Narayaniyam Dashaka 12 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 12

𑌸𑍍𑌵𑌾𑌯𑌂𑌭𑍁𑌵𑍋 𑌮𑌨𑍁𑌰𑌥𑍋 𑌜𑌨𑌸𑌰𑍍𑌗𑌶𑍀𑌲𑍋
𑌦𑍃𑌷𑍍𑌟𑍍𑌵𑌾 𑌮𑌹𑍀𑌮𑌸𑌮𑌯𑍇 𑌸𑌲𑌿𑌲𑍇 𑌨𑌿𑌮𑌗𑍍𑌨𑌾𑌮𑍍 ।
𑌸𑍍𑌰𑌷𑍍𑌟𑌾𑌰𑌮𑌾𑌪 𑌶𑌰𑌣𑌂 𑌭𑌵𑌦𑌂𑌘𑍍𑌰𑌿𑌸𑍇𑌵𑌾-
𑌤𑍁𑌷𑍍𑌟𑌾𑌶𑌯𑌂 𑌮𑍁𑌨𑌿𑌜𑌨𑍈𑌃 𑌸𑌹 𑌸𑌤𑍍𑌯𑌲𑍋𑌕𑍇 ॥1॥

𑌕𑌷𑍍𑌟𑌂 𑌪𑍍𑌰𑌜𑌾𑌃 𑌸𑍃𑌜𑌤𑌿 𑌮𑌯𑍍𑌯𑌵𑌨𑌿𑌰𑍍𑌨𑌿𑌮𑌗𑍍𑌨𑌾
𑌸𑍍𑌥𑌾𑌨𑌂 𑌸𑌰𑍋𑌜𑌭𑌵 𑌕𑌲𑍍𑌪𑌯 𑌤𑌤𑍍 𑌪𑍍𑌰𑌜𑌾𑌨𑌾𑌮𑍍 ।
𑌇𑌤𑍍𑌯𑍇𑌵𑌮𑍇𑌷 𑌕𑌥𑌿𑌤𑍋 𑌮𑌨𑍁𑌨𑌾 𑌸𑍍𑌵𑌯𑌂𑌭𑍂𑌃 -
𑌰𑌂𑌭𑍋𑌰𑍁𑌹𑌾𑌕𑍍𑌷 𑌤𑌵 𑌪𑌾𑌦𑌯𑍁𑌗𑌂 𑌵𑍍𑌯𑌚𑌿𑌂𑌤𑍀𑌤𑍍 ॥ 2 ॥

𑌹𑌾 𑌹𑌾 𑌵𑌿𑌭𑍋 𑌜𑌲𑌮𑌹𑌂 𑌨𑍍𑌯𑌪𑌿𑌬𑌂 𑌪𑍁𑌰𑌸𑍍𑌤𑌾-
𑌦𑌦𑍍𑌯𑌾𑌪𑌿 𑌮𑌜𑍍𑌜𑌤𑌿 𑌮𑌹𑍀 𑌕𑌿𑌮𑌹𑌂 𑌕𑌰𑍋𑌮𑌿 ।
𑌇𑌤𑍍𑌥𑌂 𑌤𑍍𑌵𑌦𑌂𑌘𑍍𑌰𑌿𑌯𑍁𑌗𑌲𑌂 𑌶𑌰𑌣𑌂 𑌯𑌤𑍋𑌽𑌸𑍍𑌯
𑌨𑌾𑌸𑌾𑌪𑍁𑌟𑌾𑌤𑍍 𑌸𑌮𑌭𑌵𑌃 𑌶𑌿𑌶𑍁𑌕𑍋𑌲𑌰𑍂𑌪𑍀 ।3॥

𑌅𑌂𑌗𑍁𑌷𑍍𑌠𑌮𑌾𑌤𑍍𑌰𑌵𑌪𑍁𑌰𑍁𑌤𑍍𑌪𑌤𑌿𑌤𑌃 𑌪𑍁𑌰𑌸𑍍𑌤𑌾𑌤𑍍
𑌭𑍋𑌯𑍋𑌽𑌥 𑌕𑍁𑌂𑌭𑌿𑌸𑌦𑍃𑌶𑌃 𑌸𑌮𑌜𑍃𑌂𑌭𑌥𑌾𑌸𑍍𑌤𑍍𑌵𑌮𑍍 ।
𑌅𑌭𑍍𑌰𑍇 𑌤𑌥𑌾𑌵𑌿𑌧𑌮𑍁𑌦𑍀𑌕𑍍𑌷𑍍𑌯 𑌭𑌵𑌂𑌤𑌮𑍁𑌚𑍍𑌚𑍈 -
𑌰𑍍𑌵𑌿𑌸𑍍𑌮𑍇𑌰𑌤𑌾𑌂 𑌵𑌿𑌧𑌿𑌰𑌗𑌾𑌤𑍍 𑌸𑌹 𑌸𑍂𑌨𑍁𑌭𑌿𑌃 𑌸𑍍𑌵𑍈𑌃 ॥4॥

𑌕𑍋𑌽𑌸𑌾𑌵𑌚𑌿𑌂𑌤𑍍𑌯𑌮𑌹𑌿𑌮𑌾 𑌕𑌿𑌟𑌿𑌰𑍁𑌤𑍍𑌥𑌿𑌤𑍋 𑌮𑍇
𑌨𑌾𑌸𑌾𑌪𑍁𑌟𑌾𑌤𑍍 𑌕𑌿𑌮𑍁 𑌭𑌵𑍇𑌦𑌜𑌿𑌤𑌸𑍍𑌯 𑌮𑌾𑌯𑌾 ।
𑌇𑌤𑍍𑌥𑌂 𑌵𑌿𑌚𑌿𑌂𑌤𑌯𑌤𑌿 𑌧𑌾𑌤𑌰𑌿 𑌶𑍈𑌲𑌮𑌾𑌤𑍍𑌰𑌃
𑌸𑌦𑍍𑌯𑍋 𑌭𑌵𑌨𑍍 𑌕𑌿𑌲 𑌜𑌗𑌰𑍍𑌜𑌿𑌥 𑌘𑍋𑌰𑌘𑍋𑌰𑌮𑍍 ॥5॥

𑌤𑌂 𑌤𑍇 𑌨𑌿𑌨𑌾𑌦𑌮𑍁𑌪𑌕𑌰𑍍𑌣𑍍𑌯 𑌜𑌨𑌸𑍍𑌤𑌪𑌃𑌸𑍍𑌥𑌾𑌃
𑌸𑌤𑍍𑌯𑌸𑍍𑌥𑌿𑌤𑌾𑌶𑍍𑌚 𑌮𑍁𑌨𑌯𑍋 𑌨𑍁𑌨𑍁𑌵𑍁𑌰𑍍𑌭𑌵𑌂𑌤𑌮𑍍 ।
𑌤𑌤𑍍𑌸𑍍𑌤𑍋𑌤𑍍𑌰𑌹𑌰𑍍𑌷𑍁𑌲𑌮𑌨𑌾𑌃 𑌪𑌰𑌿𑌣𑌦𑍍𑌯 𑌭𑍂𑌯-
𑌸𑍍𑌤𑍋𑌯𑌾𑌶𑌯𑌂 𑌵𑌿𑌪𑍁𑌲𑌮𑍂𑌰𑍍𑌤𑌿𑌰𑌵𑌾𑌤𑌰𑌸𑍍𑌤𑍍𑌵𑌮𑍍 ॥6॥

𑌊𑌰𑍍𑌧𑍍𑌵𑌪𑍍𑌰𑌸𑌾𑌰𑌿𑌪𑌰𑌿𑌧𑍂𑌮𑍍𑌰𑌵𑌿𑌧𑍂𑌤𑌰𑍋𑌮𑌾
𑌪𑍍𑌰𑍋𑌤𑍍𑌕𑍍𑌷𑌿𑌪𑍍𑌤𑌵𑌾𑌲𑌧𑌿𑌰𑌵𑌾𑌙𑍍𑌮𑍁𑌖𑌘𑍋𑌰𑌘𑍋𑌣𑌃 ।
𑌤𑍂𑌰𑍍𑌣𑌪𑍍𑌰𑌦𑍀𑌰𑍍𑌣𑌜𑌲𑌦𑌃 𑌪𑌰𑌿𑌘𑍂𑌰𑍍𑌣𑌦𑌕𑍍𑌷𑍍𑌣𑌾
𑌸𑍍𑌤𑍋𑌤𑍃𑌨𑍍 𑌮𑍁𑌨𑍀𑌨𑍍 𑌶𑌿𑌶𑌿𑌰𑌯𑌨𑍍𑌨𑌵𑌤𑍇𑌰𑌿𑌥 𑌤𑍍𑌵𑌮𑍍 ॥𑍭॥

𑌅𑌂𑌤𑌰𑍍𑌜𑌲𑌂 𑌤𑌦𑌨𑍁𑌸𑌂𑌕𑍁𑌲𑌨𑌕𑍍𑌰𑌚𑌕𑍍𑌰𑌂
𑌭𑍍𑌰𑌾𑌮𑍍𑌯𑌤𑍍𑌤𑌿𑌮𑌿𑌂𑌗𑌿𑌲𑌕𑍁𑌲𑌂 𑌕𑌲𑍁𑌷𑍋𑌰𑍍𑌮𑌿𑌮𑌾𑌲𑌮𑍍 ।
𑌆𑌵𑌿𑌶𑍍𑌯 𑌭𑍀𑌷𑌣𑌰𑌵𑍇𑌣 𑌰𑌸𑌾𑌤𑌲𑌸𑍍𑌥𑌾 -
𑌨𑌾𑌕𑌂𑌪𑌯𑌨𑍍 𑌵𑌸𑍁𑌮𑌤𑍀𑌮𑌗𑌵𑍇𑌷𑌯𑌸𑍍𑌤𑍍𑌵𑌮𑍍 ॥𑍮॥

𑌦𑍃𑌷𑍍𑌟𑍍𑌵𑌾𑌽𑌥 𑌦𑍈𑌤𑍍𑌯𑌹𑌤𑌕𑍇𑌨 𑌰𑌸𑌾𑌤𑌲𑌾𑌂𑌤𑍇
𑌸𑌂𑌵𑍇𑌶𑌿𑌤𑌾𑌂 𑌝𑌟𑌿𑌤𑌿 𑌕𑍂𑌟𑌕𑌿𑌟𑌿𑌰𑍍𑌵𑌿𑌭𑍋 𑌤𑍍𑌵𑌮𑍍 ।
𑌆𑌪𑌾𑌤𑍁𑌕𑌾𑌨𑌵𑌿𑌗𑌣𑌯𑍍𑌯 𑌸𑍁𑌰𑌾𑌰𑌿𑌖𑍇𑌟𑌾𑌨𑍍
𑌦𑌂𑌷𑍍𑌟𑍍𑌰𑌾𑌂𑌕𑍁𑌰𑍇𑌣 𑌵𑌸𑍁𑌧𑌾𑌮𑌦𑌧𑌾𑌃 𑌸𑌲𑍀𑌲𑌮𑍍 ॥𑍯॥

𑌅𑌭𑍍𑌯𑍁𑌦𑍍𑌧𑌰𑌨𑍍𑌨𑌥 𑌧𑌰𑌾𑌂 𑌦𑌶𑌨𑌾𑌗𑍍𑌰𑌲𑌗𑍍𑌨
𑌮𑍁𑌸𑍍𑌤𑌾𑌂𑌕𑍁𑌰𑌾𑌂𑌕𑌿𑌤 𑌇𑌵𑌾𑌧𑌿𑌕𑌪𑍀𑌵𑌰𑌾𑌤𑍍𑌮𑌾 ।
𑌉𑌦𑍍𑌧𑍂𑌤𑌘𑍋𑌰𑌸𑌲𑌿𑌲𑌾𑌜𑍍𑌜𑌲𑌧𑍇𑌰𑍁𑌦𑌂𑌚𑌨𑍍
𑌕𑍍𑌰𑍀𑌡𑌾𑌵𑌰𑌾𑌹𑌵𑌪𑍁𑌰𑍀𑌶𑍍𑌵𑌰 𑌪𑌾𑌹𑌿 𑌰𑍋𑌗𑌾𑌤𑍍 ॥10॥

Browse Related Categories: