Narayaniyam Dashaka 54 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 54

𑌤𑍍𑌵𑌤𑍍𑌸𑍇𑌵𑍋𑌤𑍍𑌕𑌸𑍍𑌸𑍌𑌭𑌰𑌿𑌰𑍍𑌨𑌾𑌮 𑌪𑍂𑌰𑍍𑌵𑌂
𑌕𑌾𑌲𑌿𑌂𑌦𑍍𑌯𑌂𑌤𑌰𑍍𑌦𑍍𑌵𑌾𑌦𑌶𑌾𑌬𑍍𑌦𑌂 𑌤𑌪𑌸𑍍𑌯𑌨𑍍 ।
𑌮𑍀𑌨𑌵𑍍𑌰𑌾𑌤𑍇 𑌸𑍍𑌨𑍇𑌹𑌵𑌾𑌨𑍍 𑌭𑍋𑌗𑌲𑍋𑌲𑍇
𑌤𑌾𑌰𑍍𑌕𑍍𑌷𑍍𑌯𑌂 𑌸𑌾𑌕𑍍𑌷𑌾𑌦𑍈𑌕𑍍𑌷𑌤𑌾𑌗𑍍𑌰𑍇 𑌕𑌦𑌾𑌚𑌿𑌤𑍍 ॥1॥

𑌤𑍍𑌵𑌦𑍍𑌵𑌾𑌹𑌂 𑌤𑌂 𑌸𑌕𑍍𑌷𑍁𑌧𑌂 𑌤𑍃𑌕𑍍𑌷𑌸𑍂𑌨𑍁𑌂
𑌮𑍀𑌨𑌂 𑌕𑌂𑌚𑌿𑌜𑍍𑌜𑌕𑍍𑌷𑌤𑌂 𑌲𑌕𑍍𑌷𑌯𑌨𑍍 𑌸𑌃 ।
𑌤𑌪𑍍𑌤𑌶𑍍𑌚𑌿𑌤𑍍𑌤𑍇 𑌶𑌪𑍍𑌤𑌵𑌾𑌨𑌤𑍍𑌰 𑌚𑍇𑌤𑍍𑌤𑍍𑌵𑌂
𑌜𑌂𑌤𑍂𑌨𑍍 𑌭𑍋𑌕𑍍𑌤𑌾 𑌜𑍀𑌵𑌿𑌤𑌂 𑌚𑌾𑌪𑌿 𑌮𑍋𑌕𑍍𑌤𑌾 ॥2॥

𑌤𑌸𑍍𑌮𑌿𑌨𑍍 𑌕𑌾𑌲𑍇 𑌕𑌾𑌲𑌿𑌯𑌃 𑌕𑍍𑌷𑍍𑌵𑍇𑌲𑌦𑌰𑍍𑌪𑌾𑌤𑍍
𑌸𑌰𑍍𑌪𑌾𑌰𑌾𑌤𑍇𑌃 𑌕𑌲𑍍𑌪𑌿𑌤𑌂 𑌭𑌾𑌗𑌮𑌶𑍍𑌨𑌨𑍍 ।
𑌤𑍇𑌨 𑌕𑍍𑌰𑍋𑌧𑌾𑌤𑍍𑌤𑍍𑌵𑌤𑍍𑌪𑌦𑌾𑌂𑌭𑍋𑌜𑌭𑌾𑌜𑌾
𑌪𑌕𑍍𑌷𑌕𑍍𑌷𑌿𑌪𑍍𑌤𑌸𑍍𑌤𑌦𑍍𑌦𑍁𑌰𑌾𑌪𑌂 𑌪𑌯𑍋𑌽𑌗𑌾𑌤𑍍 ॥3॥

𑌘𑍋𑌰𑍇 𑌤𑌸𑍍𑌮𑌿𑌨𑍍 𑌸𑍂𑌰𑌜𑌾𑌨𑍀𑌰𑌵𑌾𑌸𑍇
𑌤𑍀𑌰𑍇 𑌵𑍃𑌕𑍍𑌷𑌾 𑌵𑌿𑌕𑍍𑌷𑌤𑌾𑌃 𑌕𑍍𑌷𑍍𑌵𑍇𑌲𑌵𑍇𑌗𑌾𑌤𑍍 ।
𑌪𑌕𑍍𑌷𑌿𑌵𑍍𑌰𑌾𑌤𑌾𑌃 𑌪𑍇𑌤𑍁𑌰𑌭𑍍𑌰𑍇 𑌪𑌤𑌂𑌤𑌃
𑌕𑌾𑌰𑍁𑌣𑍍𑌯𑌾𑌰𑍍𑌦𑍍𑌰𑌂 𑌤𑍍𑌵𑌨𑍍𑌮𑌨𑌸𑍍𑌤𑍇𑌨 𑌜𑌾𑌤𑌮𑍍 ॥4॥

𑌕𑌾𑌲𑍇 𑌤𑌸𑍍𑌮𑌿𑌨𑍍𑌨𑍇𑌕𑌦𑌾 𑌸𑍀𑌰𑌪𑌾𑌣𑌿𑌂
𑌮𑍁𑌕𑍍𑌤𑍍𑌵𑌾 𑌯𑌾𑌤𑍇 𑌯𑌾𑌮𑍁𑌨𑌂 𑌕𑌾𑌨𑌨𑌾𑌂𑌤𑌮𑍍 ।
𑌤𑍍𑌵𑌯𑍍𑌯𑍁𑌦𑍍𑌦𑌾𑌮𑌗𑍍𑌰𑍀𑌷𑍍𑌮𑌭𑍀𑌷𑍍𑌮𑍋𑌷𑍍𑌮𑌤𑌪𑍍𑌤𑌾
𑌗𑍋𑌗𑍋𑌪𑌾𑌲𑌾 𑌵𑍍𑌯𑌾𑌪𑌿𑌬𑌨𑍍 𑌕𑍍𑌷𑍍𑌵𑍇𑌲𑌤𑍋𑌯𑌮𑍍 ॥5॥

𑌨𑌶𑍍𑌯𑌜𑍍𑌜𑍀𑌵𑌾𑌨𑍍 𑌵𑌿𑌚𑍍𑌯𑍁𑌤𑌾𑌨𑍍 𑌕𑍍𑌷𑍍𑌮𑌾𑌤𑌲𑍇 𑌤𑌾𑌨𑍍
𑌵𑌿𑌶𑍍𑌵𑌾𑌨𑍍 𑌪𑌶𑍍𑌯𑌨𑍍𑌨𑌚𑍍𑌯𑍁𑌤 𑌤𑍍𑌵𑌂 𑌦𑌯𑌾𑌰𑍍𑌦𑍍𑌰𑌃 ।
𑌪𑍍𑌰𑌾𑌪𑍍𑌯𑍋𑌪𑌾𑌂𑌤𑌂 𑌜𑍀𑌵𑌯𑌾𑌮𑌾𑌸𑌿𑌥 𑌦𑍍𑌰𑌾𑌕𑍍
𑌪𑍀𑌯𑍂𑌷𑌾𑌂𑌭𑍋𑌵𑌰𑍍𑌷𑌿𑌭𑌿𑌃 𑌶𑍍𑌰𑍀𑌕𑌟𑌕𑍍𑌷𑍈𑌃 ॥6॥

𑌕𑌿𑌂 𑌕𑌿𑌂 𑌜𑌾𑌤𑍋 𑌹𑌰𑍍𑌷𑌵𑌰𑍍𑌷𑌾𑌤𑌿𑌰𑍇𑌕𑌃
𑌸𑌰𑍍𑌵𑌾𑌂𑌗𑍇𑌷𑍍𑌵𑌿𑌤𑍍𑌯𑍁𑌤𑍍𑌥𑌿𑌤𑌾 𑌗𑍋𑌪𑌸𑌂𑌘𑌾𑌃 ।
𑌦𑍃𑌷𑍍𑌟𑍍𑌵𑌾𑌽𑌗𑍍𑌰𑍇 𑌤𑍍𑌵𑌾𑌂 𑌤𑍍𑌵𑌤𑍍𑌕𑍃𑌤𑌂 𑌤𑌦𑍍𑌵𑌿𑌦𑌂𑌤-
𑌸𑍍𑌤𑍍𑌵𑌾𑌮𑌾𑌲𑌿𑌂𑌗𑌨𑍍 𑌦𑍃𑌷𑍍𑌟𑌨𑌾𑌨𑌾𑌪𑍍𑌰𑌭𑌾𑌵𑌾𑌃 ॥𑍭॥

𑌗𑌾𑌵𑌶𑍍𑌚𑍈𑌵𑌂 𑌲𑌬𑍍𑌧𑌜𑍀𑌵𑌾𑌃 𑌕𑍍𑌷𑌣𑍇𑌨
𑌸𑍍𑌫𑍀𑌤𑌾𑌨𑌂𑌦𑌾𑌸𑍍𑌤𑍍𑌵𑌾𑌂 𑌚 𑌦𑍃𑌷𑍍𑌟𑍍𑌵𑌾 𑌪𑍁𑌰𑌸𑍍𑌤𑌾𑌤𑍍 ।
𑌦𑍍𑌰𑌾𑌗𑌾𑌵𑌵𑍍𑌰𑍁𑌃 𑌸𑌰𑍍𑌵𑌤𑍋 𑌹𑌰𑍍𑌷𑌬𑌾𑌷𑍍𑌪𑌂
𑌵𑍍𑌯𑌾𑌮𑍁𑌂𑌚𑌂𑌤𑍍𑌯𑍋 𑌮𑌂𑌦𑌮𑍁𑌦𑍍𑌯𑌨𑍍𑌨𑌿𑌨𑌾𑌦𑌾𑌃 ॥𑍮॥

𑌰𑍋𑌮𑌾𑌂𑌚𑍋𑌽𑌯𑌂 𑌸𑌰𑍍𑌵𑌤𑍋 𑌨𑌃 𑌶𑌰𑍀𑌰𑍇
𑌭𑍂𑌯𑌸𑍍𑌯𑌂𑌤𑌃 𑌕𑌾𑌚𑌿𑌦𑌾𑌨𑌂𑌦𑌮𑍂𑌰𑍍𑌛𑌾 ।
𑌆𑌶𑍍𑌚𑌰𑍍𑌯𑍋𑌽𑌯𑌂 𑌕𑍍𑌷𑍍𑌵𑍇𑌲𑌵𑍇𑌗𑍋 𑌮𑍁𑌕𑍁𑌂𑌦𑍇-
𑌤𑍍𑌯𑍁𑌕𑍍𑌤𑍋 𑌗𑍋𑌪𑍈𑌰𑍍𑌨𑌂𑌦𑌿𑌤𑍋 𑌵𑌂𑌦𑌿𑌤𑍋𑌽𑌭𑍂𑌃 ॥𑍯॥

𑌏𑌵𑌂 𑌭𑌕𑍍𑌤𑌾𑌨𑍍 𑌮𑍁𑌕𑍍𑌤𑌜𑍀𑌵𑌾𑌨𑌪𑌿 𑌤𑍍𑌵𑌂
𑌮𑍁𑌗𑍍𑌧𑌾𑌪𑌾𑌂𑌗𑍈𑌰𑌸𑍍𑌤𑌰𑍋𑌗𑌾𑌂𑌸𑍍𑌤𑌨𑍋𑌷𑌿 ।
𑌤𑌾𑌦𑍃𑌗𑍍𑌭𑍂𑌤𑌸𑍍𑌫𑍀𑌤𑌕𑌾𑌰𑍁𑌣𑍍𑌯𑌭𑍂𑌮𑌾
𑌰𑍋𑌗𑌾𑌤𑍍 𑌪𑌾𑌯𑌾 𑌵𑌾𑌯𑍁𑌗𑍇𑌹𑌾𑌧𑌿𑌵𑌾𑌸 ॥10॥

Browse Related Categories: