Sri Venkateswara Prapatti - Grantha

𑌈𑌶𑌾𑌨𑌾𑌂 𑌜𑌗𑌤𑍋𑌽𑌸𑍍𑌯 𑌵𑍇𑌂𑌕𑌟𑌪𑌤𑍇 𑌰𑍍𑌵𑌿𑌷𑍍𑌣𑍋𑌃 𑌪𑌰𑌾𑌂 𑌪𑍍𑌰𑍇𑌯𑌸𑍀𑌂
𑌤𑌦𑍍𑌵𑌕𑍍𑌷𑌃𑌸𑍍𑌥𑌲 𑌨𑌿𑌤𑍍𑌯𑌵𑌾𑌸𑌰𑌸𑌿𑌕𑌾𑌂 𑌤𑌤𑍍-𑌕𑍍𑌷𑌾𑌂𑌤𑌿 𑌸𑌂𑌵𑌰𑍍𑌧𑌿𑌨𑍀𑌮𑍍 ।
𑌪𑌦𑍍𑌮𑌾𑌲𑌂𑌕𑍃𑌤 𑌪𑌾𑌣𑌿𑌪𑌲𑍍𑌲𑌵𑌯𑍁𑌗𑌾𑌂 𑌪𑌦𑍍𑌮𑌾𑌸𑌨𑌸𑍍𑌥𑌾𑌂 𑌶𑍍𑌰𑌿𑌯𑌂
𑌵𑌾𑌤𑍍𑌸𑌲𑍍𑌯𑌾𑌦𑌿 𑌗𑍁𑌣𑍋𑌜𑍍𑌜𑍍𑌵𑌲𑌾𑌂 𑌭𑌗𑌵𑌤𑍀𑌂 𑌵𑌂𑌦𑍇 𑌜𑌗𑌨𑍍𑌮𑌾𑌤𑌰𑌮𑍍 ॥

𑌶𑍍𑌰𑍀𑌮𑌨𑍍 𑌕𑍃𑌪𑌾𑌜𑌲𑌨𑌿𑌧𑍇 𑌕𑍃𑌤𑌸𑌰𑍍𑌵𑌲𑍋𑌕
𑌸𑌰𑍍𑌵𑌜𑍍𑌞 𑌶𑌕𑍍𑌤 𑌨𑌤𑌵𑌤𑍍𑌸𑌲 𑌸𑌰𑍍𑌵𑌶𑍇𑌷𑌿𑌨𑍍 ।
𑌸𑍍𑌵𑌾𑌮𑌿𑌨𑍍 𑌸𑍁𑌶𑍀𑌲 𑌸𑍁𑌲 𑌭𑌾𑌶𑍍𑌰𑌿𑌤 𑌪𑌾𑌰𑌿𑌜𑌾𑌤
𑌶𑍍𑌰𑍀𑌵𑍇𑌂𑌕𑌟𑍇𑌶𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 2 ॥

𑌆𑌨𑍂𑌪𑍁𑌰𑌾𑌰𑍍𑌚𑌿𑌤 𑌸𑍁𑌜𑌾𑌤 𑌸𑍁𑌗𑌂𑌧𑌿 𑌪𑍁𑌷𑍍𑌪
𑌸𑍌𑌰𑌭𑍍𑌯 𑌸𑍌𑌰𑌭𑌕𑌰𑍌 𑌸𑌮𑌸𑌨𑍍𑌨𑌿𑌵𑍇𑌶𑍌 ।
𑌸𑍌𑌮𑍍𑌯𑍌 𑌸𑌦𑌾𑌨𑍁𑌭𑌨𑍇𑌽𑌪𑌿 𑌨𑌵𑌾𑌨𑍁𑌭𑌾𑌵𑍍𑌯𑍌
𑌶𑍍𑌰𑍀𑌵𑍇𑌂𑌕𑌟𑍇𑌶 𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 3 ॥

𑌸𑌦𑍍𑌯𑍋𑌵𑌿𑌕𑌾𑌸𑌿 𑌸𑌮𑍁𑌦𑌿𑌤𑍍𑌤𑍍𑌵𑌰 𑌸𑌾𑌂𑌦𑍍𑌰𑌰𑌾𑌗
𑌸𑍌𑌰𑌭𑍍𑌯𑌨𑌿𑌰𑍍𑌭𑌰 𑌸𑌰𑍋𑌰𑍁𑌹 𑌸𑌾𑌮𑍍𑌯𑌵𑌾𑌰𑍍𑌤𑌾𑌮𑍍 ।
𑌸𑌮𑍍𑌯𑌕𑍍𑌷𑍁 𑌸𑌾𑌹𑌸𑌪𑌦𑍇𑌷𑍁 𑌵𑌿𑌲𑍇𑌖𑌯𑌂𑌤𑍌
𑌶𑍍𑌰𑍀𑌵𑍇𑌂𑌕𑌟𑍇𑌶 𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 4 ॥

𑌰𑍇𑌖𑌾𑌮𑌯 𑌧𑍍𑌵𑌜 𑌸𑍁𑌧𑌾𑌕𑌲𑌶𑌾𑌤𑌪𑌤𑍍𑌰
𑌵𑌜𑍍𑌰𑌾𑌂𑌕𑍁𑌶𑌾𑌂𑌬𑍁𑌰𑍁𑌹 𑌕𑌲𑍍𑌪𑌕 𑌶𑌂𑌖𑌚𑌕𑍍𑌰𑍈𑌃 ।
𑌭𑌵𑍍𑌯𑍈𑌰𑌲𑌂𑌕𑍃𑌤𑌤𑌲𑍌 𑌪𑌰𑌤𑌤𑍍𑌤𑍍𑌵 𑌚𑌿𑌹𑍍𑌨𑍈𑌃
𑌶𑍍𑌰𑍀𑌵𑍇𑌂𑌕𑌟𑍇𑌶 𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 5 ॥

𑌤𑌾𑌮𑍍𑌰𑍋𑌦𑌰𑌦𑍍𑌯𑍁𑌤𑌿 𑌪𑌰𑌾𑌜𑌿𑌤 𑌪𑌦𑍍𑌮𑌰𑌾𑌗𑍌
𑌬𑌾𑌹𑍍𑌯𑍈𑌰𑍍-𑌮𑌹𑍋𑌭𑌿 𑌰𑌭𑌿𑌭𑍂𑌤 𑌮𑌹𑍇𑌂𑌦𑍍𑌰𑌨𑍀𑌲𑍌 ।
𑌉𑌦𑍍𑌯 𑌨𑍍𑌨𑌖𑌾𑌂𑌶𑍁𑌭𑌿 𑌰𑍁𑌦𑌸𑍍𑌤 𑌶𑌶𑌾𑌂𑌕 𑌭𑌾𑌸𑍌
𑌶𑍍𑌰𑍀𑌵𑍇𑌂𑌕𑌟𑍇𑌶 𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 6 ॥

𑌸 𑌪𑍍𑌰𑍇𑌮𑌭𑍀𑌤𑌿 𑌕𑌮𑌲𑌾𑌕𑌰 𑌪𑌲𑍍𑌲𑌵𑌾𑌭𑍍𑌯𑌾𑌂
𑌸𑌂𑌵𑌾𑌹𑌨𑍇𑌽𑌪𑌿 𑌸𑌪𑌦𑌿 𑌕𑍍𑌲𑌮 𑌮𑌾𑌧𑌧𑌾𑌨𑍌 ।
𑌕𑌾𑌂𑌤𑌾 𑌨𑌵𑌾𑌙𑍍𑌮𑌾𑌨𑌸 𑌗𑍋𑌚𑌰 𑌸𑍌𑌕𑍁𑌮𑌾𑌰𑍍𑌯𑍌
𑌶𑍍𑌰𑍀𑌵𑍇𑌂𑌕𑌟𑍇𑌶 𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 𑍭 ॥

𑌲𑌕𑍍𑌷𑍍𑌮𑍀 𑌮𑌹𑍀 𑌤𑌦𑌨𑍁𑌰𑍂𑌪 𑌨𑌿𑌜𑌾𑌨𑍁𑌭𑌾𑌵
𑌨𑍀𑌲𑌾𑌦𑌿 𑌦𑌿𑌵𑍍𑌯 𑌮𑌹𑌿𑌷𑍀 𑌕𑌰𑌪𑌲𑍍𑌲𑌵𑌾𑌨𑌾𑌮𑍍 ।
𑌆𑌰𑍁𑌣𑍍𑌯 𑌸𑌂𑌕𑍍𑌰𑌮𑌣𑌤𑌃 𑌕𑌿𑌲 𑌸𑌾𑌂𑌦𑍍𑌰𑌰𑌾𑌗𑍌
𑌶𑍍𑌰𑍀𑌵𑍇𑌂𑌕𑌟𑍇𑌶 𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 𑍮 ॥

𑌨𑌿𑌤𑍍𑌯𑌾𑌨𑌮𑌦𑍍𑌵𑌿𑌧𑌿 𑌶𑌿𑌵𑌾𑌦𑌿 𑌕𑌿𑌰𑍀𑌟𑌕𑍋𑌟𑌿
𑌪𑍍𑌰𑌤𑍍𑌯𑍁𑌪𑍍𑌤 𑌦𑍀𑌪𑍍𑌤 𑌨𑌵𑌰𑌤𑍍𑌨𑌮𑌹𑌃 𑌪𑍍𑌰𑌰𑍋𑌹𑍈𑌃 ।
𑌨𑍀𑌰𑌾𑌜𑌨𑌾𑌵𑌿𑌧𑌿 𑌮𑍁𑌦𑌾𑌰 𑌮𑍁𑌪𑌾𑌦𑌧𑌾𑌨𑍌
𑌶𑍍𑌰𑍀𑌵𑍇𑌂𑌕𑌟𑍇𑌶 𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 𑍯 ॥

"𑌵𑌿𑌷𑍍𑌣𑍋𑌃 𑌪𑌦𑍇 𑌪𑌰𑌮" 𑌇𑌤𑍍𑌯𑍁𑌦𑌿𑌤 𑌪𑍍𑌰𑌶𑌂𑌸𑍌
𑌯𑍌 "𑌮𑌧𑍍𑌵 𑌉𑌤𑍍𑌸" 𑌇𑌤𑌿 𑌭𑍋𑌗𑍍𑌯 𑌤𑌯𑌾𑌽𑌪𑍍𑌯𑍁𑌪𑌾𑌤𑍍𑌤𑍌 ।
𑌭𑍂𑌯𑌸𑍍𑌤𑌥𑍇𑌤𑌿 𑌤𑌵 𑌪𑌾𑌣𑌿𑌤𑌲 𑌪𑍍𑌰𑌦𑌿𑌷𑍍𑌟𑍌
𑌶𑍍𑌰𑍀𑌵𑍇𑌂𑌕𑌟𑍇𑌶 𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 10 ॥

𑌪𑌾𑌰𑍍𑌥𑌾𑌯 𑌤𑌤𑍍-𑌸𑌦𑍃𑌶 𑌸𑌾𑌰𑌧𑌿𑌨𑌾 𑌤𑍍𑌵𑌯𑍈𑌵
𑌯𑍌 𑌦𑌰𑍍𑌶𑌿𑌤𑍌 𑌸𑍍𑌵𑌚𑌰𑌣𑍌 𑌶𑌰𑌣𑌂 𑌵𑍍𑌰𑌜𑍇𑌤𑌿 ।
𑌭𑍂𑌯𑍋𑌽𑌪𑌿 𑌮𑌹𑍍𑌯 𑌮𑌿𑌹 𑌤𑍌 𑌕𑌰𑌦𑌰𑍍𑌶𑌿𑌤𑍌 𑌤𑍇
𑌶𑍍𑌰𑍀𑌵𑍇𑌂𑌕𑌟𑍇𑌶 𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 11 ॥

𑌮𑌨𑍍𑌮𑍂𑌰𑍍𑌥𑍍𑌨𑌿 𑌕𑌾𑌳𑌿𑌯𑌫𑌨𑍇 𑌵𑌿𑌕𑌟𑌾𑌟𑌵𑍀𑌷𑍁
𑌶𑍍𑌰𑍀𑌵𑍇𑌂𑌕𑌟𑌾𑌦𑍍𑌰𑌿 𑌶𑌿𑌖𑌰𑍇 𑌶𑌿𑌰𑌸𑌿 𑌶𑍍𑌰𑍁𑌤𑍀𑌨𑌾𑌮𑍍 ।
𑌚𑌿𑌤𑍍𑌤𑍇𑌽𑌪𑍍𑌯𑌨𑌨𑍍𑌯 𑌮𑌨𑌸𑌾𑌂 𑌸𑌮𑌮𑌾𑌹𑌿𑌤𑍌 𑌤𑍇
𑌶𑍍𑌰𑍀𑌵𑍇𑌂𑌕𑌟𑍇𑌶 𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 12 ॥

𑌅𑌮𑍍𑌲𑌾𑌨 𑌹𑍃𑌷𑍍𑌯 𑌦𑌵𑌨𑍀𑌤𑌲 𑌕𑍀𑌰𑍍𑌣𑌪𑍁𑌷𑍍𑌪𑍌
𑌶𑍍𑌰𑍀𑌵𑍇𑌂𑌕𑌟𑌾𑌦𑍍𑌰𑌿 𑌶𑌿𑌖𑌰𑌾𑌭𑌰𑌣𑌾𑌯-𑌮𑌾𑌨𑍌 ।
𑌆𑌨𑌂𑌦𑌿𑌤𑌾𑌖𑌿𑌲 𑌮𑌨𑍋 𑌨𑌯𑌨𑍌 𑌤𑌵𑍈 𑌤𑍌
𑌶𑍍𑌰𑍀𑌵𑍇𑌂𑌕𑌟𑍇𑌶 𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 13 ॥

𑌪𑍍𑌰𑌾𑌯𑌃 𑌪𑍍𑌰𑌪𑌨𑍍𑌨 𑌜𑌨𑌤𑌾 𑌪𑍍𑌰𑌥𑌮𑌾𑌵𑌗𑌾𑌹𑍍𑌯𑍌
𑌮𑌾𑌤𑍁𑌃 𑌸𑍍𑌤𑌨𑌾𑌵𑌿𑌵 𑌶𑌿𑌶𑍋 𑌰𑌮𑍃𑌤𑌾𑌯𑌮𑌾𑌣𑍌 ।
𑌪𑍍𑌰𑌾𑌪𑍍𑌤𑍌 𑌪𑌰𑌸𑍍𑌪𑌰 𑌤𑍁𑌲𑌾 𑌮𑌤𑍁𑌲𑌾𑌂𑌤𑌰𑍌 𑌤𑍇
𑌶𑍍𑌰𑍀𑌵𑍇𑌂𑌕𑌟𑍇𑌶 𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 14 ॥

𑌸𑌤𑍍𑌤𑍍𑌵𑍋𑌤𑍍𑌤𑌰𑍈𑌃 𑌸𑌤𑌤 𑌸𑍇𑌵𑍍𑌯𑌪𑌦𑌾𑌂𑌬𑍁𑌜𑍇𑌨
𑌸𑌂𑌸𑌾𑌰 𑌤𑌾𑌰𑌕 𑌦𑌯𑌾𑌰𑍍𑌦𑍍𑌰 𑌦𑍃𑌗𑌂𑌚𑌲𑍇𑌨 ।
𑌸𑍌𑌮𑍍𑌯𑍋𑌪𑌯𑌂𑌤𑍃 𑌮𑍁𑌨𑌿𑌨𑌾 𑌮𑌮 𑌦𑌰𑍍𑌶𑌿𑌤𑍌 𑌤𑍇
𑌶𑍍𑌰𑍀𑌵𑍇𑌂𑌕𑌟𑍇𑌶 𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 15 ॥

𑌶𑍍𑌰𑍀𑌶 𑌶𑍍𑌰𑌿𑌯𑌾 𑌘𑌟𑌿𑌕𑌯𑌾 𑌤𑍍𑌵𑌦𑍁𑌪𑌾𑌯 𑌭𑌾𑌵𑍇
𑌪𑍍𑌰𑌾𑌪𑍍𑌯𑍇𑌤𑍍𑌵𑌯𑌿 𑌸𑍍𑌵𑌯𑌮𑍁𑌪𑍇𑌯 𑌤𑌯𑌾 𑌸𑍍𑌫𑍁𑌰𑌂𑌤𑍍𑌯𑌾 ।
𑌨𑌿𑌤𑍍𑌯𑌾𑌶𑍍𑌰𑌿𑌤𑌾𑌯 𑌨𑌿𑌰𑌵𑌦𑍍𑌯 𑌗𑍁𑌣𑌾𑌯 𑌤𑍁𑌭𑍍𑌯𑌂
𑌸𑍍𑌯𑌾𑌂 𑌕𑌿𑌂𑌕𑌰𑍋 𑌵𑍃𑌷𑌗𑌿𑌰𑍀𑌶 𑌨 𑌜𑌾𑌤𑍁 𑌮𑌹𑍍𑌯𑌮𑍍 ॥ 16 ॥

𑌇𑌤𑌿 𑌶𑍍𑌰𑍀𑌵𑍇𑌂𑌕𑌟𑍇𑌶 𑌪𑍍𑌰𑌪𑌤𑍍𑌤𑌿𑌃

Browse Related Categories: