Narayaniyam Dashaka 13 - Grantha

𑌸 𑌮𑌾𑌯𑌾𑌵𑍀 𑌵𑌿𑌷𑍍𑌣𑍁𑌰𑍍𑌹𑌰𑌤𑌿 𑌭𑌵𑌦𑍀𑌯𑌾𑌂 𑌵𑌸𑍁𑌮𑌤𑍀𑌂
𑌪𑍍𑌰𑌭𑍋 𑌕𑌷𑍍𑌟𑌂 𑌕𑌷𑍍𑌟𑌂 𑌕𑌿𑌮𑌿𑌦𑌮𑌿𑌤𑌿 𑌤𑍇𑌨𑌾𑌭𑌿𑌗𑌦𑌿𑌤𑌃 ।
𑌨𑌦𑌨𑍍 𑌕𑍍𑌵𑌾𑌸𑍌 𑌕𑍍𑌵𑌾𑌸𑌵𑌿𑌤𑌿 𑌸 𑌮𑍁𑌨𑌿𑌨𑌾 𑌦𑌰𑍍𑌶𑌿𑌤𑌪𑌥𑍋
𑌭𑌵𑌂𑌤𑌂 𑌸𑌂𑌪𑍍𑌰𑌾𑌪𑌦𑍍𑌧𑌰𑌣𑌿𑌧𑌰𑌮𑍁𑌦𑍍𑌯𑌂𑌤𑌮𑍁𑌦𑌕𑌾𑌤𑍍 ॥2॥

𑌅𑌹𑍋 𑌆𑌰𑌣𑍍𑌯𑍋𑌽𑌯𑌂 𑌮𑍃𑌗 𑌇𑌤𑌿 𑌹𑌸𑌂𑌤𑌂 𑌬𑌹𑍁𑌤𑌰𑍈-
𑌰𑍍𑌦𑍁𑌰𑍁𑌕𑍍𑌤𑍈𑌰𑍍𑌵𑌿𑌧𑍍𑌯𑌂𑌤𑌂 𑌦𑌿𑌤𑌿𑌸𑍁𑌤𑌮𑌵𑌜𑍍𑌞𑌾𑌯 𑌭𑌗𑌵𑌨𑍍 ।
𑌮𑌹𑍀𑌂 𑌦𑍃𑌷𑍍𑌟𑍍𑌵𑌾 𑌦𑌂𑌷𑍍𑌟𑍍𑌰𑌾𑌶𑌿𑌰𑌸𑌿 𑌚𑌕𑌿𑌤𑌾𑌂 𑌸𑍍𑌵𑍇𑌨 𑌮𑌹𑌸𑌾
𑌪𑌯𑍋𑌧𑌾𑌵𑌾𑌧𑌾𑌯 𑌪𑍍𑌰𑌸𑌭𑌮𑍁𑌦𑌯𑍁𑌂𑌕𑍍𑌥𑌾 𑌮𑍃𑌧𑌵𑌿𑌧𑍌 ॥3॥

𑌗𑌦𑌾𑌪𑌾𑌣𑍌 𑌦𑍈𑌤𑍍𑌯𑍇 𑌤𑍍𑌵𑌮𑌪𑌿 𑌹𑌿 𑌗𑍃𑌹𑍀𑌤𑍋𑌨𑍍𑌨𑌤𑌗𑌦𑍋
𑌨𑌿𑌯𑍁𑌦𑍍𑌧𑍇𑌨 𑌕𑍍𑌰𑍀𑌡𑌨𑍍 𑌘𑌟𑌘𑌟𑌰𑌵𑍋𑌦𑍍𑌘𑍁𑌷𑍍𑌟𑌵𑌿𑌯𑌤𑌾 ।
𑌰𑌣𑌾𑌲𑍋𑌕𑍌𑌤𑍍𑌸𑍁𑌕𑍍𑌯𑌾𑌨𑍍𑌮𑌿𑌲𑌤𑌿 𑌸𑍁𑌰𑌸𑌂𑌘𑍇 𑌦𑍍𑌰𑍁𑌤𑌮𑌮𑍁𑌂
𑌨𑌿𑌰𑍁𑌂𑌧𑍍𑌯𑌾𑌃 𑌸𑌂𑌧𑍍𑌯𑌾𑌤𑌃 𑌪𑍍𑌰𑌥𑌮𑌮𑌿𑌤𑌿 𑌧𑌾𑌤𑍍𑌰𑌾 𑌜𑌗𑌦𑌿𑌷𑍇 ॥4॥

𑌗𑌦𑍋𑌨𑍍𑌮𑌰𑍍𑌦𑍇 𑌤𑌸𑍍𑌮𑌿𑌂𑌸𑍍𑌤𑌵 𑌖𑌲𑍁 𑌗𑌦𑌾𑌯𑌾𑌂 𑌦𑌿𑌤𑌿𑌭𑍁𑌵𑍋
𑌗𑌦𑌾𑌘𑌾𑌤𑌾𑌦𑍍𑌭𑍂𑌮𑍌 𑌝𑌟𑌿𑌤𑌿 𑌪𑌤𑌿𑌤𑌾𑌯𑌾𑌮𑌹𑌹! 𑌭𑍋𑌃 ।
𑌮𑍃𑌦𑍁𑌸𑍍𑌮𑍇𑌰𑌾𑌸𑍍𑌯𑌸𑍍𑌤𑍍𑌵𑌂 𑌦𑌨𑍁𑌜𑌕𑍁𑌲𑌨𑌿𑌰𑍍𑌮𑍂𑌲𑌨𑌚𑌣𑌂
𑌮𑌹𑌾𑌚𑌕𑍍𑌰𑌂 𑌸𑍍𑌮𑍃𑌤𑍍𑌵𑌾 𑌕𑌰𑌭𑍁𑌵𑌿 𑌦𑌧𑌾𑌨𑍋 𑌰𑍁𑌰𑍁𑌚𑌿𑌷𑍇 ॥5॥

𑌤𑌤𑌃 𑌶𑍂𑌲𑌂 𑌕𑌾𑌲𑌪𑍍𑌰𑌤𑌿𑌮𑌰𑍁𑌷𑌿 𑌦𑍈𑌤𑍍𑌯𑍇 𑌵𑌿𑌸𑍃𑌜𑌤𑌿
𑌤𑍍𑌵𑌯𑌿 𑌛𑌿𑌂𑌦𑌤𑍍𑌯𑍇𑌨𑌤𑍍 𑌕𑌰𑌕𑌲𑌿𑌤𑌚𑌕𑍍𑌰𑌪𑍍𑌰𑌹𑌰𑌣𑌾𑌤𑍍 ।
𑌸𑌮𑌾𑌰𑍁𑌷𑍍𑌟𑍋 𑌮𑍁𑌷𑍍𑌟𑍍𑌯𑌾 𑌸 𑌖𑌲𑍁 𑌵𑌿𑌤𑍁𑌦𑌂𑌸𑍍𑌤𑍍𑌵𑌾𑌂 𑌸𑌮𑌤𑌨𑍋𑌤𑍍
𑌗𑌲𑌨𑍍𑌮𑌾𑌯𑍇 𑌮𑌾𑌯𑌾𑌸𑍍𑌤𑍍𑌵𑌯𑌿 𑌕𑌿𑌲 𑌜𑌗𑌨𑍍𑌮𑍋𑌹𑌨𑌕𑌰𑍀𑌃 ॥6॥

𑌭𑌵𑌚𑍍𑌚𑌕𑍍𑌰𑌜𑍍𑌯𑍋𑌤𑌿𑌷𑍍𑌕𑌣𑌲𑌵𑌨𑌿𑌪𑌾𑌤𑍇𑌨 𑌵𑌿𑌧𑍁𑌤𑍇
𑌤𑌤𑍋 𑌮𑌾𑌯𑌾𑌚𑌕𑍍𑌰𑍇 𑌵𑌿𑌤𑌤𑌘𑌨𑌰𑍋𑌷𑌾𑌂𑌧𑌮𑌨𑌸𑌮𑍍 ।
𑌗𑌰𑌿𑌷𑍍𑌠𑌾𑌭𑌿𑌰𑍍𑌮𑍁𑌷𑍍𑌟𑌿𑌪𑍍𑌰𑌹𑍃𑌤𑌿𑌭𑌿𑌰𑌭𑌿𑌘𑍍𑌨𑌂𑌤𑌮𑌸𑍁𑌰𑌂
𑌸𑍍𑌵𑌪𑌾𑌦𑌾𑌂𑌗𑍁𑌷𑍍𑌠𑍇𑌨 𑌶𑍍𑌰𑌵𑌣𑌪𑌦𑌮𑍂𑌲𑍇 𑌨𑌿𑌰𑌵𑌧𑍀𑌃 ॥𑍭॥

𑌮𑌹𑌾𑌕𑌾𑌯𑌃 𑌸𑍋𑍓𑌽𑌯𑌂 𑌤𑌵 𑌚𑌰𑌣𑌪𑌾𑌤𑌪𑍍𑌰𑌮𑌥𑌿𑌤𑍋
𑌗𑌲𑌦𑍍𑌰𑌕𑍍𑌤𑍋 𑌵𑌕𑍍𑌤𑍍𑌰𑌾𑌦𑌪𑌤𑌦𑍃𑌷𑌿𑌭𑌿𑌃 𑌶𑍍𑌲𑌾𑌘𑌿𑌤𑌹𑌤𑌿𑌃 ।
𑌤𑌦𑌾 𑌤𑍍𑌵𑌾𑌮𑍁𑌦𑍍𑌦𑌾𑌮𑌪𑍍𑌰𑌮𑌦𑌭𑌰𑌵𑌿𑌦𑍍𑌯𑍋𑌤𑌿𑌹𑍃𑌦𑌯𑌾
𑌮𑍁𑌨𑍀𑌂𑌦𑍍𑌰𑌾𑌃 𑌸𑌾𑌂𑌦𑍍𑌰𑌾𑌭𑌿𑌃 𑌸𑍍𑌤𑍁𑌤𑌿𑌭𑌿𑌰𑌨𑍁𑌵𑌨𑍍𑌨𑌧𑍍𑌵𑌰𑌤𑌨𑍁𑌮𑍍 ॥𑍮॥

𑌤𑍍𑌵𑌚𑌿 𑌛𑌂𑌦𑍋 𑌰𑍋𑌮𑌸𑍍𑌵𑌪𑌿 𑌕𑍁𑌶𑌗𑌣𑌶𑍍𑌚𑌕𑍍𑌷𑍁𑌷𑌿 𑌘𑍃𑌤𑌂
𑌚𑌤𑍁𑌰𑍍𑌹𑍋𑌤𑌾𑌰𑍋𑌽𑌂𑌘𑍍𑌰𑍌 𑌸𑍍𑌰𑍁𑌗𑌪𑌿 𑌵𑌦𑌨𑍇 𑌚𑍋𑌦𑌰 𑌇𑌡𑌾 ।
𑌗𑍍𑌰𑌹𑌾 𑌜𑌿𑌹𑍍𑌵𑌾𑌯𑌾𑌂 𑌤𑍇 𑌪𑌰𑌪𑍁𑌰𑍁𑌷 𑌕𑌰𑍍𑌣𑍇 𑌚 𑌚𑌮𑌸𑌾
𑌵𑌿𑌭𑍋 𑌸𑍋𑌮𑍋 𑌵𑍀𑌰𑍍𑌯𑌂 𑌵𑌰𑌦 𑌗𑌲𑌦𑍇𑌶𑍇𑌽𑌪𑍍𑌯𑍁𑌪𑌸𑌦𑌃 ॥𑍯॥

𑌮𑍁𑌨𑍀𑌂𑌦𑍍𑌰𑍈𑌰𑌿𑌤𑍍𑌯𑌾𑌦𑌿𑌸𑍍𑌤𑌵𑌨𑌮𑍁𑌖𑌰𑍈𑌰𑍍𑌮𑍋𑌦𑌿𑌤𑌮𑌨𑌾
𑌮𑌹𑍀𑌯𑌸𑍍𑌯𑌾 𑌮𑍂𑌰𑍍𑌤𑍍𑌯𑌾 𑌵𑌿𑌮𑌲𑌤𑌰𑌕𑍀𑌰𑍍𑌤𑍍𑌯𑌾 𑌚 𑌵𑌿𑌲𑌸𑌨𑍍 ।
𑌸𑍍𑌵𑌧𑌿𑌷𑍍𑌣𑍍𑌯𑌂 𑌸𑌂𑌪𑍍𑌰𑌾𑌪𑍍𑌤𑌃 𑌸𑍁𑌖𑌰𑌸𑌵𑌿𑌹𑌾𑌰𑍀 𑌮𑌧𑍁𑌰𑌿𑌪𑍋
𑌨𑌿𑌰𑍁𑌂𑌧𑍍𑌯𑌾 𑌰𑍋𑌗𑌂 𑌮𑍇 𑌸𑌕𑌲𑌮𑌪𑌿 𑌵𑌾𑌤𑌾𑌲𑌯𑌪𑌤𑍇 ॥10॥

Browse Related Categories: