Narayaniyam Dashaka 84 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 𑍮4

𑌕𑍍𑌵𑌚𑌿𑌦𑌥 𑌤𑌪𑌨𑍋𑌪𑌰𑌾𑌗𑌕𑌾𑌲𑍇 𑌪𑍁𑌰𑌿 𑌨𑌿𑌦𑌧𑌤𑍍 𑌕𑍃𑌤𑌵𑌰𑍍𑌮𑌕𑌾𑌮𑌸𑍂𑌨𑍂 ।
𑌯𑌦𑍁𑌕𑍁𑌲𑌮𑌹𑌿𑌲𑌾𑌵𑍃𑌤𑌃 𑌸𑍁𑌤𑍀𑌰𑍍𑌥𑌂 𑌸𑌮𑍁𑌪𑌗𑌤𑍋𑌽𑌸𑌿 𑌸𑌮𑌂𑌤𑌪𑌂𑌚𑌕𑌾𑌖𑍍𑌯𑌮𑍍 ॥1॥

𑌬𑌹𑍁𑌤𑌰𑌜𑌨𑌤𑌾𑌹𑌿𑌤𑌾𑌯 𑌤𑌤𑍍𑌰 𑌤𑍍𑌵𑌮𑌪𑌿 𑌪𑍁𑌨𑌨𑍍 𑌵𑌿𑌨𑌿𑌮𑌜𑍍𑌯 𑌤𑍀𑌰𑍍𑌥𑌤𑍋𑌯𑌮𑍍 ।
𑌦𑍍𑌵𑌿𑌜𑌗𑌣𑌪𑌰𑌿𑌮𑍁𑌕𑍍𑌤𑌵𑌿𑌤𑍍𑌤𑌰𑌾𑌶𑌿𑌃 𑌸𑌮𑌮𑌿𑌲𑌥𑌾𑌃 𑌕𑍁𑌰𑍁𑌪𑌾𑌂𑌡𑌵𑌾𑌦𑌿𑌮𑌿𑌤𑍍𑌰𑍈𑌃 ॥2॥

𑌤𑌵 𑌖𑌲𑍁 𑌦𑌯𑌿𑌤𑌾𑌜𑌨𑍈𑌃 𑌸𑌮𑍇𑌤𑌾 𑌦𑍍𑌰𑍁𑌪𑌦𑌸𑍁𑌤𑌾 𑌤𑍍𑌵𑌯𑌿 𑌗𑌾𑌢𑌭𑌕𑍍𑌤𑌿𑌭𑌾𑌰𑌾 ।
𑌤𑌦𑍁𑌦𑌿𑌤𑌭𑌵𑌦𑌾𑌹𑍃𑌤𑌿𑌪𑍍𑌰𑌕𑌾𑌰𑍈𑌃 𑌅𑌤𑌿𑌮𑍁𑌮𑍁𑌦𑍇 𑌸𑌮𑌮𑌨𑍍𑌯𑌭𑌾𑌮𑌿𑌨𑍀𑌭𑌿𑌃 ॥3॥

𑌤𑌦𑌨𑍁 𑌚 𑌭𑌗𑌵𑌨𑍍 𑌨𑌿𑌰𑍀𑌕𑍍𑌷𑍍𑌯 𑌗𑍋𑌪𑌾𑌨𑌤𑌿𑌕𑍁𑌤𑍁𑌕𑌾𑌦𑍁𑌪𑌗𑌮𑍍𑌯 𑌮𑌾𑌨𑌯𑌿𑌤𑍍𑌵𑌾।
𑌚𑌿𑌰𑌤𑌰𑌵𑌿𑌰𑌹𑌾𑌤𑍁𑌰𑌾𑌂𑌗𑌰𑍇𑌖𑌾𑌃 𑌪𑌶𑍁𑌪𑌵𑌧𑍂𑌃 𑌸𑌰𑌸𑌂 𑌤𑍍𑌵𑌮𑌨𑍍𑌵𑌯𑌾𑌸𑍀𑌃 ॥4॥

𑌸𑌪𑌦𑌿 𑌚 𑌭𑌵𑌦𑍀𑌕𑍍𑌷𑌣𑍋𑌤𑍍𑌸𑌵𑍇𑌨 𑌪𑍍𑌰𑌮𑍁𑌷𑌿𑌤𑌮𑌾𑌨𑌹𑍃𑌦𑌾𑌂 𑌨𑌿𑌤𑌂𑌬𑌿𑌨𑍀𑌨𑌾𑌮𑍍 ।
𑌅𑌤𑌿𑌰𑌸𑌪𑌰𑌿𑌮𑍁𑌕𑍍𑌤𑌕𑌂𑌚𑍁𑌲𑍀𑌕𑍇 𑌪𑌰𑌿𑌚𑌯𑌹𑍃𑌦𑍍𑌯𑌤𑌰𑍇 𑌕𑍁𑌚𑍇 𑌨𑍍𑌯𑌲𑍈𑌷𑍀𑌃 ॥5॥

𑌰𑌿𑌪𑍁𑌜𑌨𑌕𑌲𑌹𑍈𑌃 𑌪𑍁𑌨𑌃 𑌪𑍁𑌨𑌰𑍍𑌮𑍇 𑌸𑌮𑍁𑌪𑌗𑌤𑍈𑌰𑌿𑌯𑌤𑍀 𑌵𑌿𑌲𑌂𑌬𑌨𑌾𑌽𑌭𑍂𑌤𑍍 ।
𑌇𑌤𑌿 𑌕𑍃𑌤𑌪𑌰𑌿𑌰𑌂𑌭𑌣𑍇𑌤𑍍𑌵𑌯𑌿 𑌦𑍍𑌰𑌾𑌕𑍍 𑌅𑌤𑌿𑌵𑌿𑌵𑌶𑌾 𑌖𑌲𑍁 𑌰𑌾𑌧𑌿𑌕𑌾 𑌨𑌿𑌲𑌿𑌲𑍍𑌯𑍇 ॥6॥

𑌅𑌪𑌗𑌤𑌵𑌿𑌰𑌹𑌵𑍍𑌯𑌥𑌾𑌸𑍍𑌤𑌦𑌾 𑌤𑌾 𑌰𑌹𑌸𑌿 𑌵𑌿𑌧𑌾𑌯 𑌦𑌦𑌾𑌥 𑌤𑌤𑍍𑌤𑍍𑌵𑌬𑍋𑌧𑌮𑍍 ।
𑌪𑌰𑌮𑌸𑍁𑌖𑌚𑌿𑌦𑌾𑌤𑍍𑌮𑌕𑍋𑌽𑌹𑌮𑌾𑌤𑍍𑌮𑍇𑌤𑍍𑌯𑍁𑌦𑌯𑌤𑍁 𑌵𑌃 𑌸𑍍𑌫𑍁𑌟𑌮𑍇𑌵 𑌚𑍇𑌤𑌸𑍀𑌤𑌿 ॥𑍭॥

𑌸𑍁𑌖𑌰𑌸𑌪𑌰𑌿𑌮𑌿𑌶𑍍𑌰𑌿𑌤𑍋 𑌵𑌿𑌯𑍋𑌗𑌃 𑌕𑌿𑌮𑌪𑌿 𑌪𑍁𑌰𑌾𑌽𑌭𑌵𑌦𑍁𑌦𑍍𑌧𑌵𑍋𑌪𑌦𑍇𑌶𑍈𑌃 ।
𑌸𑌮𑌭𑌵𑌦𑌮𑍁𑌤𑌃 𑌪𑌰𑌂 𑌤𑍁 𑌤𑌾𑌸𑌾𑌂 𑌪𑌰𑌮𑌸𑍁𑌖𑍈𑌕𑍍𑌯𑌮𑌯𑍀 𑌭𑌵𑌦𑍍𑌵𑌿𑌚𑌿𑌂𑌤𑌾 ॥𑍮॥

𑌮𑍁𑌨𑌿𑌵𑌰𑌨𑌿𑌵𑌹𑍈𑌸𑍍𑌤𑌵𑌾𑌥 𑌪𑌿𑌤𑍍𑌰𑌾 𑌦𑍁𑌰𑌿𑌤𑌶𑌮𑌾𑌯 𑌶𑍁𑌭𑌾𑌨𑌿 𑌪𑍃𑌚𑍍𑌛𑍍𑌯𑌮𑌾𑌨𑍈𑌃 ।
𑌤𑍍𑌵𑌯𑌿 𑌸𑌤𑌿 𑌕𑌿𑌮𑌿𑌦𑌂 𑌶𑍁𑌭𑌾𑌂𑌤𑌰𑍈𑌃 𑌰𑌿𑌤𑍍𑌯𑍁𑌰𑍁𑌹𑌸𑌿𑌤𑍈𑌰𑌪𑌿 𑌯𑌾𑌜𑌿𑌤𑌸𑍍𑌤𑌦𑌾𑌽𑌸𑍌 ॥𑍯॥

𑌸𑍁𑌮𑌹𑌤𑌿 𑌯𑌜𑌨𑍇 𑌵𑌿𑌤𑌾𑌯𑌮𑌾𑌨𑍇 𑌪𑍍𑌰𑌮𑍁𑌦𑌿𑌤𑌮𑌿𑌤𑍍𑌰𑌜𑌨𑍇 𑌸𑌹𑍈𑌵 𑌗𑍋𑌪𑌾𑌃 ।
𑌯𑌦𑍁𑌜𑌨𑌮𑌹𑌿𑌤𑌾𑌸𑍍𑌤𑍍𑌰𑌿𑌮𑌾𑌸𑌮𑌾𑌤𑍍𑌰𑌂 𑌭𑌵𑌦𑌨𑍁𑌷𑌂𑌗𑌰𑌸𑌂 𑌪𑍁𑌰𑍇𑌵 𑌭𑍇𑌜𑍁 𑌃 ॥10॥

𑌵𑍍𑌯𑌪𑌗𑌮𑌸𑌮𑌯𑍇 𑌸𑌮𑍇𑌤𑍍𑌯 𑌰𑌾𑌧𑌾𑌂 𑌦𑍃𑌢𑌮𑍁𑌪𑌗𑍂𑌹𑍍𑌯 𑌨𑌿𑌰𑍀𑌕𑍍𑌷𑍍𑌯 𑌵𑍀𑌤𑌖𑍇𑌦𑌾𑌮𑍍 ।
𑌪𑍍𑌰𑌮𑍁𑌦𑌿𑌤𑌹𑍃𑌦𑌯𑌃 𑌪𑍁𑌰𑌂 𑌪𑍍𑌰𑌯𑌾𑌤𑌃 𑌪𑌵𑌨𑌪𑍁𑌰𑍇𑌶𑍍𑌵𑌰 𑌪𑌾𑌹𑌿 𑌮𑌾𑌂 𑌗𑌦𑍇𑌭𑍍𑌯𑌃 ॥11॥

Browse Related Categories: