Narayaniyam Dashaka 17 - Grantha

𑌅𑌂𑌕𑍇 𑌪𑌿𑌤𑍁𑌃 𑌸𑍁𑌰𑍁𑌚𑌿𑌪𑍁𑌤𑍍𑌰𑌕𑌮𑍁𑌤𑍍𑌤𑌮𑌂 𑌤𑌂
𑌦𑍃𑌷𑍍𑌟𑍍𑌵𑌾 𑌧𑍍𑌰𑍁𑌵𑌃 𑌕𑌿𑌲 𑌸𑍁𑌨𑍀𑌤𑌿𑌸𑍁𑌤𑍋𑌽𑌧𑌿𑌰𑍋𑌕𑍍𑌷𑍍𑌯𑌨𑍍 ।
𑌆𑌚𑌿𑌕𑍍𑌷𑌿𑌪𑍇 𑌕𑌿𑌲 𑌶𑌿𑌶𑍁𑌃 𑌸𑍁𑌤𑌰𑌾𑌂 𑌸𑍁𑌰𑍁𑌚𑍍𑌯𑌾
𑌦𑍁𑌸𑍍𑌸𑌂𑌤𑍍𑌯𑌜𑌾 𑌖𑌲𑍁 𑌭𑌵𑌦𑍍𑌵𑌿𑌮𑍁𑌖𑍈𑌰𑌸𑍂𑌯𑌾 ॥2॥

𑌤𑍍𑌵𑌨𑍍𑌮𑍋𑌹𑌿𑌤𑍇 𑌪𑌿𑌤𑌰𑌿 𑌪𑌶𑍍𑌯𑌤𑌿 𑌦𑌾𑌰𑌵𑌶𑍍𑌯𑍇
𑌦𑍂𑌰𑌂 𑌦𑍁𑌰𑍁𑌕𑍍𑌤𑌿𑌨𑌿𑌹𑌤𑌃 𑌸 𑌗𑌤𑍋 𑌨𑌿𑌜𑌾𑌂𑌬𑌾𑌮𑍍 ।
𑌸𑌾𑌽𑌪𑌿 𑌸𑍍𑌵𑌕𑌰𑍍𑌮𑌗𑌤𑌿𑌸𑌂𑌤𑌰𑌣𑌾𑌯 𑌪𑍁𑌂𑌸𑌾𑌂
𑌤𑍍𑌵𑌤𑍍𑌪𑌾𑌦𑌮𑍇𑌵 𑌶𑌰𑌣𑌂 𑌶𑌿𑌶𑌵𑍇 𑌶𑌶𑌂𑌸 ॥3॥

𑌆𑌕𑌰𑍍𑌣𑍍𑌯 𑌸𑍋𑌽𑌪𑌿 𑌭𑌵𑌦𑌰𑍍𑌚𑌨𑌨𑌿𑌶𑍍𑌚𑌿𑌤𑌾𑌤𑍍𑌮𑌾
𑌮𑌾𑌨𑍀 𑌨𑌿𑌰𑍇𑌤𑍍𑌯 𑌨𑌗𑌰𑌾𑌤𑍍 𑌕𑌿𑌲 𑌪𑌂𑌚𑌵𑌰𑍍𑌷𑌃 ।
𑌸𑌂𑌦𑍃𑌷𑍍𑌟𑌨𑌾𑌰𑌦𑌨𑌿𑌵𑍇𑌦𑌿𑌤𑌮𑌂𑌤𑍍𑌰𑌮𑌾𑌰𑍍𑌗-
𑌸𑍍𑌤𑍍𑌵𑌾𑌮𑌾𑌰𑌰𑌾𑌧 𑌤𑌪𑌸𑌾 𑌮𑌧𑍁𑌕𑌾𑌨𑌨𑌾𑌂𑌤𑍇 ॥4॥

𑌤𑌾𑌤𑍇 𑌵𑌿𑌷𑌣𑍍𑌣𑌹𑍃𑌦𑌯𑍇 𑌨𑌗𑌰𑍀𑌂 𑌗𑌤𑍇𑌨
𑌶𑍍𑌰𑍀𑌨𑌾𑌰𑌦𑍇𑌨 𑌪𑌰𑌿𑌸𑌾𑌂𑌤𑍍𑌵𑌿𑌤𑌚𑌿𑌤𑍍𑌤𑌵𑍃𑌤𑍍𑌤𑍌 ।
𑌬𑌾𑌲𑌸𑍍𑌤𑍍𑌵𑌦𑌰𑍍𑌪𑌿𑌤𑌮𑌨𑌾𑌃 𑌕𑍍𑌰𑌮𑌵𑌰𑍍𑌧𑌿𑌤𑍇𑌨
𑌨𑌿𑌨𑍍𑌯𑍇 𑌕𑌠𑍋𑌰𑌤𑌪𑌸𑌾 𑌕𑌿𑌲 𑌪𑌂𑌚𑌮𑌾𑌸𑌾𑌨𑍍 ॥5॥

𑌤𑌾𑌵𑌤𑍍𑌤𑌪𑍋𑌬𑌲𑌨𑌿𑌰𑍁𑌚𑍍𑌛𑍍-𑌵𑌸𑌿𑌤𑍇 𑌦𑌿𑌗𑌂𑌤𑍇
𑌦𑍇𑌵𑌾𑌰𑍍𑌥𑌿𑌤𑌸𑍍𑌤𑍍𑌵𑌮𑍁𑌦𑌯𑌤𑍍𑌕𑌰𑍁𑌣𑌾𑌰𑍍𑌦𑍍𑌰𑌚𑍇𑌤𑌾𑌃 ।
𑌤𑍍𑌵𑌦𑍍𑌰𑍂𑌪𑌚𑌿𑌦𑍍𑌰𑌸𑌨𑌿𑌲𑍀𑌨𑌮𑌤𑍇𑌃 𑌪𑍁𑌰𑌸𑍍𑌤𑌾-
𑌦𑌾𑌵𑌿𑌰𑍍𑌬𑌭𑍂𑌵𑌿𑌥 𑌵𑌿𑌭𑍋 𑌗𑌰𑍁𑌡𑌾𑌧𑌿𑌰𑍂𑌢𑌃 ॥6॥

𑌤𑍍𑌵𑌦𑍍𑌦𑌰𑍍𑌶𑌨𑌪𑍍𑌰𑌮𑌦𑌭𑌾𑌰𑌤𑌰𑌂𑌗𑌿𑌤𑌂 𑌤𑌂
𑌦𑍃𑌗𑍍𑌭𑍍𑌯𑌾𑌂 𑌨𑌿𑌮𑌗𑍍𑌨𑌮𑌿𑌵 𑌰𑍂𑌪𑌰𑌸𑌾𑌯𑌨𑍇 𑌤𑍇 ।
𑌤𑍁𑌷𑍍𑌟𑍂𑌷𑌮𑌾𑌣𑌮𑌵𑌗𑌮𑍍𑌯 𑌕𑌪𑍋𑌲𑌦𑍇𑌶𑍇
𑌸𑌂𑌸𑍍𑌪𑍃𑌷𑍍𑌟𑌵𑌾𑌨𑌸𑌿 𑌦𑌰𑍇𑌣 𑌤𑌥𑌾𑌽𑌽𑌦𑌰𑍇𑌣 ॥𑍭॥

𑌤𑌾𑌵𑌦𑍍𑌵𑌿𑌬𑍋𑌧𑌵𑌿𑌮𑌲𑌂 𑌪𑍍𑌰𑌣𑍁𑌵𑌂𑌤𑌮𑍇𑌨-
𑌮𑌾𑌭𑌾𑌷𑌥𑌾𑌸𑍍𑌤𑍍𑌵𑌮𑌵𑌗𑌮𑍍𑌯 𑌤𑌦𑍀𑌯𑌭𑌾𑌵𑌮𑍍 ।
𑌰𑌾𑌜𑍍𑌯𑌂 𑌚𑌿𑌰𑌂 𑌸𑌮𑌨𑍁𑌭𑍂𑌯 𑌭𑌜𑌸𑍍𑌵 𑌭𑍂𑌯𑌃
𑌸𑌰𑍍𑌵𑍋𑌤𑍍𑌤𑌰𑌂 𑌧𑍍𑌰𑍁𑌵 𑌪𑌦𑌂 𑌵𑌿𑌨𑌿𑌵𑍃𑌤𑍍𑌤𑌿𑌹𑍀𑌨𑌮𑍍 ॥𑍮॥

𑌇𑌤𑍍𑌯𑍂𑌚𑌿𑌷𑌿 𑌤𑍍𑌵𑌯𑌿 𑌗𑌤𑍇 𑌨𑍃𑌪𑌨𑌂𑌦𑌨𑍋𑌽𑌸𑌾-
𑌵𑌾𑌨𑌂𑌦𑌿𑌤𑌾𑌖𑌿𑌲𑌜𑌨𑍋 𑌨𑌗𑌰𑍀𑌮𑍁𑌪𑍇𑌤𑌃 ।
𑌰𑍇𑌮𑍇 𑌚𑌿𑌰𑌂 𑌭𑌵𑌦𑌨𑍁𑌗𑍍𑌰𑌹𑌪𑍂𑌰𑍍𑌣𑌕𑌾𑌮-
𑌸𑍍𑌤𑌾𑌤𑍇 𑌗𑌤𑍇 𑌚 𑌵𑌨𑌮𑌾𑌦𑍃𑌤𑌰𑌾𑌜𑍍𑌯𑌭𑌾𑌰𑌃 ॥𑍯॥

𑌯𑌕𑍍𑌷𑍇𑌣 𑌦𑍇𑌵 𑌨𑌿𑌹𑌤𑍇 𑌪𑍁𑌨𑌰𑍁𑌤𑍍𑌤𑌮𑍇𑌽𑌸𑍍𑌮𑌿𑌨𑍍
𑌯𑌕𑍍𑌷𑍈𑌃 𑌸 𑌯𑍁𑌦𑍍𑌧𑌨𑌿𑌰𑌤𑍋 𑌵𑌿𑌰𑌤𑍋 𑌮𑌨𑍂𑌕𑍍𑌤𑍍𑌯𑌾 ।
𑌶𑌾𑌂𑌤𑍍𑌯𑌾 𑌪𑍍𑌰𑌸𑌨𑍍𑌨𑌹𑍃𑌦𑌯𑌾𑌦𑍍𑌧𑌨𑌦𑌾𑌦𑍁𑌪𑍇𑌤𑌾-
𑌤𑍍𑌤𑍍𑌵𑌦𑍍𑌭𑌕𑍍𑌤𑌿𑌮𑍇𑌵 𑌸𑍁𑌦𑍃𑌢𑌾𑌮𑌵𑍃𑌣𑍋𑌨𑍍𑌮𑌹𑌾𑌤𑍍𑌮𑌾 ॥10॥

𑌅𑌂𑌤𑍇 𑌭𑌵𑌤𑍍𑌪𑍁𑌰𑍁𑌷𑌨𑍀𑌤𑌵𑌿𑌮𑌾𑌨𑌯𑌾𑌤𑍋
𑌮𑌾𑌤𑍍𑌰𑌾 𑌸𑌮𑌂 𑌧𑍍𑌰𑍁𑌵𑌪𑌦𑍇 𑌮𑍁𑌦𑌿𑌤𑍋𑌽𑌯𑌮𑌾𑌸𑍍𑌤𑍇 ।
𑌏𑌵𑌂 𑌸𑍍𑌵𑌭𑍃𑌤𑍍𑌯𑌜𑌨𑌪𑌾𑌲𑌨𑌲𑍋𑌲𑌧𑍀𑌸𑍍𑌤𑍍𑌵𑌂
𑌵𑌾𑌤𑌾𑌲𑌯𑌾𑌧𑌿𑌪 𑌨𑌿𑌰𑍁𑌂𑌧𑌿 𑌮𑌮𑌾𑌮𑌯𑍌𑌘𑌾𑌨𑍍 ॥11॥

Browse Related Categories: