Narayaniyam Dashaka 6 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 6

𑌏𑌵𑌂 𑌚𑌤𑍁𑌰𑍍𑌦𑌶𑌜𑌗𑌨𑍍𑌮𑌯𑌤𑌾𑌂 𑌗𑌤𑌸𑍍𑌯
𑌪𑌾𑌤𑌾𑌲𑌮𑍀𑌶 𑌤𑌵 𑌪𑌾𑌦𑌤𑌲𑌂 𑌵𑌦𑌂𑌤𑌿 ।
𑌪𑌾𑌦𑍋𑌰𑍍𑌧𑍍𑌵𑌦𑍇𑌶𑌮𑌪𑌿 𑌦𑍇𑌵 𑌰𑌸𑌾𑌤𑌲𑌂 𑌤𑍇
𑌗𑍁𑌲𑍍𑌫𑌦𑍍𑌵𑌯𑌂 𑌖𑌲𑍁 𑌮𑌹𑌾𑌤𑌲𑌮𑌦𑍍𑌭𑍁𑌤𑌾𑌤𑍍𑌮𑌨𑍍 ॥1॥

𑌜𑌂𑌘𑍇 𑌤𑌲𑌾𑌤𑌲𑌮𑌥𑍋 𑌸𑍁𑌤𑌲𑌂 𑌚 𑌜𑌾𑌨𑍂
𑌕𑌿𑌂𑌚𑍋𑌰𑍁𑌭𑌾𑌗𑌯𑍁𑌗𑌲𑌂 𑌵𑌿𑌤𑌲𑌾𑌤𑌲𑍇 𑌦𑍍𑌵𑍇 ।
𑌕𑍍𑌷𑍋𑌣𑍀𑌤𑌲𑌂 𑌜𑌘𑌨𑌮𑌂𑌬𑌰𑌮𑌂𑌗 𑌨𑌾𑌭𑌿-
𑌰𑍍𑌵𑌕𑍍𑌷𑌶𑍍𑌚 𑌶𑌕𑍍𑌰𑌨𑌿𑌲𑌯𑌸𑍍𑌤𑌵 𑌚𑌕𑍍𑌰𑌪𑌾𑌣𑍇 ॥2॥

𑌗𑍍𑌰𑍀𑌵𑌾 𑌮𑌹𑌸𑍍𑌤𑌵 𑌮𑍁𑌖𑌂 𑌚 𑌜𑌨𑌸𑍍𑌤𑌪𑌸𑍍𑌤𑍁
𑌫𑌾𑌲𑌂 𑌶𑌿𑌰𑌸𑍍𑌤𑌵 𑌸𑌮𑌸𑍍𑌤𑌮𑌯𑌸𑍍𑌯 𑌸𑌤𑍍𑌯𑌮𑍍 ।
𑌏𑌵𑌂 𑌜𑌗𑌨𑍍𑌮𑌯𑌤𑌨𑍋 𑌜𑌗𑌦𑌾𑌶𑍍𑌰𑌿𑌤𑍈𑌰-
𑌪𑍍𑌯𑌨𑍍𑌯𑍈𑌰𑍍𑌨𑌿𑌬𑌦𑍍𑌧𑌵𑌪𑍁𑌷𑍇 𑌭𑌗𑌵𑌨𑍍𑌨𑌮𑌸𑍍𑌤𑍇 ॥3॥

𑌤𑍍𑌵𑌦𑍍𑌬𑍍𑌰𑌹𑍍𑌮𑌰𑌂𑌧𑍍𑌰𑌪𑌦𑌮𑍀𑌶𑍍𑌵𑌰 𑌵𑌿𑌶𑍍𑌵𑌕𑌂𑌦
𑌛𑌂𑌦𑌾𑌂𑌸𑌿 𑌕𑍇𑌶𑌵 𑌘𑌨𑌾𑌸𑍍𑌤𑌵 𑌕𑍇𑌶𑌪𑌾𑌶𑌾𑌃 ।
𑌉𑌲𑍍𑌲𑌾𑌸𑌿𑌚𑌿𑌲𑍍𑌲𑌿𑌯𑍁𑌗𑌲𑌂 𑌦𑍍𑌰𑍁𑌹𑌿𑌣𑌸𑍍𑌯 𑌗𑍇𑌹𑌂
𑌪𑌕𑍍𑌷𑍍𑌮𑌾𑌣𑌿 𑌰𑌾𑌤𑍍𑌰𑌿𑌦𑌿𑌵𑌸𑍌 𑌸𑌵𑌿𑌤𑌾 𑌚 𑌨𑍇𑌤𑍍𑌰𑍈 ॥4॥

𑌨𑌿𑌶𑍍𑌶𑍇𑌷𑌵𑌿𑌶𑍍𑌵𑌰𑌚𑌨𑌾 𑌚 𑌕𑌟𑌾𑌕𑍍𑌷𑌮𑍋𑌕𑍍𑌷𑌃
𑌕𑌰𑍍𑌣𑍌 𑌦𑌿𑌶𑍋𑌽𑌶𑍍𑌵𑌿𑌯𑍁𑌗𑌲𑌂 𑌤𑌵 𑌨𑌾𑌸𑌿𑌕𑍇 𑌦𑍍𑌵𑍇 ।
𑌲𑍋𑌭𑌤𑍍𑌰𑌪𑍇 𑌚 𑌭𑌗𑌵𑌨𑍍𑌨𑌧𑌰𑍋𑌤𑍍𑌤𑌰𑍋𑌷𑍍𑌠𑍌
𑌤𑌾𑌰𑌾𑌗𑌣𑌾𑌶𑍍𑌚 𑌦𑌶𑌨𑌾𑌃 𑌶𑌮𑌨𑌶𑍍𑌚 𑌦𑌂𑌷𑍍𑌟𑍍𑌰𑌾 ॥5॥

𑌮𑌾𑌯𑌾 𑌵𑌿𑌲𑌾𑌸𑌹𑌸𑌿𑌤𑌂 𑌶𑍍𑌵𑌸𑌿𑌤𑌂 𑌸𑌮𑍀𑌰𑍋
𑌜𑌿𑌹𑍍𑌵𑌾 𑌜𑌲𑌂 𑌵𑌚𑌨𑌮𑍀𑌶 𑌶𑌕𑍁𑌂𑌤𑌪𑌂𑌕𑍍𑌤𑌿𑌃 ।
𑌸𑌿𑌦𑍍𑌧𑌾𑌦𑌯𑌃 𑌸𑍍𑌵𑌰𑌗𑌣𑌾 𑌮𑍁𑌖𑌰𑌂𑌧𑍍𑌰𑌮𑌗𑍍𑌨𑌿-
𑌰𑍍𑌦𑍇𑌵𑌾 𑌭𑍁𑌜𑌾𑌃 𑌸𑍍𑌤𑌨𑌯𑍁𑌗𑌂 𑌤𑌵 𑌧𑌰𑍍𑌮𑌦𑍇𑌵𑌃 ॥6॥

𑌪𑍃𑌷𑍍𑌠𑌂 𑌤𑍍𑌵𑌧𑌰𑍍𑌮 𑌇𑌹 𑌦𑍇𑌵 𑌮𑌨𑌃 𑌸𑍁𑌧𑌾𑌂𑌶𑍁 -
𑌰𑌵𑍍𑌯𑌕𑍍𑌤𑌮𑍇𑌵 𑌹𑍃𑌦𑌯𑌂𑌬𑍁𑌜𑌮𑌂𑌬𑍁𑌜𑌾𑌕𑍍𑌷 ।
𑌕𑍁𑌕𑍍𑌷𑌿𑌃 𑌸𑌮𑍁𑌦𑍍𑌰𑌨𑌿𑌵𑌹𑌾 𑌵𑌸𑌨𑌂 𑌤𑍁 𑌸𑌂𑌧𑍍𑌯𑍇
𑌶𑍇𑌫𑌃 𑌪𑍍𑌰𑌜𑌾𑌪𑌤𑌿𑌰𑌸𑍌 𑌵𑍃𑌷𑌣𑍌 𑌚 𑌮𑌿𑌤𑍍𑌰𑌃 ॥𑍭॥

𑌶𑍍𑌰𑍋𑌣𑍀𑌸𑍍𑌥𑌲𑌂 𑌮𑍃𑌗𑌗𑌣𑌾𑌃 𑌪𑌦𑌯𑍋𑌰𑍍𑌨𑌖𑌾𑌸𑍍𑌤𑍇
𑌹𑌸𑍍𑌤𑍍𑌯𑍁𑌷𑍍𑌟𑍍𑌰𑌸𑍈𑌂𑌧𑌵𑌮𑍁𑌖𑌾 𑌗𑌮𑌨𑌂 𑌤𑍁 𑌕𑌾𑌲𑌃 ।
𑌵𑌿𑌪𑍍𑌰𑌾𑌦𑌿𑌵𑌰𑍍𑌣𑌭𑌵𑌨𑌂 𑌵𑌦𑌨𑌾𑌬𑍍𑌜𑌬𑌾𑌹𑍁-
𑌚𑌾𑌰𑍂𑌰𑍁𑌯𑍁𑌗𑍍𑌮𑌚𑌰𑌣𑌂 𑌕𑌰𑍁𑌣𑌾𑌂𑌬𑍁𑌧𑍇 𑌤𑍇 ॥𑍮॥

𑌸𑌂𑌸𑌾𑌰𑌚𑌕𑍍𑌰𑌮𑌯𑌿 𑌚𑌕𑍍𑌰𑌧𑌰 𑌕𑍍𑌰𑌿𑌯𑌾𑌸𑍍𑌤𑍇
𑌵𑍀𑌰𑍍𑌯𑌂 𑌮𑌹𑌾𑌸𑍁𑌰𑌗𑌣𑍋𑌽𑌸𑍍𑌥𑌿𑌕𑍁𑌲𑌾𑌨𑌿 𑌶𑍈𑌲𑌾𑌃 ।
𑌨𑌾𑌡𑍍𑌯𑌸𑍍𑌸𑌰𑌿𑌤𑍍𑌸𑌮𑍁𑌦𑌯𑌸𑍍𑌤𑌰𑌵𑌶𑍍𑌚 𑌰𑍋𑌮
𑌜𑍀𑌯𑌾𑌦𑌿𑌦𑌂 𑌵𑌪𑍁𑌰𑌨𑌿𑌰𑍍𑌵𑌚𑌨𑍀𑌯𑌮𑍀𑌶 ॥𑍯॥

𑌈𑌦𑍃𑌗𑍍𑌜𑌗𑌨𑍍𑌮𑌯𑌵𑌪𑍁𑌸𑍍𑌤𑌵 𑌕𑌰𑍍𑌮𑌭𑌾𑌜𑌾𑌂
𑌕𑌰𑍍𑌮𑌾𑌵𑌸𑌾𑌨𑌸𑌮𑌯𑍇 𑌸𑍍𑌮𑌰𑌣𑍀𑌯𑌮𑌾𑌹𑍁𑌃 ।
𑌤𑌸𑍍𑌯𑌾𑌂𑌤𑌰𑌾𑌤𑍍𑌮𑌵𑌪𑍁𑌷𑍇 𑌵𑌿𑌮𑌲𑌾𑌤𑍍𑌮𑌨𑍇 𑌤𑍇
𑌵𑌾𑌤𑌾𑌲𑌯𑌾𑌧𑌿𑌪 𑌨𑌮𑍋𑌽𑌸𑍍𑌤𑍁 𑌨𑌿𑌰𑍁𑌂𑌧𑌿 𑌰𑍋𑌗𑌾𑌨𑍍 ॥10॥

Browse Related Categories: