Sri Panchayudha Stotram - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

శ్రీ పఞ్చాయుధ స్తోత్రమ్

స్ఫురత్సహస్రారశిఖాతితీవ్రం
సుదర్శనం భాస్కరకోటితుల్యమ్ ।
సురద్విషాం ప్రాణవినాశి విష్ణోః
చక్రం సదాఽహం శరణం ప్రపద్యే ॥ 1 ॥

విష్ణోర్ముఖోత్థానిలపూరితస్య
యస్య ధ్వనిర్దానవదర్పహన్తా ।
తం పాఞ్చజన్యం శశికోటిశుభ్రం
శఙ్ఖం సదాఽహం శరణం ప్రపద్యే ॥ 2 ॥

హిరణ్మయీం మేరుసమానసారాం
కౌమోదకీం దైత్యకులైకహన్త్రీమ్ ।
వైకుణ్ఠవామాగ్రకరాగ్రమృష్టాం
గదాం సదాఽహం శరణం ప్రపద్యే ॥ 3 ॥

యజ్జ్యానినాదశ్రవణాత్సురాణాం
చేతాంసి నిర్ముక్తభయాని సద్యః ।
భవన్తి దైత్యాశనిబాణవర్షైః
శార్ఙ్గం సదాఽహం శరణం ప్రపద్యే ॥ 4 ॥

రక్షోఽసురాణాం కఠినోగ్రకణ్ఠ-
-చ్ఛేదక్షరత్‍క్షోణిత దిగ్ధసారమ్ ।
తం నన్దకం నామ హరేః ప్రదీప్తం
ఖడ్గం సదాఽహం శరణం ప్రపద్యే ॥ 5 ॥

ఇమం హరేః పఞ్చమహాయుధానాం
స్తవం పఠేద్యోఽనుదినం ప్రభాతే ।
సమస్త దుఃఖాని భయాని సద్యః
పాపాని నశ్యన్తి సుఖాని సన్తి ॥ 6 ॥

వనే రణే శత్రు జలాగ్నిమధ్యే
యదృచ్ఛయాపత్సు మహాభయేషు ।
పఠేత్విదం స్తోత్రమనాకులాత్మా
సుఖీభవేత్తత్కృత సర్వరక్షః ॥ 7 ॥

యచ్చక్రశఙ్ఖం గదఖడ్గశార్ఙ్గిణం
పీతామ్బరం కౌస్తుభవత్సలాఞ్ఛితమ్ ।
శ్రియాసమేతోజ్జ్వలశోభితాఙ్గం
విష్ణుం సదాఽహం శరణం ప్రపద్యే ॥

జలే రక్షతు వారాహః స్థలే రక్షతు వామనః ।
అటవ్యాం నారసింహశ్చ సర్వతః పాతు కేశవః ॥

ఇతి పఞ్చాయుధ స్తోత్రమ్ ॥

Browse Related Categories: