Narayaniyam Dashaka 94 - Grantha

𑌶𑍁𑌦𑍍𑌧𑌾 𑌨𑌿𑌷𑍍𑌕𑌾𑌮𑌧𑌰𑍍𑌮𑍈𑌃 𑌪𑍍𑌰𑌵𑌰𑌗𑍁𑌰𑍁𑌗𑌿𑌰𑌾 𑌤𑌤𑍍𑌸𑍍𑌵𑌰𑍂𑌪𑌂 𑌪𑌰𑌂 𑌤𑍇
𑌶𑍁𑌦𑍍𑌧𑌂 𑌦𑍇𑌹𑍇𑌂𑌦𑍍𑌰𑌿𑌯𑌾𑌦𑌿𑌵𑍍𑌯𑌪𑌗𑌤𑌮𑌖𑌿𑌲𑌵𑍍𑌯𑌾𑌪𑍍𑌤𑌮𑌾𑌵𑍇𑌦𑌯𑌂𑌤𑍇 ।
𑌨𑌾𑌨𑌾𑌤𑍍𑌵𑌸𑍍𑌥𑍌𑌲𑍍𑌯𑌕𑌾𑌰𑍍𑌶𑍍𑌯𑌾𑌦𑌿 𑌤𑍁 𑌗𑍁𑌣𑌜𑌵𑌪𑍁𑌸𑍍𑌸𑌂𑌗𑌤𑍋𑌽𑌧𑍍𑌯𑌾𑌸𑌿𑌤𑌂 𑌤𑍇
𑌵𑌹𑍍𑌨𑍇𑌰𑍍𑌦𑌾𑌰𑍁𑌪𑍍𑌰𑌭𑍇𑌦𑍇𑌷𑍍𑌵𑌿𑌵 𑌮𑌹𑌦𑌣𑍁𑌤𑌾𑌦𑍀𑌪𑍍𑌤𑌤𑌾𑌶𑌾𑌂𑌤𑌤𑌾𑌦𑌿 ॥1॥

𑌆𑌚𑌾𑌰𑍍𑌯𑌾𑌖𑍍𑌯𑌾𑌧𑌰𑌸𑍍𑌥𑌾𑌰𑌣𑌿𑌸𑌮𑌨𑍁𑌮𑌿𑌲𑌚𑍍𑌛𑌿𑌷𑍍𑌯𑌰𑍂𑌪𑍋𑌤𑍍𑌤𑌰𑌾𑌰-
𑌣𑍍𑌯𑌾𑌵𑍇𑌧𑍋𑌦𑍍𑌭𑌾𑌸𑌿𑌤𑍇𑌨 𑌸𑍍𑌫𑍁𑌟𑌤𑌰𑌪𑌰𑌿𑌬𑍋𑌧𑌾𑌗𑍍𑌨𑌿𑌨𑌾 𑌦𑌹𑍍𑌯𑌮𑌾𑌨𑍇 ।
𑌕𑌰𑍍𑌮𑌾𑌲𑍀𑌵𑌾𑌸𑌨𑌾𑌤𑌤𑍍𑌕𑍃𑌤𑌤𑌨𑍁𑌭𑍁𑌵𑌨𑌭𑍍𑌰𑌾𑌂𑌤𑌿𑌕𑌾𑌂𑌤𑌾𑌰𑌪𑍂𑌰𑍇
𑌦𑌾𑌹𑍍𑌯𑌾𑌭𑌾𑌵𑍇𑌨 𑌵𑌿𑌦𑍍𑌯𑌾𑌶𑌿𑌖𑌿𑌨𑌿 𑌚 𑌵𑌿𑌰𑌤𑍇 𑌤𑍍𑌵𑌨𑍍𑌮𑌯𑍀 𑌖𑌲𑍍𑌵𑌵𑌸𑍍𑌥𑌾 ॥2॥

𑌏𑌵𑌂 𑌤𑍍𑌵𑌤𑍍𑌪𑍍𑌰𑌾𑌪𑍍𑌤𑌿𑌤𑍋𑌽𑌨𑍍𑌯𑍋 𑌨𑌹𑌿 𑌖𑌲𑍁 𑌨𑌿𑌖𑌿𑌲𑌕𑍍𑌲𑍇𑌶𑌹𑌾𑌨𑍇𑌰𑍁𑌪𑌾𑌯𑍋
𑌨𑍈𑌕𑌾𑌂𑌤𑌾𑌤𑍍𑌯𑌂𑌤𑌿𑌕𑌾𑌸𑍍𑌤𑍇 𑌕𑍃𑌷𑌿𑌵𑌦𑌗𑌦𑌷𑌾𑌡𑍍𑌗𑍁𑌣𑍍𑌯𑌷𑌟𑍍𑌕𑌰𑍍𑌮𑌯𑍋𑌗𑌾𑌃 ।
𑌦𑍁𑌰𑍍𑌵𑍈𑌕𑌲𑍍𑌯𑍈𑌰𑌕𑌲𑍍𑌯𑌾 𑌅𑌪𑌿 𑌨𑌿𑌗𑌮𑌪𑌥𑌾𑌸𑍍𑌤𑌤𑍍𑌫𑌲𑌾𑌨𑍍𑌯𑌪𑍍𑌯𑌵𑌾𑌪𑍍𑌤𑌾
𑌮𑌤𑍍𑌤𑌾𑌸𑍍𑌤𑍍𑌵𑌾𑌂 𑌵𑌿𑌸𑍍𑌮𑌰𑌂𑌤𑌃 𑌪𑍍𑌰𑌸𑌜𑌤𑌿 𑌪𑌤𑌨𑍇 𑌯𑌾𑌂𑌤𑍍𑌯𑌨𑌂𑌤𑌾𑌨𑍍 𑌵𑌿𑌷𑌾𑌦𑌾𑌨𑍍॥3॥

𑌤𑍍𑌵𑌲𑍍𑌲𑍋𑌕𑌾𑌦𑌨𑍍𑌯𑌲𑍋𑌕𑌃 𑌕𑍍𑌵𑌨𑍁 𑌭𑌯𑌰𑌹𑌿𑌤𑍋 𑌯𑌤𑍍 𑌪𑌰𑌾𑌰𑍍𑌧𑌦𑍍𑌵𑌯𑌾𑌂𑌤𑍇
𑌤𑍍𑌵𑌦𑍍𑌭𑍀𑌤𑌸𑍍𑌸𑌤𑍍𑌯𑌲𑍋𑌕𑍇𑌽𑌪𑌿 𑌨 𑌸𑍁𑌖𑌵𑌸𑌤𑌿𑌃 𑌪𑌦𑍍𑌮𑌭𑍂𑌃 𑌪𑌦𑍍𑌮𑌨𑌾𑌭 ।
𑌏𑌵𑌂 𑌭𑌾𑌵𑍇 𑌤𑍍𑌵𑌧𑌰𑍍𑌮𑌾𑌰𑍍𑌜𑌿𑌤𑌬𑌹𑍁𑌤𑌮𑌸𑌾𑌂 𑌕𑌾 𑌕𑌥𑌾 𑌨𑌾𑌰𑌕𑌾𑌣𑌾𑌂
𑌤𑌨𑍍𑌮𑍇 𑌤𑍍𑌵𑌂 𑌛𑌿𑌂𑌧𑌿 𑌬𑌂𑌧𑌂 𑌵𑌰𑌦𑍍 𑌕𑍃𑌪𑌣𑌬𑌂𑌧𑍋 𑌕𑍃𑌪𑌾𑌪𑍂𑌰𑌸𑌿𑌂𑌧𑍋 ॥4॥

𑌯𑌾𑌥𑌾𑌰𑍍𑌥𑍍𑌯𑌾𑌤𑍍𑌤𑍍𑌵𑌨𑍍𑌮𑌯𑌸𑍍𑌯𑍈𑌵 𑌹𑌿 𑌮𑌮 𑌨 𑌵𑌿𑌭𑍋 𑌵𑌸𑍍𑌤𑍁𑌤𑍋 𑌬𑌂𑌧𑌮𑍋𑌕𑍍𑌷𑍌
𑌮𑌾𑌯𑌾𑌵𑌿𑌦𑍍𑌯𑌾𑌤𑌨𑍁𑌭𑍍𑌯𑌾𑌂 𑌤𑌵 𑌤𑍁 𑌵𑌿𑌰𑌚𑌿𑌤𑍌 𑌸𑍍𑌵𑌪𑍍𑌨𑌬𑍋𑌧𑍋𑌪𑌮𑍌 𑌤𑍌 ।
𑌬𑌦𑍍𑌧𑍇 𑌜𑍀𑌵𑌦𑍍𑌵𑌿𑌮𑍁𑌕𑍍𑌤𑌿𑌂 𑌗𑌤𑌵𑌤𑌿 𑌚 𑌭𑌿𑌦𑌾 𑌤𑌾𑌵𑌤𑍀 𑌤𑌾𑌵𑌦𑍇𑌕𑍋
𑌭𑍁𑌂𑌕𑍍𑌤𑍇 𑌦𑍇𑌹𑌦𑍍𑌰𑍁𑌮𑌸𑍍𑌥𑍋 𑌵𑌿𑌷𑌯𑌫𑌲𑌰𑌸𑌾𑌨𑍍𑌨𑌾𑌪𑌰𑍋 𑌨𑌿𑌰𑍍𑌵𑍍𑌯𑌥𑌾𑌤𑍍𑌮𑌾 ॥5॥

𑌜𑍀𑌵𑌨𑍍𑌮𑍁𑌕𑍍𑌤𑌤𑍍𑌵𑌮𑍇𑌵𑌂𑌵𑌿𑌧𑌮𑌿𑌤𑌿 𑌵𑌚𑌸𑌾 𑌕𑌿𑌂 𑌫𑌲𑌂 𑌦𑍂𑌰𑌦𑍂𑌰𑍇
𑌤𑌨𑍍𑌨𑌾𑌮𑌾𑌶𑍁𑌦𑍍𑌧𑌬𑍁𑌦𑍍𑌧𑍇𑌰𑍍𑌨 𑌚 𑌲𑌘𑍁 𑌮𑌨𑌸𑌶𑍍𑌶𑍋𑌧𑌨𑌂 𑌭𑌕𑍍𑌤𑌿𑌤𑍋𑌽𑌨𑍍𑌯𑌤𑍍 ।
𑌤𑌨𑍍𑌮𑍇 𑌵𑌿𑌷𑍍𑌣𑍋 𑌕𑍃𑌷𑍀𑌷𑍍𑌠𑌾𑌸𑍍𑌤𑍍𑌵𑌯𑌿 𑌕𑍃𑌤𑌸𑌕𑌲𑌪𑍍𑌰𑌾𑌰𑍍𑌪𑌣𑌂 𑌭𑌕𑍍𑌤𑌿𑌭𑌾𑌰𑌂
𑌯𑍇𑌨 𑌸𑍍𑌯𑌾𑌂 𑌮𑌂𑌕𑍍𑌷𑍁 𑌕𑌿𑌂𑌚𑌿𑌦𑍍 𑌗𑍁𑌰𑍁𑌵𑌚𑌨𑌮𑌿𑌲𑌤𑍍𑌤𑍍𑌵𑌤𑍍𑌪𑍍𑌰𑌬𑍋𑌧𑌸𑍍𑌤𑍍𑌵𑌦𑌾𑌤𑍍𑌮𑌾 ॥6॥

𑌶𑌬𑍍𑌦𑍍𑌬𑍍𑌰𑌹𑍍𑌮𑌣𑍍𑌯𑌪𑍀𑌹 𑌪𑍍𑌰𑌯𑌤𑌿𑌤𑌮𑌨𑌸𑌸𑍍𑌤𑍍𑌵𑌾𑌂 𑌨 𑌜𑌾𑌨𑌂𑌤𑌿 𑌕𑍇𑌚𑌿𑌤𑍍
𑌕𑌷𑍍𑌟𑌂 𑌵𑌂𑌧𑍍𑌯𑌶𑍍𑌰𑌮𑌾𑌸𑍍𑌤𑍇 𑌚𑌿𑌰𑌤𑌰𑌮𑌿𑌹 𑌗𑌾𑌂 𑌬𑌿𑌭𑍍𑌰𑌤𑍇 𑌨𑌿𑌷𑍍𑌪𑍍𑌰𑌸𑍂𑌤𑌿𑌮𑍍 ।
𑌯𑌸𑍍𑌯𑌾𑌂 𑌵𑌿𑌶𑍍𑌵𑌾𑌭𑌿𑌰𑌾𑌮𑌾𑌸𑍍𑌸𑌕𑌲𑌮𑌲𑌹𑌰𑌾 𑌦𑌿𑌵𑍍𑌯𑌲𑍀𑌲𑌾𑌵𑌤𑌾𑌰𑌾𑌃
𑌸𑌚𑍍𑌚𑌿𑌤𑍍𑌸𑌾𑌂𑌦𑍍𑌰𑌂 𑌚 𑌰𑍂𑌪𑌂 𑌤𑌵 𑌨 𑌨𑌿𑌗𑌦𑌿𑌤𑌂 𑌤𑌾𑌂 𑌨 𑌵𑌾𑌚𑌂 𑌭𑍍𑌰𑌿𑌯𑌾𑌸𑌮𑍍 ॥𑍭॥

𑌯𑍋 𑌯𑌾𑌵𑌾𑌨𑍍 𑌯𑌾𑌦𑍃𑌶𑍋 𑌵𑌾 𑌤𑍍𑌵𑌮𑌿𑌤𑌿 𑌕𑌿𑌮𑌪𑌿 𑌨𑍈𑌵𑌾𑌵𑌗𑌚𑍍𑌛𑌾𑌮𑌿 𑌭𑍂𑌮𑍍-
𑌨𑍍𑌨𑍇𑌵𑌂𑌚𑌾𑌨𑌨𑍍𑌯𑌭𑌾𑌵𑌸𑍍𑌤𑍍𑌵𑌦𑌨𑍁𑌭𑌜𑌨𑌮𑍇𑌵𑌾𑌦𑍍𑌰𑌿𑌯𑍇 𑌚𑍈𑌦𑍍𑌯𑌵𑍈𑌰𑌿𑌨𑍍 ।
𑌤𑍍𑌵𑌲𑍍𑌲𑌿𑌂𑌗𑌾𑌨𑌾𑌂 𑌤𑍍𑌵𑌦𑌂𑌘𑍍𑌰𑌿𑌪𑍍𑌰𑌿𑌯𑌜𑌨𑌸𑌦𑌸𑌾𑌂 𑌦𑌰𑍍𑌶𑌨𑌸𑍍𑌪𑌰𑍍𑌶𑌨𑌾𑌦𑌿-
𑌰𑍍𑌭𑍂𑌯𑌾𑌨𑍍𑌮𑍇 𑌤𑍍𑌵𑌤𑍍𑌪𑍍𑌰𑌪𑍂𑌜𑌾𑌨𑌤𑌿𑌨𑍁𑌤𑌿𑌗𑍁𑌣𑌕𑌰𑍍𑌮𑌾𑌨𑍁𑌕𑍀𑌰𑍍𑌤𑍍𑌯𑌾𑌦𑌰𑍋𑌽𑌪𑌿 ॥𑍮॥

𑌯𑌦𑍍𑌯𑌲𑍍𑌲𑌭𑍍𑌯𑍇𑌤 𑌤𑌤𑍍𑌤𑌤𑍍𑌤𑌵 𑌸𑌮𑍁𑌪𑌹𑍃𑌤𑌂 𑌦𑍇𑌵 𑌦𑌾𑌸𑍋𑌽𑌸𑍍𑌮𑌿 𑌤𑍇𑌽𑌹𑌂
𑌤𑍍𑌵𑌦𑍍𑌗𑍇𑌹𑍋𑌨𑍍𑌮𑌾𑌰𑍍𑌜𑌨𑌾𑌦𑍍𑌯𑌂 𑌭𑌵𑌤𑍁 𑌮𑌮 𑌮𑍁𑌹𑍁𑌃 𑌕𑌰𑍍𑌮 𑌨𑌿𑌰𑍍𑌮𑌾𑌯𑌮𑍇𑌵 ।
𑌸𑍂𑌰𑍍𑌯𑌾𑌗𑍍𑌨𑌿𑌬𑍍𑌰𑌾𑌹𑍍𑌮𑌣𑌾𑌤𑍍𑌮𑌾𑌦𑌿𑌷𑍁 𑌲𑌸𑌿𑌤𑌚𑌤𑍁𑌰𑍍𑌬𑌾𑌹𑍁𑌮𑌾𑌰𑌾𑌧𑌯𑍇 𑌤𑍍𑌵𑌾𑌂
𑌤𑍍𑌵𑌤𑍍𑌪𑍍𑌰𑍇𑌮𑌾𑌰𑍍𑌦𑍍𑌰𑌤𑍍𑌵𑌰𑍂𑌪𑍋 𑌮𑌮 𑌸𑌤𑌤𑌮𑌭𑌿𑌷𑍍𑌯𑌂𑌦𑌤𑌾𑌂 𑌭𑌕𑍍𑌤𑌿𑌯𑍋𑌗𑌃 ॥𑍯॥

𑌐𑌕𑍍𑌯𑌂 𑌤𑍇 𑌦𑌾𑌨𑌹𑍋𑌮𑌵𑍍𑌰𑌤𑌨𑌿𑌯𑌮𑌤𑌪𑌸𑍍𑌸𑌾𑌂𑌖𑍍𑌯𑌯𑍋𑌗𑍈𑌰𑍍𑌦𑍁𑌰𑌾𑌪𑌂
𑌤𑍍𑌵𑌤𑍍𑌸𑌂𑌗𑍇𑌨𑍈𑌵 𑌗𑍋𑌪𑍍𑌯𑌃 𑌕𑌿𑌲 𑌸𑍁𑌕𑍃𑌤𑌿𑌤𑌮𑌾 𑌪𑍍𑌰𑌾𑌪𑍁𑌰𑌾𑌨𑌂𑌦𑌸𑌾𑌂𑌦𑍍𑌰𑌮𑍍 ।
𑌭𑌕𑍍𑌤𑍇𑌷𑍍𑌵𑌨𑍍𑌯𑍇𑌷𑍁 𑌭𑍂𑌯𑌸𑍍𑌸𑍍𑌵𑌪𑌿 𑌬𑌹𑍁𑌮𑌨𑍁𑌷𑍇 𑌭𑌕𑍍𑌤𑌿𑌮𑍇𑌵 𑌤𑍍𑌵𑌮𑌾𑌸𑌾𑌂
𑌤𑌨𑍍𑌮𑍇 𑌤𑍍𑌵𑌦𑍍𑌭𑌕𑍍𑌤𑌿𑌮𑍇𑌵 𑌦𑍍𑌰𑌢𑌯 𑌹𑌰 𑌗𑌦𑌾𑌨𑍍 𑌕𑍃𑌷𑍍𑌣 𑌵𑌾𑌤𑌾𑌲𑌯𑍇𑌶 ॥10॥

Browse Related Categories: