𑌨𑌾𑌮𑌸𑍍𑌮𑌰𑌣𑌾𑌦𑌨𑍍𑌯𑍋𑌪𑌾𑌯𑌂 𑌨 𑌹𑌿 𑌪𑌶𑍍𑌯𑌾𑌮𑍋 𑌭𑌵𑌤𑌰𑌣𑍇 ।
𑌰𑌾𑌮 𑌹𑌰𑍇 𑌕𑍃𑌷𑍍𑌣 𑌹𑌰𑍇 𑌤𑌵 𑌨𑌾𑌮 𑌵𑌦𑌾𑌮𑌿 𑌸𑌦𑌾 𑌨𑍃𑌹𑌰𑍇 ॥
𑌵𑍇𑌦𑍋𑌦𑍍𑌧𑌾𑌰𑌵𑌿𑌚𑌾𑌰𑌮𑌤𑍇 𑌸𑍋𑌮𑌕𑌦𑌾𑌨𑌵𑌸𑌂𑌹𑌰𑌣𑍇 ।
𑌮𑍀𑌨𑌾𑌕𑌾𑌰𑌶𑌰𑍀𑌰 𑌨𑌮𑍋 𑌭𑌕𑍍𑌤𑌂 𑌤𑍇 𑌪𑌰𑌿𑌪𑌾𑌲𑌯 𑌮𑌾𑌮𑍍 ॥ 1 ॥
𑌮𑌂𑌥𑌾𑌨𑌾𑌚𑌲𑌧𑌾𑌰𑌣𑌹𑍇𑌤𑍋 𑌦𑍇𑌵𑌾𑌸𑍁𑌰 𑌪𑌰𑌿𑌪𑌾𑌲 𑌵𑌿𑌭𑍋 ।
𑌕𑍂𑌰𑍍𑌮𑌾𑌕𑌾𑌰𑌶𑌰𑍀𑌰 𑌨𑌮𑍋 𑌭𑌕𑍍𑌤𑌂 𑌤𑍇 𑌪𑌰𑌿𑌪𑌾𑌲𑌯 𑌮𑌾𑌮𑍍 ॥ 2 ॥
𑌭𑍂𑌚𑍋𑌰𑌕𑌹𑌰 𑌪𑍁𑌣𑍍𑌯𑌮𑌤𑍇 𑌕𑍍𑌰𑍀𑌡𑍋𑌦𑍍𑌧𑍃𑌤𑌭𑍂𑌦𑍇𑌵𑌹𑌰𑍇 ।
𑌕𑍍𑌰𑍋𑌡𑌾𑌕𑌾𑌰𑌶𑌰𑍀𑌰 𑌨𑌮𑍋 𑌭𑌕𑍍𑌤𑌂 𑌤𑍇 𑌪𑌰𑌿𑌪𑌾𑌲𑌯 𑌮𑌾𑌮𑍍 ॥ 3 ॥
𑌹𑌿𑌰𑌣𑍍𑌯𑌕𑌶𑌿𑌪𑍁𑌚𑍍𑌛𑍇𑌦𑌨𑌹𑍇𑌤𑍋 𑌪𑍍𑌰𑌹𑍍𑌲𑌾𑌦𑌾𑌽𑌭𑌯𑌧𑌾𑌰𑌣𑌹𑍇𑌤𑍋 ।
𑌨𑌰𑌸𑌿𑌂𑌹𑌾𑌚𑍍𑌯𑍁𑌤𑌰𑍂𑌪 𑌨𑌮𑍋 𑌭𑌕𑍍𑌤𑌂 𑌤𑍇 𑌪𑌰𑌿𑌪𑌾𑌲𑌯 𑌮𑌾𑌮𑍍 ॥ 4 ॥
𑌭𑌵𑌬𑌂𑌧𑌨𑌹𑌰 𑌵𑌿𑌤𑌤𑌮𑌤𑍇 𑌪𑌾𑌦𑍋𑌦𑌕𑌵𑌿𑌹𑌤𑌾𑌘𑌤𑌤𑍇 ।
𑌵𑌟𑍁𑌪𑌟𑍁𑌵𑍇𑌷𑌮𑌨𑍋𑌜𑍍𑌞 𑌨𑌮𑍋 𑌭𑌕𑍍𑌤𑌂 𑌤𑍇 𑌪𑌰𑌿𑌪𑌾𑌲𑌯 𑌮𑌾𑌮𑍍 ॥ 5 ॥
𑌕𑍍𑌷𑌿𑌤𑌿𑌪𑌤𑌿𑌵𑌂𑌶𑌕𑍍𑌷𑌯𑌕𑌰𑌮𑍂𑌰𑍍𑌤𑍇 𑌕𑍍𑌷𑌿𑌤𑌿𑌪𑌤𑌿𑌕𑌰𑍍𑌤𑌾𑌹𑌰𑌮𑍂𑌰𑍍𑌤𑍇 ।
𑌭𑍃𑌗𑍁𑌕𑍁𑌲𑌰𑌾𑌮 𑌪𑌰𑍇𑌶 𑌨𑌮𑍋 𑌭𑌕𑍍𑌤𑌂 𑌤𑍇 𑌪𑌰𑌿𑌪𑌾𑌲𑌯 𑌮𑌾𑌮𑍍 ॥ 6 ॥
𑌸𑍀𑌤𑌾𑌵𑌲𑍍𑌲𑌭 𑌦𑌾𑌶𑌰𑌥𑍇 𑌦𑌶𑌰𑌥𑌨𑌂𑌦𑌨 𑌲𑍋𑌕𑌗𑍁𑌰𑍋 ।
𑌰𑌾𑌵𑌣𑌮𑌰𑍍𑌦𑌨 𑌰𑌾𑌮 𑌨𑌮𑍋 𑌭𑌕𑍍𑌤𑌂 𑌤𑍇 𑌪𑌰𑌿𑌪𑌾𑌲𑌯 𑌮𑌾𑌮𑍍 ॥ ॥
𑌕𑍃𑌷𑍍𑌣𑌾𑌨𑌂𑌤 𑌕𑍃𑌪𑌾𑌜𑌲𑌧𑍇 𑌕𑌂𑌸𑌾𑌰𑍇 𑌕𑌮𑌲𑍇𑌶 𑌹𑌰𑍇 ।
𑌕𑌾𑌳𑌿𑌯𑌮𑌰𑍍𑌦𑌨 𑌲𑍋𑌕𑌗𑍁𑌰𑍋 𑌭𑌕𑍍𑌤𑌂 𑌤𑍇 𑌪𑌰𑌿𑌪𑌾𑌲𑌯 𑌮𑌾𑌮𑍍 ॥ ॥
𑌦𑌾𑌨𑌵𑌸𑌤𑌿𑌮𑌾𑌨𑌾𑌪𑌹𑌰 𑌤𑍍𑌰𑌿𑌪𑍁𑌰𑌵𑌿𑌜𑌯𑌮𑌰𑍍𑌦𑌨𑌰𑍂𑌪 ।
𑌬𑍁𑌦𑍍𑌧𑌜𑍍𑌞𑌾𑌯 𑌚 𑌬𑍌𑌦𑍍𑌧 𑌨𑌮𑍋 𑌭𑌕𑍍𑌤𑌂 𑌤𑍇 𑌪𑌰𑌿𑌪𑌾𑌲𑌯 𑌮𑌾𑌮𑍍 ॥ ॥
𑌶𑌿𑌷𑍍𑌟𑌜𑌨𑌾𑌵𑌨 𑌦𑍁𑌷𑍍𑌟𑌹𑌰 𑌖𑌗𑌤𑍁𑌰𑌗𑍋𑌤𑍍𑌤𑌮𑌵𑌾𑌹𑌨 𑌤𑍇 ।
𑌕𑌲𑍍𑌕𑌿𑌰𑍂𑌪𑌪𑌰𑌿𑌪𑌾𑌲 𑌨𑌮𑍋 𑌭𑌕𑍍𑌤𑌂 𑌤𑍇 𑌪𑌰𑌿𑌪𑌾𑌲𑌯 𑌮𑌾𑌮𑍍 ॥ 10 ॥
𑌨𑌾𑌮𑌸𑍍𑌮𑌰𑌣𑌾𑌦𑌨𑍍𑌯𑍋𑌪𑌾𑌯𑌂 𑌨 𑌹𑌿 𑌪𑌶𑍍𑌯𑌾𑌮𑍋 𑌭𑌵𑌤𑌰𑌣𑍇 ।
𑌰𑌾𑌮 𑌹𑌰𑍇 𑌕𑍃𑌷𑍍𑌣 𑌹𑌰𑍇 𑌤𑌵 𑌨𑌾𑌮 𑌵𑌦𑌾𑌮𑌿 𑌸𑌦𑌾 𑌨𑍃𑌹𑌰𑍇 ॥
𑌇𑌤𑌿 𑌦𑌶𑌾𑌵𑌤𑌾𑌰 𑌸𑍍𑌤𑍁𑌤𑌿𑌃 ।
