Narayaniyam Dashaka 46 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 46

𑌅𑌯𑌿 𑌦𑍇𑌵 𑌪𑍁𑌰𑌾 𑌕𑌿𑌲 𑌤𑍍𑌵𑌯𑌿 𑌸𑍍𑌵𑌯𑌮𑍁𑌤𑍍𑌤𑌾𑌨𑌶𑌯𑍇 𑌸𑍍𑌤𑌨𑌂𑌧𑌯𑍇 ।
𑌪𑌰𑌿𑌜𑍃𑌂𑌭𑌣𑌤𑍋 𑌵𑍍𑌯𑌪𑌾𑌵𑍃𑌤𑍇 𑌵𑌦𑌨𑍇 𑌵𑌿𑌶𑍍𑌵𑌮𑌚𑌷𑍍𑌟 𑌵𑌲𑍍𑌲𑌵𑍀 ॥1॥

𑌪𑍁𑌨𑌰𑌪𑍍𑌯𑌥 𑌬𑌾𑌲𑌕𑍈𑌃 𑌸𑌮𑌂 𑌤𑍍𑌵𑌯𑌿 𑌲𑍀𑌲𑌾𑌨𑌿𑌰𑌤𑍇 𑌜𑌗𑌤𑍍𑌪𑌤𑍇 ।
𑌫𑌲𑌸𑌂𑌚𑌯𑌵𑌂𑌚𑌨𑌕𑍍𑌰𑍁𑌧𑌾 𑌤𑌵 𑌮𑍃𑌦𑍍𑌭𑍋𑌜𑌨𑌮𑍂𑌚𑍁𑌰𑌰𑍍𑌭𑌕𑌾𑌃 ॥2॥

𑌅𑌯𑌿 𑌤𑍇 𑌪𑍍𑌰𑌲𑌯𑌾𑌵𑌧𑍌 𑌵𑌿𑌭𑍋 𑌕𑍍𑌷𑌿𑌤𑌿𑌤𑍋𑌯𑌾𑌦𑌿𑌸𑌮𑌸𑍍𑌤𑌭𑌕𑍍𑌷𑌿𑌣𑌃 ।
𑌮𑍃𑌦𑍁𑌪𑌾𑌶𑌨𑌤𑍋 𑌰𑍁𑌜𑌾 𑌭𑌵𑍇𑌦𑌿𑌤𑌿 𑌭𑍀𑌤𑌾 𑌜𑌨𑌨𑍀 𑌚𑍁𑌕𑍋𑌪 𑌸𑌾 ॥3॥

𑌅𑌯𑌿 𑌦𑍁𑌰𑍍𑌵𑌿𑌨𑌯𑌾𑌤𑍍𑌮𑌕 𑌤𑍍𑌵𑌯𑌾 𑌕𑌿𑌮𑍁 𑌮𑍃𑌤𑍍𑌸𑌾 𑌬𑌤 𑌵𑌤𑍍𑌸 𑌭𑌕𑍍𑌷𑌿𑌤𑌾 ।
𑌇𑌤𑌿 𑌮𑌾𑌤𑍃𑌗𑌿𑌰𑌂 𑌚𑌿𑌰𑌂 𑌵𑌿𑌭𑍋 𑌵𑌿𑌤𑌥𑌾𑌂 𑌤𑍍𑌵𑌂 𑌪𑍍𑌰𑌤𑌿𑌜𑌜𑍍𑌞𑌿𑌷𑍇 𑌹𑌸𑌨𑍍 ॥4॥

𑌅𑌯𑌿 𑌤𑍇 𑌸𑌕𑌲𑍈𑌰𑍍𑌵𑌿𑌨𑌿𑌶𑍍𑌚𑌿𑌤𑍇 𑌵𑌿𑌮𑌤𑌿𑌶𑍍𑌚𑍇𑌦𑍍𑌵𑌦𑌨𑌂 𑌵𑌿𑌦𑌾𑌰𑍍𑌯𑌤𑌾𑌮𑍍 ।
𑌇𑌤𑌿 𑌮𑌾𑌤𑍃𑌵𑌿𑌭𑌰𑍍𑌤𑍍𑌸𑌿𑌤𑍋 𑌮𑍁𑌖𑌂 𑌵𑌿𑌕𑌸𑌤𑍍𑌪𑌦𑍍𑌮𑌨𑌿𑌭𑌂 𑌵𑍍𑌯𑌦𑌾𑌰𑌯𑌃 ॥5॥

𑌅𑌪𑌿 𑌮𑍃𑌲𑍍𑌲𑌵𑌦𑌰𑍍𑌶𑌨𑍋𑌤𑍍𑌸𑍁𑌕𑌾𑌂 𑌜𑌨𑌨𑍀𑌂 𑌤𑌾𑌂 𑌬𑌹𑍁 𑌤𑌰𑍍𑌪𑌯𑌨𑍍𑌨𑌿𑌵 ।
𑌪𑍃𑌥𑌿𑌵𑍀𑌂 𑌨𑌿𑌖𑌿𑌲𑌾𑌂 𑌨 𑌕𑍇𑌵𑌲𑌂 𑌭𑍁𑌵𑌨𑌾𑌨𑍍𑌯𑌪𑍍𑌯𑌖𑌿𑌲𑌾𑌨𑍍𑌯𑌦𑍀𑌦𑍃𑌶𑌃 ॥6॥

𑌕𑍁𑌹𑌚𑌿𑌦𑍍𑌵𑌨𑌮𑌂𑌬𑍁𑌧𑌿𑌃 𑌕𑍍𑌵𑌚𑌿𑌤𑍍 𑌕𑍍𑌵𑌚𑌿𑌦𑌭𑍍𑌰𑌂 𑌕𑍁𑌹𑌚𑌿𑌦𑍍𑌰𑌸𑌾𑌤𑌲𑌮𑍍 ।
𑌮𑌨𑍁𑌜𑌾 𑌦𑌨𑍁𑌜𑌾𑌃 𑌕𑍍𑌵𑌚𑌿𑌤𑍍 𑌸𑍁𑌰𑌾 𑌦𑌦𑍃𑌶𑍇 𑌕𑌿𑌂 𑌨 𑌤𑌦𑌾 𑌤𑍍𑌵𑌦𑌾𑌨𑌨𑍇 ॥𑍭॥

𑌕𑌲𑌶𑌾𑌂𑌬𑍁𑌧𑌿𑌶𑌾𑌯𑌿𑌨𑌂 𑌪𑍁𑌨𑌃 𑌪𑌰𑌵𑍈𑌕𑍁𑌂𑌠𑌪𑌦𑌾𑌧𑌿𑌵𑌾𑌸𑌿𑌨𑌮𑍍 ।
𑌸𑍍𑌵𑌪𑍁𑌰𑌶𑍍𑌚 𑌨𑌿𑌜𑌾𑌰𑍍𑌭𑌕𑌾𑌤𑍍𑌮𑌕𑌂 𑌕𑌤𑌿𑌧𑌾 𑌤𑍍𑌵𑌾𑌂 𑌨 𑌦𑌦𑌰𑍍𑌶 𑌸𑌾 𑌮𑍁𑌖𑍇 ॥𑍮॥

𑌵𑌿𑌕𑌸𑌦𑍍𑌭𑍁𑌵𑌨𑍇 𑌮𑍁𑌖𑍋𑌦𑌰𑍇 𑌨𑌨𑍁 𑌭𑍂𑌯𑍋𑌽𑌪𑌿 𑌤𑌥𑌾𑌵𑌿𑌧𑌾𑌨𑌨𑌃 ।
𑌅𑌨𑌯𑌾 𑌸𑍍𑌫𑍁𑌟𑌮𑍀𑌕𑍍𑌷𑌿𑌤𑍋 𑌭𑌵𑌾𑌨𑌨𑌵𑌸𑍍𑌥𑌾𑌂 𑌜𑌗𑌤𑌾𑌂 𑌬𑌤𑌾𑌤𑌨𑍋𑌤𑍍 ॥𑍯॥

𑌧𑍃𑌤𑌤𑌤𑍍𑌤𑍍𑌵𑌧𑌿𑌯𑌂 𑌤𑌦𑌾 𑌕𑍍𑌷𑌣𑌂 𑌜𑌨𑌨𑍀𑌂 𑌤𑌾𑌂 𑌪𑍍𑌰𑌣𑌯𑍇𑌨 𑌮𑍋𑌹𑌯𑌨𑍍 ।
𑌸𑍍𑌤𑌨𑌮𑌂𑌬 𑌦𑌿𑌶𑍇𑌤𑍍𑌯𑍁𑌪𑌾𑌸𑌜𑌨𑍍 𑌭𑌗𑌵𑌨𑍍𑌨𑌦𑍍𑌭𑍁𑌤𑌬𑌾𑌲 𑌪𑌾𑌹𑌿 𑌮𑌾𑌮𑍍 ॥10॥

Browse Related Categories: