Narayaniyam Dashaka 87 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 𑍮𑍭

𑌕𑍁𑌚𑍇𑌲𑌨𑌾𑌮𑌾 𑌭𑌵𑌤𑌃 𑌸𑌤𑍀𑌰𑍍𑌥𑍍𑌯𑌤𑌾𑌂 𑌗𑌤𑌃 𑌸 𑌸𑌾𑌂𑌦𑍀𑌪𑌨𑌿𑌮𑌂𑌦𑌿𑌰𑍇 𑌦𑍍𑌵𑌿𑌜𑌃 ।
𑌤𑍍𑌵𑌦𑍇𑌕𑌰𑌾𑌗𑍇𑌣 𑌧𑌨𑌾𑌦𑌿𑌨𑌿𑌸𑍍𑌸𑍍𑌪𑍃𑌹𑍋 𑌦𑌿𑌨𑌾𑌨𑌿 𑌨𑌿𑌨𑍍𑌯𑍇 𑌪𑍍𑌰𑌶𑌮𑍀 𑌗𑍃𑌹𑌾𑌶𑍍𑌰𑌮𑍀 ॥1॥

𑌸𑌮𑌾𑌨𑌶𑍀𑌲𑌾𑌽𑌪𑌿 𑌤𑌦𑍀𑌯𑌵𑌲𑍍𑌲𑌭𑌾 𑌤𑌥𑍈𑌵 𑌨𑍋 𑌚𑌿𑌤𑍍𑌤𑌜𑌯𑌂 𑌸𑌮𑍇𑌯𑍁𑌷𑍀 ।
𑌕𑌦𑌾𑌚𑌿𑌦𑍂𑌚𑍇 𑌬𑌤 𑌵𑍃𑌤𑍍𑌤𑌿𑌲𑌬𑍍𑌧𑌯𑍇 𑌰𑌮𑌾𑌪𑌤𑌿𑌃 𑌕𑌿𑌂 𑌨 𑌸𑌖𑌾 𑌨𑌿𑌷𑍇𑌵𑍍𑌯𑌤𑍇 ॥2॥

𑌇𑌤𑍀𑌰𑌿𑌤𑍋𑌽𑌯𑌂 𑌪𑍍𑌰𑌿𑌯𑌯𑌾 𑌕𑍍𑌷𑍁𑌧𑌾𑌰𑍍𑌤𑌯𑌾 𑌜𑍁𑌗𑍁𑌪𑍍𑌸𑌮𑌾𑌨𑍋𑌽𑌪𑌿 𑌧𑌨𑍇 𑌮𑌦𑌾𑌵𑌹𑍇 ।
𑌤𑌦𑌾 𑌤𑍍𑌵𑌦𑌾𑌲𑍋𑌕𑌨𑌕𑍌𑌤𑍁𑌕𑌾𑌦𑍍𑌯𑌯𑍌 𑌵𑌹𑌨𑍍 𑌪𑌟𑌾𑌂𑌤𑍇 𑌪𑍃𑌥𑍁𑌕𑌾𑌨𑍁𑌪𑌾𑌯𑌨𑌮𑍍 ॥3॥

𑌗𑌤𑍋𑌽𑌯𑌮𑌾𑌶𑍍𑌚𑌰𑍍𑌯𑌮𑌯𑍀𑌂 𑌭𑌵𑌤𑍍𑌪𑍁𑌰𑍀𑌂 𑌗𑍃𑌹𑍇𑌷𑍁 𑌶𑍈𑌬𑍍𑌯𑌾𑌭𑌵𑌨𑌂 𑌸𑌮𑍇𑌯𑌿𑌵𑌾𑌨𑍍 ।
𑌪𑍍𑌰𑌵𑌿𑌶𑍍𑌯 𑌵𑍈𑌕𑍁𑌂𑌠𑌮𑌿𑌵𑌾𑌪 𑌨𑌿𑌰𑍍𑌵𑍃𑌤𑌿𑌂 𑌤𑌵𑌾𑌤𑌿𑌸𑌂𑌭𑌾𑌵𑌨𑌯𑌾 𑌤𑍁 𑌕𑌿𑌂 𑌪𑍁𑌨𑌃 ॥4॥

𑌪𑍍𑌰𑌪𑍂𑌜𑌿𑌤𑌂 𑌤𑌂 𑌪𑍍𑌰𑌿𑌯𑌯𑌾 𑌚 𑌵𑍀𑌜𑌿𑌤𑌂 𑌕𑌰𑍇 𑌗𑍃𑌹𑍀𑌤𑍍𑌵𑌾𑌽𑌕𑌥𑌯𑌃 𑌪𑍁𑌰𑌾𑌕𑍃𑌤𑌮𑍍 ।
𑌯𑌦𑌿𑌂𑌧𑌨𑌾𑌰𑍍𑌥𑌂 𑌗𑍁𑌰𑍁𑌦𑌾𑌰𑌚𑍋𑌦𑌿𑌤𑍈𑌰𑌪𑌰𑍍𑌤𑍁𑌵𑌰𑍍𑌷 𑌤𑌦𑌮𑌰𑍍𑌷𑌿 𑌕𑌾𑌨𑌨𑍇 ॥5॥

𑌤𑍍𑌰𑌪𑌾𑌜𑍁𑌷𑍋𑌽𑌸𑍍𑌮𑌾𑌤𑍍 𑌪𑍃𑌥𑍁𑌕𑌂 𑌬𑌲𑌾𑌦𑌥 𑌪𑍍𑌰𑌗𑍃𑌹𑍍𑌯 𑌮𑍁𑌷𑍍𑌟𑍌 𑌸𑌕𑍃𑌦𑌾𑌶𑌿𑌤𑍇 𑌤𑍍𑌵𑌯𑌾 ।
𑌕𑍃𑌤𑌂 𑌕𑍃𑌤𑌂 𑌨𑌨𑍍𑌵𑌿𑌯𑌤𑍇𑌤𑌿 𑌸𑌂𑌭𑍍𑌰𑌮𑌾𑌦𑍍𑌰𑌮𑌾 𑌕𑌿𑌲𑍋𑌪𑍇𑌤𑍍𑌯 𑌕𑌰𑌂 𑌰𑍁𑌰𑍋𑌧 𑌤𑍇 ॥6॥

𑌭𑌕𑍍𑌤𑍇𑌷𑍁 𑌭𑌕𑍍𑌤𑍇𑌨 𑌸 𑌮𑌾𑌨𑌿𑌤𑌸𑍍𑌤𑍍𑌵𑌯𑌾 𑌪𑍁𑌰𑍀𑌂 𑌵𑌸𑌨𑍍𑌨𑍇𑌕𑌨𑌿𑌶𑌾𑌂 𑌮𑌹𑌾𑌸𑍁𑌖𑌮𑍍 ।
𑌬𑌤𑌾𑌪𑌰𑍇𑌦𑍍𑌯𑍁𑌰𑍍𑌦𑍍𑌰𑌵𑌿𑌣𑌂 𑌵𑌿𑌨𑌾 𑌯𑌯𑍌 𑌵𑌿𑌚𑌿𑌤𑍍𑌰𑌰𑍂𑌪𑌸𑍍𑌤𑌵 𑌖𑌲𑍍𑌵𑌨𑍁𑌗𑍍𑌰𑌹𑌃 ॥𑍭॥

𑌯𑌦𑌿 𑌹𑍍𑌯𑌯𑌾𑌚𑌿𑌷𑍍𑌯𑌮𑌦𑌾𑌸𑍍𑌯𑌦𑌚𑍍𑌯𑍁𑌤𑍋 𑌵𑌦𑌾𑌮𑌿 𑌭𑌾𑌰𑍍𑌯𑌾𑌂 𑌕𑌿𑌮𑌿𑌤𑌿 𑌵𑍍𑌰𑌜𑌨𑍍𑌨𑌸𑍌 ।
𑌤𑍍𑌵𑌦𑍁𑌕𑍍𑌤𑌿𑌲𑍀𑌲𑌾𑌸𑍍𑌮𑌿𑌤𑌮𑌗𑍍𑌨𑌧𑍀𑌃 𑌪𑍁𑌨𑌃 𑌕𑍍𑌰𑌮𑌾𑌦𑌪𑌶𑍍𑌯𑌨𑍍𑌮𑌣𑌿𑌦𑍀𑌪𑍍𑌰𑌮𑌾𑌲𑌯𑌮𑍍 ॥𑍮॥

𑌕𑌿𑌂 𑌮𑌾𑌰𑍍𑌗𑌵𑌿𑌭𑍍𑌰𑌂𑌶 𑌇𑌤𑌿 𑌭𑍍𑌰𑌂𑌮𑌨𑍍 𑌕𑍍𑌷𑌣𑌂 𑌗𑍃𑌹𑌂 𑌪𑍍𑌰𑌵𑌿𑌷𑍍𑌟𑌃 𑌸 𑌦𑌦𑌰𑍍𑌶 𑌵𑌲𑍍𑌲𑌭𑌾𑌮𑍍 ।
𑌸𑌖𑍀𑌪𑌰𑍀𑌤𑌾𑌂 𑌮𑌣𑌿𑌹𑍇𑌮𑌭𑍂𑌷𑌿𑌤𑌾𑌂 𑌬𑍁𑌬𑍋𑌧 𑌚 𑌤𑍍𑌵𑌤𑍍𑌕𑌰𑍁𑌣𑌾𑌂 𑌮𑌹𑌾𑌦𑍍𑌭𑍁𑌤𑌾𑌮𑍍 ॥𑍯॥

𑌸 𑌰𑌤𑍍𑌨𑌶𑌾𑌲𑌾𑌸𑍁 𑌵𑌸𑌨𑍍𑌨𑌪𑌿 𑌸𑍍𑌵𑌯𑌂 𑌸𑌮𑍁𑌨𑍍𑌨𑌮𑌦𑍍𑌭𑌕𑍍𑌤𑌿𑌭𑌰𑍋𑌽𑌮𑍃𑌤𑌂 𑌯𑌯𑍌 ।
𑌤𑍍𑌵𑌮𑍇𑌵𑌮𑌾𑌪𑍂𑌰𑌿𑌤𑌭𑌕𑍍𑌤𑌵𑌾𑌂𑌛𑌿𑌤𑍋 𑌮𑌰𑍁𑌤𑍍𑌪𑍁𑌰𑌾𑌧𑍀𑌶 𑌹𑌰𑌸𑍍𑌵 𑌮𑍇 𑌗𑌦𑌾𑌨𑍍 ॥10॥

Browse Related Categories: