Narayaniyam Dashaka 98 - Grantha

𑌯𑌸𑍍𑌮𑌿𑌨𑍍𑌨𑍇𑌤𑌦𑍍𑌵𑌿𑌭𑌾𑌤𑌂 𑌯𑌤 𑌇𑌦𑌮𑌭𑌵𑌦𑍍𑌯𑍇𑌨 𑌚𑍇𑌦𑌂 𑌯 𑌏𑌤-
𑌦𑍍𑌯𑍋𑌽𑌸𑍍𑌮𑌾𑌦𑍁𑌤𑍍𑌤𑍀𑌰𑍍𑌣𑌰𑍂𑌪𑌃 𑌖𑌲𑍁 𑌸𑌕𑌲𑌮𑌿𑌦𑌂 𑌭𑌾𑌸𑌿𑌤𑌂 𑌯𑌸𑍍𑌯 𑌭𑌾𑌸𑌾 ।
𑌯𑍋 𑌵𑌾𑌚𑌾𑌂 𑌦𑍂𑌰𑌦𑍂𑌰𑍇 𑌪𑍁𑌨𑌰𑌪𑌿 𑌮𑌨𑌸𑌾𑌂 𑌯𑌸𑍍𑌯 𑌦𑍇𑌵𑌾 𑌮𑍁𑌨𑍀𑌂𑌦𑍍𑌰𑌾𑌃
𑌨𑍋 𑌵𑌿𑌦𑍍𑌯𑍁𑌸𑍍𑌤𑌤𑍍𑌤𑍍𑌵𑌰𑍂𑌪𑌂 𑌕𑌿𑌮𑍁 𑌪𑍁𑌨𑌰𑌪𑌰𑍇 𑌕𑍃𑌷𑍍𑌣 𑌤𑌸𑍍𑌮𑍈 𑌨𑌮𑌸𑍍𑌤𑍇 ॥1॥

𑌜𑌨𑍍𑌮𑌾𑌥𑍋 𑌕𑌰𑍍𑌮 𑌨𑌾𑌮 𑌸𑍍𑌫𑍁𑌟𑌮𑌿𑌹 𑌗𑍁𑌣𑌦𑍋𑌷𑌾𑌦𑌿𑌕𑌂 𑌵𑌾 𑌨 𑌯𑌸𑍍𑌮𑌿𑌨𑍍
𑌲𑍋𑌕𑌾𑌨𑌾𑌮𑍂𑌤𑌯𑍇 𑌯𑌃 𑌸𑍍𑌵𑌯𑌮𑌨𑍁𑌭𑌜𑌤𑍇 𑌤𑌾𑌨𑌿 𑌮𑌾𑌯𑌾𑌨𑍁𑌸𑌾𑌰𑍀 ।
𑌵𑌿𑌭𑍍𑌰𑌚𑍍𑌛𑌕𑍍𑌤𑍀𑌰𑌰𑍂𑌪𑍋𑌽𑌪𑌿 𑌚 𑌬𑌹𑍁𑌤𑌰𑌰𑍂𑌪𑍋𑌽𑌵𑌭𑌾𑌤𑍍𑌯𑌦𑍍𑌭𑍁𑌤𑌾𑌤𑍍𑌮𑌾
𑌤𑌸𑍍𑌮𑍈 𑌕𑍈𑌵𑌲𑍍𑌯𑌧𑌾𑌮𑍍𑌨𑍇 𑌪𑌰𑌰𑌸𑌪𑌰𑌿𑌪𑍂𑌰𑍍𑌣𑌾𑌯 𑌵𑌿𑌷𑍍𑌣𑍋 𑌨𑌮𑌸𑍍𑌤𑍇 ॥2॥

𑌨𑍋 𑌤𑌿𑌰𑍍𑌯𑌂𑌚𑌨𑍍𑌨 𑌮𑌰𑍍𑌤𑍍𑌯𑌂 𑌨 𑌚 𑌸𑍁𑌰𑌮𑌸𑍁𑌰𑌂 𑌨 𑌸𑍍𑌤𑍍𑌰𑌿𑌯𑌂 𑌨𑍋 𑌪𑍁𑌂𑌮𑌾𑌂𑌸𑌂
𑌨 𑌦𑍍𑌰𑌵𑍍𑌯𑌂 𑌕𑌰𑍍𑌮 𑌜𑌾𑌤𑌿𑌂 𑌗𑍁𑌣𑌮𑌪𑌿 𑌸𑌦𑌸𑌦𑍍𑌵𑌾𑌪𑌿 𑌤𑍇 𑌰𑍂𑌪𑌮𑌾𑌹𑍁𑌃 ।
𑌶𑌿𑌷𑍍𑌟𑌂 𑌯𑌤𑍍 𑌸𑍍𑌯𑌾𑌨𑍍𑌨𑌿𑌷𑍇𑌧𑍇 𑌸𑌤𑌿 𑌨𑌿𑌗𑌮𑌶𑌤𑍈𑌰𑍍𑌲𑌕𑍍𑌷𑌣𑌾𑌵𑍃𑌤𑍍𑌤𑌿𑌤𑌸𑍍𑌤𑌤𑍍
𑌕𑍃𑌚𑍍𑌛𑍍𑌰𑍇𑌣𑌾𑌵𑍇𑌦𑍍𑌯𑌮𑌾𑌨𑌂 𑌪𑌰𑌮𑌸𑍁𑌖𑌮𑌯𑌂 𑌭𑌾𑌤𑌿 𑌤𑌸𑍍𑌮𑍈 𑌨𑌮𑌸𑍍𑌤𑍇 ॥3॥

𑌮𑌾𑌯𑌾𑌯𑌾𑌂 𑌬𑌿𑌂𑌬𑌿𑌤𑌸𑍍𑌤𑍍𑌵𑌂 𑌸𑍃𑌜𑌸𑌿 𑌮𑌹𑌦𑌹𑌂𑌕𑌾𑌰𑌤𑌨𑍍𑌮𑌾𑌤𑍍𑌰𑌭𑍇𑌦𑍈-
𑌰𑍍𑌭𑍂𑌤𑌗𑍍𑌰𑌾𑌮𑍇𑌂𑌦𑍍𑌰𑌿𑌯𑌾𑌦𑍍𑌯𑍈𑌰𑌪𑌿 𑌸𑌕𑌲𑌜𑌗𑌤𑍍𑌸𑍍𑌵𑌪𑍍𑌨𑌸𑌂𑌕𑌲𑍍𑌪𑌕𑌲𑍍𑌪𑌮𑍍 ।
𑌭𑍂𑌯𑌃 𑌸𑌂𑌹𑍃𑌤𑍍𑌯 𑌸𑌰𑍍𑌵𑌂 𑌕𑌮𑌠 𑌇𑌵 𑌪𑌦𑌾𑌨𑍍𑌯𑌾𑌤𑍍𑌮𑌨𑌾 𑌕𑌾𑌲𑌶𑌕𑍍𑌤𑍍𑌯𑌾
𑌗𑌂𑌭𑍀𑌰𑍇 𑌜𑌾𑌯𑌮𑌾𑌨𑍇 𑌤𑌮𑌸𑌿 𑌵𑌿𑌤𑌿𑌮𑌿𑌰𑍋 𑌭𑌾𑌸𑌿 𑌤𑌸𑍍𑌮𑍈 𑌨𑌮𑌸𑍍𑌤𑍇 ॥4॥

𑌶𑌬𑍍𑌦𑌬𑍍𑌰𑌹𑍍𑌮𑍇𑌤𑌿 𑌕𑌰𑍍𑌮𑍇𑌤𑍍𑌯𑌣𑍁𑌰𑌿𑌤𑌿 𑌭𑌗𑌵𑌨𑍍 𑌕𑌾𑌲 𑌇𑌤𑍍𑌯𑌾𑌲𑌪𑌂𑌤𑌿
𑌤𑍍𑌵𑌾𑌮𑍇𑌕𑌂 𑌵𑌿𑌶𑍍𑌵𑌹𑍇𑌤𑍁𑌂 𑌸𑌕𑌲𑌮𑌯𑌤𑌯𑌾 𑌸𑌰𑍍𑌵𑌥𑌾 𑌕𑌲𑍍𑌪𑍍𑌯𑌮𑌾𑌨𑌮𑍍 ।
𑌵𑍇𑌦𑌾𑌂𑌤𑍈𑌰𑍍𑌯𑌤𑍍𑌤𑍁 𑌗𑍀𑌤𑌂 𑌪𑍁𑌰𑍁𑌷𑌪𑌰𑌚𑌿𑌦𑌾𑌤𑍍𑌮𑌾𑌭𑌿𑌧𑌂 𑌤𑌤𑍍𑌤𑍁 𑌤𑌤𑍍𑌤𑍍𑌵𑌂
𑌪𑍍𑌰𑍇𑌕𑍍𑌷𑌾𑌮𑌾𑌤𑍍𑌰𑍇𑌣 𑌮𑍂𑌲𑌪𑍍𑌰𑌕𑍃𑌤𑌿𑌵𑌿𑌕𑍃𑌤𑌿𑌕𑍃𑌤𑍍 𑌕𑍃𑌷𑍍𑌣 𑌤𑌸𑍍𑌮𑍈 𑌨𑌮𑌸𑍍𑌤𑍇 ॥5॥

𑌸𑌤𑍍𑌤𑍍𑌵𑍇𑌨𑌾𑌸𑌤𑍍𑌤𑌯𑌾 𑌵𑌾 𑌨 𑌚 𑌖𑌲𑍁 𑌸𑌦𑌸𑌤𑍍𑌤𑍍𑌵𑍇𑌨 𑌨𑌿𑌰𑍍𑌵𑌾𑌚𑍍𑌯𑌰𑍂𑌪𑌾
𑌧𑌤𑍍𑌤𑍇 𑌯𑌾𑌸𑌾𑌵𑌵𑌿𑌦𑍍𑌯𑌾 𑌗𑍁𑌣𑌫𑌣𑌿𑌮𑌤𑌿𑌵𑌦𑍍𑌵𑌿𑌶𑍍𑌵𑌦𑍃𑌶𑍍𑌯𑌾𑌵𑌭𑌾𑌸𑌮𑍍 ।
𑌵𑌿𑌦𑍍𑌯𑌾𑌤𑍍𑌵𑌂 𑌸𑍈𑌵 𑌯𑌾𑌤𑌾 𑌶𑍍𑌰𑍁𑌤𑌿𑌵𑌚𑌨𑌲𑌵𑍈𑌰𑍍𑌯𑌤𑍍𑌕𑍃𑌪𑌾𑌸𑍍𑌯𑌂𑌦𑌲𑌾𑌭𑍇
𑌸𑌂𑌸𑌾𑌰𑌾𑌰𑌣𑍍𑌯𑌸𑌦𑍍𑌯𑌸𑍍𑌤𑍍𑌰𑍁𑌟𑌨𑌪𑌰𑌶𑍁𑌤𑌾𑌮𑍇𑌤𑌿 𑌤𑌸𑍍𑌮𑍈 𑌨𑌮𑌸𑍍𑌤𑍇 ॥6॥

𑌭𑍂𑌷𑌾𑌸𑍁 𑌸𑍍𑌵𑌰𑍍𑌣𑌵𑌦𑍍𑌵𑌾 𑌜𑌗𑌤𑌿 𑌘𑌟𑌶𑌰𑌾𑌵𑌾𑌦𑌿𑌕𑍇 𑌮𑍃𑌤𑍍𑌤𑌿𑌕𑌾𑌵-
𑌤𑍍𑌤𑌤𑍍𑌤𑍍𑌵𑍇 𑌸𑌂𑌚𑌿𑌂𑌤𑍍𑌯𑌮𑌾𑌨𑍇 𑌸𑍍𑌫𑍁𑌰𑌤𑌿 𑌤𑌦𑌧𑍁𑌨𑌾𑌪𑍍𑌯𑌦𑍍𑌵𑌿𑌤𑍀𑌯𑌂 𑌵𑌪𑍁𑌸𑍍𑌤𑍇 ।
𑌸𑍍𑌵𑌪𑍍𑌨𑌦𑍍𑌰𑌷𑍍𑌟𑍁𑌃 𑌪𑍍𑌰𑌬𑍋𑌧𑍇 𑌤𑌿𑌮𑌿𑌰𑌲𑌯𑌵𑌿𑌧𑍌 𑌜𑍀𑌰𑍍𑌣𑌰𑌜𑍍𑌜𑍋𑌶𑍍𑌚 𑌯𑌦𑍍𑌵-
𑌦𑍍𑌵𑌿𑌦𑍍𑌯𑌾𑌲𑌾𑌭𑍇 𑌤𑌥𑍈𑌵 𑌸𑍍𑌫𑍁𑌟𑌮𑌪𑌿 𑌵𑌿𑌕𑌸𑍇𑌤𑍍 𑌕𑍃𑌷𑍍𑌣 𑌤𑌸𑍍𑌮𑍈 𑌨𑌮𑌸𑍍𑌤𑍇 ॥𑍭॥

𑌯𑌦𑍍𑌭𑍀𑌤𑍍𑌯𑍋𑌦𑍇𑌤𑌿 𑌸𑍂𑌰𑍍𑌯𑍋 𑌦𑌹𑌤𑌿 𑌚 𑌦𑌹𑌨𑍋 𑌵𑌾𑌤𑌿 𑌵𑌾𑌯𑍁𑌸𑍍𑌤𑌥𑌾𑌨𑍍𑌯𑍇
𑌯𑌦𑍍𑌭𑍀𑌤𑌾𑌃 𑌪𑌦𑍍𑌮𑌜𑌾𑌦𑍍𑌯𑌾𑌃 𑌪𑍁𑌨𑌰𑍁𑌚𑌿𑌤𑌬𑌲𑍀𑌨𑌾𑌹𑌰𑌂𑌤𑍇𑌽𑌨𑍁𑌕𑌾𑌲𑌮𑍍 ।
𑌯𑍇𑌨𑍈𑌵𑌾𑌰𑍋𑌪𑌿𑌤𑌾𑌃 𑌪𑍍𑌰𑌾𑌙𑍍𑌨𑌿𑌜𑌪𑌦𑌮𑌪𑌿 𑌤𑍇 𑌚𑍍𑌯𑌾𑌵𑌿𑌤𑌾𑌰𑌶𑍍𑌚 𑌪𑌶𑍍𑌚𑌾𑌤𑍍
𑌤𑌸𑍍𑌮𑍈 𑌵𑌿𑌶𑍍𑌵𑌂 𑌨𑌿𑌯𑌂𑌤𑍍𑌰𑍇 𑌵𑌯𑌮𑌪𑌿 𑌭𑌵𑌤𑍇 𑌕𑍃𑌷𑍍𑌣 𑌕𑍁𑌰𑍍𑌮𑌃 𑌪𑍍𑌰𑌣𑌾𑌮𑌮𑍍 ॥𑍮॥

𑌤𑍍𑌰𑍈𑌲𑍋𑌕𑍍𑌯𑌂 𑌭𑌾𑌵𑌯𑌂𑌤𑌂 𑌤𑍍𑌰𑌿𑌗𑍁𑌣𑌮𑌯𑌮𑌿𑌦𑌂 𑌤𑍍𑌰𑍍𑌯𑌕𑍍𑌷𑌰𑌸𑍍𑌯𑍈𑌕𑌵𑌾𑌚𑍍𑌯𑌂
𑌤𑍍𑌰𑍀𑌶𑌾𑌨𑌾𑌮𑍈𑌕𑍍𑌯𑌰𑍂𑌪𑌂 𑌤𑍍𑌰𑌿𑌭𑌿𑌰𑌪𑌿 𑌨𑌿𑌗𑌮𑍈𑌰𑍍𑌗𑍀𑌯𑌮𑌾𑌨𑌸𑍍𑌵𑌰𑍂𑌪𑌮𑍍 ।
𑌤𑌿𑌸𑍍𑌰𑍋𑌵𑌸𑍍𑌥𑌾 𑌵𑌿𑌦𑌂𑌤𑌂 𑌤𑍍𑌰𑌿𑌯𑍁𑌗𑌜𑌨𑌿𑌜𑍁𑌷𑌂 𑌤𑍍𑌰𑌿𑌕𑍍𑌰𑌮𑌾𑌕𑍍𑌰𑌾𑌂𑌤𑌵𑌿𑌶𑍍𑌵𑌂
𑌤𑍍𑌰𑍈𑌕𑌾𑌲𑍍𑌯𑍇 𑌭𑍇𑌦𑌹𑍀𑌨𑌂 𑌤𑍍𑌰𑌿𑌭𑌿𑌰𑌹𑌮𑌨𑌿𑌶𑌂 𑌯𑍋𑌗𑌭𑍇𑌦𑍈𑌰𑍍𑌭𑌜𑍇 𑌤𑍍𑌵𑌾𑌮𑍍 ॥𑍯॥

𑌸𑌤𑍍𑌯𑌂 𑌶𑍁𑌦𑍍𑌧𑌂 𑌵𑌿𑌬𑍁𑌦𑍍𑌧𑌂 𑌜𑌯𑌤𑌿 𑌤𑌵 𑌵𑌪𑍁𑌰𑍍𑌨𑌿𑌤𑍍𑌯𑌮𑍁𑌕𑍍𑌤𑌂 𑌨𑌿𑌰𑍀𑌹𑌂
𑌨𑌿𑌰𑍍𑌦𑍍𑌵𑌂𑌦𑍍𑌵𑌂 𑌨𑌿𑌰𑍍𑌵𑌿𑌕𑌾𑌰𑌂 𑌨𑌿𑌖𑌿𑌲𑌗𑍁𑌣𑌗𑌣𑌵𑍍𑌯𑌂𑌜𑌨𑌾𑌧𑌾𑌰𑌭𑍂𑌤𑌮𑍍 ।
𑌨𑌿𑌰𑍍𑌮𑍂𑌲𑌂 𑌨𑌿𑌰𑍍𑌮𑌲𑌂 𑌤𑌨𑍍𑌨𑌿𑌰𑌵𑌧𑌿𑌮𑌹𑌿𑌮𑍋𑌲𑍍𑌲𑌾𑌸𑌿 𑌨𑌿𑌰𑍍𑌲𑍀𑌨𑌮𑌂𑌤-
𑌰𑍍𑌨𑌿𑌸𑍍𑌸𑌂𑌗𑌾𑌨𑌾𑌂 𑌮𑍁𑌨𑍀𑌨𑌾𑌂 𑌨𑌿𑌰𑍁𑌪𑌮𑌪𑌰𑌮𑌾𑌨𑌂𑌦𑌸𑌾𑌂𑌦𑍍𑌰𑌪𑍍𑌰𑌕𑌾𑌶𑌮𑍍 ॥10॥

𑌦𑍁𑌰𑍍𑌵𑌾𑌰𑌂 𑌦𑍍𑌵𑌾𑌦𑌶𑌾𑌰𑌂 𑌤𑍍𑌰𑌿𑌶𑌤𑌪𑌰𑌿𑌮𑌿𑌲𑌤𑍍𑌷𑌷𑍍𑌟𑌿𑌪𑌰𑍍𑌵𑌾𑌭𑌿𑌵𑍀𑌤𑌂
𑌸𑌂𑌭𑍍𑌰𑌾𑌮𑍍𑌯𑌤𑍍 𑌕𑍍𑌰𑍂𑌰𑌵𑍇𑌗𑌂 𑌕𑍍𑌷𑌣𑌮𑌨𑍁 𑌜𑌗𑌦𑌾𑌚𑍍𑌛𑌿𑌦𑍍𑌯 𑌸𑌂𑌧𑌾𑌵𑌮𑌾𑌨𑌮𑍍 ।
𑌚𑌕𑍍𑌰𑌂 𑌤𑍇 𑌕𑌾𑌲𑌰𑍂𑌪𑌂 𑌵𑍍𑌯𑌥𑌯𑌤𑍁 𑌨 𑌤𑍁 𑌮𑌾𑌂 𑌤𑍍𑌵𑌤𑍍𑌪𑌦𑍈𑌕𑌾𑌵𑌲𑌂𑌬𑌂
𑌵𑌿𑌷𑍍𑌣𑍋 𑌕𑌾𑌰𑍁𑌣𑍍𑌯𑌸𑌿𑌂𑌧𑍋 𑌪𑌵𑌨𑌪𑍁𑌰𑌪𑌤𑍇 𑌪𑌾𑌹𑌿 𑌸𑌰𑍍𑌵𑌾𑌮𑌯𑍌𑌘𑌾𑌤𑍍 ॥11॥

Browse Related Categories: