Narayaniyam Dashaka 19 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 1𑍯

𑌪𑍃𑌥𑍋𑌸𑍍𑌤𑍁 𑌨𑌪𑍍𑌤𑌾 𑌪𑍃𑌥𑍁𑌧𑌰𑍍𑌮𑌕𑌰𑍍𑌮𑌠𑌃
𑌪𑍍𑌰𑌾𑌚𑍀𑌨𑌬𑌰𑍍𑌹𑌿𑌰𑍍𑌯𑍁𑌵𑌤𑍌 𑌶𑌤𑌦𑍍𑌰𑍁𑌤𑍌 ।
𑌪𑍍𑌰𑌚𑍇𑌤𑌸𑍋 𑌨𑌾𑌮 𑌸𑍁𑌚𑍇𑌤𑌸𑌃 𑌸𑍁𑌤𑌾-
𑌨𑌜𑍀𑌜𑌨𑌤𑍍𑌤𑍍𑌵𑌤𑍍𑌕𑌰𑍁𑌣𑌾𑌂𑌕𑍁𑌰𑌾𑌨𑌿𑌵 ॥1॥

𑌪𑌿𑌤𑍁𑌃 𑌸𑌿𑌸𑍃𑌕𑍍𑌷𑌾𑌨𑌿𑌰𑌤𑌸𑍍𑌯 𑌶𑌾𑌸𑌨𑌾𑌦𑍍-
𑌭𑌵𑌤𑍍𑌤𑌪𑌸𑍍𑌯𑌾𑌭𑌿𑌰𑌤𑌾 𑌦𑌶𑌾𑌪𑌿 𑌤𑍇
𑌪𑌯𑍋𑌨𑌿𑌧𑌿𑌂 𑌪𑌶𑍍𑌚𑌿𑌮𑌮𑍇𑌤𑍍𑌯 𑌤𑌤𑍍𑌤𑌟𑍇
𑌸𑌰𑍋𑌵𑌰𑌂 𑌸𑌂𑌦𑌦𑍃𑌶𑍁𑌰𑍍𑌮𑌨𑍋𑌹𑌰𑌮𑍍 ॥2॥

𑌤𑌦𑌾 𑌭𑌵𑌤𑍍𑌤𑍀𑌰𑍍𑌥𑌮𑌿𑌦𑌂 𑌸𑌮𑌾𑌗𑌤𑍋
𑌭𑌵𑍋 𑌭𑌵𑌤𑍍𑌸𑍇𑌵𑌕𑌦𑌰𑍍𑌶𑌨𑌾𑌦𑍃𑌤𑌃 ।
𑌪𑍍𑌰𑌕𑌾𑌶𑌮𑌾𑌸𑌾𑌦𑍍𑌯 𑌪𑍁𑌰𑌃 𑌪𑍍𑌰𑌚𑍇𑌤𑌸𑌾-
𑌮𑍁𑌪𑌾𑌦𑌿𑌶𑌤𑍍 𑌭𑌕𑍍𑌤𑌤𑌮𑌸𑍍𑌤𑌵 𑌸𑍍𑌤𑌵𑌮𑍍 ॥3॥

𑌸𑍍𑌤𑌵𑌂 𑌜𑌪𑌂𑌤𑌸𑍍𑌤𑌮𑌮𑍀 𑌜𑌲𑌾𑌂𑌤𑌰𑍇
𑌭𑌵𑌂𑌤𑌮𑌾𑌸𑍇𑌵𑌿𑌷𑌤𑌾𑌯𑍁𑌤𑌂 𑌸𑌮𑌾𑌃 ।
𑌭𑌵𑌤𑍍𑌸𑍁𑌖𑌾𑌸𑍍𑌵𑌾𑌦𑌰𑌸𑌾𑌦𑌮𑍀𑌷𑍍𑌵𑌿𑌯𑌾𑌨𑍍
𑌬𑌭𑍂𑌵 𑌕𑌾𑌲𑍋 𑌧𑍍𑌰𑍁𑌵𑌵𑌨𑍍𑌨 𑌶𑍀𑌘𑍍𑌰𑌤𑌾 ॥4॥

𑌤𑌪𑍋𑌭𑌿𑌰𑍇𑌷𑌾𑌮𑌤𑌿𑌮𑌾𑌤𑍍𑌰𑌵𑌰𑍍𑌧𑌿𑌭𑌿𑌃
𑌸 𑌯𑌜𑍍𑌞𑌹𑌿𑌂𑌸𑌾𑌨𑌿𑌰𑌤𑍋𑌽𑌪𑌿 𑌪𑌾𑌵𑌿𑌤𑌃 ।
𑌪𑌿𑌤𑌾𑌽𑌪𑌿 𑌤𑍇𑌷𑌾𑌂 𑌗𑍃𑌹𑌯𑌾𑌤𑌨𑌾𑌰𑌦-
𑌪𑍍𑌰𑌦𑌰𑍍𑌶𑌿𑌤𑌾𑌤𑍍𑌮𑌾 𑌭𑌵𑌦𑌾𑌤𑍍𑌮𑌤𑌾𑌂 𑌯𑌯𑍌 ॥5॥

𑌕𑍃𑌪𑌾𑌬𑌲𑍇𑌨𑍈𑌵 𑌪𑍁𑌰𑌃 𑌪𑍍𑌰𑌚𑍇𑌤𑌸𑌾𑌂
𑌪𑍍𑌰𑌕𑌾𑌶𑌮𑌾𑌗𑌾𑌃 𑌪𑌤𑌗𑍇𑌂𑌦𑍍𑌰𑌵𑌾𑌹𑌨𑌃 ।
𑌵𑌿𑌰𑌾𑌜𑌿 𑌚𑌕𑍍𑌰𑌾𑌦𑌿𑌵𑌰𑌾𑌯𑍁𑌧𑌾𑌂𑌶𑍁𑌭𑌿-
𑌰𑍍𑌭𑍁𑌜𑌾𑌭𑌿𑌰𑌷𑍍𑌟𑌾𑌭𑌿𑌰𑍁𑌦𑌂𑌚𑌿𑌤𑌦𑍍𑌯𑍁𑌤𑌿𑌃 ॥6॥

𑌪𑍍𑌰𑌚𑍇𑌤𑌸𑌾𑌂 𑌤𑌾𑌵𑌦𑌯𑌾𑌚𑌤𑌾𑌮𑌪𑌿
𑌤𑍍𑌵𑌮𑍇𑌵 𑌕𑌾𑌰𑍁𑌣𑍍𑌯𑌭𑌰𑌾𑌦𑍍𑌵𑌰𑌾𑌨𑌦𑌾𑌃 ।
𑌭𑌵𑌦𑍍𑌵𑌿𑌚𑌿𑌂𑌤𑌾𑌽𑌪𑌿 𑌶𑌿𑌵𑌾𑌯 𑌦𑍇𑌹𑌿𑌨𑌾𑌂
𑌭𑌵𑌤𑍍𑌵𑌸𑍌 𑌰𑍁𑌦𑍍𑌰𑌨𑍁𑌤𑌿𑌶𑍍𑌚 𑌕𑌾𑌮𑌦𑌾 ॥𑍭॥

𑌅𑌵𑌾𑌪𑍍𑌯 𑌕𑌾𑌂𑌤𑌾𑌂 𑌤𑌨𑌯𑌾𑌂 𑌮𑌹𑍀𑌰𑍁𑌹𑌾𑌂
𑌤𑌯𑌾 𑌰𑌮𑌧𑍍𑌵𑌂 𑌦𑌶𑌲𑌕𑍍𑌷𑌵𑌤𑍍𑌸𑌰𑍀𑌮𑍍 ।
𑌸𑍁𑌤𑍋𑌽𑌸𑍍𑌤𑍁 𑌦𑌕𑍍𑌷𑍋 𑌨𑌨𑍁 𑌤𑌤𑍍𑌕𑍍𑌷𑌣𑌾𑌚𑍍𑌚 𑌮𑌾𑌂
𑌪𑍍𑌰𑌯𑌾𑌸𑍍𑌯𑌥𑍇𑌤𑌿 𑌨𑍍𑌯𑌗𑌦𑍋 𑌮𑍁𑌦𑍈𑌵 𑌤𑌾𑌨𑍍 ॥𑍮॥

𑌤𑌤𑌶𑍍𑌚 𑌤𑍇 𑌭𑍂𑌤𑌲𑌰𑍋𑌧𑌿𑌨𑌸𑍍𑌤𑌰𑍂𑌨𑍍
𑌕𑍍𑌰𑍁𑌧𑌾 𑌦𑌹𑌂𑌤𑍋 𑌦𑍍𑌰𑍁𑌹𑌿𑌣𑍇𑌨 𑌵𑌾𑌰𑌿𑌤𑌾𑌃 ।
𑌦𑍍𑌰𑍁𑌮𑍈𑌶𑍍𑌚 𑌦𑌤𑍍𑌤𑌾𑌂 𑌤𑌨𑌯𑌾𑌮𑌵𑌾𑌪𑍍𑌯 𑌤𑌾𑌂
𑌤𑍍𑌵𑌦𑍁𑌕𑍍𑌤𑌕𑌾𑌲𑌂 𑌸𑍁𑌖𑌿𑌨𑍋𑌽𑌭𑌿𑌰𑍇𑌮𑌿𑌰𑍇 ॥𑍯॥

𑌅𑌵𑌾𑌪𑍍𑌯 𑌦𑌕𑍍𑌷𑌂 𑌚 𑌸𑍁𑌤𑌂 𑌕𑍃𑌤𑌾𑌧𑍍𑌵𑌰𑌾𑌃
𑌪𑍍𑌰𑌚𑍇𑌤𑌸𑍋 𑌨𑌾𑌰𑌦𑌲𑌬𑍍𑌧𑌯𑌾 𑌧𑌿𑌯𑌾 ।
𑌅𑌵𑌾𑌪𑍁𑌰𑌾𑌨𑌂𑌦𑌪𑌦𑌂 𑌤𑌥𑌾𑌵𑌿𑌧-
𑌸𑍍𑌤𑍍𑌵𑌮𑍀𑌶 𑌵𑌾𑌤𑌾𑌲𑌯𑌨𑌾𑌥 𑌪𑌾𑌹𑌿 𑌮𑌾𑌮𑍍 ॥10॥

Browse Related Categories: