Narayaniyam Dashaka 18 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 1𑍮

𑌜𑌾𑌤𑌸𑍍𑌯 𑌧𑍍𑌰𑍁𑌵𑌕𑍁𑌲 𑌏𑌵 𑌤𑍁𑌂𑌗𑌕𑍀𑌰𑍍𑌤𑍇-
𑌰𑌂𑌗𑌸𑍍𑌯 𑌵𑍍𑌯𑌜𑌨𑌿 𑌸𑍁𑌤𑌃 𑌸 𑌵𑍇𑌨𑌨𑌾𑌮𑌾 ।
𑌯𑌦𑍍𑌦𑍋𑌷𑌵𑍍𑌯𑌥𑌿𑌤𑌮𑌤𑌿𑌃 𑌸 𑌰𑌾𑌜𑌵𑌰𑍍𑌯-
𑌸𑍍𑌤𑍍𑌵𑌤𑍍𑌪𑌾𑌦𑍇 𑌨𑌿𑌹𑌿𑌤𑌮𑌨𑌾 𑌵𑌨𑌂 𑌗𑌤𑍋𑌽𑌭𑍂𑌤𑍍 ॥1॥

𑌪𑌾𑌪𑍋𑌽𑌪𑌿 𑌕𑍍𑌷𑌿𑌤𑌿𑌤𑌲𑌪𑌾𑌲𑌨𑌾𑌯 𑌵𑍇𑌨𑌃
𑌪𑍌𑌰𑌾𑌦𑍍𑌯𑍈𑌰𑍁𑌪𑌨𑌿𑌹𑌿𑌤𑌃 𑌕𑌠𑍋𑌰𑌵𑍀𑌰𑍍𑌯𑌃 ।
𑌸𑌰𑍍𑌵𑍇𑌭𑍍𑌯𑍋 𑌨𑌿𑌜𑌬𑌲𑌮𑍇𑌵 𑌸𑌂𑌪𑍍𑌰𑌶𑌂𑌸𑌨𑍍
𑌭𑍂𑌚𑌕𑍍𑌰𑍇 𑌤𑌵 𑌯𑌜𑌨𑌾𑌨𑍍𑌯𑌯𑌂 𑌨𑍍𑌯𑌰𑍌𑌤𑍍𑌸𑍀𑌤𑍍 ॥2॥

𑌸𑌂𑌪𑍍𑌰𑌾𑌪𑍍𑌤𑍇 𑌹𑌿𑌤𑌕𑌥𑌨𑌾𑌯 𑌤𑌾𑌪𑌸𑍌𑌘𑍇
𑌮𑌤𑍍𑌤𑍋𑌽𑌨𑍍𑌯𑍋 𑌭𑍁𑌵𑌨𑌪𑌤𑌿𑌰𑍍𑌨 𑌕𑌶𑍍𑌚𑌨𑍇𑌤𑌿 ।
𑌤𑍍𑌵𑌨𑍍𑌨𑌿𑌂𑌦𑌾𑌵𑌚𑌨𑌪𑌰𑍋 𑌮𑍁𑌨𑍀𑌶𑍍𑌵𑌰𑍈𑌸𑍍𑌤𑍈𑌃
𑌶𑌾𑌪𑌾𑌗𑍍𑌨𑍌 𑌶𑌲𑌭𑌦𑌶𑌾𑌮𑌨𑌾𑌯𑌿 𑌵𑍇𑌨𑌃 ॥3॥

𑌤𑌨𑍍𑌨𑌾𑌶𑌾𑌤𑍍 𑌖𑌲𑌜𑌨𑌭𑍀𑌰𑍁𑌕𑍈𑌰𑍍𑌮𑍁𑌨𑍀𑌂𑌦𑍍𑌰𑍈-
𑌸𑍍𑌤𑌨𑍍𑌮𑌾𑌤𑍍𑌰𑌾 𑌚𑌿𑌰𑌪𑌰𑌿𑌰𑌕𑍍𑌷𑌿𑌤𑍇 𑌤𑌦𑌂𑌗𑍇 ।
𑌤𑍍𑌯𑌕𑍍𑌤𑌾𑌘𑍇 𑌪𑌰𑌿𑌮𑌥𑌿𑌤𑌾𑌦𑌥𑍋𑌰𑍁𑌦𑌂𑌡𑌾-
𑌦𑍍𑌦𑍋𑌰𑍍𑌦𑌂𑌡𑍇 𑌪𑌰𑌿𑌮𑌥𑌿𑌤𑍇 𑌤𑍍𑌵𑌮𑌾𑌵𑌿𑌰𑌾𑌸𑍀𑌃 ॥4॥

𑌵𑌿𑌖𑍍𑌯𑌾𑌤𑌃 𑌪𑍃𑌥𑍁𑌰𑌿𑌤𑌿 𑌤𑌾𑌪𑌸𑍋𑌪𑌦𑌿𑌷𑍍𑌟𑍈𑌃
𑌸𑍂𑌤𑌾𑌦𑍍𑌯𑍈𑌃 𑌪𑌰𑌿𑌣𑍁𑌤𑌭𑌾𑌵𑌿𑌭𑍂𑌰𑌿𑌵𑍀𑌰𑍍𑌯𑌃 ।
𑌵𑍇𑌨𑌾𑌰𑍍𑌤𑍍𑌯𑌾 𑌕𑌬𑌲𑌿𑌤𑌸𑌂𑌪𑌦𑌂 𑌧𑌰𑌿𑌤𑍍𑌰𑍀-
𑌮𑌾𑌕𑍍𑌰𑌾𑌂𑌤𑌾𑌂 𑌨𑌿𑌜𑌧𑌨𑍁𑌷𑌾 𑌸𑌮𑌾𑌮𑌕𑌾𑌰𑍍𑌷𑍀𑌃 ॥5॥

𑌭𑍂𑌯𑌸𑍍𑌤𑌾𑌂 𑌨𑌿𑌜𑌕𑍁𑌲𑌮𑍁𑌖𑍍𑌯𑌵𑌤𑍍𑌸𑌯𑍁𑌕𑍍𑌤𑍍𑌯𑍈-
𑌰𑍍𑌦𑍇𑌵𑌾𑌦𑍍𑌯𑍈𑌃 𑌸𑌮𑍁𑌚𑌿𑌤𑌚𑌾𑌰𑍁𑌭𑌾𑌜𑌨𑍇𑌷𑍁 ।
𑌅𑌨𑍍𑌨𑌾𑌦𑍀𑌨𑍍𑌯𑌭𑌿𑌲𑌷𑌿𑌤𑌾𑌨𑌿 𑌯𑌾𑌨𑌿 𑌤𑌾𑌨𑌿
𑌸𑍍𑌵𑌚𑍍𑌛𑌂𑌦𑌂 𑌸𑍁𑌰𑌭𑌿𑌤𑌨𑍂𑌮𑌦𑍂𑌦𑍁𑌹𑌸𑍍𑌤𑍍𑌵𑌮𑍍 ॥6॥

𑌆𑌤𑍍𑌮𑌾𑌨𑌂 𑌯𑌜𑌤𑌿 𑌮𑌖𑍈𑌸𑍍𑌤𑍍𑌵𑌯𑌿 𑌤𑍍𑌰𑌿𑌧𑌾𑌮-
𑌨𑍍𑌨𑌾𑌰𑌬𑍍𑌧𑍇 𑌶𑌤𑌤𑌮𑌵𑌾𑌜𑌿𑌮𑍇𑌧𑌯𑌾𑌗𑍇 ।
𑌸𑍍𑌪𑌰𑍍𑌧𑌾𑌲𑍁𑌃 𑌶𑌤𑌮𑌖 𑌏𑌤𑍍𑌯 𑌨𑍀𑌚𑌵𑍇𑌷𑍋
𑌹𑍃𑌤𑍍𑌵𑌾𑌽𑌶𑍍𑌵𑌂 𑌤𑌵 𑌤𑌨𑌯𑌾𑌤𑍍 𑌪𑌰𑌾𑌜𑌿𑌤𑍋𑌽𑌭𑍂𑌤𑍍 ॥𑍭॥

𑌦𑍇𑌵𑍇𑌂𑌦𑍍𑌰𑌂 𑌮𑍁𑌹𑍁𑌰𑌿𑌤𑌿 𑌵𑌾𑌜𑌿𑌨𑌂 𑌹𑌰𑌂𑌤𑌂
𑌵𑌹𑍍𑌨𑍌 𑌤𑌂 𑌮𑍁𑌨𑌿𑌵𑌰𑌮𑌂𑌡𑌲𑍇 𑌜𑍁𑌹𑍂𑌷𑍌 ।
𑌰𑍁𑌂𑌧𑌾𑌨𑍇 𑌕𑌮𑌲𑌭𑌵𑍇 𑌕𑍍𑌰𑌤𑍋𑌃 𑌸𑌮𑌾𑌪𑍍𑌤𑍌
𑌸𑌾𑌕𑍍𑌷𑌾𑌤𑍍𑌤𑍍𑌵𑌂 𑌮𑌧𑍁𑌰𑌿𑌪𑍁𑌮𑍈𑌕𑍍𑌷𑌥𑌾𑌃 𑌸𑍍𑌵𑌯𑌂 𑌸𑍍𑌵𑌮𑍍 ॥𑍮॥

𑌤𑌦𑍍𑌦𑌤𑍍𑌤𑌂 𑌵𑌰𑌮𑍁𑌪𑌲𑌭𑍍𑌯 𑌭𑌕𑍍𑌤𑌿𑌮𑍇𑌕𑌾𑌂
𑌗𑌂𑌗𑌾𑌂𑌤𑍇 𑌵𑌿𑌹𑌿𑌤𑌪𑌦𑌃 𑌕𑌦𑌾𑌪𑌿 𑌦𑍇𑌵 ।
𑌸𑌤𑍍𑌰𑌸𑍍𑌥𑌂 𑌮𑍁𑌨𑌿𑌨𑌿𑌵𑌹𑌂 𑌹𑌿𑌤𑌾𑌨𑌿 𑌶𑌂𑌸-
𑌨𑍍𑌨𑍈𑌕𑍍𑌷𑌿𑌷𑍍𑌠𑌾𑌃 𑌸𑌨𑌕𑌮𑍁𑌖𑌾𑌨𑍍 𑌮𑍁𑌨𑍀𑌨𑍍 𑌪𑍁𑌰𑌸𑍍𑌤𑌾𑌤𑍍 ॥𑍯॥

𑌵𑌿𑌜𑍍𑌞𑌾𑌨𑌂 𑌸𑌨𑌕𑌮𑍁𑌖𑍋𑌦𑌿𑌤𑌂 𑌦𑌧𑌾𑌨𑌃
𑌸𑍍𑌵𑌾𑌤𑍍𑌮𑌾𑌨𑌂 𑌸𑍍𑌵𑌯𑌮𑌗𑌮𑍋 𑌵𑌨𑌾𑌂𑌤𑌸𑍇𑌵𑍀 ।
𑌤𑌤𑍍𑌤𑌾𑌦𑍃𑌕𑍍𑌪𑍃𑌥𑍁𑌵𑌪𑍁𑌰𑍀𑌶 𑌸𑌤𑍍𑌵𑌰𑌂 𑌮𑍇
𑌰𑍋𑌗𑍌𑌘𑌂 𑌪𑍍𑌰𑌶𑌮𑌯 𑌵𑌾𑌤𑌗𑍇𑌹𑌵𑌾𑌸𑌿𑌨𑍍 ॥10॥

Browse Related Categories: