Narayaniyam Dashaka 39 - Grantha

𑌤𑌤𑌸𑍍𑌤𑍍𑌵𑌦𑌨𑍁𑌜𑌾𑌰𑌵𑌕𑍍𑌷𑌪𑌿𑌤𑌨𑌿𑌦𑍍𑌰𑌵𑍇𑌗𑌦𑍍𑌰𑌵𑌦𑍍-
𑌭𑌟𑍋𑌤𑍍𑌕𑌰𑌨𑌿𑌵𑍇𑌦𑌿𑌤𑌪𑍍𑌰𑌸𑌵𑌵𑌾𑌰𑍍𑌤𑌯𑍈𑌵𑌾𑌰𑍍𑌤𑌿𑌮𑌾𑌨𑍍 ।
𑌵𑌿𑌮𑍁𑌕𑍍𑌤𑌚𑌿𑌕𑍁𑌰𑍋𑌤𑍍𑌕𑌰𑌸𑍍𑌤𑍍𑌵𑌰𑌿𑌤𑌮𑌾𑌪𑌤𑌨𑍍 𑌭𑍋𑌜𑌰𑌾-
𑌡𑌤𑍁𑌷𑍍𑌟 𑌇𑌵 𑌦𑍃𑌷𑍍𑌟𑌵𑌾𑌨𑍍 𑌭𑌗𑌿𑌨𑌿𑌕𑌾𑌕𑌰𑍇 𑌕𑌨𑍍𑌯𑌕𑌾𑌮𑍍 ॥3॥

𑌧𑍍𑌰𑍁𑌵𑌂 𑌕𑌪𑌟𑌶𑌾𑌲𑌿𑌨𑍋 𑌮𑌧𑍁𑌹𑌰𑌸𑍍𑌯 𑌮𑌾𑌯𑌾 𑌭𑌵𑍇-
𑌦𑌸𑌾𑌵𑌿𑌤𑌿 𑌕𑌿𑌶𑍋𑌰𑌿𑌕𑌾𑌂 𑌭𑌗𑌿𑌨𑌿𑌕𑌾𑌕𑌰𑌾𑌲𑌿𑌂𑌗𑌿𑌤𑌾𑌮𑍍 ।
𑌦𑍍𑌵𑌿𑌪𑍋 𑌨𑌲𑌿𑌨𑌿𑌕𑌾𑌂𑌤𑌰𑌾𑌦𑌿𑌵 𑌮𑍃𑌣𑌾𑌲𑌿𑌕𑌾𑌮𑌾𑌕𑍍𑌷𑌿𑌪-
𑌨𑍍𑌨𑌯𑌂 𑌤𑍍𑌵𑌦𑌨𑍁𑌜𑌾𑌮𑌜𑌾𑌮𑍁𑌪𑌲𑌪𑌟𑍍𑌟𑌕𑍇 𑌪𑌿𑌷𑍍𑌟𑌵𑌾𑌨𑍍 ॥4॥

𑌤𑌤𑌃 𑌭𑌵𑌦𑍁𑌪𑌾𑌸𑌕𑍋 𑌝𑌟𑌿𑌤𑌿 𑌮𑍃𑌤𑍍𑌯𑍁𑌪𑌾𑌶𑌾𑌦𑌿𑌵
𑌪𑍍𑌰𑌮𑍁𑌚𑍍𑌯 𑌤𑌰𑌸𑍈𑌵 𑌸𑌾 𑌸𑌮𑌧𑌿𑌰𑍂𑌢𑌰𑍂𑌪𑌾𑌂𑌤𑌰𑌾 ।
𑌅𑌧𑌸𑍍𑌤𑌲𑌮𑌜𑌗𑍍𑌮𑍁𑌷𑍀 𑌵𑌿𑌕𑌸𑌦𑌷𑍍𑌟𑌬𑌾𑌹𑍁𑌸𑍍𑌫𑍁𑌰-
𑌨𑍍𑌮𑌹𑌾𑌯𑍁𑌧𑌮𑌹𑍋 𑌗𑌤𑌾 𑌕𑌿𑌲 𑌵𑌿𑌹𑌾𑌯𑌸𑌾 𑌦𑌿𑌦𑍍𑌯𑍁𑌤𑍇 ॥5॥

𑌨𑍃𑌶𑌂𑌸𑌤𑌰 𑌕𑌂𑌸 𑌤𑍇 𑌕𑌿𑌮𑍁 𑌮𑌯𑌾 𑌵𑌿𑌨𑌿𑌷𑍍𑌪𑌿𑌷𑍍𑌟𑌯𑌾
𑌬𑌭𑍂𑌵 𑌭𑌵𑌦𑌂𑌤𑌕𑌃 𑌕𑍍𑌵𑌚𑌨 𑌚𑌿𑌂𑌤𑍍𑌯𑌤𑌾𑌂 𑌤𑍇 𑌹𑌿𑌤𑌮𑍍 ।
𑌇𑌤𑌿 𑌤𑍍𑌵𑌦𑌨𑍁𑌜𑌾 𑌵𑌿𑌭𑍋 𑌖𑌲𑌮𑍁𑌦𑍀𑌰𑍍𑌯 𑌤𑌂 𑌜𑌗𑍍𑌮𑍁𑌷𑍀
𑌮𑌰𑍁𑌦𑍍𑌗𑌣𑌪𑌣𑌾𑌯𑌿𑌤𑌾 𑌭𑍁𑌵𑌿 𑌚 𑌮𑌂𑌦𑌿𑌰𑌾𑌣𑍍𑌯𑍇𑌯𑍁𑌷𑍀 ॥6॥

𑌪𑍍𑌰𑌗𑍇 𑌪𑍁𑌨𑌰𑌗𑌾𑌤𑍍𑌮𑌜𑌾𑌵𑌚𑌨𑌮𑍀𑌰𑌿𑌤𑌾 𑌭𑍂𑌭𑍁𑌜𑌾
𑌪𑍍𑌰𑌲𑌂𑌬𑌬𑌕𑌪𑍂𑌤𑌨𑌾𑌪𑍍𑌰𑌮𑍁𑌖𑌦𑌾𑌨𑌵𑌾 𑌮𑌾𑌨𑌿𑌨𑌃 ।
𑌭𑌵𑌨𑍍𑌨𑌿𑌧𑌨𑌕𑌾𑌮𑍍𑌯𑌯𑌾 𑌜𑌗𑌤𑌿 𑌬𑌭𑍍𑌰𑌮𑍁𑌰𑍍𑌨𑌿𑌰𑍍𑌭𑌯𑌾𑌃
𑌕𑍁𑌮𑌾𑌰𑌕𑌵𑌿𑌮𑌾𑌰𑌕𑌾𑌃 𑌕𑌿𑌮𑌿𑌵 𑌦𑍁𑌷𑍍𑌕𑌰𑌂 𑌨𑌿𑌷𑍍𑌕𑍃𑌪𑍈𑌃 ॥𑍭॥

𑌤𑌤𑌃 𑌪𑌶𑍁𑌪𑌮𑌂𑌦𑌿𑌰𑍇 𑌤𑍍𑌵𑌯𑌿 𑌮𑍁𑌕𑍁𑌂𑌦 𑌨𑌂𑌦𑌪𑍍𑌰𑌿𑌯𑌾-
𑌪𑍍𑌰𑌸𑍂𑌤𑌿𑌶𑌯𑌨𑍇𑌶𑌯𑍇 𑌰𑍁𑌦𑌤𑌿 𑌕𑌿𑌂𑌚𑌿𑌦𑌂𑌚𑌤𑍍𑌪𑌦𑍇 ।
𑌵𑌿𑌬𑍁𑌧𑍍𑌯 𑌵𑌨𑌿𑌤𑌾𑌜𑌨𑍈𑌸𑍍𑌤𑌨𑌯𑌸𑌂𑌭𑌵𑍇 𑌘𑍋𑌷𑌿𑌤𑍇
𑌮𑍁𑌦𑌾 𑌕𑌿𑌮𑍁 𑌵𑌦𑌾𑌮𑍍𑌯𑌹𑍋 𑌸𑌕𑌲𑌮𑌾𑌕𑍁𑌲𑌂 𑌗𑍋𑌕𑍁𑌲𑌮𑍍 ॥𑍮॥

𑌅𑌹𑍋 𑌖𑌲𑍁 𑌯𑌶𑍋𑌦𑌯𑌾 𑌨𑌵𑌕𑌲𑌾𑌯𑌚𑍇𑌤𑍋𑌹𑌰𑌂
𑌭𑌵𑌂𑌤𑌮𑌲𑌮𑌂𑌤𑌿𑌕𑍇 𑌪𑍍𑌰𑌥𑌮𑌮𑌾𑌪𑌿𑌬𑌂𑌤𑍍𑌯𑌾 𑌦𑍃𑌶𑌾 ।
𑌪𑍁𑌨𑌃 𑌸𑍍𑌤𑌨𑌭𑌰𑌂 𑌨𑌿𑌜𑌂 𑌸𑌪𑌦𑌿 𑌪𑌾𑌯𑌯𑌂𑌤𑍍𑌯𑌾 𑌮𑍁𑌦𑌾
𑌮𑌨𑍋𑌹𑌰𑌤𑌨𑍁𑌸𑍍𑌪𑍃𑌶𑌾 𑌜𑌗𑌤𑌿 𑌪𑍁𑌣𑍍𑌯𑌵𑌂𑌤𑍋 𑌜𑌿𑌤𑌾𑌃 ॥𑍯॥

𑌭𑌵𑌤𑍍𑌕𑍁𑌶𑌲𑌕𑌾𑌮𑍍𑌯𑌯𑌾 𑌸 𑌖𑌲𑍁 𑌨𑌂𑌦𑌗𑍋𑌪𑌸𑍍𑌤𑌦𑌾
𑌪𑍍𑌰𑌮𑍋𑌦𑌭𑌰𑌸𑌂𑌕𑍁𑌲𑍋 𑌦𑍍𑌵𑌿𑌜𑌕𑍁𑌲𑌾𑌯 𑌕𑌿𑌨𑍍𑌨𑌾𑌦𑌦𑌾𑌤𑍍 ।
𑌤𑌥𑍈𑌵 𑌪𑌶𑍁𑌪𑌾𑌲𑌕𑌾𑌃 𑌕𑌿𑌮𑍁 𑌨 𑌮𑌂𑌗𑌲𑌂 𑌤𑍇𑌨𑌿𑌰𑍇
𑌜𑌗𑌤𑍍𑌤𑍍𑌰𑌿𑌤𑌯𑌮𑌂𑌗𑌲 𑌤𑍍𑌵𑌮𑌿𑌹 𑌪𑌾𑌹𑌿 𑌮𑌾𑌮𑌾𑌮𑌯𑌾𑌤𑍍 ॥10॥

Browse Related Categories: