Narayaniyam Dashaka 68 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 6𑍮

𑌤𑌵 𑌵𑌿𑌲𑍋𑌕𑌨𑌾𑌦𑍍𑌗𑍋𑌪𑌿𑌕𑌾𑌜𑌨𑌾𑌃 𑌪𑍍𑌰𑌮𑌦𑌸𑌂𑌕𑍁𑌲𑌾𑌃 𑌪𑌂𑌕𑌜𑍇𑌕𑍍𑌷𑌣 ।
𑌅𑌮𑍃𑌤𑌧𑌾𑌰𑌯𑌾 𑌸𑌂𑌪𑍍𑌲𑍁𑌤𑌾 𑌇𑌵 𑌸𑍍𑌤𑌿𑌮𑌿𑌤𑌤𑌾𑌂 𑌦𑌧𑍁𑌸𑍍𑌤𑍍𑌵𑌤𑍍𑌪𑍁𑌰𑍋𑌗𑌤𑌾𑌃 ॥1॥

𑌤𑌦𑌨𑍁 𑌕𑌾𑌚𑌨 𑌤𑍍𑌵𑌤𑍍𑌕𑌰𑌾𑌂𑌬𑍁𑌜𑌂 𑌸𑌪𑌦𑌿 𑌗𑍃𑌹𑍍𑌣𑌤𑍀 𑌨𑌿𑌰𑍍𑌵𑌿𑌶𑌂𑌕𑌿𑌤𑌮𑍍 ।
𑌘𑌨𑌪𑌯𑍋𑌧𑌰𑍇 𑌸𑌨𑍍𑌨𑌿𑌧𑌾𑌯 𑌸𑌾 𑌪𑍁𑌲𑌕𑌸𑌂𑌵𑍃𑌤𑌾 𑌤𑌸𑍍𑌥𑍁𑌷𑍀 𑌚𑌿𑌰𑌮𑍍 ॥2॥

𑌤𑌵 𑌵𑌿𑌭𑍋𑌽𑌪𑌰𑌾 𑌕𑍋𑌮𑌲𑌂 𑌭𑍁𑌜𑌂 𑌨𑌿𑌜𑌗𑌲𑌾𑌂𑌤𑌰𑍇 𑌪𑌰𑍍𑌯𑌵𑍇𑌷𑍍𑌟𑌯𑌤𑍍 ।
𑌗𑌲𑌸𑌮𑍁𑌦𑍍𑌗𑌤𑌂 𑌪𑍍𑌰𑌾𑌣𑌮𑌾𑌰𑍁𑌤𑌂 𑌪𑍍𑌰𑌤𑌿𑌨𑌿𑌰𑍁𑌂𑌧𑌤𑍀𑌵𑌾𑌤𑌿𑌹𑌰𑍍𑌷𑍁𑌲𑌾 ॥3॥

𑌅𑌪𑌗𑌤𑌤𑍍𑌰𑌪𑌾 𑌕𑌾𑌪𑌿 𑌕𑌾𑌮𑌿𑌨𑍀 𑌤𑌵 𑌮𑍁𑌖𑌾𑌂𑌬𑍁𑌜𑌾𑌤𑍍 𑌪𑍂𑌗𑌚𑌰𑍍𑌵𑌿𑌤𑌮𑍍 ।
𑌪𑍍𑌰𑌤𑌿𑌗𑍃𑌹𑌯𑍍𑌯 𑌤𑌦𑍍𑌵𑌕𑍍𑌤𑍍𑌰𑌪𑌂𑌕𑌜𑍇 𑌨𑌿𑌦𑌧𑌤𑍀 𑌗𑌤𑌾 𑌪𑍂𑌰𑍍𑌣𑌕𑌾𑌮𑌤𑌾𑌮𑍍 ॥4॥

𑌵𑌿𑌕𑌰𑍁𑌣𑍋 𑌵𑌨𑍇 𑌸𑌂𑌵𑌿𑌹𑌾𑌯 𑌮𑌾𑌮𑌪𑌗𑌤𑍋𑌽𑌸𑌿 𑌕𑌾 𑌤𑍍𑌵𑌾𑌮𑌿𑌹 𑌸𑍍𑌪𑍃𑌶𑍇𑌤𑍍 ।
𑌇𑌤𑌿 𑌸𑌰𑍋𑌷𑌯𑌾 𑌤𑌾𑌵𑌦𑍇𑌕𑌯𑌾 𑌸𑌜𑌲𑌲𑍋𑌚𑌨𑌂 𑌵𑍀𑌕𑍍𑌷𑌿𑌤𑍋 𑌭𑌵𑌾𑌨𑍍 ॥5॥

𑌇𑌤𑌿 𑌮𑍁𑌦𑌾𑌽𑌽𑌕𑍁𑌲𑍈𑌰𑍍𑌵𑌲𑍍𑌲𑌵𑍀𑌜𑌨𑍈𑌃 𑌸𑌮𑌮𑍁𑌪𑌾𑌗𑌤𑍋 𑌯𑌾𑌮𑍁𑌨𑍇 𑌤𑌟𑍇 ।
𑌮𑍃𑌦𑍁𑌕𑍁𑌚𑌾𑌂𑌬𑌰𑍈𑌃 𑌕𑌲𑍍𑌪𑌿𑌤𑌾𑌸𑌨𑍇 𑌘𑍁𑌸𑍃𑌣𑌭𑌾𑌸𑍁𑌰𑍇 𑌪𑌰𑍍𑌯𑌶𑍋𑌭𑌥𑌾𑌃 ॥6॥

𑌕𑌤𑌿𑌵𑌿𑌧𑌾 𑌕𑍃𑌪𑌾 𑌕𑍇𑌽𑌪𑌿 𑌸𑌰𑍍𑌵𑌤𑍋 𑌧𑍃𑌤𑌦𑌯𑍋𑌦𑌯𑌾𑌃 𑌕𑍇𑌚𑌿𑌦𑌾𑌶𑍍𑌰𑌿𑌤𑍇 ।
𑌕𑌤𑌿𑌚𑌿𑌦𑍀𑌦𑍃𑌶𑌾 𑌮𑌾𑌦𑍃𑌶𑍇𑌷𑍍𑌵𑌪𑍀𑌤𑍍𑌯𑌭𑌿𑌹𑌿𑌤𑍋 𑌭𑌵𑌾𑌨𑍍 𑌵𑌲𑍍𑌲𑌵𑍀𑌜𑌨𑍈𑌃 ॥𑍭॥

𑌅𑌯𑌿 𑌕𑍁𑌮𑌾𑌰𑌿𑌕𑌾 𑌨𑍈𑌵 𑌶𑌂𑌕𑍍𑌯𑌤𑌾𑌂 𑌕𑌠𑌿𑌨𑌤𑌾 𑌮𑌯𑌿 𑌪𑍍𑌰𑍇𑌮𑌕𑌾𑌤𑌰𑍇 ।
𑌮𑌯𑌿 𑌤𑍁 𑌚𑍇𑌤𑌸𑍋 𑌵𑍋𑌽𑌨𑍁𑌵𑍃𑌤𑍍𑌤𑌯𑍇 𑌕𑍃𑌤𑌮𑌿𑌦𑌂 𑌮𑌯𑍇𑌤𑍍𑌯𑍂𑌚𑌿𑌵𑌾𑌨𑍍 𑌭𑌵𑌾𑌨𑍍 ॥𑍮॥

𑌅𑌯𑌿 𑌨𑌿𑌶𑌮𑍍𑌯𑌤𑌾𑌂 𑌜𑍀𑌵𑌵𑌲𑍍𑌲𑌭𑌾𑌃 𑌪𑍍𑌰𑌿𑌯𑌤𑌮𑍋 𑌜𑌨𑍋 𑌨𑍇𑌦𑍃𑌶𑍋 𑌮𑌮 ।
𑌤𑌦𑌿𑌹 𑌰𑌮𑍍𑌯𑌤𑌾𑌂 𑌰𑌮𑍍𑌯𑌯𑌾𑌮𑌿𑌨𑍀𑌷𑍍𑌵𑌨𑍁𑌪𑌰𑍋𑌧𑌮𑌿𑌤𑍍𑌯𑌾𑌲𑌪𑍋 𑌵𑌿𑌭𑍋 ॥𑍯॥

𑌇𑌤𑌿 𑌗𑌿𑌰𑌾𑌧𑌿𑌕𑌂 𑌮𑍋𑌦𑌮𑍇𑌦𑍁𑌰𑍈𑌰𑍍𑌵𑍍𑌰𑌜𑌵𑌧𑍂𑌜𑌨𑍈𑌃 𑌸𑌾𑌕𑌮𑌾𑌰𑌮𑌨𑍍 ।
𑌕𑌲𑌿𑌤𑌕𑍌𑌤𑍁𑌕𑍋 𑌰𑌾𑌸𑌖𑍇𑌲𑌨𑍇 𑌗𑍁𑌰𑍁𑌪𑍁𑌰𑍀𑌪𑌤𑍇 𑌪𑌾𑌹𑌿 𑌮𑌾𑌂 𑌗𑌦𑌾𑌤𑍍 ॥10॥

Browse Related Categories: