Narayaniyam Dashaka 58 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 5𑍮

𑌤𑍍𑌵𑌯𑌿 𑌵𑌿𑌹𑌰𑌣𑌲𑍋𑌲𑍇 𑌬𑌾𑌲𑌜𑌾𑌲𑍈𑌃 𑌪𑍍𑌰𑌲𑌂𑌬-
𑌪𑍍𑌰𑌮𑌥𑌨𑌸𑌵𑌿𑌲𑌂𑌬𑍇 𑌧𑍇𑌨𑌵𑌃 𑌸𑍍𑌵𑍈𑌰𑌚𑌾𑌰𑌾𑌃 ।
𑌤𑍃𑌣𑌕𑍁𑌤𑍁𑌕𑌨𑌿𑌵𑌿𑌷𑍍𑌟𑌾 𑌦𑍂𑌰𑌦𑍂𑌰𑌂 𑌚𑌰𑌂𑌤𑍍𑌯𑌃
𑌕𑌿𑌮𑌪𑌿 𑌵𑌿𑌪𑌿𑌨𑌮𑍈𑌷𑍀𑌕𑌾𑌖𑍍𑌯𑌮𑍀𑌷𑌾𑌂𑌬𑌭𑍂𑌵𑍁𑌃 ॥1॥

𑌅𑌨𑌧𑌿𑌗𑌤𑌨𑌿𑌦𑌾𑌘𑌕𑍍𑌰𑍌𑌰𑍍𑌯𑌵𑍃𑌂𑌦𑌾𑌵𑌨𑌾𑌂𑌤𑌾𑌤𑍍
𑌬𑌹𑌿𑌰𑌿𑌦𑌮𑍁𑌪𑌯𑌾𑌤𑌾𑌃 𑌕𑌾𑌨𑌨𑌂 𑌧𑍇𑌨𑌵𑌸𑍍𑌤𑌾𑌃 ।
𑌤𑌵 𑌵𑌿𑌰𑌹𑌵𑌿𑌷𑌣𑍍𑌣𑌾 𑌊𑌷𑍍𑌮𑌲𑌗𑍍𑌰𑍀𑌷𑍍𑌮𑌤𑌾𑌪-
𑌪𑍍𑌰𑌸𑌰𑌵𑌿𑌸𑌰𑌦𑌂𑌭𑌸𑍍𑌯𑌾𑌕𑍁𑌲𑌾𑌃 𑌸𑍍𑌤𑌂𑌭𑌮𑌾𑌪𑍁𑌃 ॥2॥

𑌤𑌦𑌨𑍁 𑌸𑌹 𑌸𑌹𑌾𑌯𑍈𑌰𑍍𑌦𑍂𑌰𑌮𑌨𑍍𑌵𑌿𑌷𑍍𑌯 𑌶𑍌𑌰𑍇
𑌗𑌲𑌿𑌤𑌸𑌰𑌣𑌿𑌮𑍁𑌂𑌜𑌾𑌰𑌣𑍍𑌯𑌸𑌂𑌜𑌾𑌤𑌖𑍇𑌦𑌮𑍍 ।
𑌪𑌶𑍁𑌕𑍁𑌲𑌮𑌭𑌿𑌵𑍀𑌕𑍍𑌷𑍍𑌯 𑌕𑍍𑌷𑌿𑌪𑍍𑌰𑌮𑌾𑌨𑍇𑌤𑍁𑌮𑌾𑌰𑌾-
𑌤𑍍𑌤𑍍𑌵𑌯𑌿 𑌗𑌤𑌵𑌤𑌿 𑌹𑍀 𑌹𑍀 𑌸𑌰𑍍𑌵𑌤𑍋𑌽𑌗𑍍𑌨𑌿𑌰𑍍𑌜𑌜𑍃𑌂𑌭𑍇 ॥3॥

𑌸𑌕𑌲𑌹𑌰𑌿𑌤𑌿 𑌦𑍀𑌪𑍍𑌤𑍇 𑌘𑍋𑌰𑌭𑌾𑌂𑌕𑌾𑌰𑌭𑍀𑌮𑍇
𑌶𑌿𑌖𑌿𑌨𑌿 𑌵𑌿𑌹𑌤𑌮𑌾𑌰𑍍𑌗𑌾 𑌅𑌰𑍍𑌧𑌦𑌗𑍍𑌧𑌾 𑌇𑌵𑌾𑌰𑍍𑌤𑌾𑌃 ।
𑌅𑌹𑌹 𑌭𑍁𑌵𑌨𑌬𑌂𑌧𑍋 𑌪𑌾𑌹𑌿 𑌪𑌾𑌹𑍀𑌤𑌿 𑌸𑌰𑍍𑌵𑍇
𑌶𑌰𑌣𑌮𑍁𑌪𑌗𑌤𑌾𑌸𑍍𑌤𑍍𑌵𑌾𑌂 𑌤𑌾𑌪𑌹𑌰𑍍𑌤𑌾𑌰𑌮𑍇𑌕𑌮𑍍 ॥4॥

𑌅𑌲𑌮𑌲𑌮𑌤𑌿𑌭𑍀𑌤𑍍𑌯𑌾 𑌸𑌰𑍍𑌵𑌤𑍋 𑌮𑍀𑌲𑌯𑌧𑍍𑌵𑌂
𑌦𑍃𑌶𑌮𑌿𑌤𑌿 𑌤𑌵 𑌵𑌾𑌚𑌾 𑌮𑍀𑌲𑌿𑌤𑌾𑌕𑍍𑌷𑍇𑌷𑍁 𑌤𑍇𑌷𑍁 ।
𑌕𑍍𑌵 𑌨𑍁 𑌦𑌵𑌦𑌹𑌨𑍋𑌽𑌸𑍌 𑌕𑍁𑌤𑍍𑌰 𑌮𑍁𑌂𑌜𑌾𑌟𑌵𑍀 𑌸𑌾
𑌸𑌪𑌦𑌿 𑌵𑌵𑍃𑌤𑌿𑌰𑍇 𑌤𑍇 𑌹𑌂𑌤 𑌭𑌾𑌂𑌡𑍀𑌰𑌦𑍇𑌶𑍇 ॥5॥

𑌜𑌯 𑌜𑌯 𑌤𑌵 𑌮𑌾𑌯𑌾 𑌕𑍇𑌯𑌮𑍀𑌶𑍇𑌤𑌿 𑌤𑍇𑌷𑌾𑌂
𑌨𑍁𑌤𑌿𑌭𑌿𑌰𑍁𑌦𑌿𑌤𑌹𑌾𑌸𑍋 𑌬𑌦𑍍𑌧𑌨𑌾𑌨𑌾𑌵𑌿𑌲𑌾𑌸𑌃 ।
𑌪𑍁𑌨𑌰𑌪𑌿 𑌵𑌿𑌪𑌿𑌨𑌾𑌂𑌤𑍇 𑌪𑍍𑌰𑌾𑌚𑌰𑌃 𑌪𑌾𑌟𑌲𑌾𑌦𑌿-
𑌪𑍍𑌰𑌸𑌵𑌨𑌿𑌕𑌰𑌮𑌾𑌤𑍍𑌰𑌗𑍍𑌰𑌾𑌹𑍍𑌯𑌘𑌰𑍍𑌮𑌾𑌨𑍁𑌭𑌾𑌵𑍇 ॥6॥

𑌤𑍍𑌵𑌯𑌿 𑌵𑌿𑌮𑍁𑌖𑌮𑌿𑌵𑍋𑌚𑍍𑌚𑍈𑌸𑍍𑌤𑌾𑌪𑌭𑌾𑌰𑌂 𑌵𑌹𑌂𑌤𑌂
𑌤𑌵 𑌭𑌜𑌨𑌵𑌦𑌂𑌤𑌃 𑌪𑌂𑌕𑌮𑍁𑌚𑍍𑌛𑍋𑌷𑌯𑌂𑌤𑌮𑍍 ।
𑌤𑌵 𑌭𑍁𑌜𑌵𑌦𑍁𑌦𑌂𑌚𑌦𑍍𑌭𑍂𑌰𑌿𑌤𑍇𑌜𑌃𑌪𑍍𑌰𑌵𑌾𑌹𑌂
𑌤𑌪𑌸𑌮𑌯𑌮𑌨𑍈𑌷𑍀𑌰𑍍𑌯𑌾𑌮𑍁𑌨𑍇𑌷𑍁 𑌸𑍍𑌥𑌲𑍇𑌷𑍁 ॥𑍭॥

𑌤𑌦𑌨𑍁 𑌜𑌲𑌦𑌜𑌾𑌲𑍈𑌸𑍍𑌤𑍍𑌵𑌦𑍍𑌵𑌪𑍁𑌸𑍍𑌤𑍁𑌲𑍍𑌯𑌭𑌾𑌭𑌿-
𑌰𑍍𑌵𑌿𑌕𑌸𑌦𑌮𑌲𑌵𑌿𑌦𑍍𑌯𑍁𑌤𑍍𑌪𑍀𑌤𑌵𑌾𑌸𑍋𑌵𑌿𑌲𑌾𑌸𑍈𑌃 ।
𑌸𑌕𑌲𑌭𑍁𑌵𑌨𑌭𑌾𑌜𑌾𑌂 𑌹𑌰𑍍𑌷𑌦𑌾𑌂 𑌵𑌰𑍍𑌷𑌵𑍇𑌲𑌾𑌂
𑌕𑍍𑌷𑌿𑌤𑌿𑌧𑌰𑌕𑍁𑌹𑌰𑍇𑌷𑍁 𑌸𑍍𑌵𑍈𑌰𑌵𑌾𑌸𑍀 𑌵𑍍𑌯𑌨𑍈𑌷𑍀𑌃 ॥𑍮॥

𑌕𑍁𑌹𑌰𑌤𑌲𑌨𑌿𑌵𑌿𑌷𑍍𑌟𑌂 𑌤𑍍𑌵𑌾𑌂 𑌗𑌰𑌿𑌷𑍍𑌠𑌂 𑌗𑌿𑌰𑍀𑌂𑌦𑍍𑌰𑌃
𑌶𑌿𑌖𑌿𑌕𑍁𑌲𑌨𑌵𑌕𑍇𑌕𑌾𑌕𑌾𑌕𑍁𑌭𑌿𑌃 𑌸𑍍𑌤𑍋𑌤𑍍𑌰𑌕𑌾𑌰𑍀 ।
𑌸𑍍𑌫𑍁𑌟𑌕𑍁𑌟𑌜𑌕𑌦𑌂𑌬𑌸𑍍𑌤𑍋𑌮𑌪𑍁𑌷𑍍𑌪𑌾𑌂𑌜𑌲𑌿𑌂 𑌚
𑌪𑍍𑌰𑌵𑌿𑌦𑌧𑌦𑌨𑍁𑌭𑍇𑌜𑍇 𑌦𑍇𑌵 𑌗𑍋𑌵𑌰𑍍𑌧𑌨𑍋𑌽𑌸𑍌 ॥𑍯॥

𑌅𑌥 𑌶𑌰𑌦𑌮𑍁𑌪𑍇𑌤𑌾𑌂 𑌤𑌾𑌂 𑌭𑌵𑌦𑍍𑌭𑌕𑍍𑌤𑌚𑍇𑌤𑍋-
𑌵𑌿𑌮𑌲𑌸𑌲𑌿𑌲𑌪𑍂𑌰𑌾𑌂 𑌮𑌾𑌨𑌯𑌨𑍍 𑌕𑌾𑌨𑌨𑍇𑌷𑍁 ।
𑌤𑍃𑌣𑌮𑌮𑌲𑌵𑌨𑌾𑌂𑌤𑍇 𑌚𑌾𑌰𑍁 𑌸𑌂𑌚𑌾𑌰𑌯𑌨𑍍 𑌗𑌾𑌃
𑌪𑌵𑌨𑌪𑍁𑌰𑌪𑌤𑍇 𑌤𑍍𑌵𑌂 𑌦𑍇𑌹𑌿 𑌮𑍇 𑌦𑍇𑌹𑌸𑍌𑌖𑍍𑌯𑌮𑍍 ॥10॥

Browse Related Categories: