Narayaniyam Dashaka 73 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 𑍭3

𑌨𑌿𑌶𑌮𑌯𑍍𑌯 𑌤𑌵𑌾𑌥 𑌯𑌾𑌨𑌵𑌾𑌰𑍍𑌤𑌾𑌂 𑌭𑍃𑌶𑌮𑌾𑌰𑍍𑌤𑌾𑌃 𑌪𑌶𑍁𑌪𑌾𑌲𑌬𑌾𑌲𑌿𑌕𑌾𑌸𑍍𑌤𑌾𑌃 ।
𑌕𑌿𑌮𑌿𑌦𑌂 𑌕𑌿𑌮𑌿𑌦𑌂 𑌕𑌥𑌂 𑌨𑍍𑌵𑌿𑌤𑍀𑌮𑌾𑌃 𑌸𑌮𑌵𑍇𑌤𑌾𑌃 𑌪𑌰𑌿𑌦𑍇𑌵𑌿𑌤𑌾𑌨𑍍𑌯𑌕𑍁𑌰𑍍𑌵𑌨𑍍 ॥1॥

𑌕𑌰𑍁𑌣𑌾𑌨𑌿𑌧𑌿𑌰𑍇𑌷 𑌨𑌂𑌦𑌸𑍂𑌨𑍁𑌃 𑌕𑌥𑌮𑌸𑍍𑌮𑌾𑌨𑍍 𑌵𑌿𑌸𑍃𑌜𑍇𑌦𑌨𑌨𑍍𑌯𑌨𑌾𑌥𑌾𑌃 ।
𑌬𑌤 𑌨𑌃 𑌕𑌿𑌮𑍁 𑌦𑍈𑌵𑌮𑍇𑌵𑌮𑌾𑌸𑍀𑌦𑌿𑌤𑌿 𑌤𑌾𑌸𑍍𑌤𑍍𑌵𑌦𑍍𑌗𑌤𑌮𑌾𑌨𑌸𑌾 𑌵𑌿𑌲𑍇𑌪𑍁𑌃 ॥2॥

𑌚𑌰𑌮𑌪𑍍𑌰𑌹𑌰𑍇 𑌪𑍍𑌰𑌤𑌿𑌷𑍍𑌠𑌮𑌾𑌨𑌃 𑌸𑌹 𑌪𑌿𑌤𑍍𑌰𑌾 𑌨𑌿𑌜𑌮𑌿𑌤𑍍𑌰𑌮𑌂𑌡𑌲𑍈𑌶𑍍𑌚 ।
𑌪𑌰𑌿𑌤𑌾𑌪𑌭𑌰𑌂 𑌨𑌿𑌤𑌂𑌬𑌿𑌨𑍀𑌨𑌾𑌂 𑌶𑌮𑌯𑌿𑌷𑍍𑌯𑌨𑍍 𑌵𑍍𑌯𑌮𑍁𑌚𑌃 𑌸𑌖𑌾𑌯𑌮𑍇𑌕𑌮𑍍 ॥3॥

𑌅𑌚𑌿𑌰𑌾𑌦𑍁𑌪𑌯𑌾𑌮𑌿 𑌸𑌨𑍍𑌨𑌿𑌧𑌿𑌂 𑌵𑍋 𑌭𑌵𑌿𑌤𑌾 𑌸𑌾𑌧𑍁 𑌮𑌯𑍈𑌵 𑌸𑌂𑌗𑌮𑌶𑍍𑌰𑍀𑌃 ।
𑌅𑌮𑍃𑌤𑌾𑌂𑌬𑍁𑌨𑌿𑌧𑍌 𑌨𑌿𑌮𑌜𑍍𑌜𑌯𑌿𑌷𑍍𑌯𑍇 𑌦𑍍𑌰𑍁𑌤𑌮𑌿𑌤𑍍𑌯𑌾𑌶𑍍𑌵𑌸𑌿𑌤𑌾 𑌵𑌧𑍂𑌰𑌕𑌾𑌰𑍍𑌷𑍀𑌃 ॥4॥

𑌸𑌵𑌿𑌷𑌾𑌦𑌭𑌰𑌂 𑌸𑌯𑌾𑌚𑍍𑌞𑌮𑍁𑌚𑍍𑌚𑍈𑌃 𑌅𑌤𑌿𑌦𑍂𑌰𑌂 𑌵𑌨𑌿𑌤𑌾𑌭𑌿𑌰𑍀𑌕𑍍𑌷𑍍𑌯𑌮𑌾𑌣𑌃 ।
𑌮𑍃𑌦𑍁 𑌤𑌦𑍍𑌦𑌿𑌶𑌿 𑌪𑌾𑌤𑌯𑌨𑍍𑌨𑌪𑌾𑌂𑌗𑌾𑌨𑍍 𑌸𑌬𑌲𑍋𑌽𑌕𑍍𑌰𑍂𑌰𑌰𑌥𑍇𑌨 𑌨𑌿𑌰𑍍𑌗𑌤𑍋𑌽𑌭𑍂𑌃 ॥5॥

𑌅𑌨𑌸𑌾 𑌬𑌹𑍁𑌲𑍇𑌨 𑌵𑌲𑍍𑌲𑌵𑌾𑌨𑌾𑌂 𑌮𑌨𑌸𑌾 𑌚𑌾𑌨𑍁𑌗𑌤𑍋𑌽𑌥 𑌵𑌲𑍍𑌲𑌭𑌾𑌨𑌾𑌮𑍍 ।
𑌵𑌨𑌮𑌾𑌰𑍍𑌤𑌮𑍃𑌗𑌂 𑌵𑌿𑌷𑌣𑍍𑌣𑌵𑍃𑌕𑍍𑌷𑌂 𑌸𑌮𑌤𑍀𑌤𑍋 𑌯𑌮𑍁𑌨𑌾𑌤𑌟𑍀𑌮𑌯𑌾𑌸𑍀𑌃 ॥6॥

𑌨𑌿𑌯𑌮𑌾𑌯 𑌨𑌿𑌮𑌜𑍍𑌯 𑌵𑌾𑌰𑌿𑌣𑌿 𑌤𑍍𑌵𑌾𑌮𑌭𑌿𑌵𑍀𑌕𑍍𑌷𑍍𑌯𑌾𑌥 𑌰𑌥𑍇𑌽𑌪𑌿 𑌗𑌾𑌂𑌦𑌿𑌨𑍇𑌯𑌃 ।
𑌵𑌿𑌵𑌶𑍋𑌽𑌜𑌨𑌿 𑌕𑌿𑌂 𑌨𑍍𑌵𑌿𑌦𑌂 𑌵𑌿𑌭𑍋𑌸𑍍𑌤𑍇 𑌨𑌨𑍁 𑌚𑌿𑌤𑍍𑌰𑌂 𑌤𑍍𑌵𑌵𑌲𑍋𑌕𑌨𑌂 𑌸𑌮𑌂𑌤𑌾𑌤𑍍 ॥𑍭॥

𑌪𑍁𑌨𑌰𑍇𑌷 𑌨𑌿𑌮𑌜𑍍𑌯 𑌪𑍁𑌣𑍍𑌯𑌶𑌾𑌲𑍀 𑌪𑍁𑌰𑍁𑌷𑌂 𑌤𑍍𑌵𑌾𑌂 𑌪𑌰𑌮𑌂 𑌭𑍁𑌜𑌂𑌗𑌭𑍋𑌗𑍇 ।
𑌅𑌰𑌿𑌕𑌂𑌬𑍁𑌗𑌦𑌾𑌂𑌬𑍁𑌜𑍈𑌃 𑌸𑍍𑌫𑍁𑌰𑌂𑌤𑌂 𑌸𑍁𑌰𑌸𑌿𑌦𑍍𑌧𑍌𑌘𑌪𑌰𑍀𑌤𑌮𑌾𑌲𑍁𑌲𑍋𑌕𑍇 ॥𑍮॥

𑌸 𑌤𑌦𑌾 𑌪𑌰𑌮𑌾𑌤𑍍𑌮𑌸𑍌𑌖𑍍𑌯𑌸𑌿𑌂𑌧𑍌 𑌵𑌿𑌨𑌿𑌮𑌗𑍍𑌨𑌃 𑌪𑍍𑌰𑌣𑍁𑌵𑌨𑍍 𑌪𑍍𑌰𑌕𑌾𑌰𑌭𑍇𑌦𑍈𑌃 ।
𑌅𑌵𑌿𑌲𑍋𑌕𑍍𑌯 𑌪𑍁𑌨𑌶𑍍𑌚 𑌹𑌰𑍍𑌷𑌸𑌿𑌂𑌧𑍋𑌰𑌨𑍁𑌵𑍃𑌤𑍍𑌤𑍍𑌯𑌾 𑌪𑍁𑌲𑌕𑌾𑌵𑍃𑌤𑍋 𑌯𑌯𑍌 𑌤𑍍𑌵𑌾𑌮𑍍 ॥𑍯॥

𑌕𑌿𑌮𑍁 𑌶𑍀𑌤𑌲𑌿𑌮𑌾 𑌮𑌹𑌾𑌨𑍍 𑌜𑌲𑍇 𑌯𑌤𑍍 𑌪𑍁𑌲𑌕𑍋𑌽𑌸𑌾𑌵𑌿𑌤𑌿 𑌚𑍋𑌦𑌿𑌤𑍇𑌨 𑌤𑍇𑌨 ।
𑌅𑌤𑌿𑌹𑌰𑍍𑌷𑌨𑌿𑌰𑍁𑌤𑍍𑌤𑌰𑍇𑌣 𑌸𑌾𑌰𑍍𑌧𑌂 𑌰𑌥𑌵𑌾𑌸𑍀 𑌪𑌵𑌨𑍇𑌶 𑌪𑌾𑌹𑌿 𑌮𑌾𑌂 𑌤𑍍𑌵𑌮𑍍 ॥10॥

Browse Related Categories: