Narayaniyam Dashaka 8 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 𑍮

𑌏𑌵𑌂 𑌤𑌾𑌵𑌤𑍍 𑌪𑍍𑌰𑌾𑌕𑍃𑌤𑌪𑍍𑌰𑌕𑍍𑌷𑌯𑌾𑌂𑌤𑍇
𑌬𑍍𑌰𑌾𑌹𑍍𑌮𑍇 𑌕𑌲𑍍𑌪𑍇 𑌹𑍍𑌯𑌾𑌦𑌿𑌮𑍇 𑌲𑌬𑍍𑌧𑌜𑌨𑍍𑌮𑌾 ।
𑌬𑍍𑌰𑌹𑍍𑌮𑌾 𑌭𑍂𑌯𑌸𑍍𑌤𑍍𑌵𑌤𑍍𑌤 𑌏𑌵𑌾𑌪𑍍𑌯 𑌵𑍇𑌦𑌾𑌨𑍍
𑌸𑍃𑌷𑍍𑌟𑌿𑌂 𑌚𑌕𑍍𑌰𑍇 𑌪𑍂𑌰𑍍𑌵𑌕𑌲𑍍𑌪𑍋𑌪𑌮𑌾𑌨𑌾𑌮𑍍 ॥1॥

𑌸𑍋𑌽𑌯𑌂 𑌚𑌤𑍁𑌰𑍍𑌯𑍁𑌗𑌸𑌹𑌸𑍍𑌰𑌮𑌿𑌤𑌾𑌨𑍍𑌯𑌹𑌾𑌨𑌿
𑌤𑌾𑌵𑌨𑍍𑌮𑌿𑌤𑌾𑌶𑍍𑌚 𑌰𑌜𑌨𑍀𑌰𑍍𑌬𑌹𑍁𑌶𑍋 𑌨𑌿𑌨𑌾𑌯 ।
𑌨𑌿𑌦𑍍𑌰𑌾𑌤𑍍𑌯𑌸𑍌 𑌤𑍍𑌵𑌯𑌿 𑌨𑌿𑌲𑍀𑌯 𑌸𑌮𑌂 𑌸𑍍𑌵𑌸𑍃𑌷𑍍𑌟𑍈-
𑌰𑍍𑌨𑍈𑌮𑌿𑌤𑍍𑌤𑌿𑌕𑌪𑍍𑌰𑌲𑌯𑌮𑌾𑌹𑍁𑌰𑌤𑍋𑌽𑌸𑍍𑌯 𑌰𑌾𑌤𑍍𑌰𑌿𑌮𑍍 ॥2॥

𑌅𑌸𑍍𑌮𑌾𑌦𑍃𑌶𑌾𑌂 𑌪𑍁𑌨𑌰𑌹𑌰𑍍𑌮𑍁𑌖𑌕𑍃𑌤𑍍𑌯𑌤𑍁𑌲𑍍𑌯𑌾𑌂
𑌸𑍃𑌷𑍍𑌟𑌿𑌂 𑌕𑌰𑍋𑌤𑍍𑌯𑌨𑍁𑌦𑌿𑌨𑌂 𑌸 𑌭𑌵𑌤𑍍𑌪𑍍𑌰𑌸𑌾𑌦𑌾𑌤𑍍 ।
𑌪𑍍𑌰𑌾𑌗𑍍𑌬𑍍𑌰𑌾𑌹𑍍𑌮𑌕𑌲𑍍𑌪𑌜𑌨𑍁𑌷𑌾𑌂 𑌚 𑌪𑌰𑌾𑌯𑍁𑌷𑌾𑌂 𑌤𑍁
𑌸𑍁𑌪𑍍𑌤𑌪𑍍𑌰𑌬𑍋𑌧𑌨𑌸𑌮𑌾𑌸𑍍𑌤𑌿 𑌤𑌦𑌾𑌽𑌪𑌿 𑌸𑍃𑌷𑍍𑌟𑌿𑌃 ॥3॥

𑌪𑌂𑌚𑌾𑌶𑌦𑌬𑍍𑌦𑌮𑌧𑍁𑌨𑌾 𑌸𑍍𑌵𑌵𑌯𑍋𑌰𑍍𑌧𑌰𑍂𑌪-
𑌮𑍇𑌕𑌂 𑌪𑌰𑌾𑌰𑍍𑌧𑌮𑌤𑌿𑌵𑍃𑌤𑍍𑌯 𑌹𑌿 𑌵𑌰𑍍𑌤𑌤𑍇𑌽𑌸𑍌 ।
𑌤𑌤𑍍𑌰𑌾𑌂𑌤𑍍𑌯𑌰𑌾𑌤𑍍𑌰𑌿𑌜𑌨𑌿𑌤𑌾𑌨𑍍 𑌕𑌥𑌯𑌾𑌮𑌿 𑌭𑍂𑌮𑌨𑍍
𑌪𑌶𑍍𑌚𑌾𑌦𑍍𑌦𑌿𑌨𑌾𑌵𑌤𑌰𑌣𑍇 𑌚 𑌭𑌵𑌦𑍍𑌵𑌿𑌲𑌾𑌸𑌾𑌨𑍍 ॥4॥

𑌦𑌿𑌨𑌾𑌵𑌸𑌾𑌨𑍇𑌽𑌥 𑌸𑌰𑍋𑌜𑌯𑍋𑌨𑌿𑌃
𑌸𑍁𑌷𑍁𑌪𑍍𑌤𑌿𑌕𑌾𑌮𑌸𑍍𑌤𑍍𑌵𑌯𑌿 𑌸𑌨𑍍𑌨𑌿𑌲𑌿𑌲𑍍𑌯𑍇 ।
𑌜𑌗𑌂𑌤𑌿 𑌚 𑌤𑍍𑌵𑌜𑍍𑌜𑌠𑌰𑌂 𑌸𑌮𑍀𑌯𑍁-
𑌸𑍍𑌤𑌦𑍇𑌦𑌮𑍇𑌕𑌾𑌰𑍍𑌣𑌵𑌮𑌾𑌸 𑌵𑌿𑌶𑍍𑌵𑌮𑍍 ॥5॥

𑌤𑌵𑍈𑌵 𑌵𑍇𑌷𑍇 𑌫𑌣𑌿𑌰𑌾𑌜𑌿 𑌶𑍇𑌷𑍇
𑌜𑌲𑍈𑌕𑌶𑍇𑌷𑍇 𑌭𑍁𑌵𑌨𑍇 𑌸𑍍𑌮 𑌶𑍇𑌷𑍇 ।
𑌆𑌨𑌂𑌦𑌸𑌾𑌂𑌦𑍍𑌰𑌾𑌨𑍁𑌭𑌵𑌸𑍍𑌵𑌰𑍂𑌪𑌃
𑌸𑍍𑌵𑌯𑍋𑌗𑌨𑌿𑌦𑍍𑌰𑌾𑌪𑌰𑌿𑌮𑍁𑌦𑍍𑌰𑌿𑌤𑌾𑌤𑍍𑌮𑌾 ॥6॥

𑌕𑌾𑌲𑌾𑌖𑍍𑌯𑌶𑌕𑍍𑌤𑌿𑌂 𑌪𑍍𑌰𑌲𑌯𑌾𑌵𑌸𑌾𑌨𑍇
𑌪𑍍𑌰𑌬𑍋𑌧𑌯𑍇𑌤𑍍𑌯𑌾𑌦𑌿𑌶𑌤𑌾 𑌕𑌿𑌲𑌾𑌦𑍌 ।
𑌤𑍍𑌵𑌯𑌾 𑌪𑍍𑌰𑌸𑍁𑌪𑍍𑌤𑌂 𑌪𑌰𑌿𑌸𑍁𑌪𑍍𑌤𑌶𑌕𑍍𑌤𑌿-
𑌵𑍍𑌰𑌜𑍇𑌨 𑌤𑌤𑍍𑌰𑌾𑌖𑌿𑌲𑌜𑍀𑌵𑌧𑌾𑌮𑍍𑌨𑌾 ॥𑍭॥

𑌚𑌤𑍁𑌰𑍍𑌯𑍁𑌗𑌾𑌣𑌾𑌂 𑌚 𑌸𑌹𑌸𑍍𑌰𑌮𑍇𑌵𑌂
𑌤𑍍𑌵𑌯𑌿 𑌪𑍍𑌰𑌸𑍁𑌪𑍍𑌤𑍇 𑌪𑍁𑌨𑌰𑌦𑍍𑌵𑌿𑌤𑍀𑌯𑍇 ।
𑌕𑌾𑌲𑌾𑌖𑍍𑌯𑌶𑌕𑍍𑌤𑌿𑌃 𑌪𑍍𑌰𑌥𑌮𑌪𑍍𑌰𑌬𑍁𑌦𑍍𑌧𑌾
𑌪𑍍𑌰𑌾𑌬𑍋𑌧𑌯𑌤𑍍𑌤𑍍𑌵𑌾𑌂 𑌕𑌿𑌲 𑌵𑌿𑌶𑍍𑌵𑌨𑌾𑌥 ॥𑍮॥

𑌵𑌿𑌬𑍁𑌧𑍍𑌯 𑌚 𑌤𑍍𑌵𑌂 𑌜𑌲𑌗𑌰𑍍𑌭𑌶𑌾𑌯𑌿𑌨𑍍
𑌵𑌿𑌲𑍋𑌕𑍍𑌯 𑌲𑍋𑌕𑌾𑌨𑌖𑌿𑌲𑌾𑌨𑍍 𑌪𑍍𑌰𑌲𑍀𑌨𑌾𑌨𑍍 ।
𑌤𑍇𑌷𑍍𑌵𑍇𑌵 𑌸𑍂𑌕𑍍𑌷𑍍𑌮𑌾𑌤𑍍𑌮𑌤𑌯𑌾 𑌨𑌿𑌜𑌾𑌂𑌤𑌃 -
𑌸𑍍𑌥𑌿𑌤𑍇𑌷𑍁 𑌵𑌿𑌶𑍍𑌵𑍇𑌷𑍁 𑌦𑌦𑌾𑌥 𑌦𑍃𑌷𑍍𑌟𑌿𑌮𑍍 ॥𑍯॥

𑌤𑌤𑌸𑍍𑌤𑍍𑌵𑌦𑍀𑌯𑌾𑌦𑌯𑌿 𑌨𑌾𑌭𑌿𑌰𑌂𑌧𑍍𑌰𑌾-
𑌦𑍁𑌦𑌂𑌚𑌿𑌤𑌂 𑌕𑌿𑌂𑌚𑌨 𑌦𑌿𑌵𑍍𑌯𑌪𑌦𑍍𑌮𑌮𑍍 ।
𑌨𑌿𑌲𑍀𑌨𑌨𑌿𑌶𑍍𑌶𑍇𑌷𑌪𑌦𑌾𑌰𑍍𑌥𑌮𑌾𑌲𑌾-
𑌸𑌂𑌕𑍍𑌷𑍇𑌪𑌰𑍂𑌪𑌂 𑌮𑍁𑌕𑍁𑌲𑌾𑌯𑌮𑌾𑌨𑌮𑍍 ॥10॥

𑌤𑌦𑍇𑌤𑌦𑌂𑌭𑍋𑌰𑍁𑌹𑌕𑍁𑌡𑍍𑌮𑌲𑌂 𑌤𑍇
𑌕𑌲𑍇𑌵𑌰𑌾𑌤𑍍 𑌤𑍋𑌯𑌪𑌥𑍇 𑌪𑍍𑌰𑌰𑍂𑌢𑌮𑍍 ।
𑌬𑌹𑌿𑌰𑍍𑌨𑌿𑌰𑍀𑌤𑌂 𑌪𑌰𑌿𑌤𑌃 𑌸𑍍𑌫𑍁𑌰𑌦𑍍𑌭𑌿𑌃
𑌸𑍍𑌵𑌧𑌾𑌮𑌭𑌿𑌰𑍍𑌧𑍍𑌵𑌾𑌂𑌤𑌮𑌲𑌂 𑌨𑍍𑌯𑌕𑍃𑌂𑌤𑌤𑍍 ॥11॥

𑌸𑌂𑌫𑍁𑌲𑍍𑌲𑌪𑌤𑍍𑌰𑍇 𑌨𑌿𑌤𑌰𑌾𑌂 𑌵𑌿𑌚𑌿𑌤𑍍𑌰𑍇
𑌤𑌸𑍍𑌮𑌿𑌨𑍍 𑌭𑌵𑌦𑍍𑌵𑍀𑌰𑍍𑌯𑌧𑍃𑌤𑍇 𑌸𑌰𑍋𑌜𑍇 ।
𑌸 𑌪𑌦𑍍𑌮𑌜𑌨𑍍𑌮𑌾 𑌵𑌿𑌧𑌿𑌰𑌾𑌵𑌿𑌰𑌾𑌸𑍀𑌤𑍍
𑌸𑍍𑌵𑌯𑌂𑌪𑍍𑌰𑌬𑍁𑌦𑍍𑌧𑌾𑌖𑌿𑌲𑌵𑍇𑌦𑌰𑌾𑌶𑌿𑌃 ॥12॥

𑌅𑌸𑍍𑌮𑌿𑌨𑍍 𑌪𑌰𑌾𑌤𑍍𑌮𑌨𑍍 𑌨𑌨𑍁 𑌪𑌾𑌦𑍍𑌮𑌕𑌲𑍍𑌪𑍇
𑌤𑍍𑌵𑌮𑌿𑌤𑍍𑌥𑌮𑍁𑌤𑍍𑌥𑌾𑌪𑌿𑌤𑌪𑌦𑍍𑌮𑌯𑍋𑌨𑌿𑌃 ।
𑌅𑌨𑌂𑌤𑌭𑍂𑌮𑌾 𑌮𑌮 𑌰𑍋𑌗𑌰𑌾𑌶𑌿𑌂
𑌨𑌿𑌰𑍁𑌂𑌧𑌿 𑌵𑌾𑌤𑌾𑌲𑌯𑌵𑌾𑌸 𑌵𑌿𑌷𑍍𑌣𑍋 ॥13॥

Browse Related Categories: