Narayaniyam Dashaka 60 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 60

𑌮𑌦𑌨𑌾𑌤𑍁𑌰𑌚𑍇𑌤𑌸𑍋𑌽𑌨𑍍𑌵𑌹𑌂 𑌭𑌵𑌦𑌂𑌘𑍍𑌰𑌿𑌦𑍍𑌵𑌯𑌦𑌾𑌸𑍍𑌯𑌕𑌾𑌮𑍍𑌯𑌯𑌾 ।
𑌯𑌮𑍁𑌨𑌾𑌤𑌟𑌸𑍀𑌮𑍍𑌨𑌿 𑌸𑍈𑌕𑌤𑍀𑌂 𑌤𑌰𑌲𑌾𑌕𑍍𑌷𑍍𑌯𑍋 𑌗𑌿𑌰𑌿𑌜𑌾𑌂 𑌸𑌮𑌾𑌰𑍍𑌚𑌿𑌚𑌨𑍍 ॥1॥

𑌤𑌵 𑌨𑌾𑌮𑌕𑌥𑌾𑌰𑌤𑌾𑌃 𑌸𑌮𑌂 𑌸𑍁𑌦𑍃𑌶𑌃 𑌪𑍍𑌰𑌾𑌤𑌰𑍁𑌪𑌾𑌗𑌤𑌾 𑌨𑌦𑍀𑌮𑍍 ।
𑌉𑌪𑌹𑌾𑌰𑌶𑌤𑍈𑌰𑌪𑍂𑌜𑌯𑌨𑍍 𑌦𑌯𑌿𑌤𑍋 𑌨𑌂𑌦𑌸𑍁𑌤𑍋 𑌭𑌵𑍇𑌦𑌿𑌤𑌿 ॥2॥

𑌇𑌤𑌿 𑌮𑌾𑌸𑌮𑍁𑌪𑌾𑌹𑌿𑌤𑌵𑍍𑌰𑌤𑌾𑌸𑍍𑌤𑌰𑌲𑌾𑌕𑍍𑌷𑍀𑌰𑌭𑌿𑌵𑍀𑌕𑍍𑌷𑍍𑌯 𑌤𑌾 𑌭𑌵𑌾𑌨𑍍 ।
𑌕𑌰𑍁𑌣𑌾𑌮𑍃𑌦𑍁𑌲𑍋 𑌨𑌦𑍀𑌤𑌟𑌂 𑌸𑌮𑌯𑌾𑌸𑍀𑌤𑍍𑌤𑌦𑌨𑍁𑌗𑍍𑌰𑌹𑍇𑌚𑍍𑌛𑌯𑌾 ॥3॥

𑌨𑌿𑌯𑌮𑌾𑌵𑌸𑌿𑌤𑍌 𑌨𑌿𑌜𑌾𑌂𑌬𑌰𑌂 𑌤𑌟𑌸𑍀𑌮𑌨𑍍𑌯𑌵𑌮𑍁𑌚𑍍𑌯 𑌤𑌾𑌸𑍍𑌤𑌦𑌾 ।
𑌯𑌮𑍁𑌨𑌾𑌜𑌲𑌖𑍇𑌲𑌨𑌾𑌕𑍁𑌲𑌾𑌃 𑌪𑍁𑌰𑌤𑌸𑍍𑌤𑍍𑌵𑌾𑌮𑌵𑌲𑍋𑌕𑍍𑌯 𑌲𑌜𑍍𑌜𑌿𑌤𑌾𑌃 ॥4॥

𑌤𑍍𑌰𑌪𑌯𑌾 𑌨𑌮𑌿𑌤𑌾𑌨𑌨𑌾𑌸𑍍𑌵𑌥𑍋 𑌵𑌨𑌿𑌤𑌾𑌸𑍍𑌵𑌂𑌬𑌰𑌜𑌾𑌲𑌮𑌂𑌤𑌿𑌕𑍇 ।
𑌨𑌿𑌹𑌿𑌤𑌂 𑌪𑌰𑌿𑌗𑍃𑌹𑍍𑌯 𑌭𑍂𑌰𑍁𑌹𑍋 𑌵𑌿𑌟𑌪𑌂 𑌤𑍍𑌵𑌂 𑌤𑌰𑌸𑌾𑌽𑌧𑌿𑌰𑍂𑌢𑌵𑌾𑌨𑍍 ॥5॥

𑌇𑌹 𑌤𑌾𑌵𑌦𑍁𑌪𑍇𑌤𑍍𑌯 𑌨𑍀𑌯𑌤𑌾𑌂 𑌵𑌸𑌨𑌂 𑌵𑌃 𑌸𑍁𑌦𑍃𑌶𑍋 𑌯𑌥𑌾𑌯𑌥𑌮𑍍 ।
𑌇𑌤𑌿 𑌨𑌰𑍍𑌮𑌮𑍃𑌦𑍁𑌸𑍍𑌮𑌿𑌤𑍇 𑌤𑍍𑌵𑌯𑌿 𑌬𑍍𑌰𑍁𑌵𑌤𑌿 𑌵𑍍𑌯𑌾𑌮𑍁𑌮𑍁𑌹𑍇 𑌵𑌧𑍂𑌜𑌨𑍈𑌃 ॥6॥

𑌅𑌯𑌿 𑌜𑍀𑌵 𑌚𑌿𑌰𑌂 𑌕𑌿𑌶𑍋𑌰 𑌨𑌸𑍍𑌤𑌵 𑌦𑌾𑌸𑍀𑌰𑌵𑌶𑍀𑌕𑌰𑍋𑌷𑌿 𑌕𑌿𑌮𑍍 ।
𑌪𑍍𑌰𑌦𑌿𑌶𑌾𑌂𑌬𑌰𑌮𑌂𑌬𑍁𑌜𑍇𑌕𑍍𑌷𑌣𑍇𑌤𑍍𑌯𑍁𑌦𑌿𑌤𑌸𑍍𑌤𑍍𑌵𑌂 𑌸𑍍𑌮𑌿𑌤𑌮𑍇𑌵 𑌦𑌤𑍍𑌤𑌵𑌾𑌨𑍍 ॥𑍭॥

𑌅𑌧𑌿𑌰𑍁𑌹𑍍𑌯 𑌤𑌟𑌂 𑌕𑍃𑌤𑌾𑌂𑌜𑌲𑍀𑌃 𑌪𑌰𑌿𑌶𑍁𑌦𑍍𑌧𑌾𑌃 𑌸𑍍𑌵𑌗𑌤𑍀𑌰𑍍𑌨𑌿𑌰𑍀𑌕𑍍𑌷𑍍𑌯 𑌤𑌾𑌃 ।
𑌵𑌸𑌨𑌾𑌨𑍍𑌯𑌖𑌿𑌲𑌾𑌨𑍍𑌯𑌨𑍁𑌗𑍍𑌰𑌹𑌂 𑌪𑍁𑌨𑌰𑍇𑌵𑌂 𑌗𑌿𑌰𑌮𑌪𑍍𑌯𑌦𑌾 𑌮𑍁𑌦𑌾 ॥𑍮॥

𑌵𑌿𑌦𑌿𑌤𑌂 𑌨𑌨𑍁 𑌵𑍋 𑌮𑌨𑍀𑌷𑌿𑌤𑌂 𑌵𑌦𑌿𑌤𑌾𑌰𑌸𑍍𑌤𑍍𑌵𑌿𑌹 𑌯𑍋𑌗𑍍𑌯𑌮𑍁𑌤𑍍𑌤𑌰𑌮𑍍 ।
𑌯𑌮𑍁𑌨𑌾𑌪𑍁𑌲𑌿𑌨𑍇 𑌸𑌚𑌂𑌦𑍍𑌰𑌿𑌕𑌾𑌃 𑌕𑍍𑌷𑌣𑌦𑌾 𑌇𑌤𑍍𑌯𑌬𑌲𑌾𑌸𑍍𑌤𑍍𑌵𑌮𑍂𑌚𑌿𑌵𑌾𑌨𑍍 ॥𑍯॥

𑌉𑌪𑌕𑌰𑍍𑌣𑍍𑌯 𑌭𑌵𑌨𑍍𑌮𑍁𑌖𑌚𑍍𑌯𑍁𑌤𑌂 𑌮𑌧𑍁𑌨𑌿𑌷𑍍𑌯𑌂𑌦𑌿 𑌵𑌚𑍋 𑌮𑍃𑌗𑍀𑌦𑍃𑌶𑌃 ।
𑌪𑍍𑌰𑌣𑌯𑌾𑌦𑌯𑌿 𑌵𑍀𑌕𑍍𑌷𑍍𑌯 𑌵𑍀𑌕𑍍𑌷𑍍𑌯 𑌤𑍇 𑌵𑌦𑌨𑌾𑌬𑍍𑌜𑌂 𑌶𑌨𑌕𑍈𑌰𑍍𑌗𑍃𑌹𑌂 𑌗𑌤𑌾𑌃 ॥10॥

𑌇𑌤𑌿 𑌨𑌨𑍍𑌵𑌨𑍁𑌗𑍃𑌹𑍍𑌯 𑌵𑌲𑍍𑌲𑌵𑍀𑌰𑍍𑌵𑌿𑌪𑌿𑌨𑌾𑌂𑌤𑍇𑌷𑍁 𑌪𑍁𑌰𑍇𑌵 𑌸𑌂𑌚𑌰𑌨𑍍 ।
𑌕𑌰𑍁𑌣𑌾𑌶𑌿𑌶𑌿𑌰𑍋 𑌹𑌰𑍇 𑌹𑌰 𑌤𑍍𑌵𑌰𑌯𑌾 𑌮𑍇 𑌸𑌕𑌲𑌾𑌮𑌯𑌾𑌵𑌲𑌿𑌮𑍍 ॥11॥

Browse Related Categories: