Narayaniyam Dashaka 27 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 2𑍭

𑌦𑌰𑍍𑌵𑌾𑌸𑌾𑌸𑍍𑌸𑍁𑌰𑌵𑌨𑌿𑌤𑌾𑌪𑍍𑌤𑌦𑌿𑌵𑍍𑌯𑌮𑌾𑌲𑍍𑌯𑌂
𑌶𑌕𑍍𑌰𑌾𑌯 𑌸𑍍𑌵𑌯𑌮𑍁𑌪𑌦𑌾𑌯 𑌤𑌤𑍍𑌰 𑌭𑍂𑌯𑌃 ।
𑌨𑌾𑌗𑍇𑌂𑌦𑍍𑌰𑌪𑍍𑌰𑌤𑌿𑌮𑍃𑌦𑌿𑌤𑍇 𑌶𑌶𑌾𑌪 𑌶𑌕𑍍𑌰𑌂
𑌕𑌾 𑌕𑍍𑌷𑌾𑌂𑌤𑌿𑌸𑍍𑌤𑍍𑌵𑌦𑌿𑌤𑌰𑌦𑍇𑌵𑌤𑌾𑌂𑌶𑌜𑌾𑌨𑌾𑌮𑍍 ॥1॥

𑌶𑌾𑌪𑍇𑌨 𑌪𑍍𑌰𑌥𑌿𑌤𑌜𑌰𑍇𑌽𑌥 𑌨𑌿𑌰𑍍𑌜𑌰𑍇𑌂𑌦𑍍𑌰𑍇
𑌦𑍇𑌵𑍇𑌷𑍍𑌵𑌪𑍍𑌯𑌸𑍁𑌰𑌜𑌿𑌤𑍇𑌷𑍁 𑌨𑌿𑌷𑍍𑌪𑍍𑌰𑌭𑍇𑌷𑍁 ।
𑌶𑌰𑍍𑌵𑌾𑌦𑍍𑌯𑌾𑌃 𑌕𑌮𑌲𑌜𑌮𑍇𑌤𑍍𑌯 𑌸𑌰𑍍𑌵𑌦𑍇𑌵𑌾
𑌨𑌿𑌰𑍍𑌵𑌾𑌣𑌪𑍍𑌰𑌭𑌵 𑌸𑌮𑌂 𑌭𑌵𑌂𑌤𑌮𑌾𑌪𑍁𑌃 ॥2॥

𑌬𑍍𑌰𑌹𑍍𑌮𑌾𑌦𑍍𑌯𑍈𑌃 𑌸𑍍𑌤𑍁𑌤𑌮𑌹𑌿𑌮𑌾 𑌚𑌿𑌰𑌂 𑌤𑌦𑌾𑌨𑍀𑌂
𑌪𑍍𑌰𑌾𑌦𑍁𑌷𑍍𑌷𑌨𑍍 𑌵𑌰𑌦 𑌪𑍁𑌰𑌃 𑌪𑌰𑍇𑌣 𑌧𑌾𑌮𑍍𑌨𑌾 ।
𑌹𑍇 𑌦𑍇𑌵𑌾 𑌦𑌿𑌤𑌿𑌜𑌕𑍁𑌲𑍈𑌰𑍍𑌵𑌿𑌧𑌾𑌯 𑌸𑌂𑌧𑌿𑌂
𑌪𑍀𑌯𑍂𑌷𑌂 𑌪𑌰𑌿𑌮𑌥𑌤𑍇𑌤𑌿 𑌪𑌰𑍍𑌯𑌶𑌾𑌸𑍍𑌤𑍍𑌵𑌮𑍍 ॥3॥

𑌸𑌂𑌧𑌾𑌨𑌂 𑌕𑍃𑌤𑌵𑌤𑌿 𑌦𑌾𑌨𑌵𑍈𑌃 𑌸𑍁𑌰𑍌𑌘𑍇
𑌮𑌂𑌥𑌾𑌨𑌂 𑌨𑌯𑌤𑌿 𑌮𑌦𑍇𑌨 𑌮𑌂𑌦𑌰𑌾𑌦𑍍𑌰𑌿𑌮𑍍 ।
𑌭𑍍𑌰𑌷𑍍𑌟𑍇𑌽𑌸𑍍𑌮𑌿𑌨𑍍 𑌬𑌦𑌰𑌮𑌿𑌵𑍋𑌦𑍍𑌵𑌹𑌨𑍍 𑌖𑌗𑍇𑌂𑌦𑍍𑌰𑍇
𑌸𑌦𑍍𑌯𑌸𑍍𑌤𑍍𑌵𑌂 𑌵𑌿𑌨𑌿𑌹𑌿𑌤𑌵𑌾𑌨𑍍 𑌪𑌯𑌃𑌪𑌯𑍋𑌧𑍌 ॥4॥

𑌆𑌧𑌾𑌯 𑌦𑍍𑌰𑍁𑌤𑌮𑌥 𑌵𑌾𑌸𑍁𑌕𑌿𑌂 𑌵𑌰𑌤𑍍𑌰𑌾𑌂
𑌪𑌾𑌥𑍋𑌧𑍌 𑌵𑌿𑌨𑌿𑌹𑌿𑌤𑌸𑌰𑍍𑌵𑌬𑍀𑌜𑌜𑌾𑌲𑍇 ।
𑌪𑍍𑌰𑌾𑌰𑌬𑍍𑌧𑍇 𑌮𑌥𑌨𑌵𑌿𑌧𑍌 𑌸𑍁𑌰𑌾𑌸𑍁𑌰𑍈𑌸𑍍𑌤𑍈-
𑌰𑍍𑌵𑍍𑌯𑌾𑌜𑌾𑌤𑍍𑌤𑍍𑌵𑌂 𑌭𑍁𑌜𑌗𑌮𑍁𑌖𑍇𑌽𑌕𑌰𑍋𑌸𑍍𑌸𑍁𑌰𑌾𑌰𑍀𑌨𑍍 ॥5॥

𑌕𑍍𑌷𑍁𑌬𑍍𑌧𑌾𑌦𑍍𑌰𑍌 𑌕𑍍𑌷𑍁𑌭𑌿𑌤𑌜𑌲𑍋𑌦𑌰𑍇 𑌤𑌦𑌾𑌨𑍀𑌂
𑌦𑍁𑌗𑍍𑌧𑌾𑌬𑍍𑌧𑍌 𑌗𑍁𑌰𑍁𑌤𑌰𑌭𑌾𑌰𑌤𑍋 𑌨𑌿𑌮𑌗𑍍𑌨𑍇 ।
𑌦𑍇𑌵𑍇𑌷𑍁 𑌵𑍍𑌯𑌥𑌿𑌤𑌤𑌮𑍇𑌷𑍁 𑌤𑌤𑍍𑌪𑍍𑌰𑌿𑌯𑍈𑌷𑍀
𑌪𑍍𑌰𑌾𑌣𑍈𑌷𑍀𑌃 𑌕𑌮𑌠𑌤𑌨𑍁𑌂 𑌕𑌠𑍋𑌰𑌪𑍃𑌷𑍍𑌠𑌾𑌮𑍍 ॥6॥

𑌵𑌜𑍍𑌰𑌾𑌤𑌿𑌸𑍍𑌥𑌿𑌰𑌤𑌰𑌕𑌰𑍍𑌪𑌰𑍇𑌣 𑌵𑌿𑌷𑍍𑌣𑍋
𑌵𑌿𑌸𑍍𑌤𑌾𑌰𑌾𑌤𑍍𑌪𑌰𑌿𑌗𑌤𑌲𑌕𑍍𑌷𑌯𑍋𑌜𑌨𑍇𑌨 ।
𑌅𑌂𑌭𑍋𑌧𑍇𑌃 𑌕𑍁𑌹𑌰𑌗𑌤𑍇𑌨 𑌵𑌰𑍍𑌷𑍍𑌮𑌣𑌾 𑌤𑍍𑌵𑌂
𑌨𑌿𑌰𑍍𑌮𑌗𑍍𑌨𑌂 𑌕𑍍𑌷𑌿𑌤𑌿𑌧𑌰𑌨𑌾𑌥𑌮𑍁𑌨𑍍𑌨𑌿𑌨𑍇𑌥 ॥𑍭॥

𑌉𑌨𑍍𑌮𑌗𑍍𑌨𑍇 𑌝𑌟𑌿𑌤𑌿 𑌤𑌦𑌾 𑌧𑌰𑌾𑌧𑌰𑍇𑌂𑌦𑍍𑌰𑍇
𑌨𑌿𑌰𑍍𑌮𑍇𑌥𑍁𑌰𑍍𑌦𑍃𑌢𑌮𑌿𑌹 𑌸𑌮𑍍𑌮𑌦𑍇𑌨 𑌸𑌰𑍍𑌵𑍇 ।
𑌆𑌵𑌿𑌶𑍍𑌯 𑌦𑍍𑌵𑌿𑌤𑌯𑌗𑌣𑍇𑌽𑌪𑌿 𑌸𑌰𑍍𑌪𑌰𑌾𑌜𑍇
𑌵𑍈𑌵𑌶𑍍𑌯𑌂 𑌪𑌰𑌿𑌶𑌮𑌯𑌨𑍍𑌨𑌵𑍀𑌵𑍃𑌧𑌸𑍍𑌤𑌾𑌨𑍍 ॥𑍮॥

𑌉𑌦𑍍𑌦𑌾𑌮𑌭𑍍𑌰𑌮𑌣𑌜𑌵𑍋𑌨𑍍𑌨𑌮𑌦𑍍𑌗𑌿𑌰𑍀𑌂𑌦𑍍𑌰-
𑌨𑍍𑌯𑌸𑍍𑌤𑍈𑌕𑌸𑍍𑌥𑌿𑌰𑌤𑌰𑌹𑌸𑍍𑌤𑌪𑌂𑌕𑌜𑌂 𑌤𑍍𑌵𑌾𑌮𑍍 ।
𑌅𑌭𑍍𑌰𑌾𑌂𑌤𑍇 𑌵𑌿𑌧𑌿𑌗𑌿𑌰𑌿𑌶𑌾𑌦𑌯𑌃 𑌪𑍍𑌰𑌮𑍋𑌦𑌾-
𑌦𑍁𑌦𑍍𑌭𑍍𑌰𑌾𑌂𑌤𑌾 𑌨𑍁𑌨𑍁𑌵𑍁𑌰𑍁𑌪𑌾𑌤𑍍𑌤𑌪𑍁𑌷𑍍𑌪𑌵𑌰𑍍𑌷𑌾𑌃 ॥𑍯॥

𑌦𑍈𑌤𑍍𑌯𑍌𑌘𑍇 𑌭𑍁𑌜𑌗𑌮𑍁𑌖𑌾𑌨𑌿𑌲𑍇𑌨 𑌤𑌪𑍍𑌤𑍇
𑌤𑍇𑌨𑍈𑌵 𑌤𑍍𑌰𑌿𑌦𑌶𑌕𑍁𑌲𑍇𑌽𑌪𑌿 𑌕𑌿𑌂𑌚𑌿𑌦𑌾𑌰𑍍𑌤𑍇 ।
𑌕𑌾𑌰𑍁𑌣𑍍𑌯𑌾𑌤𑍍𑌤𑌵 𑌕𑌿𑌲 𑌦𑍇𑌵 𑌵𑌾𑌰𑌿𑌵𑌾𑌹𑌾𑌃
𑌪𑍍𑌰𑌾𑌵𑌰𑍍𑌷𑌨𑍍𑌨𑌮𑌰𑌗𑌣𑌾𑌨𑍍𑌨 𑌦𑍈𑌤𑍍𑌯𑌸𑌂𑌘𑌾𑌨𑍍 ॥10॥

𑌉𑌦𑍍𑌭𑍍𑌰𑌾𑌮𑍍𑌯𑌦𑍍𑌬𑌹𑍁𑌤𑌿𑌮𑌿𑌨𑌕𑍍𑌰𑌚𑌕𑍍𑌰𑌵𑌾𑌲𑍇
𑌤𑌤𑍍𑌰𑌾𑌬𑍍𑌧𑍌 𑌚𑌿𑌰𑌮𑌥𑌿𑌤𑍇𑌽𑌪𑌿 𑌨𑌿𑌰𑍍𑌵𑌿𑌕𑌾𑌰𑍇 ।
𑌏𑌕𑌸𑍍𑌤𑍍𑌵𑌂 𑌕𑌰𑌯𑍁𑌗𑌕𑍃𑌷𑍍𑌟𑌸𑌰𑍍𑌪𑌰𑌾𑌜𑌃
𑌸𑌂𑌰𑌾𑌜𑌨𑍍 𑌪𑌵𑌨𑌪𑍁𑌰𑍇𑌶 𑌪𑌾𑌹𑌿 𑌰𑍋𑌗𑌾𑌤𑍍 ॥11॥

Browse Related Categories: