Narayaniyam Dashaka 29 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 2𑍯

𑌉𑌦𑍍𑌗𑌚𑍍𑌛𑌤𑌸𑍍𑌤𑌵 𑌕𑌰𑌾𑌦𑌮𑍃𑌤𑌂 𑌹𑌰𑌤𑍍𑌸𑍁
𑌦𑍈𑌤𑍍𑌯𑍇𑌷𑍁 𑌤𑌾𑌨𑌶𑌰𑌣𑌾𑌨𑌨𑍁𑌨𑍀𑌯 𑌦𑍇𑌵𑌾𑌨𑍍 ।
𑌸𑌦𑍍𑌯𑌸𑍍𑌤𑌿𑌰𑍋𑌦𑌧𑌿𑌥 𑌦𑍇𑌵 𑌭𑌵𑌤𑍍𑌪𑍍𑌰𑌭𑌾𑌵𑌾-
𑌦𑍁𑌦𑍍𑌯𑌤𑍍𑌸𑍍𑌵𑌯𑍂𑌥𑍍𑌯𑌕𑌲𑌹𑌾 𑌦𑌿𑌤𑌿𑌜𑌾 𑌬𑌭𑍂𑌵𑍁𑌃 ॥1॥

𑌶𑍍𑌯𑌾𑌮𑌾𑌂 𑌰𑍁𑌚𑌾𑌽𑌪𑌿 𑌵𑌯𑌸𑌾𑌽𑌪𑌿 𑌤𑌨𑍁𑌂 𑌤𑌦𑌾𑌨𑍀𑌂
𑌪𑍍𑌰𑌾𑌪𑍍𑌤𑍋𑌽𑌸𑌿 𑌤𑍁𑌂𑌗𑌕𑍁𑌚𑌮𑌂𑌡𑌲𑌭𑌂𑌗𑍁𑌰𑌾𑌂 𑌤𑍍𑌵𑌮𑍍 ।
𑌪𑍀𑌯𑍂𑌷𑌕𑍁𑌂𑌭𑌕𑌲𑌹𑌂 𑌪𑌰𑌿𑌮𑍁𑌚𑍍𑌯 𑌸𑌰𑍍𑌵𑍇
𑌤𑍃𑌷𑍍𑌣𑌾𑌕𑍁𑌲𑌾𑌃 𑌪𑍍𑌰𑌤𑌿𑌯𑌯𑍁𑌸𑍍𑌤𑍍𑌵𑌦𑍁𑌰𑍋𑌜𑌕𑍁𑌂𑌭𑍇 ॥2॥

𑌕𑌾 𑌤𑍍𑌵𑌂 𑌮𑍃𑌗𑌾𑌕𑍍𑌷𑌿 𑌵𑌿𑌭𑌜𑌸𑍍𑌵 𑌸𑍁𑌧𑌾𑌮𑌿𑌮𑌾𑌮𑌿-
𑌤𑍍𑌯𑌾𑌰𑍂𑌢𑌰𑌾𑌗𑌵𑌿𑌵𑌶𑌾𑌨𑌭𑌿𑌯𑌾𑌚𑌤𑍋𑌽𑌮𑍂𑌨𑍍 ।
𑌵𑌿𑌶𑍍𑌵𑌸𑍍𑌯𑌤𑍇 𑌮𑌯𑌿 𑌕𑌥𑌂 𑌕𑍁𑌲𑌟𑌾𑌽𑌸𑍍𑌮𑌿 𑌦𑍈𑌤𑍍𑌯𑌾
𑌇𑌤𑍍𑌯𑌾𑌲𑌪𑌨𑍍𑌨𑌪𑌿 𑌸𑍁𑌵𑌿𑌶𑍍𑌵𑌸𑌿𑌤𑌾𑌨𑌤𑌾𑌨𑍀𑌃 ॥3॥

𑌮𑍋𑌦𑌾𑌤𑍍 𑌸𑍁𑌧𑌾𑌕𑌲𑌶𑌮𑍇𑌷𑍁 𑌦𑌦𑌤𑍍𑌸𑍁 𑌸𑌾 𑌤𑍍𑌵𑌂
𑌦𑍁𑌶𑍍𑌚𑍇𑌷𑍍𑌟𑌿𑌤𑌂 𑌮𑌮 𑌸𑌹𑌧𑍍𑌵𑌮𑌿𑌤𑌿 𑌬𑍍𑌰𑍁𑌵𑌾𑌣𑌾 ।
𑌪𑌂𑌕𑍍𑌤𑌿𑌪𑍍𑌰𑌭𑍇𑌦𑌵𑌿𑌨𑌿𑌵𑍇𑌶𑌿𑌤𑌦𑍇𑌵𑌦𑍈𑌤𑍍𑌯𑌾
𑌲𑍀𑌲𑌾𑌵𑌿𑌲𑌾𑌸𑌗𑌤𑌿𑌭𑌿𑌃 𑌸𑌮𑌦𑌾𑌃 𑌸𑍁𑌧𑌾𑌂 𑌤𑌾𑌮𑍍 ॥4॥

𑌅𑌸𑍍𑌮𑌾𑌸𑍍𑌵𑌿𑌯𑌂 𑌪𑍍𑌰𑌣𑌯𑌿𑌣𑍀𑌤𑍍𑌯𑌸𑍁𑌰𑍇𑌷𑍁 𑌤𑍇𑌷𑍁
𑌜𑍋𑌷𑌂 𑌸𑍍𑌥𑌿𑌤𑍇𑌷𑍍𑌵𑌥 𑌸𑌮𑌾𑌪𑍍𑌯 𑌸𑍁𑌧𑌾𑌂 𑌸𑍁𑌰𑍇𑌷𑍁 ।
𑌤𑍍𑌵𑌂 𑌭𑌕𑍍𑌤𑌲𑍋𑌕𑌵𑌶𑌗𑍋 𑌨𑌿𑌜𑌰𑍂𑌪𑌮𑍇𑌤𑍍𑌯
𑌸𑍍𑌵𑌰𑍍𑌭𑌾𑌨𑍁𑌮𑌰𑍍𑌧𑌪𑌰𑌿𑌪𑍀𑌤𑌸𑍁𑌧𑌂 𑌵𑍍𑌯𑌲𑌾𑌵𑍀𑌃 ॥5॥

𑌤𑍍𑌵𑌤𑍍𑌤𑌃 𑌸𑍁𑌧𑌾𑌹𑌰𑌣𑌯𑍋𑌗𑍍𑌯𑌫𑌲𑌂 𑌪𑌰𑍇𑌷𑍁
𑌦𑌤𑍍𑌵𑌾 𑌗𑌤𑍇 𑌤𑍍𑌵𑌯𑌿 𑌸𑍁𑌰𑍈𑌃 𑌖𑌲𑍁 𑌤𑍇 𑌵𑍍𑌯𑌗𑍃𑌹𑍍𑌣𑌨𑍍 ।
𑌘𑍋𑌰𑍇𑌽𑌥 𑌮𑍂𑌰𑍍𑌛𑌤𑌿 𑌰𑌣𑍇 𑌬𑌲𑌿𑌦𑍈𑌤𑍍𑌯𑌮𑌾𑌯𑌾-
𑌵𑍍𑌯𑌾𑌮𑍋𑌹𑌿𑌤𑍇 𑌸𑍁𑌰𑌗𑌣𑍇 𑌤𑍍𑌵𑌮𑌿𑌹𑌾𑌵𑌿𑌰𑌾𑌸𑍀𑌃 ॥6॥

𑌤𑍍𑌵𑌂 𑌕𑌾𑌲𑌨𑍇𑌮𑌿𑌮𑌥 𑌮𑌾𑌲𑌿𑌮𑍁𑌖𑌾𑌂𑌜𑌘𑌂𑌥
𑌶𑌕𑍍𑌰𑍋 𑌜𑌘𑌾𑌨 𑌬𑌲𑌿𑌜𑌂𑌭𑌵𑌲𑌾𑌨𑍍 𑌸𑌪𑌾𑌕𑌾𑌨𑍍 ।
𑌶𑍁𑌷𑍍𑌕𑌾𑌰𑍍𑌦𑍍𑌰𑌦𑍁𑌷𑍍𑌕𑌰𑌵𑌧𑍇 𑌨𑌮𑍁𑌚𑍌 𑌚 𑌲𑍂𑌨𑍇
𑌫𑍇𑌨𑍇𑌨 𑌨𑌾𑌰𑌦𑌗𑌿𑌰𑌾 𑌨𑍍𑌯𑌰𑍁𑌣𑍋 𑌰𑌣𑌂 𑌤𑍍𑌵𑌮𑍍 ॥𑍭॥

𑌯𑍋𑌷𑌾𑌵𑌪𑍁𑌰𑍍𑌦𑌨𑍁𑌜𑌮𑍋𑌹𑌨𑌮𑌾𑌹𑌿𑌤𑌂 𑌤𑍇
𑌶𑍍𑌰𑍁𑌤𑍍𑌵𑌾 𑌵𑌿𑌲𑍋𑌕𑌨𑌕𑍁𑌤𑍂𑌹𑌲𑌵𑌾𑌨𑍍 𑌮𑌹𑍇𑌶𑌃 ।
𑌭𑍂𑌤𑍈𑌸𑍍𑌸𑌮𑌂 𑌗𑌿𑌰𑌿𑌜𑌯𑌾 𑌚 𑌗𑌤𑌃 𑌪𑌦𑌂 𑌤𑍇
𑌸𑍍𑌤𑍁𑌤𑍍𑌵𑌾𑌽𑌬𑍍𑌰𑌵𑍀𑌦𑌭𑌿𑌮𑌤𑌂 𑌤𑍍𑌵𑌮𑌥𑍋 𑌤𑌿𑌰𑍋𑌧𑌾𑌃 ॥𑍮॥

𑌆𑌰𑌾𑌮𑌸𑍀𑌮𑌨𑌿 𑌚 𑌕𑌂𑌦𑍁𑌕𑌘𑌾𑌤𑌲𑍀𑌲𑌾-
𑌲𑍋𑌲𑌾𑌯𑌮𑌾𑌨𑌨𑌯𑌨𑌾𑌂 𑌕𑌮𑌨𑍀𑌂 𑌮𑌨𑍋𑌜𑍍𑌞𑌾𑌮𑍍 ।
𑌤𑍍𑌵𑌾𑌮𑍇𑌷 𑌵𑍀𑌕𑍍𑌷𑍍𑌯 𑌵𑌿𑌗𑌲𑌦𑍍𑌵𑌸𑌨𑌾𑌂 𑌮𑌨𑍋𑌭𑍂-
𑌵𑍇𑌗𑌾𑌦𑌨𑌂𑌗𑌰𑌿𑌪𑍁𑌰𑌂𑌗 𑌸𑌮𑌾𑌲𑌿𑌲𑌿𑌂𑌗 ॥𑍯॥

𑌭𑍂𑌯𑍋𑌽𑌪𑌿 𑌵𑌿𑌦𑍍𑌰𑍁𑌤𑌵𑌤𑍀𑌮𑍁𑌪𑌧𑌾𑌵𑍍𑌯 𑌦𑍇𑌵𑍋
𑌵𑍀𑌰𑍍𑌯𑌪𑍍𑌰𑌮𑍋𑌕𑍍𑌷𑌵𑌿𑌕𑌸𑌤𑍍𑌪𑌰𑌮𑌾𑌰𑍍𑌥𑌬𑍋𑌧𑌃 ।
𑌤𑍍𑌵𑌨𑍍𑌮𑌾𑌨𑌿𑌤𑌸𑍍𑌤𑌵 𑌮𑌹𑌤𑍍𑌤𑍍𑌵𑌮𑍁𑌵𑌾𑌚 𑌦𑍇𑌵𑍍𑌯𑍈
𑌤𑌤𑍍𑌤𑌾𑌦𑍃𑌶𑌸𑍍𑌤𑍍𑌵𑌮𑌵 𑌵𑌾𑌤𑌨𑌿𑌕𑍇𑌤𑌨𑌾𑌥 ॥10॥

Browse Related Categories: