Narayaniyam Dashaka 11 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 11

𑌕𑍍𑌰𑌮𑍇𑌣 𑌸𑌰𑍍𑌗𑍇 𑌪𑌰𑌿𑌵𑌰𑍍𑌧𑌮𑌾𑌨𑍇
𑌕𑌦𑌾𑌪𑌿 𑌦𑌿𑌵𑍍𑌯𑌾𑌃 𑌸𑌨𑌕𑌾𑌦𑌯𑌸𑍍𑌤𑍇 ।
𑌭𑌵𑌦𑍍𑌵𑌿𑌲𑍋𑌕𑌾𑌯 𑌵𑌿𑌕𑍁𑌂𑌠𑌲𑍋𑌕𑌂
𑌪𑍍𑌰𑌪𑍇𑌦𑌿𑌰𑍇 𑌮𑌾𑌰𑍁𑌤𑌮𑌂𑌦𑌿𑌰𑍇𑌶 ॥1॥

𑌮𑌨𑍋𑌜𑍍𑌞𑌨𑍈𑌶𑍍𑌰𑍇𑌯𑌸𑌕𑌾𑌨𑌨𑌾𑌦𑍍𑌯𑍈-
𑌰𑌨𑍇𑌕𑌵𑌾𑌪𑍀𑌮𑌣𑌿𑌮𑌂𑌦𑌿𑌰𑍈𑌶𑍍𑌚 ।
𑌅𑌨𑍋𑌪𑌮𑌂 𑌤𑌂 𑌭𑌵𑌤𑍋 𑌨𑌿𑌕𑍇𑌤𑌂
𑌮𑍁𑌨𑍀𑌶𑍍𑌵𑌰𑌾𑌃 𑌪𑍍𑌰𑌾𑌪𑍁𑌰𑌤𑍀𑌤𑌕𑌕𑍍𑌷𑍍𑌯𑌾𑌃 ॥2॥

𑌭𑌵𑌦𑍍𑌦𑌿𑌦𑍍𑌦𑍃𑌕𑍍𑌷𑍂𑌨𑍍𑌭𑌵𑌨𑌂 𑌵𑌿𑌵𑌿𑌕𑍍𑌷𑍂𑌨𑍍
𑌦𑍍𑌵𑌾𑌃𑌸𑍍𑌥𑍌 𑌜𑌯𑌸𑍍𑌤𑌾𑌨𑍍 𑌵𑌿𑌜𑌯𑍋𑌽𑌪𑍍𑌯𑌰𑍁𑌂𑌧𑌾𑌮𑍍 ।
𑌤𑍇𑌷𑌾𑌂 𑌚 𑌚𑌿𑌤𑍍𑌤𑍇 𑌪𑌦𑌮𑌾𑌪 𑌕𑍋𑌪𑌃
𑌸𑌰𑍍𑌵𑌂 𑌭𑌵𑌤𑍍𑌪𑍍𑌰𑍇𑌰𑌣𑌯𑍈𑌵 𑌭𑍂𑌮𑌨𑍍 ॥3॥

𑌵𑍈𑌕𑍁𑌂𑌠𑌲𑍋𑌕𑌾𑌨𑍁𑌚𑌿𑌤𑌪𑍍𑌰𑌚𑍇𑌷𑍍𑌟𑍌
𑌕𑌷𑍍𑌟𑍌 𑌯𑍁𑌵𑌾𑌂 𑌦𑍈𑌤𑍍𑌯𑌗𑌤𑌿𑌂 𑌭𑌜𑍇𑌤𑌮𑍍 ।
𑌇𑌤𑌿 𑌪𑍍𑌰𑌶𑌪𑍍𑌤𑍌 𑌭𑌵𑌦𑌾𑌶𑍍𑌰𑌯𑍌 𑌤𑍌
𑌹𑌰𑌿𑌸𑍍𑌮𑍃𑌤𑌿𑌰𑍍𑌨𑍋𑌽𑌸𑍍𑌤𑍍𑌵𑌿𑌤𑌿 𑌨𑍇𑌮𑌤𑍁𑌸𑍍𑌤𑌾𑌨𑍍 ॥4॥

𑌤𑌦𑍇𑌤𑌦𑌾𑌜𑍍𑌞𑌾𑌯 𑌭𑌵𑌾𑌨𑌵𑌾𑌪𑍍𑌤𑌃
𑌸𑌹𑍈𑌵 𑌲𑌕𑍍𑌷𑍍𑌮𑍍𑌯𑌾 𑌬𑌹𑌿𑌰𑌂𑌬𑍁𑌜𑌾𑌕𑍍𑌷 ।
𑌖𑌗𑍇𑌶𑍍𑌵𑌰𑌾𑌂𑌸𑌾𑌰𑍍𑌪𑌿𑌤𑌚𑌾𑌰𑍁𑌬𑌾𑌹𑍁-
𑌰𑌾𑌨𑌂𑌦𑌯𑌂𑌸𑍍𑌤𑌾𑌨𑌭𑌿𑌰𑌾𑌮𑌮𑍂𑌰𑍍𑌤𑍍𑌯𑌾 ॥5॥

𑌪𑍍𑌰𑌸𑌾𑌦𑍍𑌯 𑌗𑍀𑌰𑍍𑌭𑌿𑌃 𑌸𑍍𑌤𑍁𑌵𑌤𑍋 𑌮𑍁𑌨𑍀𑌂𑌦𑍍𑌰𑌾-
𑌨𑌨𑌨𑍍𑌯𑌨𑌾𑌥𑌾𑌵𑌥 𑌪𑌾𑌰𑍍𑌷𑌦𑍌 𑌤𑍌 ।
𑌸𑌂𑌰𑌂𑌭𑌯𑍋𑌗𑍇𑌨 𑌭𑌵𑍈𑌸𑍍𑌤𑍍𑌰𑌿𑌭𑌿𑌰𑍍𑌮𑌾-
𑌮𑍁𑌪𑍇𑌤𑌮𑌿𑌤𑍍𑌯𑌾𑌤𑍍𑌤𑌕𑍃𑌪𑌂 𑌨𑍍𑌯𑌗𑌾𑌦𑍀𑌃 ॥6॥

𑌤𑍍𑌵𑌦𑍀𑌯𑌭𑍃𑌤𑍍𑌯𑌾𑌵𑌥 𑌕𑌾𑌶𑍍𑌯𑌪𑌾𑌤𑍍𑌤𑍌
𑌸𑍁𑌰𑌾𑌰𑌿𑌵𑍀𑌰𑌾𑌵𑍁𑌦𑌿𑌤𑍌 𑌦𑌿𑌤𑍌 𑌦𑍍𑌵𑍌 ।
𑌸𑌂𑌧𑍍𑌯𑌾𑌸𑌮𑍁𑌤𑍍𑌪𑌾𑌦𑌨𑌕𑌷𑍍𑌟𑌚𑍇𑌷𑍍𑌟𑍌
𑌯𑌮𑍌 𑌚 𑌲𑍋𑌕𑌸𑍍𑌯 𑌯𑌮𑌾𑌵𑌿𑌵𑌾𑌨𑍍𑌯𑍌 ॥𑍭॥

𑌹𑌿𑌰𑌣𑍍𑌯𑌪𑍂𑌰𑍍𑌵𑌃 𑌕𑌶𑌿𑌪𑍁𑌃 𑌕𑌿𑌲𑍈𑌕𑌃
𑌪𑌰𑍋 𑌹𑌿𑌰𑌣𑍍𑌯𑌾𑌕𑍍𑌷 𑌇𑌤𑌿 𑌪𑍍𑌰𑌤𑍀𑌤𑌃 ।
𑌉𑌭𑍌 𑌭𑌵𑌨𑍍𑌨𑌾𑌥𑌮𑌶𑍇𑌷𑌲𑍋𑌕𑌂
𑌰𑍁𑌷𑌾 𑌨𑍍𑌯𑌰𑍁𑌂𑌧𑌾𑌂 𑌨𑌿𑌜𑌵𑌾𑌸𑌨𑌾𑌂𑌧𑍌 ॥𑍮॥

𑌤𑌯𑍋𑌰𑍍𑌹𑌿𑌰𑌣𑍍𑌯𑌾𑌕𑍍𑌷𑌮𑌹𑌾𑌸𑍁𑌰𑍇𑌂𑌦𑍍𑌰𑍋
𑌰𑌣𑌾𑌯 𑌧𑌾𑌵𑌨𑍍𑌨𑌨𑌵𑌾𑌪𑍍𑌤𑌵𑍈𑌰𑍀 ।
𑌭𑌵𑌤𑍍𑌪𑍍𑌰𑌿𑌯𑌾𑌂 𑌕𑍍𑌷𑍍𑌮𑌾𑌂 𑌸𑌲𑌿𑌲𑍇 𑌨𑌿𑌮𑌜𑍍𑌯
𑌚𑌚𑌾𑌰 𑌗𑌰𑍍𑌵𑌾𑌦𑍍𑌵𑌿𑌨𑌦𑌨𑍍 𑌗𑌦𑌾𑌵𑌾𑌨𑍍 ॥𑍯॥

𑌤𑌤𑍋 𑌜𑌲𑍇𑌶𑌾𑌤𑍍 𑌸𑌦𑍃𑌶𑌂 𑌭𑌵𑌂𑌤𑌂
𑌨𑌿𑌶𑌮𑍍𑌯 𑌬𑌭𑍍𑌰𑌾𑌮 𑌗𑌵𑍇𑌷𑌯𑌂𑌸𑍍𑌤𑍍𑌵𑌾𑌮𑍍 ।
𑌭𑌕𑍍𑌤𑍈𑌕𑌦𑍃𑌶𑍍𑌯𑌃 𑌸 𑌕𑍃𑌪𑌾𑌨𑌿𑌧𑍇 𑌤𑍍𑌵𑌂
𑌨𑌿𑌰𑍁𑌂𑌧𑌿 𑌰𑍋𑌗𑌾𑌨𑍍 𑌮𑌰𑍁𑌦𑌾𑌲𑌯𑍇𑌶 ॥10।

Browse Related Categories: