Narayaniyam Dashaka 16 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 16

𑌦𑌕𑍍𑌷𑍋 𑌵𑌿𑌰𑌿𑌂𑌚𑌤𑌨𑌯𑍋𑌽𑌥 𑌮𑌨𑍋𑌸𑍍𑌤𑌨𑍂𑌜𑌾𑌂
𑌲𑌬𑍍𑌧𑍍𑌵𑌾 𑌪𑍍𑌰𑌸𑍂𑌤𑌿𑌮𑌿𑌹 𑌷𑍋𑌡𑌶 𑌚𑌾𑌪 𑌕𑌨𑍍𑌯𑌾𑌃 ।
𑌧𑌰𑍍𑌮𑍇 𑌤𑍍𑌰𑌯𑍋𑌦𑌶 𑌦𑌦𑍌 𑌪𑌿𑌤𑍃𑌷𑍁 𑌸𑍍𑌵𑌧𑌾𑌂 𑌚
𑌸𑍍𑌵𑌾𑌹𑌾𑌂 𑌹𑌵𑌿𑌰𑍍𑌭𑍁𑌜𑌿 𑌸𑌤𑍀𑌂 𑌗𑌿𑌰𑌿𑌶𑍇 𑌤𑍍𑌵𑌦𑌂𑌶𑍇 ॥1॥

𑌮𑍂𑌰𑍍𑌤𑌿𑌰𑍍𑌹𑌿 𑌧𑌰𑍍𑌮𑌗𑍃𑌹𑌿𑌣𑍀 𑌸𑍁𑌷𑍁𑌵𑍇 𑌭𑌵𑌂𑌤𑌂
𑌨𑌾𑌰𑌾𑌯𑌣𑌂 𑌨𑌰𑌸𑌖𑌂 𑌮𑌹𑌿𑌤𑌾𑌨𑍁𑌭𑌾𑌵𑌮𑍍 ।
𑌯𑌜𑍍𑌜𑌨𑍍𑌮𑌨𑌿 𑌪𑍍𑌰𑌮𑍁𑌦𑌿𑌤𑌾𑌃 𑌕𑍃𑌤𑌤𑍂𑌰𑍍𑌯𑌘𑍋𑌷𑌾𑌃
𑌪𑍁𑌷𑍍𑌪𑍋𑌤𑍍𑌕𑌰𑌾𑌨𑍍 𑌪𑍍𑌰𑌵𑌵𑍃𑌷𑍁𑌰𑍍𑌨𑍁𑌨𑍁𑌵𑍁𑌃 𑌸𑍁𑌰𑍌𑌘𑌾𑌃 ॥2॥

𑌦𑍈𑌤𑍍𑌯𑌂 𑌸𑌹𑌸𑍍𑌰𑌕𑌵𑌚𑌂 𑌕𑌵𑌚𑍈𑌃 𑌪𑌰𑍀𑌤𑌂
𑌸𑌾𑌹𑌸𑍍𑌰𑌵𑌤𑍍𑌸𑌰𑌤𑌪𑌸𑍍𑌸𑌮𑌰𑌾𑌭𑌿𑌲𑌵𑍍𑌯𑍈𑌃 ।
𑌪𑌰𑍍𑌯𑌾𑌯𑌨𑌿𑌰𑍍𑌮𑌿𑌤𑌤𑌪𑌸𑍍𑌸𑌮𑌰𑍌 𑌭𑌵𑌂𑌤𑍌
𑌶𑌿𑌷𑍍𑌟𑍈𑌕𑌕𑌂𑌕𑌟𑌮𑌮𑍁𑌂 𑌨𑍍𑌯𑌹𑌤𑌾𑌂 𑌸𑌲𑍀𑌲𑌮𑍍 ॥3॥

𑌅𑌨𑍍𑌵𑌾𑌚𑌰𑌨𑍍𑌨𑍁𑌪𑌦𑌿𑌶𑌨𑍍𑌨𑌪𑌿 𑌮𑍋𑌕𑍍𑌷𑌧𑌰𑍍𑌮𑌂
𑌤𑍍𑌵𑌂 𑌭𑍍𑌰𑌾𑌤𑍃𑌮𑌾𑌨𑍍 𑌬𑌦𑌰𑌿𑌕𑌾𑌶𑍍𑌰𑌮𑌮𑌧𑍍𑌯𑌵𑌾𑌤𑍍𑌸𑍀𑌃 ।
𑌶𑌕𑍍𑌰𑍋𑌽𑌥 𑌤𑍇 𑌶𑌮𑌤𑌪𑍋𑌬𑌲𑌨𑌿𑌸𑍍𑌸𑌹𑌾𑌤𑍍𑌮𑌾
𑌦𑌿𑌵𑍍𑌯𑌾𑌂𑌗𑌨𑌾𑌪𑌰𑌿𑌵𑍃𑌤𑌂 𑌪𑍍𑌰𑌜𑌿𑌘𑌾𑌯 𑌮𑌾𑌰𑌮𑍍 ॥4॥

𑌕𑌾𑌮𑍋 𑌵𑌸𑌂𑌤𑌮𑌲𑌯𑌾𑌨𑌿𑌲𑌬𑌂𑌧𑍁𑌶𑌾𑌲𑍀
𑌕𑌾𑌂𑌤𑌾𑌕𑌟𑌾𑌕𑍍𑌷𑌵𑌿𑌶𑌿𑌖𑍈𑌰𑍍𑌵𑌿𑌕𑌸𑌦𑍍𑌵𑌿𑌲𑌾𑌸𑍈𑌃 ।
𑌵𑌿𑌧𑍍𑌯𑌨𑍍𑌮𑍁𑌹𑍁𑌰𑍍𑌮𑍁𑌹𑍁𑌰𑌕𑌂𑌪𑌮𑍁𑌦𑍀𑌕𑍍𑌷𑍍𑌯 𑌚 𑌤𑍍𑌵𑌾𑌂
𑌭𑍀𑌰𑍁𑌸𑍍𑌤𑍍𑌵𑌯𑌾𑌽𑌥 𑌜𑌗𑌦𑍇 𑌮𑍃𑌦𑍁𑌹𑌾𑌸𑌭𑌾𑌜𑌾 ॥5॥

𑌭𑍀𑌤𑍍𑌯𑌾𑌽𑌲𑌮𑌂𑌗𑌜 𑌵𑌸𑌂𑌤 𑌸𑍁𑌰𑌾𑌂𑌗𑌨𑌾 𑌵𑍋
𑌮𑌨𑍍𑌮𑌾𑌨𑌸𑌂 𑌤𑍍𑌵𑌿𑌹 𑌜𑍁𑌷𑌧𑍍𑌵𑌮𑌿𑌤𑌿 𑌬𑍍𑌰𑍁𑌵𑌾𑌣𑌃 ।
𑌤𑍍𑌵𑌂 𑌵𑌿𑌸𑍍𑌮𑌯𑍇𑌨 𑌪𑌰𑌿𑌤𑌃 𑌸𑍍𑌤𑍁𑌵𑌤𑌾𑌮𑌥𑍈𑌷𑌾𑌂
𑌪𑍍𑌰𑌾𑌦𑌰𑍍𑌶𑌯𑌃 𑌸𑍍𑌵𑌪𑌰𑌿𑌚𑌾𑌰𑌕𑌕𑌾𑌤𑌰𑌾𑌕𑍍𑌷𑍀𑌃 ॥6॥

𑌸𑌮𑍍𑌮𑍋𑌹𑌨𑌾𑌯 𑌮𑌿𑌲𑌿𑌤𑌾 𑌮𑌦𑌨𑌾𑌦𑌯𑌸𑍍𑌤𑍇
𑌤𑍍𑌵𑌦𑍍𑌦𑌾𑌸𑌿𑌕𑌾𑌪𑌰𑌿𑌮𑌲𑍈𑌃 𑌕𑌿𑌲 𑌮𑍋𑌹𑌮𑌾𑌪𑍁𑌃 ।
𑌦𑌤𑍍𑌤𑌾𑌂 𑌤𑍍𑌵𑌯𑌾 𑌚 𑌜𑌗𑍃𑌹𑍁𑌸𑍍𑌤𑍍𑌰𑌪𑌯𑍈𑌵 𑌸𑌰𑍍𑌵-
𑌸𑍍𑌵𑌰𑍍𑌵𑌾𑌸𑌿𑌗𑌰𑍍𑌵𑌶𑌮𑌨𑍀𑌂 𑌪𑍁𑌨𑌰𑍁𑌰𑍍𑌵𑌶𑍀𑌂 𑌤𑌾𑌮𑍍 ॥𑍭॥

𑌦𑍃𑌷𑍍𑌟𑍍𑌵𑍋𑌰𑍍𑌵𑌶𑍀𑌂 𑌤𑌵 𑌕𑌥𑌾𑌂 𑌚 𑌨𑌿𑌶𑌮𑍍𑌯 𑌶𑌕𑍍𑌰𑌃
𑌪𑌰𑍍𑌯𑌾𑌕𑍁𑌲𑍋𑌽𑌜𑌨𑌿 𑌭𑌵𑌨𑍍𑌮𑌹𑌿𑌮𑌾𑌵𑌮𑌰𑍍𑌶𑌾𑌤𑍍 ।
𑌏𑌵𑌂 𑌪𑍍𑌰𑌶𑌾𑌂𑌤𑌰𑌮𑌣𑍀𑌯𑌤𑌰𑌾𑌵𑌤𑌾𑌰𑌾-
𑌤𑍍𑌤𑍍𑌵𑌤𑍍𑌤𑍋𑌽𑌧𑌿𑌕𑍋 𑌵𑌰𑌦 𑌕𑍃𑌷𑍍𑌣𑌤𑌨𑍁𑌸𑍍𑌤𑍍𑌵𑌮𑍇𑌵 ॥𑍮॥

𑌦𑌕𑍍𑌷𑌸𑍍𑌤𑍁 𑌧𑌾𑌤𑍁𑌰𑌤𑌿𑌲𑌾𑌲𑌨𑌯𑌾 𑌰𑌜𑍋𑌽𑌂𑌧𑍋
𑌨𑌾𑌤𑍍𑌯𑌾𑌦𑍃𑌤𑌸𑍍𑌤𑍍𑌵𑌯𑌿 𑌚 𑌕𑌷𑍍𑌟𑌮𑌶𑌾𑌂𑌤𑌿𑌰𑌾𑌸𑍀𑌤𑍍 ।
𑌯𑍇𑌨 𑌵𑍍𑌯𑌰𑍁𑌂𑌧 𑌸 𑌭𑌵𑌤𑍍𑌤𑌨𑍁𑌮𑍇𑌵 𑌶𑌰𑍍𑌵𑌂
𑌯𑌜𑍍𑌞𑍇 𑌚 𑌵𑍈𑌰𑌪𑌿𑌶𑍁𑌨𑍇 𑌸𑍍𑌵𑌸𑍁𑌤𑌾𑌂 𑌵𑍍𑌯𑌮𑌾𑌨𑍀𑌤𑍍 ॥𑍯॥

𑌕𑍍𑌰𑍁𑌦𑍍𑌧𑍇𑌶𑌮𑌰𑍍𑌦𑌿𑌤𑌮𑌖𑌃 𑌸 𑌤𑍁 𑌕𑍃𑌤𑍍𑌤𑌶𑍀𑌰𑍍𑌷𑍋
𑌦𑍇𑌵𑌪𑍍𑌰𑌸𑌾𑌦𑌿𑌤𑌹𑌰𑌾𑌦𑌥 𑌲𑌬𑍍𑌧𑌜𑍀𑌵𑌃 ।
𑌤𑍍𑌵𑌤𑍍𑌪𑍂𑌰𑌿𑌤𑌕𑍍𑌰𑌤𑍁𑌵𑌰𑌃 𑌪𑍁𑌨𑌰𑌾𑌪 𑌶𑌾𑌂𑌤𑌿𑌂
𑌸 𑌤𑍍𑌵𑌂 𑌪𑍍𑌰𑌶𑌾𑌂𑌤𑌿𑌕𑌰 𑌪𑌾𑌹𑌿 𑌮𑌰𑍁𑌤𑍍𑌪𑍁𑌰𑍇𑌶 ॥10॥

Browse Related Categories: