾𑌨𑌾𑌂 𑌕𑌰𑍁𑌣𑍈𑌕𑌸𑌿𑌂𑌧𑍋 ।
𑌜𑌗𑌤𑍍𑌤𑍍𑌰𑌯𑍀𑌮𑍋𑌹𑌨𑌮𑍋𑌹𑌨𑌾𑌤𑍍𑌮𑌾 𑌤𑍍𑌵𑌂 𑌪𑍍𑌰𑌾𑌦𑍁𑌰𑌾𑌸𑍀𑌰𑌯𑌿 𑌮𑌂𑌦𑌹𑌾𑌸𑍀 ॥𑍯॥

𑌸𑌂𑌦𑌿𑌗𑍍𑌧𑌸𑌂𑌦𑌰𑍍𑌶𑌨𑌮𑌾𑌤𑍍𑌮𑌕𑌾𑌂𑌤𑌂 𑌤𑍍𑌵𑌾𑌂 𑌵𑍀𑌕𑍍𑌷𑍍𑌯 𑌤𑌨𑍍𑌵𑍍𑌯𑌃 𑌸𑌹𑌸𑌾 𑌤𑌦𑌾𑌨𑍀𑌮𑍍 ।
𑌕𑌿𑌂 𑌕𑌿𑌂 𑌨 𑌚𑌕𑍍𑌰𑍁𑌃 𑌪𑍍𑌰𑌮𑌦𑌾𑌤𑌿𑌭𑌾𑌰𑌾𑌤𑍍 𑌸 𑌤𑍍𑌵𑌂 𑌗𑌦𑌾𑌤𑍍 𑌪𑌾𑌲𑌯 𑌮𑌾𑌰𑍁𑌤𑍇𑌶 ॥10॥

Browse Related Categories: