𑌶𑍍𑌰𑍀𑌮𑌦𑌖𑌿𑌲𑌮𑌹𑍀𑌮𑌂𑌡𑌲𑌮𑌂𑌡𑌨𑌧𑌰𑌣𑍀𑌧𑌰 𑌮𑌂𑌡𑌲𑌾𑌖𑌂𑌡𑌲𑌸𑍍𑌯,
𑌵𑌾𑌨𑌿𑌖𑌿𑌲𑌸𑍁𑌰𑌾𑌸𑍁𑌰𑌵𑌂𑌦𑌿𑌤 𑌵𑌰𑌾𑌹𑌕𑍍𑌷𑍇𑌤𑍍𑌰 𑌵𑌿𑌭𑍂𑌷𑌣𑌸𑍍𑌯,
𑌶𑍇𑌷𑌾𑌚𑌲 𑌗𑌰𑍁𑌡𑌾𑌚𑌲 𑌸𑌿𑌂𑌹𑌾𑌚𑌲 𑌵𑍃𑌷𑌭𑌾𑌚𑌲 𑌨𑌾𑌰𑌾𑌯𑌣𑌾𑌚𑌲𑌾𑌂𑌜𑌨𑌾𑌚𑌲𑌾𑌦𑌿 𑌶𑌿𑌖𑌰𑌿𑌮𑌾𑌲𑌾𑌕𑍁𑌲𑌸𑍍𑌯,
𑌨𑌾𑌥𑌮𑍁𑌖 𑌬𑍋𑌧𑌨𑌿𑌧𑌿𑌵𑍀𑌥𑌿𑌗𑍁𑌣𑌸𑌾𑌭𑌰𑌣 𑌸𑌤𑍍𑌤𑍍𑌵𑌨𑌿𑌧𑌿 𑌤𑌤𑍍𑌤𑍍𑌵𑌨𑌿𑌧𑌿 𑌭𑌕𑍍𑌤𑌿𑌗𑍁𑌣𑌪𑍂𑌰𑍍𑌣 𑌶𑍍𑌰𑍀𑌶𑍈𑌲𑌪𑍂𑌰𑍍𑌣
𑌗𑍁𑌣𑌵𑌶𑌂𑌵𑌦 𑌪𑌰𑌮𑌪𑍁𑌰𑍁𑌷𑌕𑍃𑌪𑌾𑌪𑍂𑌰 𑌵𑌿𑌭𑍍𑌰𑌮𑌦𑌤𑍁𑌂𑌗𑌶𑍃𑌂𑌗 𑌗𑌲𑌦𑍍𑌗𑌗𑌨𑌗𑌂𑌗𑌾𑌸𑌮𑌾𑌲𑌿𑌂𑌗𑌿𑌤𑌸𑍍𑌯,
𑌸𑍀𑌮𑌾𑌤𑌿𑌗 𑌗𑍁𑌣 𑌰𑌾𑌮𑌾𑌨𑍁𑌜𑌮𑍁𑌨𑌿 𑌨𑌾𑌮𑌾𑌂𑌕𑌿𑌤 𑌬𑌹𑍁 𑌭𑍂𑌮𑌾𑌶𑍍𑌰𑌯 𑌸𑍁𑌰𑌧𑌾𑌮𑌾𑌲𑌯 𑌵𑌨𑌰𑌾𑌮𑌾𑌯𑌤 𑌵𑌨𑌸𑍀𑌮𑌾𑌪𑌰𑌿𑌵𑍃𑌤 𑌵𑌿𑌶𑌂𑌕𑌟𑌤𑌟
𑌨𑌿𑌰𑌂𑌤𑌰 𑌵𑌿𑌜𑍃𑌂𑌭𑌿𑌤 𑌭𑌕𑍍𑌤𑌿𑌰𑌸 𑌨𑌿𑌰𑍍𑌘𑌰𑌾𑌨𑌂𑌤𑌾𑌰𑍍𑌯𑌾𑌹𑌾𑌰𑍍𑌯 𑌪𑍍𑌰𑌸𑍍𑌰𑌵𑌣𑌧𑌾𑌰𑌾𑌪𑍂𑌰 𑌵𑌿𑌭𑍍𑌰𑌮𑌦 𑌸𑌲𑌿𑌲𑌭𑌰𑌭𑌰𑌿𑌤 𑌮𑌹𑌾𑌤𑌟𑌾𑌕 𑌮𑌂𑌡𑌿𑌤𑌸𑍍𑌯,
𑌕𑌲𑌿𑌕𑌰𑍍𑌦𑌮 𑌮𑌲𑌮𑌰𑍍𑌦𑌨 𑌕𑌲𑌿𑌤𑍋𑌦𑍍𑌯𑌮 𑌵𑌿𑌲𑌸𑌦𑍍𑌯𑌮 𑌨𑌿𑌯𑌮𑌾𑌦𑌿𑌮 𑌮𑍁𑌨𑌿𑌗𑌣𑌨𑌿𑌷𑍇𑌵𑍍𑌯𑌮𑌾𑌣
𑌪𑍍𑌰𑌤𑍍𑌯𑌕𑍍𑌷𑍀𑌭𑌵𑌨𑍍𑌨𑌿𑌜𑌸𑌲𑌿𑌲 𑌸𑌮𑌜𑍍𑌜𑌨 𑌨𑌮𑌜𑍍𑌜𑌨 𑌨𑌿𑌖𑌿𑌲𑌪𑌾𑌪𑌨𑌾𑌶𑌨𑌾 𑌪𑌾𑌪𑌨𑌾𑌶𑌨 𑌤𑍀𑌰𑍍𑌥𑌾𑌧𑍍𑌯𑌾𑌸𑌿𑌤𑌸𑍍𑌯,
𑌮𑍁𑌰𑌾𑌰𑌿𑌸𑍇𑌵𑌕 𑌜𑌰𑌾𑌦𑌿𑌪𑍀𑌡𑌿𑌤 𑌨𑌿𑌰𑌾𑌰𑍍𑌤𑌿𑌜𑍀𑌵𑌨 𑌨𑌿𑌰𑌾𑌶 𑌭𑍂𑌸𑍁𑌰 𑌵𑌰𑌾𑌤𑌿𑌸𑍁𑌂𑌦𑌰 𑌸𑍁𑌰𑌾𑌂𑌗𑌨𑌾𑌰𑌤𑌿 𑌕𑌰𑌾𑌂𑌗𑌸𑍌𑌷𑍍𑌠𑌵
𑌕𑍁𑌮𑌾𑌰𑌤𑌾𑌕𑍃𑌤𑌿 𑌕𑍁𑌮𑌾𑌰𑌤𑌾𑌰𑌕 𑌸𑌮𑌾𑌪𑌨𑍋𑌦𑌯 𑌦𑌨𑍂𑌨𑌪𑌾𑌤𑌕 𑌮𑌹𑌾𑌪𑌦𑌾𑌮𑌯 𑌵𑌿𑌹𑌾𑌪𑌨𑍋𑌦𑌿𑌤 𑌸𑌕𑌲𑌭𑍁𑌵𑌨 𑌵𑌿𑌦𑌿𑌤 𑌕𑍁𑌮𑌾𑌰𑌧𑌾𑌰𑌾𑌭𑌿𑌧𑌾𑌨 𑌤𑍀𑌰𑍍𑌥𑌾𑌧𑌿𑌷𑍍𑌠𑌿𑌤𑌸𑍍𑌯,
𑌧𑌰𑌣𑌿𑌤𑌲 𑌗𑌤𑌸𑌕𑌲 𑌹𑌤𑌕𑌲𑌿𑌲 𑌶𑍁𑌭𑌸𑌲𑌿𑌲 𑌗𑌤𑌬𑌹𑍁𑌳 𑌵𑌿𑌵𑌿𑌧𑌮𑌲 𑌹𑌤𑌿𑌚𑌤𑍁𑌰
𑌰𑍁𑌚𑌿𑌰𑌤𑌰 𑌵𑌿𑌲𑍋𑌕𑌨𑌮𑌾𑌤𑍍𑌰 𑌵𑌿𑌦𑌳𑌿𑌤 𑌵𑌿𑌵𑌿𑌧 𑌮𑌹𑌾𑌪𑌾𑌤𑌕 𑌸𑍍𑌵𑌾𑌮𑌿𑌪𑍁𑌷𑍍𑌕𑌰𑌿𑌣𑍀 𑌸𑌮𑍇𑌤𑌸𑍍𑌯,
𑌬𑌹𑍁𑌸𑌂𑌕𑌟 𑌨𑌰𑌕𑌾𑌵𑌟 𑌪𑌤𑌦𑍁𑌤𑍍𑌕𑌟 𑌕𑌲𑌿𑌕𑌂𑌕𑌟 𑌕𑌲𑍁𑌷𑍋𑌦𑍍𑌭𑌟 𑌜𑌨𑌪𑌾𑌤𑌕 𑌵𑌿𑌨𑌿𑌪𑌾𑌤𑌕
𑌰𑍁𑌚𑌿𑌨𑌾𑌟𑌕 𑌕𑌰𑌹𑌾𑌟𑌕 𑌕𑌲𑌶𑌾𑌹𑍃𑌤 𑌕𑌮𑌲𑌾𑌰𑌤 𑌶𑍁𑌭𑌮𑌂𑌜𑌨 𑌜𑌲𑌸𑌜𑍍𑌜𑌨
𑌭𑌰𑌭𑌰𑌿𑌤 𑌨𑌿𑌜𑌦𑍁𑌰𑌿𑌤 𑌹𑌤𑌿𑌨𑌿𑌰𑌤 𑌜𑌨𑌸𑌤𑌤 𑌨𑌿𑌰𑌸𑍍𑌤𑌨𑌿𑌰𑌰𑍍𑌗𑌳 𑌪𑍇𑌪𑍀𑌯𑌮𑌾𑌨 𑌸𑌲𑌿𑌲 𑌸𑌂𑌭𑍃𑌤 𑌵𑌿𑌶𑌂𑌕𑌟 𑌕𑌟𑌾𑌹𑌤𑍀𑌰𑍍𑌥 𑌵𑌿𑌭𑍂𑌷𑌿𑌤𑌸𑍍𑌯,
𑌏𑌵𑌮𑌾𑌦𑌿𑌮 𑌭𑍂𑌰𑌿𑌮𑌂𑌜𑌿𑌮 𑌸𑌰𑍍𑌵𑌪𑌾𑌤𑌕 𑌗𑌰𑍍𑌵𑌹𑌾𑌪𑌕 𑌸𑌿𑌂𑌧𑍁𑌡𑌂𑌬𑌰 𑌹𑌾𑌰𑌿𑌶𑌂𑌬𑌰 𑌵𑌿𑌵𑌿𑌧𑌵𑌿𑌪𑍁𑌲 𑌪𑍁𑌣𑍍𑌯𑌤𑍀𑌰𑍍𑌥𑌨𑌿𑌵𑌹 𑌨𑌿𑌵𑌾𑌸𑌸𑍍𑌯,
𑌶𑍍𑌰𑍀𑌮𑌤𑍋 𑌵𑍇𑌂𑌕𑌟𑌾𑌚𑌲𑌸𑍍𑌯 𑌶𑌿𑌖𑌰𑌶𑍇𑌖𑌰𑌮𑌹𑌾𑌕𑌲𑍍𑌪𑌶𑌾𑌖𑍀,
𑌖𑌰𑍍𑌵𑍀𑌭𑌵𑌦𑌤𑌿 𑌗𑌰𑍍𑌵𑍀𑌕𑍃𑌤 𑌗𑍁𑌰𑍁𑌮𑍇𑌰𑍍𑌵𑍀𑌶𑌗𑌿𑌰𑌿 𑌮𑍁𑌖𑍋𑌰𑍍𑌵𑍀𑌧𑌰 𑌕𑍁𑌲𑌦𑌰𑍍𑌵𑍀𑌕𑌰 𑌦𑌯𑌿𑌤𑍋𑌰𑍍𑌵𑍀𑌧𑌰 𑌶𑌿𑌖𑌰𑍋𑌰𑍍𑌵𑍀
𑌸𑌤𑌤 𑌸𑌦𑍂𑌰𑍍𑌵𑍀𑌕𑍃𑌤𑌿 𑌚𑌰𑌣𑌘𑌨 𑌗𑌰𑍍𑌵𑌚𑌰𑍍𑌵𑌣𑌨𑌿𑌪𑍁𑌣 𑌤𑌨𑍁𑌕𑌿𑌰𑌣𑌮𑌸𑍃𑌣𑌿𑌤 𑌗𑌿𑌰𑌿𑌶𑌿𑌖𑌰 𑌶𑍇𑌖𑌰𑌤𑌰𑍁𑌨𑌿𑌕𑌰 𑌤𑌿𑌮𑌿𑌰𑌃,
𑌵𑌾𑌣𑍀𑌪𑌤𑌿𑌶𑌰𑍍𑌵𑌾𑌣𑍀 𑌦𑌯𑌿𑌤𑍇𑌂𑌦𑍍𑌰𑌾𑌣𑌿𑌶𑍍𑌵𑌰 𑌮𑍁𑌖 𑌨𑌾𑌣𑍀𑌯𑍋𑌰𑌸𑌵𑍇𑌣𑍀
𑌨𑌿𑌭𑌶𑍁𑌭𑌵𑌾𑌣𑍀 𑌨𑍁𑌤𑌮𑌹𑌿𑌮𑌾𑌣𑍀 𑌯 𑌸𑍍𑌤𑌨 𑌕𑍋𑌣𑍀 𑌭𑌵𑌦𑌖𑌿𑌲 𑌭𑍁𑌵𑌨𑌭𑌵𑌨𑍋𑌦𑌰𑌃,
𑌵𑍈𑌮𑌾𑌨𑌿𑌕𑌗𑍁𑌰𑍁 𑌭𑍂𑌮𑌾𑌧𑌿𑌕 𑌗𑍁𑌣 𑌰𑌾𑌮𑌾𑌨𑍁𑌜 𑌕𑍃𑌤𑌧𑌾𑌮𑌾𑌕𑌰 𑌕𑌰𑌧𑌾𑌮𑌾𑌰𑌿 𑌦𑌰𑌲𑌲𑌾𑌮𑌾𑌚𑍍𑌛𑌕𑌨𑌕
𑌦𑌾𑌮𑌾𑌯𑌿𑌤 𑌨𑌿𑌜𑌰𑌾𑌮𑌾𑌲𑌯 𑌨𑌵𑌕𑌿𑌸𑌲𑌯𑌮𑌯 𑌤𑍋𑌰𑌣𑌮𑌾𑌲𑌾𑌯𑌿𑌤 𑌵𑌨𑌮𑌾𑌲𑌾𑌧𑌰𑌃,
𑌕𑌾𑌲𑌾𑌂𑌬𑍁𑌦 𑌮𑌾𑌲𑌾𑌨𑌿𑌭 𑌨𑍀𑌲𑌾𑌲𑌕 𑌜𑌾𑌲𑌾𑌵𑍃𑌤 𑌬𑌾𑌲𑌾𑌬𑍍𑌜 𑌸𑌲𑍀𑌲𑌾𑌮𑌲 𑌫𑌾𑌲𑌾𑌂𑌕𑌸𑌮𑍂𑌲𑌾𑌮𑍃𑌤
𑌧𑌾𑌰𑌾𑌦𑍍𑌵𑌯𑌾𑌵𑌧𑍀𑌰𑌣 𑌧𑍀𑌰𑌲𑌲𑌿𑌤𑌤𑌰 𑌵𑌿𑌶𑌦𑌤𑌰 𑌘𑌨 𑌘𑌨𑌸𑌾𑌰 𑌮𑌯𑍋𑌰𑍍𑌧𑍍𑌵𑌪𑍁𑌂𑌡𑍍𑌰 𑌰𑍇𑌖𑌾𑌦𑍍𑌵𑌯𑌰𑍁𑌚𑌿𑌰𑌃,
𑌸𑍁𑌵𑌿𑌕𑌸𑍍𑌵𑌰 𑌦𑌳𑌭𑌾𑌸𑍍𑌵𑌰 𑌕𑌮𑌲𑍋𑌦𑌰 𑌗𑌤𑌮𑍇𑌦𑍁𑌰 𑌨𑌵𑌕𑍇𑌸𑌰 𑌤𑌤𑌿𑌭𑌾𑌸𑍁𑌰
𑌪𑌰𑌿𑌪𑌿𑌂𑌜𑌰 𑌕𑌨𑌕𑌾𑌂𑌬𑌰 𑌕𑌲𑌿𑌤𑌾𑌦𑌰 𑌲𑌲𑌿𑌤𑍋𑌦𑌰 𑌤𑌦𑌾𑌲𑌂𑌬 𑌜𑌂𑌭𑌰𑌿𑌪𑍁 𑌮𑌣𑌿𑌸𑍍𑌤𑌂𑌭
𑌗𑌂𑌭𑍀𑌰𑌿𑌮𑌦𑌂𑌭𑌸𑍍𑌤𑌂𑌭 𑌸𑌮𑍁𑌜𑍍𑌜𑍃𑌂𑌭𑌮𑌾𑌣 𑌪𑍀𑌵𑌰𑍋𑌰𑍁𑌯𑍁𑌗𑌳 𑌤𑌦𑌾𑌲𑌂𑌬 𑌪𑍃𑌥𑍁𑌲
𑌕𑌦𑌲𑍀 𑌮𑍁𑌕𑍁𑌲 𑌮𑌦𑌹𑌰𑌣𑌜𑌂𑌘𑌾𑌲 𑌜𑌂𑌘𑌾𑌯𑍁𑌗𑌳𑌃,
𑌨𑌵𑍍𑌯𑌦𑌲 𑌭𑌵𑍍𑌯𑌮𑌲 𑌪𑍀𑌤𑌮𑌲 𑌶𑍋𑌣𑌿𑌮𑌲𑌸𑌨𑍍𑌮𑍃𑌦𑍁𑌲 𑌸𑌤𑍍𑌕𑌿𑌸𑌲𑌯𑌾𑌶𑍍𑌰𑍁𑌜𑌲𑌕𑌾𑌰𑌿 𑌬𑌲 𑌶𑍋𑌣𑌤𑌲
𑌪𑌦𑌕𑌮𑌲 𑌨𑌿𑌜𑌾𑌶𑍍𑌰𑌯 𑌬𑌲𑌬𑌂𑌦𑍀𑌕𑍃𑌤 𑌶𑌰𑌦𑌿𑌂𑌦𑍁𑌮𑌂𑌡𑌲𑍀
𑌵𑌿𑌭𑍍𑌰𑌮𑌦𑌾𑌦𑌭𑍍𑌰 𑌶𑍁𑌭𑍍𑌰 𑌪𑍁𑌨𑌰𑍍𑌭𑌵𑌾𑌧𑌿𑌷𑍍𑌠𑌿𑌤𑌾𑌂𑌗𑍁𑌳𑍀𑌗𑌾𑌢 𑌨𑌿𑌪𑍀𑌡𑌿𑌤 𑌪𑌦𑍍𑌮𑌾𑌵𑌨𑌃,
𑌜𑌾𑌨𑍁𑌤𑌲𑌾𑌵𑌧𑌿 𑌲𑌂𑌬 𑌵𑌿𑌡𑌂𑌬𑌿𑌤 𑌵𑌾𑌰𑌣 𑌶𑍁𑌂𑌡𑌾𑌦𑌂𑌡 𑌵𑌿𑌜𑍃𑌂𑌭𑌿𑌤 𑌨𑍀𑌲𑌮𑌣𑌿𑌮𑌯 𑌕𑌲𑍍𑌪𑌕𑌶𑌾𑌖𑌾
𑌵𑌿𑌭𑍍𑌰𑌮𑌦𑌾𑌯𑌿 𑌮𑍃𑌣𑌾𑌳𑌲𑌤𑌾𑌯𑌿𑌤 𑌸𑌮𑍁𑌜𑍍𑌜𑍍𑌵𑌲𑌤𑌰 𑌕𑌨𑌕𑌵𑌲𑌯 𑌵𑍇𑌲𑍍𑌲𑌿𑌤𑍈𑌕𑌤𑌰 𑌬𑌾𑌹𑍁𑌦𑌂𑌡𑌯𑍁𑌗𑌳𑌃,
𑌯𑍁𑌗𑌪𑌦𑍁𑌦𑌿𑌤 𑌕𑍋𑌟𑌿 𑌖𑌰𑌕𑌰 𑌹𑌿𑌮𑌕𑌰 𑌮𑌂𑌡𑌲 𑌜𑌾𑌜𑍍𑌵𑌲𑍍𑌯𑌮𑌾𑌨 𑌸𑍁𑌦𑌰𑍍𑌶𑌨 𑌪𑌾𑌂𑌚𑌜𑌨𑍍𑌯
𑌸𑌮𑍁𑌤𑍍𑌤𑍁𑌂𑌗𑌿𑌤 𑌶𑍃𑌂𑌗𑌾𑌪𑌰 𑌬𑌾𑌹𑍁𑌯𑍁𑌗𑌳𑌃,
𑌅𑌭𑌿𑌨𑌵𑌶𑌾𑌣 𑌸𑌮𑍁𑌤𑍍𑌤𑍇𑌜𑌿𑌤 𑌮𑌹𑌾𑌮𑌹𑌾 𑌨𑍀𑌲𑌖𑌂𑌡 𑌮𑌦𑌖𑌂𑌡𑌨 𑌨𑌿𑌪𑍁𑌣
𑌨𑌵𑍀𑌨 𑌪𑌰𑌿𑌤𑌪𑍍𑌤 𑌕𑌾𑌰𑍍𑌤𑌸𑍍𑌵𑌰 𑌕𑌵𑌚𑌿𑌤 𑌮𑌹𑌨𑍀𑌯 𑌪𑍃𑌥𑍁𑌲 𑌸𑌾𑌲𑌗𑍍𑌰𑌾𑌮 𑌪𑌰𑌂𑌪𑌰𑌾 𑌗𑍁𑌂𑌭𑌿𑌤
𑌨𑌾𑌭𑌿𑌮𑌂𑌡𑌲 𑌪𑌰𑍍𑌯𑌂𑌤 𑌲𑌂𑌬𑌮𑌾𑌨 𑌪𑍍𑌰𑌾𑌲𑌂𑌬𑌦𑍀𑌪𑍍𑌤𑌿 𑌸𑌮𑌾𑌲𑌂𑌬𑌿𑌤 𑌵𑌿𑌶𑌾𑌲 𑌵𑌕𑍍𑌷𑌃𑌸𑍍𑌥𑌲𑌃,
𑌗𑌂𑌗𑌾𑌝𑌰 𑌤𑍁𑌂𑌗𑌾𑌕𑍃𑌤𑌿 𑌭𑌂𑌗𑌾𑌵𑌳𑌿 𑌭𑌂𑌗𑌾𑌵𑌹 𑌸𑍌𑌧𑌾𑌵𑌳𑌿 𑌬𑌾𑌧𑌾𑌵𑌹 𑌧𑌾𑌰𑌾
𑌨𑌿𑌭 𑌹𑌾𑌰𑌾𑌵𑌳𑌿 𑌦𑍂𑌰𑌾𑌹𑌤 𑌗𑍇𑌹𑌾𑌂𑌤𑌰 𑌮𑍋𑌹𑌾𑌵𑌹 𑌮𑌹𑌿𑌮 𑌮𑌸𑍃𑌣𑌿𑌤 𑌮𑌹𑌾𑌤𑌿𑌮𑌿𑌰𑌃,
𑌪𑌿𑌂𑌗𑌾𑌕𑍃𑌤𑌿 𑌭𑍃𑌂𑌗𑌾𑌰 𑌨𑌿𑌭𑌾𑌂𑌗𑌾𑌰 𑌦𑌳𑌾𑌂𑌗𑌾𑌮𑌲 𑌨𑌿𑌷𑍍𑌕𑌾𑌸𑌿𑌤 𑌦𑍁𑌷𑍍𑌕𑌾𑌰𑍍𑌯𑌘
𑌨𑌿𑌷𑍍𑌕𑌾𑌵𑌳𑌿 𑌦𑍀𑌪𑌪𑍍𑌰𑌭 𑌨𑍀𑌪𑌚𑍍𑌛𑌵𑌿 𑌤𑌾𑌪𑌪𑍍𑌰𑌦 𑌕𑌨𑌕𑌮𑌾𑌲𑌿𑌕𑌾 𑌪𑌿𑌶𑌂𑌗𑌿𑌤 𑌸𑌰𑍍𑌵𑌾𑌂𑌗𑌃,
𑌨𑌵𑌦𑌳𑌿𑌤 𑌦𑌳𑌵𑌲𑌿𑌤 𑌮𑍃𑌦𑍁𑌲𑌲𑌿𑌤 𑌕𑌮𑌲𑌤𑌤𑌿 𑌮𑌦𑌵𑌿𑌹𑌤𑌿 𑌚𑌤𑍁𑌰𑌤𑌰
𑌪𑍃𑌥𑍁𑌲𑌤𑌰 𑌸𑌰𑌸𑌤𑌰 𑌕𑌨𑌕𑌸𑌰𑌮𑌯 𑌰𑍁𑌚𑌿𑌰𑌕𑌂𑌠𑌿𑌕𑌾 𑌕𑌮𑌨𑍀𑌯𑌕𑌂𑌠𑌃,
𑌵𑌾𑌤𑌾𑌶𑌨𑌾𑌧𑌿𑌪𑌤𑌿 𑌶𑌯𑌨 𑌕𑌮𑌨 𑌪𑌰𑌿𑌚𑌰𑌣 𑌰𑌤𑌿𑌸𑌮𑍇𑌤𑌾𑌖𑌿𑌲 𑌫𑌣𑌧𑌰
𑌤𑌤𑌿 𑌮𑌤𑌿𑌕𑌰𑌵𑌰 𑌕𑌨𑌕𑌮𑌯 𑌨𑌾𑌗𑌾𑌭𑌰𑌣 𑌪𑌰𑌿𑌵𑍀𑌤𑌾𑌖𑌿𑌲𑌾𑌂𑌗𑌾 𑌵𑌗𑌮𑌿𑌤 𑌶𑌯𑌨 𑌭𑍂𑌤𑌾𑌹𑌿𑌰𑌾𑌜 𑌜𑌾𑌤𑌾𑌤𑌿𑌶𑌯𑌃,
𑌰𑌵𑌿𑌕𑍋𑌟𑍀 𑌪𑌰𑌿𑌪𑌾𑌟𑍀 𑌧𑌰𑌕𑍋𑌟𑍀 𑌰𑌵𑌰𑌾𑌟𑍀 𑌕𑌿𑌤𑌵𑍀𑌟𑍀 𑌰𑌸𑌧𑌾𑌟𑍀
𑌧𑌰𑌮𑌣𑌿𑌗𑌣𑌕𑌿𑌰𑌣 𑌵𑌿𑌸𑌰𑌣 𑌸𑌤𑌤𑌵𑌿𑌧𑍁𑌤 𑌤𑌿𑌮𑌿𑌰𑌮𑍋𑌹 𑌗𑌾𑌰𑍍𑌭𑌗𑍇𑌹𑌃,
𑌅𑌪𑌰𑌿𑌮𑌿𑌤 𑌵𑌿𑌵𑌿𑌧𑌭𑍁𑌵𑌨 𑌭𑌰𑌿𑌤𑌾𑌖𑌂𑌡 𑌬𑍍𑌰𑌹𑍍𑌮𑌾𑌂𑌡𑌮𑌂𑌡𑌲 𑌪𑌿𑌚𑌂𑌡𑌿𑌲𑌃,
𑌆𑌰𑍍𑌯𑌧𑍁𑌰𑍍𑌯𑌾𑌨𑌂𑌤𑌾𑌰𑍍𑌯 𑌪𑌵𑌿𑌤𑍍𑌰 𑌖𑌨𑌿𑌤𑍍𑌰𑌪𑌾𑌤 𑌪𑌾𑌤𑍍𑌰𑍀𑌕𑍃𑌤
𑌨𑌿𑌜𑌚𑍁𑌬𑍁𑌕 𑌗𑌤𑌵𑍍𑌰𑌣𑌕𑌿𑌣 𑌵𑌿𑌭𑍂𑌷𑌣 𑌵𑌹𑌨𑌸𑍂𑌚𑌿𑌤 𑌶𑍍𑌰𑌿𑌤𑌜𑌨 𑌵𑌤𑍍𑌸𑌲𑌤𑌾𑌤𑌿𑌶𑌯𑌃,
𑌮𑌡𑍍𑌡𑍁𑌡𑌿𑌂𑌡𑌿𑌮 𑌢𑌮𑌰𑍁 𑌜𑌰𑍍𑌘𑌰 𑌕𑌾𑌹𑌳𑍀 𑌪𑌟𑌹𑌾𑌵𑌳𑍀 𑌮𑍃𑌦𑍁𑌮𑌦𑍍𑌦𑌲𑌾𑌦𑌿 𑌮𑍃𑌦𑌂𑌗 𑌦𑍁𑌂𑌦𑍁𑌭𑌿
𑌢𑌕𑍍𑌕𑌿𑌕𑌾𑌮𑍁𑌖 𑌹𑍃𑌦𑍍𑌯 𑌵𑌾𑌦𑍍𑌯𑌕 𑌮𑌧𑍁𑌰𑌮𑌂𑌗𑌳 𑌨𑌾𑌦𑌮𑍇𑌦𑍁𑌰
𑌨𑌾𑌟𑌾𑌰𑌭𑌿 𑌭𑍂𑌪𑌾𑌳 𑌬𑌿𑌲𑌹𑌰𑌿 𑌮𑌾𑌯𑌾𑌮𑌾𑌳𑌵 𑌗𑍌𑌳 𑌅𑌸𑌾𑌵𑍇𑌰𑍀 𑌸𑌾𑌵𑍇𑌰𑍀 𑌶𑍁𑌦𑍍𑌧𑌸𑌾𑌵𑍇𑌰𑍀 𑌦𑍇𑌵𑌗𑌾𑌂𑌧𑌾𑌰𑍀
𑌧𑌨𑍍𑌯𑌾𑌸𑍀 𑌬𑍇𑌗𑌡 𑌹𑌿𑌂𑌦𑍁𑌸𑍍𑌤𑌾𑌨𑍀 𑌕𑌾𑌪𑍀 𑌤𑍋𑌡𑌿 𑌨𑌾𑌟𑌕𑍁𑌰𑍁𑌂𑌜𑍀 𑌶𑍍𑌰𑍀𑌰𑌾𑌗
𑌸𑌹𑌨 𑌅𑌠𑌾𑌣 𑌸𑌾𑌰𑌂𑌗𑍀 𑌦𑌰𑍍𑌬𑌾𑌰𑍁 𑌪𑌂𑌤𑍁𑌵𑌰𑌾𑌳𑍀 𑌵𑌰𑌾𑌳𑍀 𑌕𑌳𑍍𑌯𑌾𑌣𑍀 𑌭𑍂𑌰𑌿𑌕𑌳𑍍𑌯𑌾𑌣𑍀 𑌯𑌮𑍁𑌨𑌾𑌕𑌳𑍍𑌯𑌾𑌣𑍀
𑌹𑍁𑌶𑍇𑌨𑍀 𑌜𑌂𑌝𑍋𑌠𑍀 𑌕𑍌𑌮𑌾𑌰𑍀 𑌕𑌨𑍍𑌨𑌡 𑌖𑌰𑌹𑌰𑌪𑍍𑌰𑌿𑌯𑌾
𑌕𑌲𑌹𑌂𑌸 𑌨𑌾𑌦𑌨𑌾𑌮𑌕𑍍𑌰𑌿𑌯𑌾 𑌮𑍁𑌖𑌾𑌰𑍀 𑌤𑍋𑌡𑍀 𑌪𑍁𑌨𑍍𑌨𑌾𑌗𑌵𑌰𑌾𑌳𑍀 𑌕𑌾𑌂𑌭𑍋𑌜𑍀 𑌭𑍈𑌰𑌵𑍀
𑌯𑌦𑍁𑌕𑍁𑌲𑌕𑌾𑌂𑌭𑍋𑌜𑍀 𑌆𑌨𑌂𑌦𑌭𑍈𑌰𑌵𑍀 𑌶𑌂𑌕𑌰𑌾𑌭𑌰𑌣 𑌮𑍋𑌹𑌨 𑌰𑍇𑌗𑍁𑌪𑍍𑌤𑍀 𑌸𑍌𑌰𑌾𑌷𑍍𑌟𑍍𑌰𑍀 𑌨𑍀𑌲𑌾𑌂𑌬𑌰𑍀 𑌗𑍁𑌣𑌕𑍍𑌰𑌿𑌯𑌾
𑌮𑍇𑌘𑌗𑌰𑍍𑌜𑌨𑍀 𑌹𑌂𑌸𑌧𑍍𑌵𑌨𑌿 𑌶𑍋𑌕𑌵𑌰𑌾𑌳𑍀 𑌮𑌧𑍍𑌯𑌮𑌾𑌵𑌤𑍀 𑌜𑍇𑌂𑌜𑍁𑌰𑍁𑌟𑍀 𑌸𑍁𑌰𑌟𑍀 𑌦𑍍𑌵𑌿𑌜𑌾𑌵𑌂𑌤𑍀 𑌮𑌲𑌯𑌾𑌂𑌬𑌰𑍀
𑌕𑌾𑌪𑍀𑌪𑌰𑌶𑍁 𑌧𑌨𑌾𑌸𑌿𑌰𑍀 𑌦𑍇𑌶𑌿𑌕𑌤𑍋𑌡𑍀 𑌆𑌹𑌿𑌰𑍀 𑌵𑌸𑌂𑌤𑌗𑍌𑌳𑍀 𑌸𑌂𑌤𑍁 𑌕𑍇𑌦𑌾𑌰𑌗𑍌𑌳
𑌕𑌨𑌕𑌾𑌂𑌗𑍀 𑌰𑌤𑍍𑌨𑌾𑌂𑌗𑍀 𑌗𑌾𑌨𑌮𑍂𑌰𑍍𑌤𑍀 𑌵𑌨𑌸𑍍𑌪𑌤𑍀 𑌵𑌾𑌚𑌸𑍍𑌪𑌤𑍀 𑌦𑌾𑌨𑌵𑌤𑍀 𑌮𑌾𑌨𑌰𑍂𑌪𑍀 𑌸𑍇𑌨𑌾𑌪𑌤𑍀
𑌹𑌨𑍁𑌮𑌤𑍍𑌤𑍋𑌡𑍀 𑌧𑍇𑌨𑍁𑌕𑌾 𑌨𑌾𑌟𑌕𑌪𑍍𑌰𑌿𑌯𑌾 𑌕𑍋𑌕𑌿𑌲𑌪𑍍𑌰𑌿𑌯𑌾 𑌰𑍂𑌪𑌵𑌤𑍀 𑌗𑌾𑌯𑌕𑌪𑍍𑌰𑌿𑌯𑌾
𑌵𑌕𑍁𑌳𑌾𑌭𑌰𑌣 𑌚𑌕𑍍𑌰𑌵𑌾𑌕 𑌸𑍂𑌰𑍍𑌯𑌕𑌾𑌂𑌤 𑌹𑌾𑌟𑌕𑌾𑌂𑌬𑌰𑍀
𑌝𑌂𑌕𑌾𑌰𑌧𑍍𑌵𑌨𑍀 𑌨𑌟𑌭𑍈𑌰𑌵𑍀 𑌕𑍀𑌰𑌵𑌾𑌣𑍀 𑌹𑌰𑌿𑌕𑌾𑌂𑌭𑍋𑌦𑍀 𑌧𑍀𑌰𑌶𑌂𑌕𑌰𑌾𑌭𑌰𑌣 𑌨𑌾𑌗𑌾𑌨𑌂𑌦𑌿𑌨𑍀 𑌯𑌾𑌗𑌪𑍍𑌰𑌿𑌯𑌾𑌦𑌿
𑌵𑌿𑌸𑍃𑌮𑌰 𑌸𑌰𑌸 𑌗𑌾𑌨𑌰𑍁𑌚𑌿𑌰 𑌸𑌂𑌤𑌤 𑌸𑌂𑌤𑌨𑍍𑌯𑌮𑌾𑌨 𑌨𑌿𑌤𑍍𑌯𑍋𑌤𑍍𑌸𑌵 𑌪𑌕𑍍𑌷𑍋𑌤𑍍𑌸𑌵 𑌮𑌾𑌸𑍋𑌤𑍍𑌸𑌵
𑌸𑌂𑌵𑌤𑍍𑌸𑌰𑍋𑌤𑍍𑌸𑌵𑌾𑌦𑌿 𑌵𑌿𑌵𑌿𑌧𑍋𑌤𑍍𑌸𑌵 𑌕𑍃𑌤𑌾𑌨𑌂𑌦𑌃 𑌶𑍍𑌰𑍀𑌮𑌦𑌾𑌨𑌂𑌦𑌨𑌿𑌲𑌯 𑌵𑌿𑌮𑌾𑌨𑌵𑌾𑌸𑌃,
𑌸𑌤𑌤 𑌪𑌦𑍍𑌮𑌾𑌲𑌯𑌾 𑌪𑌦𑌪𑌦𑍍𑌮𑌰𑍇𑌣𑍁 𑌸𑌂𑌚𑌿𑌤𑌵𑌕𑍍𑌷𑌸𑍍𑌤𑌲 𑌪𑌟𑌵𑌾𑌸𑌃,
𑌶𑍍𑌰𑍀𑌶𑍍𑌰𑍀𑌨𑌿𑌵𑌾𑌸𑌃 𑌸𑍁𑌪𑍍𑌰𑌸𑌨𑍍𑌨𑍋 𑌵𑌿𑌜𑌯𑌤𑌾𑌂.
𑌶𑍍𑌰𑍀𑌅𑌲𑌰𑍍𑌮𑍇𑌲𑍍𑌮𑌂𑌗𑌾 𑌨𑌾𑌯𑌿𑌕𑌾𑌸𑌮𑍇𑌤𑌃 𑌶𑍍𑌰𑍀𑌶𑍍𑌰𑍀𑌨𑌿𑌵𑌾𑌸 𑌸𑍍𑌵𑌾𑌮𑍀 𑌸𑍁𑌪𑍍𑌰𑍀𑌤𑌃 𑌸𑍁𑌪𑍍𑌰𑌸𑌨𑍍𑌨𑍋 𑌵𑌰𑌦𑍋 𑌭𑍂𑌤𑍍𑌵𑌾, 𑌪𑌵𑌨 𑌪𑌾𑌟𑌲𑍀 𑌪𑌾𑌲𑌾𑌶 𑌬𑌿𑌲𑍍𑌵 𑌪𑍁𑌨𑍍𑌨𑌾𑌗 𑌚𑍂𑌤 𑌕𑌦𑌳𑍀 𑌚𑌂𑌦𑌨 𑌚𑌂𑌪𑌕 𑌮𑌂𑌜𑍁𑌳 𑌮𑌂𑌦𑌾𑌰 𑌹𑌿𑌂𑌜𑍁𑌲𑌾𑌦𑌿 𑌤𑌿𑌲𑌕 𑌮𑌾𑌤𑍁𑌲𑍁𑌂𑌗 𑌨𑌾𑌰𑌿𑌕𑍇𑌳 𑌕𑍍𑌰𑍌𑌂𑌚𑌾𑌶𑍋𑌕 𑌮𑌾𑌧𑍂𑌕𑌾𑌮𑌲𑌕 𑌹𑌿𑌂𑌦𑍁𑌕 𑌨𑌾𑌗𑌕𑍇𑌤𑌕 𑌪𑍂𑌰𑍍𑌣𑌕𑍁𑌂𑌦 𑌪𑍂𑌰𑍍𑌣𑌗𑌂𑌧 𑌰𑌸 𑌕𑌂𑌦 𑌵𑌨 𑌵𑌂𑌜𑍁𑌳 𑌖𑌰𑍍𑌜𑍂𑌰 𑌸𑌾𑌲 𑌕𑍋𑌵𑌿𑌦𑌾𑌰 𑌹𑌿𑌂𑌤𑌾𑌲 𑌪𑌨𑌸 𑌵𑌿𑌕𑌟 𑌵𑍈𑌕𑌸𑌵𑌰𑍁𑌣 𑌤𑌰𑍁𑌘𑌮𑌰𑌣 𑌵𑌿𑌚𑍁𑌳𑌂𑌕𑌾𑌶𑍍𑌵𑌤𑍍𑌥 𑌯𑌕𑍍𑌷 𑌵𑌸𑍁𑌧 𑌵𑌰𑍍𑌮𑌾𑌧 𑌮𑌂𑌤𑍍𑌰𑌿𑌣𑍀 𑌤𑌿𑌂𑌤𑍍𑌰𑌿𑌣𑍀 𑌬𑍋𑌧 𑌨𑍍𑌯𑌗𑍍𑌰𑍋𑌧 𑌘𑌟𑌵𑌟𑌲 𑌜𑌂𑌬𑍂𑌮𑌤𑌲𑍍𑌲𑍀 𑌵𑍀𑌰𑌤𑌚𑍁𑌲𑍍𑌲𑍀 𑌵𑌸𑌤𑌿 𑌵𑌾𑌸𑌤𑍀 𑌜𑍀𑌵𑌨𑍀 𑌪𑍋𑌷𑌣𑍀 𑌪𑍍𑌰𑌮𑍁𑌖 𑌨𑌿𑌖𑌿𑌲 𑌸𑌂𑌦𑍋𑌹 𑌤𑌮𑌾𑌲 𑌮𑌾𑌲𑌾 𑌮𑌹𑌿𑌤 𑌵𑌿𑌰𑌾𑌜𑌮𑌾𑌨 𑌚𑌷𑌕 𑌮𑌯𑍂𑌰 𑌹𑌂𑌸 𑌭𑌾𑌰𑌦𑍍𑌵𑌾𑌜 𑌕𑍋𑌕𑌿𑌲 𑌚𑌕𑍍𑌰𑌵𑌾𑌕 𑌕𑌪𑍋𑌤 𑌗𑌰𑍁𑌡 𑌨𑌾𑌰𑌾𑌯𑌣 𑌨𑌾𑌨𑌾𑌵𑌿𑌧 𑌪𑌕𑍍𑌷𑌿𑌜𑌾𑌤𑌿 𑌸𑌮𑍂𑌹 𑌬𑍍𑌰𑌹𑍍𑌮 𑌕𑍍𑌷𑌤𑍍𑌰𑌿𑌯 𑌵𑍈𑌶𑍍𑌯 𑌶𑍂𑌦𑍍𑌰 𑌨𑌾𑌨𑌾𑌜𑌾𑌤𑍍𑌯𑍁𑌦𑍍𑌭𑌵 𑌦𑍇𑌵𑌤𑌾 𑌨𑌿𑌰𑍍𑌮𑌾𑌣 𑌮𑌾𑌣𑌿𑌕𑍍𑌯 𑌵𑌜𑍍𑌰 𑌵𑍈𑌢𑍂𑌰𑍍𑌯 𑌗𑍋𑌮𑍇𑌧𑌿𑌕 𑌪𑍁𑌷𑍍𑌯𑌰𑌾𑌗 𑌪𑌦𑍍𑌮𑌰𑌾𑌗𑍇𑌂𑌦𑍍𑌰 𑌨𑍀𑌲 𑌪𑍍𑌰𑌵𑌾𑌳𑌮𑍌𑌕𑍍𑌤𑌿𑌕 𑌸𑍍𑌫𑌟𑌿𑌕 𑌹𑍇𑌮 𑌰𑌤𑍍𑌨𑌖𑌚𑌿𑌤 𑌧𑌗𑌦𑍍𑌧𑌗𑌾𑌯𑌮𑌾𑌨 𑌰𑌥 𑌗𑌜 𑌤𑍁𑌰𑌗 𑌪𑌦𑌾𑌤𑌿 𑌸𑍇𑌨𑌾 𑌸𑌮𑍂𑌹 𑌭𑍇𑌰𑍀 𑌮𑌦𑍍𑌦𑌳 𑌮𑍁𑌰𑌵𑌕 𑌝𑌲𑍍𑌲𑌰𑍀 𑌶𑌂𑌖 𑌕𑌾𑌹𑌳 𑌨𑍃𑌤𑍍𑌯𑌗𑍀𑌤 𑌤𑌾𑌳𑌵𑌾𑌦𑍍𑌯 𑌕𑍁𑌂𑌭𑌵𑌾𑌦𑍍𑌯 𑌪𑌂𑌚𑌮𑍁𑌖𑌵𑌾𑌦𑍍𑌯 𑌅𑌹𑌮𑍀𑌮𑌾𑌰𑍍𑌗𑌨𑍍𑌨𑌟𑍀𑌵𑌾𑌦𑍍𑌯 𑌕𑌿𑌟𑌿𑌕𑍁𑌂𑌤𑌲𑌵𑌾𑌦𑍍𑌯 𑌸𑍁𑌰𑌟𑍀𑌚𑍌𑌂𑌡𑍋𑌵𑌾𑌦𑍍𑌯 𑌤𑌿𑌮𑌿𑌲𑌕𑌵𑌿𑌤𑌾𑌳𑌵𑌾𑌦𑍍𑌯 𑌤𑌕𑍍𑌕𑌰𑌾𑌗𑍍𑌰𑌵𑌾𑌦𑍍𑌯 𑌘𑌂𑌟𑌾𑌤𑌾𑌡𑌨 𑌬𑍍𑌰𑌹𑍍𑌮𑌤𑌾𑌳 𑌸𑌮𑌤𑌾𑌳 𑌕𑍋𑌟𑍍𑌟𑌰𑍀𑌤𑌾𑌳 𑌢𑌕𑍍𑌕𑌰𑍀𑌤𑌾𑌳 𑌏𑌕𑍍𑌕𑌾𑌳 𑌧𑌾𑌰𑌾𑌵𑌾𑌦𑍍𑌯 𑌪𑌟𑌹𑌕𑌾𑌂𑌸𑍍𑌯𑌵𑌾𑌦𑍍𑌯 𑌭𑌰𑌤𑌨𑌾𑌟𑍍𑌯𑌾𑌲𑌂𑌕𑌾𑌰 𑌕𑌿𑌨𑍍𑌨𑍇𑌰 𑌕𑌿𑌂𑌪𑍁𑌰𑍁𑌷 𑌰𑍁𑌦𑍍𑌰𑌵𑍀𑌣𑌾 𑌮𑍁𑌖𑌵𑍀𑌣𑌾 𑌵𑌾𑌯𑍁𑌵𑍀𑌣𑌾 𑌤𑍁𑌂𑌬𑍁𑌰𑍁𑌵𑍀𑌣𑌾 𑌗𑌾𑌂𑌧𑌰𑍍𑌵𑌵𑍀𑌣𑌾 𑌨𑌾𑌰𑌦𑌵𑍀𑌣𑌾 𑌸𑍍𑌵𑌰𑌮𑌂𑌡𑌲 𑌰𑌾𑌵𑌣𑌹𑌸𑍍𑌤𑌵𑍀𑌣𑌾𑌸𑍍𑌤𑌕𑍍𑌰𑌿𑌯𑌾𑌲𑌂𑌕𑍍𑌰𑌿𑌯𑌾𑌲𑌂𑌕𑍃𑌤𑌾𑌨𑍇𑌕𑌵𑌿𑌧𑌵𑌾𑌦𑍍𑌯 𑌵𑌾𑌪𑍀𑌕𑍂𑌪𑌤𑌟𑌾𑌕𑌾𑌦𑌿 𑌗𑌂𑌗𑌾𑌯𑌮𑍁𑌨𑌾 𑌰𑍇𑌵𑌾𑌵𑌰𑍁𑌣𑌾
𑌶𑍋𑌣𑌨𑌦𑍀𑌶𑍋𑌭𑌨𑌦𑍀 𑌸𑍁𑌵𑌰𑍍𑌣𑌮𑍁𑌖𑍀 𑌵𑍇𑌗𑌵𑌤𑍀 𑌵𑍇𑌤𑍍𑌰𑌵𑌤𑍀 𑌕𑍍𑌷𑍀𑌰𑌨𑌦𑍀 𑌬𑌾𑌹𑍁𑌨𑌦𑍀 𑌗𑌰𑍁𑌡𑌨𑌦𑍀 𑌕𑌾𑌵𑍇𑌰𑍀 𑌤𑌾𑌮𑍍𑌰𑌪𑌰𑍍𑌣𑍀 𑌪𑍍𑌰𑌮𑍁𑌖𑌾𑌃 𑌮𑌹𑌾𑌪𑍁𑌣𑍍𑌯𑌨𑌦𑍍𑌯𑌃 𑌸𑌜𑌲𑌤𑍀𑌰𑍍𑌥𑍈𑌃 𑌸𑌹𑍋𑌭𑌯𑌕𑍂𑌲𑌂𑌗𑌤 𑌸𑌦𑌾𑌪𑍍𑌰𑌵𑌾𑌹 𑌋𑌗𑍍𑌯𑌜𑍁𑌸𑍍𑌸𑌾𑌮𑌾𑌥𑌰𑍍𑌵𑌣 𑌵𑍇𑌦𑌶𑌾𑌸𑍍𑌤𑍍𑌰𑍇𑌤𑌿𑌹𑌾𑌸 𑌪𑍁𑌰𑌾𑌣 𑌸𑌕𑌲𑌵𑌿𑌦𑍍𑌯𑌾𑌘𑍋𑌷 𑌭𑌾𑌨𑍁𑌕𑍋𑌟𑌿𑌪𑍍𑌰𑌕𑌾𑌶 𑌚𑌂𑌦𑍍𑌰𑌕𑍋𑌟𑌿 𑌸𑌮𑌾𑌨 𑌨𑌿𑌤𑍍𑌯𑌕𑌳𑍍𑌯𑌾𑌣 𑌪𑌰𑌂𑌪𑌰𑍋𑌤𑍍𑌤𑌰𑍋𑌤𑍍𑌤𑌰𑌾𑌭𑌿𑌵𑍃𑌦𑍍𑌧𑌿𑌰𑍍𑌭𑍂𑌯𑌾𑌦𑌿𑌤𑌿 𑌭𑌵𑌂𑌤𑍋 𑌮𑌹𑌾𑌂𑌤𑍋z𑌨𑍁𑌗𑍃𑌹𑍍𑌣𑌂𑌤𑍁, 𑌬𑍍𑌰𑌹𑍍𑌮𑌣𑍍𑌯𑍋 𑌰𑌾𑌜𑌾 𑌧𑌾𑌰𑍍𑌮𑌿𑌕𑍋z𑌸𑍍𑌤𑍁, 𑌦𑍇𑌶𑍋𑌯𑌂 𑌨𑌿𑌰𑍁𑌪𑌦𑍍𑌰𑌵𑍋z𑌸𑍍𑌤𑍁, 𑌸𑌰𑍍𑌵𑍇 𑌸𑌾𑌧𑍁𑌜𑌨𑌾𑌸𑍍𑌸𑍁𑌖𑌿𑌨𑍋 𑌵𑌿𑌲𑌸𑌂𑌤𑍁, 𑌸𑌮𑌸𑍍𑌤𑌸𑌨𑍍𑌮𑌂𑌗𑌳𑌾𑌨𑌿 𑌸𑌂𑌤𑍁, 𑌉𑌤𑍍𑌤𑌰𑍋𑌤𑍍𑌤𑌰𑌾𑌭𑌿𑌵𑍃𑌦𑍍𑌧𑌿𑌰𑌸𑍍𑌤𑍁, 𑌸𑌕𑌲𑌕𑌳𑍍𑌯𑌾𑌣 𑌸𑌮𑍃𑌦𑍍𑌧𑌿𑌰𑌸𑍍𑌤𑍁 ॥
𑌹𑌰𑌿𑌃 𑌓𑌮𑍍 ॥
