Narayaniyam Dashaka 51 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 51

𑌕𑌦𑌾𑌚𑌨 𑌵𑍍𑌰𑌜𑌶𑌿𑌶𑍁𑌭𑌿𑌃 𑌸𑌮𑌂 𑌭𑌵𑌾𑌨𑍍
𑌵𑌨𑌾𑌶𑌨𑍇 𑌵𑌿𑌹𑌿𑌤𑌮𑌤𑌿𑌃 𑌪𑍍𑌰𑌗𑍇𑌤𑌰𑌾𑌮𑍍 ।
𑌸𑌮𑌾𑌵𑍃𑌤𑍋 𑌬𑌹𑍁𑌤𑌰𑌵𑌤𑍍𑌸𑌮𑌂𑌡𑌲𑍈𑌃
𑌸𑌤𑍇𑌮𑌨𑍈𑌰𑍍𑌨𑌿𑌰𑌗𑌮𑌦𑍀𑌶 𑌜𑍇𑌮𑌨𑍈𑌃 ॥1॥

𑌵𑌿𑌨𑌿𑌰𑍍𑌯𑌤𑌸𑍍𑌤𑌵 𑌚𑌰𑌣𑌾𑌂𑌬𑍁𑌜𑌦𑍍𑌵𑌯𑌾-
𑌦𑍁𑌦𑌂𑌚𑌿𑌤𑌂 𑌤𑍍𑌰𑌿𑌭𑍁𑌵𑌨𑌪𑌾𑌵𑌨𑌂 𑌰𑌜𑌃 ।
𑌮𑌹𑌰𑍍𑌷𑌯𑌃 𑌪𑍁𑌲𑌕𑌧𑌰𑍈𑌃 𑌕𑌲𑍇𑌬𑌰𑍈-
𑌰𑍁𑌦𑍂𑌹𑌿𑌰𑍇 𑌧𑍃𑌤𑌭𑌵𑌦𑍀𑌕𑍍𑌷𑌣𑍋𑌤𑍍𑌸𑌵𑌾𑌃 ॥2॥

𑌪𑍍𑌰𑌚𑌾𑌰𑌯𑌤𑍍𑌯𑌵𑌿𑌰𑌲𑌶𑌾𑌦𑍍𑌵𑌲𑍇 𑌤𑌲𑍇
𑌪𑌶𑍂𑌨𑍍 𑌵𑌿𑌭𑍋 𑌭𑌵𑌤𑌿 𑌸𑌮𑌂 𑌕𑍁𑌮𑌾𑌰𑌕𑍈𑌃 ।
𑌅𑌘𑌾𑌸𑍁𑌰𑍋 𑌨𑍍𑌯𑌰𑍁𑌣𑌦𑌘𑌾𑌯 𑌵𑌰𑍍𑌤𑌨𑍀
𑌭𑌯𑌾𑌨𑌕𑌃 𑌸𑌪𑌦𑌿 𑌶𑌯𑌾𑌨𑌕𑌾𑌕𑍃𑌤𑌿𑌃 ॥3॥

𑌮𑌹𑌾𑌚𑌲𑌪𑍍𑌰𑌤𑌿𑌮𑌤𑌨𑍋𑌰𑍍𑌗𑍁𑌹𑌾𑌨𑌿𑌭-
𑌪𑍍𑌰𑌸𑌾𑌰𑌿𑌤𑌪𑍍𑌰𑌥𑌿𑌤𑌮𑍁𑌖𑌸𑍍𑌯 𑌕𑌾𑌨𑌨𑍇 ।
𑌮𑍁𑌖𑍋𑌦𑌰𑌂 𑌵𑌿𑌹𑌰𑌣𑌕𑍌𑌤𑍁𑌕𑌾𑌦𑍍𑌗𑌤𑌾𑌃
𑌕𑍁𑌮𑌾𑌰𑌕𑌾𑌃 𑌕𑌿𑌮𑌪𑌿 𑌵𑌿𑌦𑍂𑌰𑌗𑍇 𑌤𑍍𑌵𑌯𑌿 ॥4॥

𑌪𑍍𑌰𑌮𑌾𑌦𑌤𑌃 𑌪𑍍𑌰𑌵𑌿𑌶𑌤𑌿 𑌪𑌨𑍍𑌨𑌗𑍋𑌦𑌰𑌂
𑌕𑍍𑌵𑌥𑌤𑍍𑌤𑌨𑍌 𑌪𑌶𑍁𑌪𑌕𑍁𑌲𑍇 𑌸𑌵𑌾𑌤𑍍𑌸𑌕𑍇 ।
𑌵𑌿𑌦𑌨𑍍𑌨𑌿𑌦𑌂 𑌤𑍍𑌵𑌮𑌪𑌿 𑌵𑌿𑌵𑍇𑌶𑌿𑌥 𑌪𑍍𑌰𑌭𑍋
𑌸𑍁𑌹𑍃𑌜𑍍𑌜𑌨𑌂 𑌵𑌿𑌶𑌰𑌣𑌮𑌾𑌶𑍁 𑌰𑌕𑍍𑌷𑌿𑌤𑍁𑌮𑍍 ॥5॥

𑌗𑌲𑍋𑌦𑌰𑍇 𑌵𑌿𑌪𑍁𑌲𑌿𑌤𑌵𑌰𑍍𑌷𑍍𑌮𑌣𑌾 𑌤𑍍𑌵𑌯𑌾
𑌮𑌹𑍋𑌰𑌗𑍇 𑌲𑍁𑌠𑌤𑌿 𑌨𑌿𑌰𑍁𑌦𑍍𑌧𑌮𑌾𑌰𑍁𑌤𑍇 ।
𑌦𑍍𑌰𑍁𑌤𑌂 𑌭𑌵𑌾𑌨𑍍 𑌵𑌿𑌦𑌲𑌿𑌤𑌕𑌂𑌠𑌮𑌂𑌡𑌲𑍋
𑌵𑌿𑌮𑍋𑌚𑌯𑌨𑍍 𑌪𑌶𑍁𑌪𑌪𑌶𑍂𑌨𑍍 𑌵𑌿𑌨𑌿𑌰𑍍𑌯𑌯𑍌 ॥6॥

𑌕𑍍𑌷𑌣𑌂 𑌦𑌿𑌵𑌿 𑌤𑍍𑌵𑌦𑍁𑌪𑌗𑌮𑌾𑌰𑍍𑌥𑌮𑌾𑌸𑍍𑌥𑌿𑌤𑌂
𑌮𑌹𑌾𑌸𑍁𑌰𑌪𑍍𑌰𑌭𑌵𑌮𑌹𑍋 𑌮𑌹𑍋 𑌮𑌹𑌤𑍍 ।
𑌵𑌿𑌨𑌿𑌰𑍍𑌗𑌤𑍇 𑌤𑍍𑌵𑌯𑌿 𑌤𑍁 𑌨𑌿𑌲𑍀𑌨𑌮𑌂𑌜𑌸𑌾
𑌨𑌭𑌃𑌸𑍍𑌥𑌲𑍇 𑌨𑌨𑍃𑌤𑍁𑌰𑌥𑍋 𑌜𑌗𑍁𑌃 𑌸𑍁𑌰𑌾𑌃 ॥𑍭॥

𑌸𑌵𑌿𑌸𑍍𑌮𑌯𑍈𑌃 𑌕𑌮𑌲𑌭𑌵𑌾𑌦𑌿𑌭𑌿𑌃 𑌸𑍁𑌰𑍈-
𑌰𑌨𑍁𑌦𑍍𑌰𑍁𑌤𑌸𑍍𑌤𑌦𑌨𑍁 𑌗𑌤𑌃 𑌕𑍁𑌮𑌾𑌰𑌕𑍈𑌃 ।
𑌦𑌿𑌨𑍇 𑌪𑍁𑌨𑌸𑍍𑌤𑌰𑍁𑌣𑌦𑌶𑌾𑌮𑍁𑌪𑍇𑌯𑍁𑌷𑌿
𑌸𑍍𑌵𑌕𑍈𑌰𑍍𑌭𑌵𑌾𑌨𑌤𑌨𑍁𑌤 𑌭𑍋𑌜𑌨𑍋𑌤𑍍𑌸𑌵𑌮𑍍 ॥𑍮॥

𑌵𑌿𑌷𑌾𑌣𑌿𑌕𑌾𑌮𑌪𑌿 𑌮𑍁𑌰𑌲𑍀𑌂 𑌨𑌿𑌤𑌂𑌬𑌕𑍇
𑌨𑌿𑌵𑍇𑌶𑌯𑌨𑍍 𑌕𑌬𑌲𑌧𑌰𑌃 𑌕𑌰𑌾𑌂𑌬𑍁𑌜𑍇 ।
𑌪𑍍𑌰𑌹𑌾𑌸𑌯𑌨𑍍 𑌕𑌲𑌵𑌚𑌨𑍈𑌃 𑌕𑍁𑌮𑌾𑌰𑌕𑌾𑌨𑍍
𑌬𑍁𑌭𑍋𑌜𑌿𑌥 𑌤𑍍𑌰𑌿𑌦𑌶𑌗𑌣𑍈𑌰𑍍𑌮𑍁𑌦𑌾 𑌨𑍁𑌤𑌃 ॥𑍯॥

𑌸𑍁𑌖𑌾𑌶𑌨𑌂 𑌤𑍍𑌵𑌿𑌹 𑌤𑌵 𑌗𑍋𑌪𑌮𑌂𑌡𑌲𑍇
𑌮𑌖𑌾𑌶𑌨𑌾𑌤𑍍 𑌪𑍍𑌰𑌿𑌯𑌮𑌿𑌵 𑌦𑍇𑌵𑌮𑌂𑌡𑌲𑍇 ।
𑌇𑌤𑌿 𑌸𑍍𑌤𑍁𑌤𑌸𑍍𑌤𑍍𑌰𑌿𑌦𑌶𑌵𑌰𑍈𑌰𑍍𑌜𑌗𑌤𑍍𑌪𑌤𑍇
𑌮𑌰𑍁𑌤𑍍𑌪𑍁𑌰𑍀𑌨𑌿𑌲𑌯 𑌗𑌦𑌾𑌤𑍍 𑌪𑍍𑌰𑌪𑌾𑌹𑌿 𑌮𑌾𑌮𑍍 ॥10॥

Browse Related Categories: