Narayaniyam Dashaka 10 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 10

𑌵𑍈𑌕𑍁𑌂𑌠 𑌵𑌰𑍍𑌧𑌿𑌤𑌬𑌲𑍋𑌽𑌥 𑌭𑌵𑌤𑍍𑌪𑍍𑌰𑌸𑌾𑌦𑌾-
𑌦𑌂𑌭𑍋𑌜𑌯𑍋𑌨𑌿𑌰𑌸𑍃𑌜𑌤𑍍 𑌕𑌿𑌲 𑌜𑍀𑌵𑌦𑍇𑌹𑌾𑌨𑍍 ।
𑌸𑍍𑌥𑌾𑌸𑍍𑌨𑍂𑌨𑌿 𑌭𑍂𑌰𑍁𑌹𑌮𑌯𑌾𑌨𑌿 𑌤𑌥𑌾 𑌤𑌿𑌰𑌶𑍍𑌚𑌾𑌂
𑌜𑌾𑌤𑌿𑌂 𑌮𑌨𑍁𑌷𑍍𑌯𑌨𑌿𑌵𑌹𑌾𑌨𑌪𑌿 𑌦𑍇𑌵𑌭𑍇𑌦𑌾𑌨𑍍 ॥1॥

𑌮𑌿𑌥𑍍𑌯𑌾𑌗𑍍𑌰𑌹𑌾𑌸𑍍𑌮𑌿𑌮𑌤𑌿𑌰𑌾𑌗𑌵𑌿𑌕𑍋𑌪𑌭𑍀𑌤𑌿-
𑌰𑌜𑍍𑌞𑌾𑌨𑌵𑍃𑌤𑍍𑌤𑌿𑌮𑌿𑌤𑌿 𑌪𑌂𑌚𑌵𑌿𑌧𑌾𑌂 𑌸 𑌸𑍃𑌷𑍍𑌟𑍍𑌵𑌾 ।
𑌉𑌦𑍍𑌦𑌾𑌮𑌤𑌾𑌮𑌸𑌪𑌦𑌾𑌰𑍍𑌥𑌵𑌿𑌧𑌾𑌨𑌦𑍂𑌨 -
𑌸𑍍𑌤𑍇𑌨𑍇 𑌤𑍍𑌵𑌦𑍀𑌯𑌚𑌰𑌣𑌸𑍍𑌮𑌰𑌣𑌂 𑌵𑌿𑌶𑍁𑌦𑍍𑌧𑍍𑌯𑍈 ॥2॥

𑌤𑌾𑌵𑌤𑍍 𑌸𑌸𑌰𑍍𑌜 𑌮𑌨𑌸𑌾 𑌸𑌨𑌕𑌂 𑌸𑌨𑌂𑌦𑌂
𑌭𑍂𑌯𑌃 𑌸𑌨𑌾𑌤𑌨𑌮𑍁𑌨𑌿𑌂 𑌚 𑌸𑌨𑌤𑍍𑌕𑍁𑌮𑌾𑌰𑌮𑍍 ।
𑌤𑍇 𑌸𑍃𑌷𑍍𑌟𑌿𑌕𑌰𑍍𑌮𑌣𑌿 𑌤𑍁 𑌤𑍇𑌨 𑌨𑌿𑌯𑍁𑌜𑍍𑌯𑌮𑌾𑌨𑌾-
𑌸𑍍𑌤𑍍𑌵𑌤𑍍𑌪𑌾𑌦𑌭𑌕𑍍𑌤𑌿𑌰𑌸𑌿𑌕𑌾 𑌜𑌗𑍃𑌹𑍁𑌰𑍍𑌨 𑌵𑌾𑌣𑍀𑌮𑍍 ॥3॥

𑌤𑌾𑌵𑌤𑍍 𑌪𑍍𑌰𑌕𑍋𑌪𑌮𑍁𑌦𑌿𑌤𑌂 𑌪𑍍𑌰𑌤𑌿𑌰𑍁𑌂𑌧𑌤𑍋𑌽𑌸𑍍𑌯
𑌭𑍍𑌰𑍂𑌮𑌧𑍍𑌯𑌤𑍋𑌽𑌜𑌨𑌿 𑌮𑍃𑌡𑍋 𑌭𑌵𑌦𑍇𑌕𑌦𑍇𑌶𑌃 ।
𑌨𑌾𑌮𑌾𑌨𑌿 𑌮𑍇 𑌕𑍁𑌰𑍁 𑌪𑌦𑌾𑌨𑌿 𑌚 𑌹𑌾 𑌵𑌿𑌰𑌿𑌂𑌚𑍇-
𑌤𑍍𑌯𑌾𑌦𑍌 𑌰𑍁𑌰𑍋𑌦 𑌕𑌿𑌲 𑌤𑍇𑌨 𑌸 𑌰𑍁𑌦𑍍𑌰𑌨𑌾𑌮𑌾 ॥4॥

𑌏𑌕𑌾𑌦𑌶𑌾𑌹𑍍𑌵𑌯𑌤𑌯𑌾 𑌚 𑌵𑌿𑌭𑌿𑌨𑍍𑌨𑌰𑍂𑌪𑌂
𑌰𑍁𑌦𑍍𑌰𑌂 𑌵𑌿𑌧𑌾𑌯 𑌦𑌯𑌿𑌤𑌾 𑌵𑌨𑌿𑌤𑌾𑌶𑍍𑌚 𑌦𑌤𑍍𑌵𑌾 ।
𑌤𑌾𑌵𑌂𑌤𑍍𑌯𑌦𑌤𑍍𑌤 𑌚 𑌪𑌦𑌾𑌨𑌿 𑌭𑌵𑌤𑍍𑌪𑍍𑌰𑌣𑍁𑌨𑍍𑌨𑌃
𑌪𑍍𑌰𑌾𑌹 𑌪𑍍𑌰𑌜𑌾𑌵𑌿𑌰𑌚𑌨𑌾𑌯 𑌚 𑌸𑌾𑌦𑌰𑌂 𑌤𑌮𑍍 ॥5॥

𑌰𑍁𑌦𑍍𑌰𑌾𑌭𑌿𑌸𑍃𑌷𑍍𑌟𑌭𑌯𑌦𑌾𑌕𑍃𑌤𑌿𑌰𑍁𑌦𑍍𑌰𑌸𑌂𑌘-
𑌸𑌂𑌪𑍂𑌰𑍍𑌯𑌮𑌾𑌣𑌭𑍁𑌵𑌨𑌤𑍍𑌰𑌯𑌭𑍀𑌤𑌚𑍇𑌤𑌾𑌃 ।
𑌮𑌾 𑌮𑌾 𑌪𑍍𑌰𑌜𑌾𑌃 𑌸𑍃𑌜 𑌤𑌪𑌶𑍍𑌚𑌰 𑌮𑌂𑌗𑌲𑌾𑌯𑍇-
𑌤𑍍𑌯𑌾𑌚𑌷𑍍𑌟 𑌤𑌂 𑌕𑌮𑌲𑌭𑍂𑌰𑍍𑌭𑌵𑌦𑍀𑌰𑌿𑌤𑌾𑌤𑍍𑌮𑌾 ॥6॥

𑌤𑌸𑍍𑌯𑌾𑌥 𑌸𑌰𑍍𑌗𑌰𑌸𑌿𑌕𑌸𑍍𑌯 𑌮𑌰𑍀𑌚𑌿𑌰𑌤𑍍𑌰𑌿-
𑌸𑍍𑌤𑌤𑍍𑌰𑌾𑌙𑌿𑌗𑌰𑌾𑌃 𑌕𑍍𑌰𑌤𑍁𑌮𑍁𑌨𑌿𑌃 𑌪𑍁𑌲𑌹𑌃 𑌪𑍁𑌲𑌸𑍍𑌤𑍍𑌯𑌃 ।
𑌅𑌂𑌗𑌾𑌦𑌜𑌾𑌯𑌤 𑌭𑍃𑌗𑍁𑌶𑍍𑌚 𑌵𑌸𑌿𑌷𑍍𑌠𑌦𑌕𑍍𑌷𑍌
𑌶𑍍𑌰𑍀𑌨𑌾𑌰𑌦𑌶𑍍𑌚 𑌭𑌗𑌵𑌨𑍍 𑌭𑌵𑌦𑌂𑌘𑍍𑌰𑌿𑌦𑌾𑌸𑌃 ॥𑍭॥

𑌧𑌰𑍍𑌮𑌾𑌦𑌿𑌕𑌾𑌨𑌭𑌿𑌸𑍃𑌜𑌨𑍍𑌨𑌥 𑌕𑌰𑍍𑌦𑌮𑌂 𑌚
𑌵𑌾𑌣𑍀𑌂 𑌵𑌿𑌧𑌾𑌯 𑌵𑌿𑌧𑌿𑌰𑌂𑌗𑌜𑌸𑌂𑌕𑍁𑌲𑍋𑌽𑌭𑍂𑌤𑍍 ।
𑌤𑍍𑌵𑌦𑍍𑌬𑍋𑌧𑌿𑌤𑍈𑌸𑍍𑌸𑌨𑌕𑌦𑌕𑍍𑌷𑌮𑍁𑌖𑍈𑌸𑍍𑌤𑌨𑍂𑌜𑍈-
𑌰𑍁𑌦𑍍𑌬𑍋𑌧𑌿𑌤𑌶𑍍𑌚 𑌵𑌿𑌰𑌰𑌾𑌮 𑌤𑌮𑍋 𑌵𑌿𑌮𑍁𑌂𑌚𑌨𑍍 ॥𑍮॥

𑌵𑍇𑌦𑌾𑌨𑍍 𑌪𑍁𑌰𑌾𑌣𑌨𑌿𑌵𑌹𑌾𑌨𑌪𑌿 𑌸𑌰𑍍𑌵𑌵𑌿𑌦𑍍𑌯𑌾𑌃
𑌕𑍁𑌰𑍍𑌵𑌨𑍍 𑌨𑌿𑌜𑌾𑌨𑌨𑌗𑌣𑌾𑌚𑍍𑌚𑌤𑍁𑌰𑌾𑌨𑌨𑍋𑌽𑌸𑍌 ।
𑌪𑍁𑌤𑍍𑌰𑍇𑌷𑍁 𑌤𑍇𑌷𑍁 𑌵𑌿𑌨𑌿𑌧𑌾𑌯 𑌸 𑌸𑌰𑍍𑌗𑌵𑍃𑌦𑍍𑌧𑌿-
𑌮𑌪𑍍𑌰𑌾𑌪𑍍𑌨𑍁𑌵𑌂𑌸𑍍𑌤𑌵 𑌪𑌦𑌾𑌂𑌬𑍁𑌜𑌮𑌾𑌶𑍍𑌰𑌿𑌤𑍋𑌭𑍂𑌤𑍍 ॥𑍯॥

𑌜𑌾𑌨𑌨𑍍𑌨𑍁𑌪𑌾𑌯𑌮𑌥 𑌦𑍇𑌹𑌮𑌜𑍋 𑌵𑌿𑌭𑌜𑍍𑌯
𑌸𑍍𑌰𑍀𑌪𑍁𑌂𑌸𑌭𑌾𑌵𑌮𑌭𑌜𑌨𑍍𑌮𑌨𑍁𑌤𑌦𑍍𑌵𑌧𑍂𑌭𑍍𑌯𑌾𑌮𑍍 ।
𑌤𑌾𑌭𑍍𑌯𑌾𑌂 𑌚 𑌮𑌾𑌨𑍁𑌷𑌕𑍁𑌲𑌾𑌨𑌿 𑌵𑌿𑌵𑌰𑍍𑌧𑌯𑌂𑌸𑍍𑌤𑍍𑌵𑌂
𑌗𑍋𑌵𑌿𑌂𑌦 𑌮𑌾𑌰𑍁𑌤𑌪𑍁𑌰𑍇𑌶 𑌨𑌿𑌰𑍁𑌂𑌧𑌿 𑌰𑍋𑌗𑌾𑌨𑍍 ॥10॥

Browse Related Categories: