Narayaniyam Dashaka 53 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 53

𑌅𑌤𑍀𑌤𑍍𑌯 𑌬𑌾𑌲𑍍𑌯𑌂 𑌜𑌗𑌤𑌾𑌂 𑌪𑌤𑍇 𑌤𑍍𑌵𑌮𑍁𑌪𑍇𑌤𑍍𑌯 𑌪𑍌𑌗𑌂𑌡𑌵𑌯𑍋 𑌮𑌨𑍋𑌜𑍍𑌞𑌮𑍍 ।
𑌉𑌪𑍇𑌕𑍍𑌷𑍍𑌯 𑌵𑌤𑍍𑌸𑌾𑌵𑌨𑌮𑍁𑌤𑍍𑌸𑌵𑍇𑌨 𑌪𑍍𑌰𑌾𑌵𑌰𑍍𑌤𑌥𑌾 𑌗𑍋𑌗𑌣𑌪𑌾𑌲𑌨𑌾𑌯𑌾𑌮𑍍 ॥1॥

𑌉𑌪𑌕𑍍𑌰𑌮𑌸𑍍𑌯𑌾𑌨𑍁𑌗𑍁𑌣𑍈𑌵 𑌸𑍇𑌯𑌂 𑌮𑌰𑍁𑌤𑍍𑌪𑍁𑌰𑌾𑌧𑍀𑌶 𑌤𑌵 𑌪𑍍𑌰𑌵𑍃𑌤𑍍𑌤𑌿𑌃 ।
𑌗𑍋𑌤𑍍𑌰𑌾𑌪𑌰𑌿𑌤𑍍𑌰𑌾𑌣𑌕𑍃𑌤𑍇𑌽𑌵𑌤𑍀𑌰𑍍𑌣𑌸𑍍𑌤𑌦𑍇𑌵 𑌦𑍇𑌵𑌾𑌽𑌽𑌰𑌭𑌥𑌾𑌸𑍍𑌤𑌦𑌾 𑌯𑌤𑍍 ॥2॥

𑌕𑌦𑌾𑌪𑌿 𑌰𑌾𑌮𑍇𑌣 𑌸𑌮𑌂 𑌵𑌨𑌾𑌂𑌤𑍇 𑌵𑌨𑌶𑍍𑌰𑌿𑌯𑌂 𑌵𑍀𑌕𑍍𑌷𑍍𑌯 𑌚𑌰𑌨𑍍 𑌸𑍁𑌖𑍇𑌨 ।
𑌶𑍍𑌰𑍀𑌦𑌾𑌮𑌨𑌾𑌮𑍍𑌨𑌃 𑌸𑍍𑌵𑌸𑌖𑌸𑍍𑌯 𑌵𑌾𑌚𑌾 𑌮𑍋𑌦𑌾𑌦𑌗𑌾 𑌧𑍇𑌨𑍁𑌕𑌕𑌾𑌨𑌨𑌂 𑌤𑍍𑌵𑌮𑍍 ॥3॥

𑌉𑌤𑍍𑌤𑌾𑌲𑌤𑌾𑌲𑍀𑌨𑌿𑌵𑌹𑍇 𑌤𑍍𑌵𑌦𑍁𑌕𑍍𑌤𑍍𑌯𑌾 𑌬𑌲𑍇𑌨 𑌧𑍂𑌤𑍇𑌽𑌥 𑌬𑌲𑍇𑌨 𑌦𑍋𑌰𑍍𑌭𑍍𑌯𑌾𑌮𑍍 ।
𑌮𑍃𑌦𑍁𑌃 𑌖𑌰𑌶𑍍𑌚𑌾𑌭𑍍𑌯𑌪𑌤𑌤𑍍𑌪𑍁𑌰𑌸𑍍𑌤𑌾𑌤𑍍 𑌫𑌲𑍋𑌤𑍍𑌕𑌰𑍋 𑌧𑍇𑌨𑍁𑌕𑌦𑌾𑌨𑌵𑍋𑌽𑌪𑌿 ॥4॥

𑌸𑌮𑍁𑌦𑍍𑌯𑌤𑍋 𑌧𑍈𑌨𑍁𑌕𑌪𑌾𑌲𑌨𑍇𑌽𑌹𑌂 𑌕𑌥𑌂 𑌵𑌧𑌂 𑌧𑍈𑌨𑍁𑌕𑌮𑌦𑍍𑌯 𑌕𑍁𑌰𑍍𑌵𑍇 ।
𑌇𑌤𑍀𑌵 𑌮𑌤𑍍𑌵𑌾 𑌧𑍍𑌰𑍁𑌵𑌮𑌗𑍍𑌰𑌜𑍇𑌨 𑌸𑍁𑌰𑍌𑌘𑌯𑍋𑌦𑍍𑌧𑌾𑌰𑌮𑌜𑍀𑌘𑌨𑌸𑍍𑌤𑍍𑌵𑌮𑍍 ॥5॥

𑌤𑌦𑍀𑌯𑌭𑍃𑌤𑍍𑌯𑌾𑌨𑌪𑌿 𑌜𑌂𑌬𑍁𑌕𑌤𑍍𑌵𑍇𑌨𑍋𑌪𑌾𑌗𑌤𑌾𑌨𑌗𑍍𑌰𑌜𑌸𑌂𑌯𑍁𑌤𑌸𑍍𑌤𑍍𑌵𑌮𑍍 ।
𑌜𑌂𑌬𑍂𑌫𑌲𑌾𑌨𑍀𑌵 𑌤𑌦𑌾 𑌨𑌿𑌰𑌾𑌸𑍍𑌥𑌸𑍍𑌤𑌾𑌲𑍇𑌷𑍁 𑌖𑍇𑌲𑌨𑍍 𑌭𑌗𑌵𑌨𑍍 𑌨𑌿𑌰𑌾𑌸𑍍𑌥𑌃 ॥6॥

𑌵𑌿𑌨𑌿𑌘𑍍𑌨𑌤𑌿 𑌤𑍍𑌵𑌯𑍍𑌯𑌥 𑌜𑌂𑌬𑍁𑌕𑍌𑌘𑌂 𑌸𑌨𑌾𑌮𑌕𑌤𑍍𑌵𑌾𑌦𑍍𑌵𑌰𑍁𑌣𑌸𑍍𑌤𑌦𑌾𑌨𑍀𑌮𑍍 ।
𑌭𑌯𑌾𑌕𑍁𑌲𑍋 𑌜𑌂𑌬𑍁𑌕𑌨𑌾𑌮𑌧𑍇𑌯𑌂 𑌶𑍍𑌰𑍁𑌤𑌿𑌪𑍍𑌰𑌸𑌿𑌦𑍍𑌧𑌂 𑌵𑍍𑌯𑌧𑌿𑌤𑍇𑌤𑌿 𑌮𑌨𑍍𑌯𑍇 ॥𑍭॥

𑌤𑌵𑌾𑌵𑌤𑌾𑌰𑌸𑍍𑌯 𑌫𑌲𑌂 𑌮𑍁𑌰𑌾𑌰𑍇 𑌸𑌂𑌜𑌾𑌤𑌮𑌦𑍍𑌯𑍇𑌤𑌿 𑌸𑍁𑌰𑍈𑌰𑍍𑌨𑍁𑌤𑌸𑍍𑌤𑍍𑌵𑌮𑍍 ।
𑌸𑌤𑍍𑌯𑌂 𑌫𑌲𑌂 𑌜𑌾𑌤𑌮𑌿𑌹𑍇𑌤𑌿 𑌹𑌾𑌸𑍀 𑌬𑌾𑌲𑍈𑌃 𑌸𑌮𑌂 𑌤𑌾𑌲𑌫𑌲𑌾𑌨𑍍𑌯𑌭𑍁𑌂𑌕𑍍𑌥𑌾𑌃 ॥𑍮॥

𑌮𑌧𑍁𑌦𑍍𑌰𑌵𑌸𑍍𑌰𑍁𑌂𑌤𑌿 𑌬𑍃𑌹𑌂𑌤𑌿 𑌤𑌾𑌨𑌿 𑌫𑌲𑌾𑌨𑌿 𑌮𑍇𑌦𑍋𑌭𑌰𑌭𑍃𑌂𑌤𑌿 𑌭𑍁𑌕𑍍𑌤𑍍𑌵𑌾 ।
𑌤𑍃𑌪𑍍𑌤𑍈𑌶𑍍𑌚 𑌦𑍃𑌪𑍍𑌤𑍈𑌰𑍍𑌭𑌵𑌨𑌂 𑌫𑌲𑍌𑌘𑌂 𑌵𑌹𑌦𑍍𑌭𑌿𑌰𑌾𑌗𑌾𑌃 𑌖𑌲𑍁 𑌬𑌾𑌲𑌕𑍈𑌸𑍍𑌤𑍍𑌵𑌮𑍍 ॥𑍯॥

𑌹𑌤𑍋 𑌹𑌤𑍋 𑌧𑍇𑌨𑍁𑌕 𑌇𑌤𑍍𑌯𑍁𑌪𑍇𑌤𑍍𑌯 𑌫𑌲𑌾𑌨𑍍𑌯𑌦𑌦𑍍𑌭𑌿𑌰𑍍𑌮𑌧𑍁𑌰𑌾𑌣𑌿 𑌲𑍋𑌕𑍈𑌃 ।
𑌜𑌯𑍇𑌤𑌿 𑌜𑍀𑌵𑍇𑌤𑌿 𑌨𑍁𑌤𑍋 𑌵𑌿𑌭𑍋 𑌤𑍍𑌵𑌂 𑌮𑌰𑍁𑌤𑍍𑌪𑍁𑌰𑌾𑌧𑍀𑌶𑍍𑌵𑌰 𑌪𑌾𑌹𑌿 𑌰𑍋𑌗𑌾𑌤𑍍 ॥10॥

Browse Related Categories: