Narayaniyam Dashaka 55 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 55

𑌅𑌥 𑌵𑌾𑌰𑌿𑌣𑌿 𑌘𑍋𑌰𑌤𑌰𑌂 𑌫𑌣𑌿𑌨𑌂
𑌪𑍍𑌰𑌤𑌿𑌵𑌾𑌰𑌯𑌿𑌤𑍁𑌂 𑌕𑍃𑌤𑌧𑍀𑌰𑍍𑌭𑌗𑌵𑌨𑍍 ।
𑌦𑍍𑌰𑍁𑌤𑌮𑌾𑌰𑌿𑌥 𑌤𑍀𑌰𑌗𑌨𑍀𑌪𑌤𑌰𑍁𑌂
𑌵𑌿𑌷𑌮𑌾𑌰𑍁𑌤𑌶𑍋𑌷𑌿𑌤𑌪𑌰𑍍𑌣𑌚𑌯𑌮𑍍 ॥1॥

𑌅𑌧𑌿𑌰𑍁𑌹𑍍𑌯 𑌪𑌦𑌾𑌂𑌬𑍁𑌰𑍁𑌹𑍇𑌣 𑌚 𑌤𑌂
𑌨𑌵𑌪𑌲𑍍𑌲𑌵𑌤𑍁𑌲𑍍𑌯𑌮𑌨𑍋𑌜𑍍𑌞𑌰𑍁𑌚𑌾 ।
𑌹𑍍𑌰𑌦𑌵𑌾𑌰𑌿𑌣𑌿 𑌦𑍂𑌰𑌤𑌰𑌂 𑌨𑍍𑌯𑌪𑌤𑌃
𑌪𑌰𑌿𑌘𑍂𑌰𑍍𑌣𑌿𑌤𑌘𑍋𑌰𑌤𑌰𑌂𑌗𑍍𑌗𑌣𑍇 ॥2॥

𑌭𑍁𑌵𑌨𑌤𑍍𑌰𑌯𑌭𑌾𑌰𑌭𑍃𑌤𑍋 𑌭𑌵𑌤𑍋
𑌗𑍁𑌰𑍁𑌭𑌾𑌰𑌵𑌿𑌕𑌂𑌪𑌿𑌵𑌿𑌜𑍃𑌂𑌭𑌿𑌜𑌲𑌾 ।
𑌪𑌰𑌿𑌮𑌜𑍍𑌜𑌯𑌤𑌿 𑌸𑍍𑌮 𑌧𑌨𑍁𑌶𑍍𑌶𑌤𑌕𑌂
𑌤𑌟𑌿𑌨𑍀 𑌝𑌟𑌿𑌤𑌿 𑌸𑍍𑌫𑍁𑌟𑌘𑍋𑌷𑌵𑌤𑍀 ॥3॥

𑌅𑌥 𑌦𑌿𑌕𑍍𑌷𑍁 𑌵𑌿𑌦𑌿𑌕𑍍𑌷𑍁 𑌪𑌰𑌿𑌕𑍍𑌷𑍁𑌭𑌿𑌤-
𑌭𑍍𑌰𑌮𑌿𑌤𑍋𑌦𑌰𑌵𑌾𑌰𑌿𑌨𑌿𑌨𑌾𑌦𑌭𑌰𑍈𑌃 ।
𑌉𑌦𑌕𑌾𑌦𑍁𑌦𑌗𑌾𑌦𑍁𑌰𑌗𑌾𑌧𑌿𑌪𑌤𑌿-
𑌸𑍍𑌤𑍍𑌵𑌦𑍁𑌪𑌾𑌂𑌤𑌮𑌶𑌾𑌂𑌤𑌰𑍁𑌷𑌾𑌽𑌂𑌧𑌮𑌨𑌾𑌃 ॥4॥

𑌫𑌣𑌶𑍃𑌂𑌗𑌸𑌹𑌸𑍍𑌰𑌵𑌿𑌨𑌿𑌸𑍍𑌸𑍃𑌮𑌰-
𑌜𑍍𑌵𑌲𑌦𑌗𑍍𑌨𑌿𑌕𑌣𑍋𑌗𑍍𑌰𑌵𑌿𑌷𑌾𑌂𑌬𑍁𑌧𑌰𑌮𑍍 ।
𑌪𑍁𑌰𑌤𑌃 𑌫𑌣𑌿𑌨𑌂 𑌸𑌮𑌲𑍋𑌕𑌯𑌥𑌾
𑌬𑌹𑍁𑌶𑍃𑌂𑌗𑌿𑌣𑌮𑌂𑌜𑌨𑌶𑍈𑌲𑌮𑌿𑌵 ॥5॥

𑌜𑍍𑌵𑌲𑌦𑌕𑍍𑌷𑌿 𑌪𑌰𑌿𑌕𑍍𑌷𑌰𑌦𑍁𑌗𑍍𑌰𑌵𑌿𑌷-
𑌶𑍍𑌵𑌸𑌨𑍋𑌷𑍍𑌮𑌭𑌰𑌃 𑌸 𑌮𑌹𑌾𑌭𑍁𑌜𑌗𑌃 ।
𑌪𑌰𑌿𑌦𑌶𑍍𑌯 𑌭𑌵𑌂𑌤𑌮𑌨𑌂𑌤𑌬𑌲𑌂
𑌸𑌮𑌵𑍇𑌷𑍍𑌟𑌯𑌦𑌸𑍍𑌫𑍁𑌟𑌚𑍇𑌷𑍍𑌟𑌮𑌹𑍋 ॥6॥

𑌅𑌵𑌿𑌲𑍋𑌕𑍍𑌯 𑌭𑌵𑌂𑌤𑌮𑌥𑌾𑌕𑍁𑌲𑌿𑌤𑍇
𑌤𑌟𑌗𑌾𑌮𑌿𑌨𑌿 𑌬𑌾𑌲𑌕𑌧𑍇𑌨𑍁𑌗𑌣𑍇 ।
𑌵𑍍𑌰𑌜𑌗𑍇𑌹𑌤𑌲𑍇𑌽𑌪𑍍𑌯𑌨𑌿𑌮𑌿𑌤𑍍𑌤𑌶𑌤𑌂
𑌸𑌮𑍁𑌦𑍀𑌕𑍍𑌷𑍍𑌯 𑌗𑌤𑌾 𑌯𑌮𑍁𑌨𑌾𑌂 𑌪𑌶𑍁𑌪𑌾𑌃 ॥𑍭॥

𑌅𑌖𑌿𑌲𑍇𑌷𑍁 𑌵𑌿𑌭𑍋 𑌭𑌵𑌦𑍀𑌯 𑌦𑌶𑌾-
𑌮𑌵𑌲𑍋𑌕𑍍𑌯 𑌜𑌿𑌹𑌾𑌸𑍁𑌷𑍁 𑌜𑍀𑌵𑌭𑌰𑌮𑍍 ।
𑌫𑌣𑌿𑌬𑌂𑌧𑌨𑌮𑌾𑌶𑍁 𑌵𑌿𑌮𑍁𑌚𑍍𑌯 𑌜𑌵𑌾-
𑌦𑍁𑌦𑌗𑌮𑍍𑌯𑌤 𑌹𑌾𑌸𑌜𑍁𑌷𑌾 𑌭𑌵𑌤𑌾 ॥𑍮॥

𑌅𑌧𑌿𑌰𑍁𑌹𑍍𑌯 𑌤𑌤𑌃 𑌫𑌣𑌿𑌰𑌾𑌜𑌫𑌣𑌾𑌨𑍍
𑌨𑌨𑍃𑌤𑍇 𑌭𑌵𑌤𑌾 𑌮𑍃𑌦𑍁𑌪𑌾𑌦𑌰𑍁𑌚𑌾 ।
𑌕𑌲𑌶𑌿𑌂𑌜𑌿𑌤𑌨𑍂𑌪𑍁𑌰𑌮𑌂𑌜𑍁𑌮𑌿𑌲-
𑌤𑍍𑌕𑌰𑌕𑌂𑌕𑌣𑌸𑌂𑌕𑍁𑌲𑌸𑌂𑌕𑍍𑌵𑌣𑌿𑌤𑌮𑍍 ॥𑍯॥

𑌜𑌹𑍃𑌷𑍁𑌃 𑌪𑌶𑍁𑌪𑌾𑌸𑍍𑌤𑍁𑌤𑍁𑌷𑍁𑌰𑍍𑌮𑍁𑌨𑌯𑍋
𑌵𑌵𑍃𑌷𑍁𑌃 𑌕𑍁𑌸𑍁𑌮𑌾𑌨𑌿 𑌸𑍁𑌰𑍇𑌂𑌦𑍍𑌰𑌗𑌣𑌾𑌃 ।
𑌤𑍍𑌵𑌯𑌿 𑌨𑍃𑌤𑍍𑌯𑌤𑌿 𑌮𑌾𑌰𑍁𑌤𑌗𑍇𑌹𑌪𑌤𑍇
𑌪𑌰𑌿𑌪𑌾𑌹𑌿 𑌸 𑌮𑌾𑌂 𑌤𑍍𑌵𑌮𑌦𑌾𑌂𑌤𑌗𑌦𑌾𑌤𑍍 ॥10॥

Browse Related Categories: