Narayaniyam Dashaka 69 - Grantha

𑌕𑍇𑌶𑌪𑌾𑌶𑌧𑍃𑌤𑌪𑌿𑌂𑌛𑌿𑌕𑌾𑌵𑌿𑌤𑌤𑌿𑌸𑌂𑌚𑌲𑌨𑍍𑌮𑌕𑌰𑌕𑍁𑌂𑌡𑌲𑌂
𑌹𑌾𑌰𑌜𑌾𑌲𑌵𑌨𑌮𑌾𑌲𑌿𑌕𑌾𑌲𑌲𑌿𑌤𑌮𑌂𑌗𑌰𑌾𑌗𑌘𑌨𑌸𑍌𑌰𑌭𑌮𑍍 ।
𑌪𑍀𑌤𑌚𑍇𑌲𑌧𑍃𑌤𑌕𑌾𑌂𑌚𑌿𑌕𑌾𑌂𑌚𑌿𑌤𑌮𑍁𑌦𑌂𑌚𑌦𑌂𑌶𑍁𑌮𑌣𑌿𑌨𑍂𑌪𑍁𑌰𑌂
𑌰𑌾𑌸𑌕𑍇𑌲𑌿𑌪𑌰𑌿𑌭𑍂𑌷𑌿𑌤𑌂 𑌤𑌵 𑌹𑌿 𑌰𑍂𑌪𑌮𑍀𑌶 𑌕𑌲𑌯𑌾𑌮𑌹𑍇 ॥1॥

𑌤𑌾𑌵𑌦𑍇𑌵 𑌕𑍃𑌤𑌮𑌂𑌡𑌨𑍇 𑌕𑌲𑌿𑌤𑌕𑌂𑌚𑍁𑌲𑍀𑌕𑌕𑍁𑌚𑌮𑌂𑌡𑌲𑍇
𑌗𑌂𑌡𑌲𑍋𑌲𑌮𑌣𑌿𑌕𑍁𑌂𑌡𑌲𑍇 𑌯𑍁𑌵𑌤𑌿𑌮𑌂𑌡𑌲𑍇𑌽𑌥 𑌪𑌰𑌿𑌮𑌂𑌡𑌲𑍇 ।
𑌅𑌂𑌤𑌰𑌾 𑌸𑌕𑌲𑌸𑍁𑌂𑌦𑌰𑍀𑌯𑍁𑌗𑌲𑌮𑌿𑌂𑌦𑌿𑌰𑌾𑌰𑌮𑌣 𑌸𑌂𑌚𑌰𑌨𑍍
𑌮𑌂𑌜𑍁𑌲𑌾𑌂 𑌤𑌦𑌨𑍁 𑌰𑌾𑌸𑌕𑍇𑌲𑌿𑌮𑌯𑌿 𑌕𑌂𑌜𑌨𑌾𑌭 𑌸𑌮𑍁𑌪𑌾𑌦𑌧𑌾𑌃 ॥2॥

𑌵𑌾𑌸𑍁𑌦𑍇𑌵 𑌤𑌵 𑌭𑌾𑌸𑌮𑌾𑌨𑌮𑌿𑌹 𑌰𑌾𑌸𑌕𑍇𑌲𑌿𑌰𑌸𑌸𑍌𑌰𑌭𑌂
𑌦𑍂𑌰𑌤𑍋𑌽𑌪𑌿 𑌖𑌲𑍁 𑌨𑌾𑌰𑌦𑌾𑌗𑌦𑌿𑌤𑌮𑌾𑌕𑌲𑌯𑍍𑌯 𑌕𑍁𑌤𑍁𑌕𑌾𑌕𑍁𑌲𑌾 ।
𑌵𑍇𑌷𑌭𑍂𑌷𑌣𑌵𑌿𑌲𑌾𑌸𑌪𑍇𑌶𑌲𑌵𑌿𑌲𑌾𑌸𑌿𑌨𑍀𑌶𑌤𑌸𑌮𑌾𑌵𑍃𑌤𑌾
𑌨𑌾𑌕𑌤𑍋 𑌯𑍁𑌗𑌪𑌦𑌾𑌗𑌤𑌾 𑌵𑌿𑌯𑌤𑌿 𑌵𑍇𑌗𑌤𑍋𑌽𑌥 𑌸𑍁𑌰𑌮𑌂𑌡𑌲𑍀 ॥3॥

𑌵𑍇𑌣𑍁𑌨𑌾𑌦𑌕𑍃𑌤𑌤𑌾𑌨𑌦𑌾𑌨𑌕𑌲𑌗𑌾𑌨𑌰𑌾𑌗𑌗𑌤𑌿𑌯𑍋𑌜𑌨𑌾-
𑌲𑍋𑌭𑌨𑍀𑌯𑌮𑍃𑌦𑍁𑌪𑌾𑌦𑌪𑌾𑌤𑌕𑍃𑌤𑌤𑌾𑌲𑌮𑍇𑌲𑌨𑌮𑌨𑍋𑌹𑌰𑌮𑍍 ।
𑌪𑌾𑌣𑌿𑌸𑌂𑌕𑍍𑌵𑌣𑌿𑌤𑌕𑌂𑌕𑌣𑌂 𑌚 𑌮𑍁𑌹𑍁𑌰𑌂𑌸𑌲𑌂𑌬𑌿𑌤𑌕𑌰𑌾𑌂𑌬𑍁𑌜𑌂
𑌶𑍍𑌰𑍋𑌣𑌿𑌬𑌿𑌂𑌬𑌚𑌲𑌦𑌂𑌬𑌰𑌂 𑌭𑌜𑌤 𑌰𑌾𑌸𑌕𑍇𑌲𑌿𑌰𑌸𑌡𑌂𑌬𑌰𑌮𑍍 ॥4॥

𑌸𑍍𑌪𑌰𑍍𑌧𑌯𑌾 𑌵𑌿𑌰𑌚𑌿𑌤𑌾𑌨𑍁𑌗𑌾𑌨𑌕𑍃𑌤𑌤𑌾𑌰𑌤𑌾𑌰𑌮𑌧𑍁𑌰𑌸𑍍𑌵𑌰𑍇
𑌨𑌰𑍍𑌤𑌨𑍇𑌽𑌥 𑌲𑌲𑌿𑌤𑌾𑌂𑌗𑌹𑌾𑌰𑌲𑍁𑌲𑌿𑌤𑌾𑌂𑌗𑌹𑌾𑌰𑌮𑌣𑌿𑌭𑍂𑌷𑌣𑍇 ।
𑌸𑌮𑍍𑌮𑌦𑍇𑌨 𑌕𑍃𑌤𑌪𑍁𑌷𑍍𑌪𑌵𑌰𑍍𑌷𑌮𑌲𑌮𑍁𑌨𑍍𑌮𑌿𑌷𑌦𑍍𑌦𑌿𑌵𑌿𑌷𑌦𑌾𑌂 𑌕𑍁𑌲𑌂
𑌚𑌿𑌨𑍍𑌮𑌯𑍇 𑌤𑍍𑌵𑌯𑌿 𑌨𑌿𑌲𑍀𑌯𑌮𑌾𑌨𑌮𑌿𑌵 𑌸𑌮𑍍𑌮𑍁𑌮𑍋𑌹 𑌸𑌵𑌧𑍂𑌕𑍁𑌲𑌮𑍍 ॥5॥

𑌸𑍍𑌵𑌿𑌨𑍍𑌨𑌸𑌨𑍍𑌨𑌤𑌨𑍁𑌵𑌲𑍍𑌲𑌰𑍀 𑌤𑌦𑌨𑍁 𑌕𑌾𑌪𑌿 𑌨𑌾𑌮 𑌪𑌶𑍁𑌪𑌾𑌂𑌗𑌨𑌾
𑌕𑌾𑌂𑌤𑌮𑌂𑌸𑌮𑌵𑌲𑌂𑌬𑌤𑍇 𑌸𑍍𑌮 𑌤𑌵 𑌤𑌾𑌂𑌤𑌿𑌭𑌾𑌰𑌮𑍁𑌕𑍁𑌲𑍇𑌕𑍍𑌷𑌣𑌾 ॥
𑌕𑌾𑌚𑌿𑌦𑌾𑌚𑌲𑌿𑌤𑌕𑍁𑌂𑌤𑌲𑌾 𑌨𑌵𑌪𑌟𑍀𑌰𑌸𑌾𑌰𑌘𑌨𑌸𑍌𑌰𑌭𑌂
𑌵𑌂𑌚𑌨𑍇𑌨 𑌤𑌵 𑌸𑌂𑌚𑍁𑌚𑍁𑌂𑌬 𑌭𑍁𑌜𑌮𑌂𑌚𑌿𑌤𑍋𑌰𑍁𑌪𑍁𑌲𑌕𑌾𑌂𑌕𑍁𑌰𑌾 ॥6॥

𑌕𑌾𑌪𑌿 𑌗𑌂𑌡𑌭𑍁𑌵𑌿 𑌸𑌨𑍍𑌨𑌿𑌧𑌾𑌯 𑌨𑌿𑌜𑌗𑌂𑌡𑌮𑌾𑌕𑍁𑌲𑌿𑌤𑌕𑍁𑌂𑌡𑌲𑌂
𑌪𑍁𑌣𑍍𑌯𑌪𑍂𑌰𑌨𑌿𑌧𑌿𑌰𑌨𑍍𑌵𑌵𑌾𑌪 𑌤𑌵 𑌪𑍂𑌗𑌚𑌰𑍍𑌵𑌿𑌤𑌰𑌸𑌾𑌮𑍃𑌤𑌮𑍍 ।
𑌇𑌂𑌦𑌿𑌰𑌾𑌵𑌿𑌹𑍃𑌤𑌿𑌮𑌂𑌦𑌿𑌰𑌂 𑌭𑍁𑌵𑌨𑌸𑍁𑌂𑌦𑌰𑌂 𑌹𑌿 𑌨𑌟𑌨𑌾𑌂𑌤𑌰𑍇
𑌤𑍍𑌵𑌾𑌮𑌵𑌾𑌪𑍍𑌯 𑌦𑌧𑍁𑌰𑌂𑌗𑌨𑌾𑌃 𑌕𑌿𑌮𑍁 𑌨 𑌸𑌮𑍍𑌮𑌦𑍋𑌨𑍍𑌮𑌦𑌦𑌶𑌾𑌂𑌤𑌰𑌮𑍍 ॥𑍭॥

𑌗𑌾𑌨𑌮𑍀𑌶 𑌵𑌿𑌰𑌤𑌂 𑌕𑍍𑌰𑌮𑍇𑌣 𑌕𑌿𑌲 𑌵𑌾𑌦𑍍𑌯𑌮𑍇𑌲𑌨𑌮𑍁𑌪𑌾𑌰𑌤𑌂
𑌬𑍍𑌰𑌹𑍍𑌮𑌸𑌮𑍍𑌮𑌦𑌰𑌸𑌾𑌕𑍁𑌲𑌾𑌃 𑌸𑌦𑌸𑌿 𑌕𑍇𑌵𑌲𑌂 𑌨𑌨𑍃𑌤𑍁𑌰𑌂𑌗𑌨𑌾𑌃 ।
𑌨𑌾𑌵𑌿𑌦𑌨𑍍𑌨𑌪𑌿 𑌚 𑌨𑍀𑌵𑌿𑌕𑌾𑌂 𑌕𑌿𑌮𑌪𑌿 𑌕𑍁𑌂𑌤𑌲𑍀𑌮𑌪𑌿 𑌚 𑌕𑌂𑌚𑍁𑌲𑍀𑌂
𑌜𑍍𑌯𑍋𑌤𑌿𑌷𑌾𑌮𑌪𑌿 𑌕𑌦𑌂𑌬𑌕𑌂 𑌦𑌿𑌵𑌿 𑌵𑌿𑌲𑌂𑌬𑌿𑌤𑌂 𑌕𑌿𑌮𑌪𑌰𑌂 𑌬𑍍𑌰𑍁𑌵𑍇 ॥𑍮॥

𑌮𑍋𑌦𑌸𑍀𑌮𑍍𑌨𑌿 𑌭𑍁𑌵𑌨𑌂 𑌵𑌿𑌲𑌾𑌪𑍍𑌯 𑌵𑌿𑌹𑍃𑌤𑌿𑌂 𑌸𑌮𑌾𑌪𑍍𑌯 𑌚 𑌤𑌤𑍋 𑌵𑌿𑌭𑍋
𑌕𑍇𑌲𑌿𑌸𑌮𑍍𑌮𑍃𑌦𑌿𑌤𑌨𑌿𑌰𑍍𑌮𑌲𑌾𑌂𑌗𑌨𑌵𑌘𑌰𑍍𑌮𑌲𑍇𑌶𑌸𑍁𑌭𑌗𑌾𑌤𑍍𑌮𑌨𑌾𑌮𑍍 ।
𑌮𑌨𑍍𑌮𑌥𑌾𑌸𑌹𑌨𑌚𑍇𑌤𑌸𑌾𑌂 𑌪𑌶𑍁𑌪𑌯𑍋𑌷𑌿𑌤𑌾𑌂 𑌸𑍁𑌕𑍃𑌤𑌚𑍋𑌦𑌿𑌤-
𑌸𑍍𑌤𑌾𑌵𑌦𑌾𑌕𑌲𑌿𑌤𑌮𑍂𑌰𑍍𑌤𑌿𑌰𑌾𑌦𑌧𑌿𑌥 𑌮𑌾𑌰𑌵𑍀𑌰𑌪𑌰𑌮𑍋𑌤𑍍𑌸𑌵𑌾𑌨𑍍 ॥𑍯॥

𑌕𑍇𑌲𑌿𑌭𑍇𑌦𑌪𑌰𑌿𑌲𑍋𑌲𑌿𑌤𑌾𑌭𑌿𑌰𑌤𑌿𑌲𑌾𑌲𑌿𑌤𑌾𑌭𑌿𑌰𑌬𑌲𑌾𑌲𑌿𑌭𑌿𑌃
𑌸𑍍𑌵𑍈𑌰𑌮𑍀𑌶 𑌨𑌨𑍁 𑌸𑍂𑌰𑌜𑌾𑌪𑌯𑌸𑌿 𑌚𑌾𑌰𑍁𑌨𑌾𑌮 𑌵𑌿𑌹𑍃𑌤𑌿𑌂 𑌵𑍍𑌯𑌧𑌾𑌃 ।
𑌕𑌾𑌨𑌨𑍇𑌽𑌪𑌿 𑌚 𑌵𑌿𑌸𑌾𑌰𑌿𑌶𑍀𑌤𑌲𑌕𑌿𑌶𑍋𑌰𑌮𑌾𑌰𑍁𑌤𑌮𑌨𑍋𑌹𑌰𑍇
𑌸𑍂𑌨𑌸𑍌𑌰𑌭𑌮𑌯𑍇 𑌵𑌿𑌲𑍇𑌸𑌿𑌥 𑌵𑌿𑌲𑌾𑌸𑌿𑌨𑍀𑌶𑌤𑌵𑌿𑌮𑍋𑌹𑌨𑌮𑍍 ॥10॥

𑌕𑌾𑌮𑌿𑌨𑍀𑌰𑌿𑌤𑌿 𑌹𑌿 𑌯𑌾𑌮𑌿𑌨𑍀𑌷𑍁 𑌖𑌲𑍁 𑌕𑌾𑌮𑌨𑍀𑌯𑌕𑌨𑌿𑌧𑍇 𑌭𑌵𑌾𑌨𑍍
𑌪𑍂𑌰𑍍𑌣𑌸𑌮𑍍𑌮𑌦𑌰𑌸𑌾𑌰𑍍𑌣𑌵𑌂 𑌕𑌮𑌪𑌿 𑌯𑍋𑌗𑌿𑌗𑌮𑍍𑌯𑌮𑌨𑍁𑌭𑌾𑌵𑌯𑌨𑍍 ।
𑌬𑍍𑌰𑌹𑍍𑌮𑌶𑌂𑌕𑌰𑌮𑍁𑌖𑌾𑌨𑌪𑍀𑌹 𑌪𑌶𑍁𑌪𑌾𑌂𑌗𑌨𑌾𑌸𑍁 𑌬𑌹𑍁𑌮𑌾𑌨𑌯𑌨𑍍
𑌭𑌕𑍍𑌤𑌲𑍋𑌕𑌗𑌮𑌨𑍀𑌯𑌰𑍂𑌪 𑌕𑌮𑌨𑍀𑌯 𑌕𑍃𑌷𑍍𑌣 𑌪𑌰𑌿𑌪𑌾𑌹𑌿 𑌮𑌾𑌮𑍍 ॥11॥

Browse Related Categories: