Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |
This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

ధన్వన్తరీ మన్త్ర

ధ్యానం
అచ్యుతానన్త గోవిన్ద విష్ణో నారాయణాఽమృత
రోగాన్మే నాశయాఽశేషానాశు ధన్వన్తరే హరే ।
ఆరోగ్యం దీర్ఘమాయుష్యం బలం తేజో ధియం శ్రియం
స్వభక్తేభ్యోఽనుగృహ్ణన్తం వన్దే ధన్వన్తరిం హరిమ్ ॥

శఙ్ఖం చక్రం జలౌకాం దధదమృతఘటం చారుదోర్భిశ్చతుర్భిః ।
సూక్ష్మస్వచ్ఛాతిహృద్యాంశుక పరివిలసన్మౌళిమమ్భోజనేత్రమ్ ।
కాలామ్భోదోజ్జ్వలాఙ్గం కటితటవిలసచ్చారుపీతామ్బరాఢ్యమ్ ।
వన్దే ధన్వన్తరిం తం నిఖిలగదవనప్రౌఢదావాగ్నిలీలమ్ ॥

ధన్వన్తరేరిమం శ్లోకం భక్త్యా నిత్యం పఠన్తి యే ।
అనారోగ్యం న తేషాం స్యాత్ సుఖం జీవన్తి తే చిరమ్ ॥

మన్త్రం
ఓం నమో భగవతే వాసుదేవాయ ధన్వన్తరయే అమృతకలశహస్తాయ [వజ్రజలౌకహస్తాయ] సర్వామయవినాశనాయ త్రైలోక్యనాథాయ శ్రీమహావిష్ణవే స్వాహా ।

[పాఠాన్తరః]
ఓం నమో భగవతే మహాసుదర్శనాయ వాసుదేవాయ ధన్వన్తరయే అమృతకలశహస్తాయ సర్వభయవినాశాయ సర్వరోగనివారణాయ త్రైలోక్యపతయే త్రైలోక్యనిధయే శ్రీమహావిష్ణుస్వరూప శ్రీధన్వన్తరీస్వరూప శ్రీ శ్రీ శ్రీ ఔషధచక్ర నారాయణాయ స్వాహా ।

గాయత్రీ మన్త్రమ్
ఓం వాసుదేవాయ విద్మహే సుధాహస్తాయ ధీమహి ।
తన్నో ధన్వన్తరిః ప్రచోదయాత్ ।

తారకమన్త్రమ్
ఓం ధం ధన్వన్తరయే నమః ।


Browse Related Categories: